213
57
20
餐廳: The Lounge (香港JW萬豪酒店)
優惠: 食飯都有得賺里數? 仲唔即刻訂枱?
星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
港鐵金鐘站 F 出口 繼續閱讀
電話號碼
28108366
開飯介紹
以全新裝潢帶來時尚及舒適的氛圍,多款優質美食選擇呈獻耳目一新的餐饗體驗。饗客可盡情享受豐富滋味的自助餐,包括享負盛名的麵食烹調站、以亞洲餐館美食為靈感的精選菜式、全新單點下午茶、下午茶自助餐、自助晚餐和週日早午自助餐等! 繼續閱讀
獎項殊榮
最優秀開飯自助餐 (2011-13, 2015)
營業時間
今日營業
11:00 - 01:00
星期一至四
11:00 - 00:00
星期五至六
11:00 - 01:00
星期日
11:00 - 00:00
付款方式
Visa Master 現金 AE 銀聯
座位數目
212
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
賞訂座積分
加一服務費
Live Music
有關獎賞計劃
優惠
餐廳: The Lounge (香港JW萬豪酒店)
優惠: 星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
食評 (322)
等級4 2021-01-29
8025 瀏覽
🌺自從熊妹發現貓妹呢隻high tea 腳之後,就約定好每一個月都要食一次。📌熊妹心知《JW Marriott》的英式下午茶既出名又受歡迎👏🏻,實在係非常之難預約。所以熊妹係一個半月之前已經訂定亦都約定好貓妹呢一日黎試吓究竟有幾架勢💪🏻。📌位上到金鐘太古廣場3樓就有一個進入《JW Marriot Hotel》嘅入口,然後轉彎再上扶手電梯就去到酒店嘅大堂,亦即係享受英式下午茶嘅地方。📌大堂環境非常開陽,超強嘅落地玻璃滲入下午柔和嘅陽光🌞,令到成間酒店變得生氣勃勃🌻。📌一邊係悠閒舒適嘅下午茶區,另一邊係貴氣高雅嘅自助餐酒吧梳化區🛋。成個酒店大堂都非常寬敞,有型有格。📌JW下午茶加咗價嚕,舊年都仲係四字頭,今年年頭開始星期一至就五$538兩位,星期六、日及公眾假期就$558兩位,鹹點、甜點、鬆餅、飲品全部都有齊。桂花香芬冰茶首先,一坐低店員就會送上一杯歡迎茶,歡迎嚟到JW Marriot🎊!好味喎!冰茶甜甜地,涼涼地,淡淡地桂花香,清清地嘅茶味,如果可以直情大杯啲列入飲品系列,熊妹一定會揀。JW afternoon tea,$538📌嘩!期待咗好耐,book咗好耐嘅JW afternoon tea終於嚟到眼前啦!上層-鹹點層鮑魚撻英式下午茶餐入邊竟然出現鮑魚呢款咁高級嘅食品,真係少之又少。五星級酒店級嘅質素當然唔差啦!鮑魚醬汁唔算太濃,口感非常彈牙,撻皮脆脆地,成個配搭好特別。虎蝦春卷配甜酸汁大大隻嘅虎蝦🍤形成長長嘅一條春卷,炸得非常香口,啖啖虎蝦肉鮮味彈牙,甜酸汁酸酸甜甜,同虎蝦味道非常之夾。鴨肝醬配蜜瓜又係熊妹最害怕嘅鴨肝,高級食品都會包括呢樣材料,不過熊妹都係讓比貓妹食啦。貓妹話鴨肝醬質感綿綿的,味道唔算太濃烈,配合住蜜瓜🍈食可以清清口腔嘅味道。中層芒果龍蝦沙律配魚子醬非常開胃嘅一款沙律🥗杯,粒粒龍蝦肉非常彈牙,配合清新嘅芒果粒同少少鹹嘅魚子醬調味,因為比較少食,熊妹同埋貓妹對呢款沙律杯都讚不絕口。西班牙黑毛豬火腿配鮮無花果布里芝士麥法包超薄嘅黑毛豬火腿🐷配上清甜嘅新鮮無花果,再加喺無味嘅法包上面,鹹甜味道中和,多重口感十足。