410
64
34
電話號碼
21110851
開飯介紹
餐廳主要以時令健康食材為主,以風靡韓國「酒幕文化」美食為主菜,加上韓籍大廚的熟練刀法及烹飪技巧,定能為每位客人炮製出垂涎三尺的韓食。 繼續閱讀
營業時間
今日營業
12:00 - 22:30
星期一至日
12:00 - 22:30
付款方式
Visa Master AE 現金 銀聯 支付寶
座位數目
110
其他資料
網上訂座
Wi-Fi
酒精飲品
自帶酒水
切餅費
賞訂座積分
外賣服務
加一服務費
當面支付
有關獎賞計劃
食評 (546)
等級4 2018-05-16
5 瀏覽
星期三晚同朋友行LCX行到攰想搵個位坐低食晚飯,經過JOOMAK朋友想話試,有位即刻唔使再諗。餐牌啲相好吸引,選擇又多,選擇困難症會好頭痛。最後我地㨂左新出既牛油馬格利青口煲、韓式烤牛肉、韓式松子仁吞拿魚飯卷。本來仲叫左酥炸芝士魷魚桶,但賣晒,下次要早啲去先得。韓式烤牛肉配生菜 $158韓式烤牛肉超好味!牛肉配菜有洋蔥同冬菇,好入味但唔會太冧。仲有兩種菜包住食,罪惡感大減。份量對兩個女仔黎講,岩岩好。韓式松子仁吞拿魚飯卷 $98味道比起一般既韓食稍微偏淡,但松子仁豐富左成個口感。個人黎講幾鍾意淡淡的味道,吞拿魚配青瓜同蘿蔔絲,大啖大啖食都無問題,健康之選。牛油馬格利青口煲 配 香脆炸蕃薯條 $268馬格利原來係韓國朝鮮半島特產濁米酒,非常清甜,用黎整cocktail既,但今次加入好香既蒜蓉牛油煮成個紐西蘭青口煲,個酒完全可以迫出青口的濃濃鮮味,青口超大隻,肥嘟嘟咁,效果清甜香滑,很新鮮既配搭,令人驚喜!再驚喜既係個炸蕃薯條,開頭冇睇清楚以為跟薯條冇咩特別,連賣相都有小小似薯條,但食落去就知係蕃薯,仲要超甜超好味,又夠熱,熱烈推介!原來餐廳今個月逢星期一,二有任食青口煲優惠,90分鐘任食佢新出既兩款青口,仲送埋好好味既炸蕃薯條。可能要搵日再黎試埋個泡茶蕃茄青口。飲品我地叫左口感好新清既顛峰狀態同好濃薑味既薑黃拿鐵。前者個名好特別,其實係羽衣咁藍,牛油果,芒果同埋香蕉既結合,全部生果都好健康仲有埋羽衣咁藍口感相當清新,甜度適中;後者熱飲,薑味好濃但仍然飲到蜂蜜味。兩杯都好好飲!最後我地仲叫左個甜品:韓國雲呢拿雪糕佢有一杯木糠係隔離,可以隨自己鍾意加份量,雲呢拿雪糕球配脆餅,真係無得彈!事後係OPENRICE見到原來個雪糕焦糖爆谷係大熱,下次要試埋啦! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-05-14
77 瀏覽
