影片
港鐵旺角站 C3 出口, 港鐵旺角站 E1 出口, 港鐵旺角東站 B 出口
繼續閱讀
電話號碼
24558299
營業時間
今日營業
11:30 - 22:30
星期一至四
12:00 - 22:00
星期五至六
11:30 - 22:30
星期日
11:30 - 22:00
以上資料只供參考, 請與餐廳確認詳情
今次我地去左朗豪坊呢邊行街，我地睇岩左一間韓國餐廳而黎既，佢係一間我之前食過幾出色既叫bingo & cook既姊妹店黎，而主打野食係兩間唔同，我地就約埋朋友試下呢間係咪都咁掂🇰🇷餐廳以岩石做主題，由門口到裡面環境，甚至韓燒塊板都係岩石黎，我覺得幾有特色，呢間餐廳既主打食物係食韓燒，仲有專人過黎幫手燒，服務方便真係幾好👏🏻The Jeju set B（$376）我地叫左個set B，佢韓文字名，睇唔明叫乜，識睇既可以教番我，個餐2-3人用，首先會送上韓式六格前菜，其中有兩款係調味料😗罈子五花肉 450g呢個五花肉佢仲有跟一大盤泡菜，同埋菇，仲有個橙都係食材黎，呢度食肉有個教學跟住食就有唔同風味，450g肉其實3個人食都夠，燒完切細件有勁多件，燒完佢肥得黎又唔會好油膩既感覺🐷綜合蔬菜（+$30）個套餐唔包生菜既，我自己加份綜合蔬菜整個生菜包，食韓燒配生菜食先係絕配，我覺得一定要加，生菜包埋泡菜同d菇勁正，齋食肉食到咁上下會覺得好heavy，有菜包住食真係兩回事黎，即刻成件事升左個level咁🥬炸醬拉麵當我地食曬石板上既五花肉同泡菜就可以叫店員上個拉麵，個麵比我個感覺就似好味加強版既撈麵，麵質彈牙，個炸醬又香又好食🍜蕎麥拌冷麵（$88）呢個冷麵係韓式水冷麵黎，冷麵好爽口，佢唔止係淨麵，仲有幾塊牛展，令到個麵唔會太齋😋Jeju Yeah Yeah（$70）我地仲有叫左個甜品，佢個賣相好過癮，成個石像佛咁，個石像係芝麻味mousse黎，個碟仲舖滿朱古力碎，另上仲有球雪糕，好滋味☺️漢拿峰百白果沙冰（$48）金柑百香果梳打（$48）兩杯飲品百香果味都好出，我就鐘意夏天飲沙冰勁冰爽，梳打就可以慢慢飲，唔怕冰會溶，兩款都唔錯🍹呢間餐廳我覺得野食價錢唔算貴，個set B既肉夠3個人食，係麵就可能得3碗細既，我地叫多個冷麵岩岩好，佢好在有專人幫手燒，唔怕自己燒得差影響食物質素，所以味道真係掂👍🏻
繼續閱讀
位於旺角朗豪坊最新開設的燒肉店「THE JEJU」原來係由人氣韓國餐廳「Bingo and Cook」開設的濟州島主題燒肉店，店舖以濟州島火山地貌為靈感，引進韓國定製火山石烤盤，主打168小時低溫熟成黑毛豬較一般豬肉鮮甜，脂香十足，蘸上特製的濟州鳳尾魚醬，超級正宗👍▪️罈子五花肉 450g 套餐 $ 376定價非常實惠，可享6款精緻基本小食及醬油，罈子五花肉及石板炒飯或炸醬拉麵，罈子五花肉經火山石烤盤烤熟之後，肥瘦適中肉質爽口又彈牙，而且油脂滿滿肉質味道鮮嫩，沾上芝麻油、鳳尾魚醬或者海鹽，一樣咁美味，而且仲有大量非常正宗的泡菜，香辣惹味👍👍我哋選擇咗配搭炸醬拉麵 ，意想不到驚喜美味、麵質夠晒彈牙，特別喜歡醬汁的甜香，瞬間清袋，食到最後店員會製作糖漬烤橙，清甜多汁好味道▪️ 烤年糕&芝士 $ 40必食推介，年糕烤至脆卜卜，配上溶化嘅芝士，香脆煙靭芝味濃郁，超美味▪️士多啤梨米酒 & 哈拉邦米酒各 $ 48揀咗兩杯水果口味伴韓式米酒，清甜帶點酒香，好容易入口▪️Jeju Yeah Yeah $ 70賣相特別用芝麻奶凍造成的濟州島爺爺做型，奶凍中包住蜜柑，配上Oreo碎及雪糕，幾得意
繼續閱讀