日本桃太郎番茄配話梅汁蕃茄🍅加上話梅汁,酸酸甜甜,又一開胃食品。下層- 甜點層玫瑰荔枝忌廉及香草蜂蜜吉士脆餅粉紅色嘅忌廉蛋糕真係好有少女心,玫瑰荔枝味都唔唔算好出,連埋中間嘅脆餅一齊食又唔算太甜。綠茶柚子馬卡龍伴榛子超讚嘅一款馬卡龍係食得出綠茶味,但味道又唔會過甜嘅蛋白脆餅,又散發出清幽嘅柚子味,呢款甜品做得好細緻又出色。雲呢拿士多啤梨慕絲伴燴藍莓酸酸甜甜嘅士多啤梨🍓同埋藍莓不嬲都好夾,因為大家都係莓系品種,好酸嘅熊妹都幾鍾意呢款甜品,真係做到莓嘅酸味味味道。青蘋果忌廉羽衣甘藍蜜蜂菠蘿卜卜米脆底雖然青蘋果味🍏就唔算太出,但味道都好清新,忌廉部位就係唔係好甜,入邊仲有啲菠蘿餡🍍,卜卜米脆底好脆口, 同忌廉撈埋食好夾。甘草白朱古力忌廉及薄荷香檸餡蛋糕一款檸檬餡嘅蛋糕,又係唔算好甜,外面鋪上層朱古力忌廉脆皮增加左味道嘅層次同口感。黑朱古力貝殼蛋糕伴紅桑子醬用上黑朱古力🍫造成嘅蛋糕,味道冇咁甜,口感都算濕潤,再加上酸酸甜甜嘅紅桑子醬,朱古力同莓味不嬲都好夾,面頭仲有印上「JW」字樣嘅紅色朱古力牌,充滿著酒店嘅靈魂。英式鬆餅「JW」的英式鬆餅有原味同提子味,每款每人都有一個,真係未食都興奮。牛油鬆餅牛油味唔算太重,口感未算好鬆化,但整體味道都可以嘅。配料士多啤梨果醬唔算太甜仲有粒粒士多啤梨果肉,做得唔錯。反而clotted cream奶油味唔算太重,未能提升鬆餅嘅味道。📌整體來講,「JW」下午茶嘅鹹點同甜點都做得非常出色,鹹點嘅材料好高檔次,有炸物沙律小食,唔係淨係一般嘅三文治咁簡單;而各款甜點手工做得非常細膩,味道唔會偏甜之餘仲可以食得出各種材料嘅味道,就算食到最後都唔會覺得好濟,完全顯出五星級酒店甜品師傅嘅功架。📌即是通貨膨脹,物價沸騰,價格上升,熊妹認為都值得再encore。 繼續閱讀
等級4 2021-01-26
3693 瀏覽
同老公去拍拖嘆世界,去試下呢間酒店下午茶。睇返之前留言,酒店已經改善不少。接待位提供口罩袋及餐牌提供多幾款熱茶選擇。請注意,價錢都提高咗。 餐廳樓底高,地毯加梳化加開揚景觀已經令進餐環境加分不少。服務細心,收拾碗碟及加水勤快。三層下午茶靚仔,有6款咸點,6款甜點同2款鬆餅,不少人影相影足十幾分鐘先開始食。職員都有幫手影相。Welcome drink冰凍清新,TWG 茶維持一貫水準。餐具我都幾注重,如果有埋果醬刀就更顯酒店高級感覺。另外果醬匙羹係膠匙又扣咗少少分。鬆餅偏乾,如果奶油再重啲味就更好。蝦春卷趁佢微暖就要食,大大隻蝦誠意之作。鮑魚撻夠曬特別,但龍蝦沙律就少咗啲鮮味。 蕃茄超甜,肝醬,黑毛豬火腿充滿咸香。甜品好少變化,比較突出係煙韌嘅馬卡龍同朱古力味濃嘅貝殼蛋糕。另外有4件甜品都係有朱古力薄殼,入面有mousse,再入面有微酸果醬。其實仲有好多款式可以代替令整體加分,例如tiramisu,cheese cake,fruit tart。 總結係,咸點一流,甜點有待改進。環境服務一流,值得再次光顧。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-22
11610 瀏覽