之前同爸爸食過幾次呢間韓國餐廳,見佢出左新野,又同爸爸去試下啦~都好耐無黎食啦,入面既裝修好似有D唔同左,六點幾黎到都未有好多人住,坐窗口位可以睇埋夜景都幾浪漫丫~點左呢個二人份既仙人掌果酒,唔知係咩味呢?黎到都幾大陣仗。。。原來要將D爆炸糖痴喺杯邊。。。然後仲有D好迷幻既煙。。。味道呢,酒味唔重,有D果味橙味咁,一瓶都每人可以飲到四至五杯~去食韓國野,Si就會點最鐘意既飯卷啦~呢個韓式松子仁吞拿魚飯卷都幾好味,有D松子仁增加口感,幾爽口幾岩夏天食~聽D店員講,逢星期一同二都有青口任食~$298/位包任食青口、1杯飲品同炸蕃薯條,可惜Si去果日係星期四啦~但都點左個牛油馬格利青口,可以揀伴蕃薯條或薯條,Si就揀左肥薯條~平時既青口煲可能有好多青口,但D青口都係細細隻,雖然呢個青口煲望落去唔係好多青口,但隻隻都係超級大隻!同平時食既好唔同呀!!薯條熱辣辣好好味~如果想食甜既可以揀蕃薯條~ 呢個泡菜煎餅都好香口~如果泡菜味濃D就更好啦~仲點左呢個雜錦芝士菜盤,有菇、豆腐、露筍、茄子同菜~呢個係自己燒既,仲有一小碟芝士同芝士醬,燒到咁上下就可以加芝士一齊燒,然後就做到拉絲既效果架啦~都唔錯呀~下次要黎試下佢個任食青口先得!! 繼續閱讀
(以上食評乃用戶個人意見 , 並不代表OpenRice之觀點。)
勞動節後食好 D 焦點食評
等級4 2018-05-13
103 瀏覽
好不容易過了一星期,心情好像平伏咗 d。雖然從來沒打算去改變已發生的事,但路仍然是要走,所以這次我主動提議食韓國菜。其實呢日好多人,响外面等了一會,不過職員很親切的招待我們。炸紫薯芝士脆片沒想過紫薯係可以拎來炸的,炸粉唔會好多,加上紫薯本身的甜味同埋芝士的香滑,感覺很開胃。土耳其蘋果茶一邊食著脆片,一邊歎著蘋果茶,味道本身是淡淡的清香,帶著啖啖蘋果肉。另外是可以自行加上蜜糖,調較合適的甜度,真係好貼心。薑黃拿鐵而他今次點的是非一般的拿鐵,薑味很重但不會很重奶味。韓式烤牛肉這一盤有兩種食法,一是直接食牛肉,味道很像以前媽媽煮牛肉的味道,肉汁索哂响牛肉入面,很軟很香口。另一種是以菜包住牛肉去食,味道較清新食落少 d 油。素紫菜拌飯一大碟紫菜加芝麻,先帶上手套把所有配料撈勻然後進食,很香口食完一碗又一碗。黑蒜.雞大大舊炸雞非常香脆啖啖肉,加埋淋响面的黑蒜汁,蒜味不太濃,不會搶走炸雞原本的味道。 繼續閱讀
(以上食評乃用戶個人意見 , 並不代表OpenRice之觀點。)
韓食都有素食😱 焦點食評
等級4 2018-05-11
547 瀏覽
有朋自遠方來~但朋友係素食者,於是問下公司素食朋友,有咩好推介!今次真係要多謝同事T,因為餐廳係正海港城入面,地點方便,而價錢亦都唔錯👍🏻好!去相先~同事叫我地記得星期三去,因為星期三係素食放題日$198就有得食~小妹好少食素,所以覺得好新奇🤩韓國水梨卷,食落好清甜,水梨又爽口👍🏻炒辣年糕~ 個醬酸酸辣辣,都ok,不過小妹覺得年糕可以淋D外表睇佢都普通芝士粉薯條無分別~但其實佢係麻藥薯條~ 好甜~仲有淡淡蕃薯味~👍🏻👍🏻仲叫左個粟米~代替飯🙈 (從而令小妹心理上減左肥😂😂😂)減左肥🙈就可以食甜品啦~ 叫左個tiramisu share~一人一個雪糕球唔洗爭~重點係有杯咖啡俾客人自己加落去食,讚!!!同場加影飲品兩杯,勁大杯😆😆😆朋友叫左紅棗草莓雪沙,味道偏甜~小妹叫左藍莓梳打冷,超清甜~~~~ 小妹自己就歡喜藍莓多d🙈🙈最尾要多謝朋友T推介,因為餐廳係睇到8點「幻彩泳香江」,我朋友勁開心😂 繼續閱讀
(以上食評乃用戶個人意見 , 並不代表OpenRice之觀點。)
好服務 焦點食評
等級4 2018-04-30
1689 瀏覽
一早book左4位,又多個朋友仔得閒食,下午再打黎改5位。呢間野成日人出人海🙈可能因為海景得黎食既野(新派韓國菜)較親民同適合年輕人。7點準時到先見到門口個牌話限時90分鐘🙈得我一個黎左另外4人on the way🙈問門口妹妹,佢話無得hold枱架,咁⋯⋯見到客唔多即call佢地快啲來~~見開始多人荒荒地,就同第二個到既朋友仔入去先。睇黎改左都無update到佢地俾限4人枱黎😅哈哈咁再同帶位既超短髮型女侍應講佢就即拍多張枱黎,之後佢自動換張海景枱俾我地😻😻open rice上面推介既食品有好多都因為轉menu無左。不過唔緊要,反正大圍食乜都叫黎試下,佢地未黎就亂叫啲野黎食住先🙈時間有限。叫個松子飯卷頂頂肚先,青瓜爽口配上泡菜味好mild,香油味唔出,味道和諧。第二個已經叫飯就知我地好肚餓😂豬肉片大豆芽,波菜,生椰菜,蘿蔔絲,無乜調味連香油都無落,正常味道,靠個包飯醬唔辣甜甜地,個太陽蛋黃熟左🙈🙈🙈海景餸飯會好食啲😂極度邪惡拉絲芝士配炸物們😂(已經痴左亂改名)😂一打開menu見到已經話食😂唔理$2xx叫左先算,一黎就一啲都無後悔,有炸雞、脆肉瓜、菇菇、魷魚、年糕。侍應特別教我地沾完芝士要粘塊紫菜食你睇你睇~拉~~~絲呀,個人覺得脆肉瓜最好味,配個紫菜真係神來之筆,成個感覺唔同晒,即刻吊起左個味同有晒層次。芝士係幾款溝既無咁漏,食到尾仲剪個索晒芝士既包黎食🙈黑蒜炸雞~其實呢個黑蚊蚊嘅汁以為會有好大陣蒜頭味,點知食落去只係黑色嘅沙律醬。炸雞係正常同頭先芝士嗰個炸雞味道係一樣,咁都唔乾身嘅。牛肉沙律:佢啲羅馬生菜真係成條上😅而且只係得一條😑要我哋自己切,有啲芝士碎,肉呢就唔濃既,無乜特別,食左濃味野要黎refresh下本身係想叫鐵板燒牛肉,因為隔離枱拍拖叫左半份燒到好香🤤嘅但係個價錢要四百幾蚊一份🙈唔抵得幾舊嘅時候,就覺得性價比會唔會低咗少少。之後精打細算嘅朋友就即刻話不如呢個燒牛肉,燒好左咁解啫,真係好好味好濃郁。肉嘅味道配埋去個燒汁,其真係好好味可以叫個白飯黎餸仲正。呢個飲品自私呀要二人份嘅,稱霸特飲其實就護持忌廉溝糖漿再加青瓜絲,可以自己加燒酒搖勻,仲有個靚仔哥哥服侍係我地面前幫手搖飲料🥤搞到我個同學仔心心眼😂杯野幾清新既另外一個鍾意飲薑嘅朋友就叫咗杯薑檸冰沙同我個杯人蔘蜜冰沙個樣好似樣。飲落去呢開頭覺得似檸檬飲完之後薑味就出黎喇😂傳說中既after taste😂我嗰個呢就人蔘蜜糖真係好似人蔘就咁絞碎咁,咁大杯杰撻撻好飽影漏咗個泡菜煎餅,煎唔脆軟得濟冇乜泡菜味未食完就已經有人隊張單埋黎,我望望錶仲有十分鐘左右,但我杯野因爲最後先出現,快飲個鼻好凍😑未夠鐘我地好乖交枱,但我地同學仔顧住食傾計時間唔多😅埋單每人要$310 如果可以座耐啲就好 繼續閱讀
(以上食評乃用戶個人意見 , 並不代表OpenRice之觀點。)