🥢金鐘舒適環境嘆鮑汁鮑魚胡椒蟹自助餐#食好西金鐘美食#食好西任食自助餐放題  🥢一直有留意想去食下呢間自助餐,本想book 下午茶,但原來在疫情之下亦很爆滿,當日需要等22個waiting list ,所以唯有試下排後補位置,好彩比我地排到後補晚餐,當然要去試🥢晚市成人$468 (19:00-22:00)🥢凍海鮮當晚提供的是海蝦同青口,排列得整整齊齊,蝦肉夠曬大隻又新鮮爽口,青口亦是新鮮很軟熟又夠鮮甜🥢芝士盤有三隻唔同口味芝士提供,亦有不同款的餅乾可以搭配一齊食🥢牛扒羊架牛扒好軟腍夠曬牛味,邊位經過烤焗後食落有烤過的香氣🥢鮑汁鮑魚呢個係最受歡迎嘅熟食之一,一出好快被清光,值得一讚係好快又refill 返,鮑魚係細細粒 ,味道吸收曬鮑汁的鮑魚同大冬菇真係好正🥢蒜蓉蒸帆立貝呢個都係必食,即蒸出來的蒜蓉帆立貝,絕對是新鮮美味,肉質有彈性,味道同海鮮酒家食嘅差唔多咁高質,食咗幾隻即刻回本🥢新加坡胡椒蟹新加坡胡椒蟹係我其中一種最鍾意食蟹嘅煮法,呢度嘅胡椒蟹用了大肉蟹,超級口肉之餘個蟹鉗仲要勁大隻,隻隻都大過隻碗,黑胡椒味強勁香口,夠曬惹味,雖然食蟹比較論盡啲但係真係好滿足🥢南乳豬手充滿骨膠原,豬手肥美肉厚,夠晒火喉,所以好入味🥢雲吞麵唔好奇怪點解我要食兩碗雲吞麵,因為呢度嘅雲吞真係好好食,麵條好爽口咬落有脆嘅感覺,只講碗湯已經超級重鮮味,雲吞大大隻入邊嘅蝦肉咬入去係超級爽口,好味到絕對係要食兩碗先得🥢海鮮泡飯海鮮泡飯個湯底食得出係用咗好多唔同嘅魚去煮,配料有龍躉魚片大蝦,用料又係超新鮮可口🥢呢度仲有好美味嘅燉湯,飲完覺得好暖身覺得好滋補嘅感覺,另外仲有沙律吧,我自己就冇食到,見到啲菜都覺得係好新鮮嘅🥢甜品有好多唔同的聖誕主題嘅蛋糕,仲有紐約芝士餅同日式芝士餅,仲有日式嘅水信玄餅,雪糕同埋杯裝movenpick 雪糕,甜品亦係值得一試🥢最鍾意呢間酒店坐嘅空間會比較舒適啲,枱與枱之間嘅空間好多而且每台都分隔得好開,感覺好舒適,店員嘅服務好斯文感覺係高級酒店嘅服務,而且望住個落地大玻璃食飯景觀夠開陽,雖然食物款式冇其他嘅餐廳自助餐咁多,但係可以輕輕鬆鬆舒服咁同朋友一齊食又係另外一個感覺,所以想傾偈食吓嘅話可以選擇呢一間自助餐🥢另外值得一讚嘅係攞嘢食嘅地方,附近都會有一部消毒搓手液嘅機器,俾你攞嘢食之前都搓搓手,感覺呢度好乾淨衛生 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-26
11512 瀏覽
早排 JW Marriott Hong Kong 喺 #Facebook 做宣傳,人客可以$350嘅價錢買酒店$500coupon,我哋呢班 #為食鬼 又點受得住誘惑吖🤪 一呼百應,我哋好快就湊夠八個人,仲諗住疫情轉好可以開開心心食一餐🦠 點知book位冇幾耐,疾情急轉直下,六人一枱、變得只可以四個人同坐😉 不過都冇所謂嘅,唯有四個四個一齊坐啦🥳我哋未夠七點已經到達,有朋友連晏晝都冇食就為咗呢一餐,不過 #酒店 嘅安排真係有啲問題,座位距離係寬躺嘅,但係buffet擺食物位置就真係比較細,頭30分鐘幾乎可以講得水洩不通,每個食物枱前面都有一條長長嘅人龍,所以我只好乖乖返埋位等人潮清咁啲人先再出去。食物方面,質素只可以講普普通通,#炒蟹 嘅肉質梅梅地咁,負責 #片皮鴨 嘅員工全程面黑,鴨肉切出嚟又細又薄,製成品仲捲成長條型🤪好古怪!#海鮮湯 裡面隻 #大蝦 好吸引,不過啖湯就真係咸咗啲喇🤪 不過要讚一讚嘅係佢哋個 #湯雲吞,餡料嘅鮮蝦彈牙又大隻... 口感大滿足😉同一個Buffet我喺呢幾年幫襯過幾次,由最初精緻到有 #竹筒飯,到而家嘅出品大部份都只有 #行貨,就連以前大大杯嘅mocha,都變得而家嘅 #迷你杯😅 確實令大家有啲失望👉🏻👈🏻 繼續閱讀
(以上食評乃用戶個人意見 , 並不代表OpenRice之觀點。)