The Jeju @the_jeju_hk 📍：香港旺角亞皆老街8號朗豪坊11樓13號舖🚗：旺角地鐵E1出口 步行3分鐘📞：+852 2455-8199💲：~HKD360/head for dinnerFood quality✔️：B Set (Pork Belly+Chapagetti), Cheese bomb steamed egg, jeju yeah yeah, hallabong rice wine👌🏼：Rice cake & cheese for grill總結：😋鍾意韓菜嘅朋友冇理由唔識bingo&cook 今次開咗姐妹店主打濟州岩石🪨洞穴石板燒肉店 人龍店閒日都要排隊 肉類高質又有歐巴幫燒 絕對會回頭😋呢間主打食豬 以燒肉店嚟計餐牌非常簡約 3個套餐都主打罈子五花肉 我就試咗b set包450g +炸醬拉麵👏🏼😋一上枱就有六宮格嘅配菜(濟州鳳尾魚醬 包飯醬 鹽麻油醬 醃章魚 漬物同沙律) 當中兩款醃製品都出色 另外仲上埋罈子五花肉加泡菜野菇盤同以笑哈哈😄示人嘅粉紅色岩鹽 芥末 法式芥末籽醬 後兩者配肉一流 😋平時食開普通韓燒格網 第一次用石板燒 一開頭歐巴會幫你落哂啲材料 去到熟咗佢就會指示你睇牌自己燒 佢哋指引係用細火 初初會覺得有點慢 但肉唔會好似平時咁易燶 同塊板都冇出好多黑焦 整餐飯燒完都唔需要叫店員換板👍🏼😋牌嘅指示係要煎到兩面金黃色 由於細火+石板原因 今次成功燒至金黃色又唔需要驚會燶要食得好急 五花肉肉質肥瘦相間 隔離枱係咁話好好食🤤 極脆口配醬正😋韓式芝士🧀蒸蛋 朗豪坊地段但只需$68蚊 重點係有拉絲 蛋味香又夠大碗 cp值之選😋 jeju yeah yeah係以芝麻奶凍砌成嘅濟州島石爺嘅外型 內餡係橙味醬 奶凍口感頗硬😝初初食唔慣 但由於芝麻味頗濃 配埋朱古力碎同雪糕又覺得頗新奇😋米酒🍶都好飲 唯一唔好係選擇少🤔跟餐嘅炸醬麵就普通啲🤔另外+$40配咗年糕加芝士 芝士難啲燒到融化但燒到外脆口同肉唔太夾 反而脆口嘅年糕幾特別🤣😨個人覺得佢啲醃製品都略鹹 香港人口味始終清淡少少 所以少啲鹽會開心啲😨店內講廣東話嘅員工大概有一半 另一半歐巴要用英文先溝通到😣
繼續閱讀
因為IU套韓劇 搞到都幾想去濟洲lol點知就經過朗豪坊 呢間係主打濟州黑毛豬嘅燒肉！店名直頭叫the jeju餐廳係黑色岩石洞穴風裝修 勁有feel枱上有黑岩石燒烤板 仲有店員幫你燒叫咗B set 2-3人餐 再加幾樣嘢食前菜 六宮格 醃蘿蔔、醬油醃章魚、生牛肉、沙律、麻油、韓式烤肉醬好有誠意嘅前菜 醃得好好食 多個小食咁罈子五花肉濟州黑毛五花肉主角五花肉都勁有油香 肥瘦均勻油脂香而不膩 店員幫忙燒得勁靚再沾上各款特製醬料 更香濃惹味 唔少得濟洲名物 個set有個濟洲橙點綴之餘解下膩 店員燒橙場面好打卡年糕&芝士呢個係另外加配嘅配菜 夾住豬肉食係意想唔到咁夾 芝士有啲拉絲tim夾埋一齊食口感同味道更豐富 唔錯炸醬拉麵食到最後上埋呢個麵食 一定餵得飽你個炸醬麵仲會即場再炒 收咗汁好好食韓式芝士蒸蛋 呢個蒸蛋都有啲驚喜 我好鍾意食係個好入味嘅蒸蛋 配上拉絲芝士Jeju Yeah Yeah 濟州島守護神🗿Mango Kiwi Smoothie 芒果奇異果沙冰Elder Flower Citron Ade 濟州柚子醬 + 接骨木花醬+ 蘇打水除燒肉外仲有款甜品同多款飲品選擇 好滿足整體各樣都好出色 推薦呢間性價比高嘅燒肉
繼續閱讀
收工行朗豪坊，見到間新開嘅韓式燒肉，即刻試吓先。講起嚟，其實The Jeju係Bingo & Cook嘅新品牌，以岩石洞穴為主題。所以現場環境所見，周圍都係岩石，當中仲有用作燒肉嘅岩石板等等。前菜(免費)食韓國嘢就係咁，好多前菜都係免費。喺呢度當中仲有啲可以添加，例如係酸蘿蔔。另外亦有提供好多醬汁同唔同種類嘅鹽可以調味。濟州黑毛豬肩肉 $218店員會幫手燒嘅一大塊豬肩肉。豬肩肉嘅味道肥瘦兼備，我覺得係可以同牛肉相提並論嘅質素。店員會將佢剪成細份，我哋當然係等食😆。罈子豬頸肉 $138罈子嘅意思係喺個罈入邊，同樣地，店員會拎埋出嚟幫手燒，我哋只需要等食。豬頸肉燒得香，又有少少燶邊嗰陣真係難以形容。石板炸醬拉麵 $58 (芝士煎蛋+$20)店員攞到嚟會將佢擺上石板，再炒一陣先食。味道非常豐富，果然炸醬同麵都係好好嘅組合，加埋芝士煎蛋，更加可口。Jeju Yeah Yeah $70睇名完全唔會知係乜嘅嘢食。呢個係一個好特別嘅甜品，係用芝麻奶凍砌成嘅濟州島石爺。外型非常美觀，加上有朱古力碎同雪糕，作為甜品呢個好食又幾抵食。漢拿峰梳打 $48金桔百香果梳打 $48兩杯外貌討好飲落亦唔錯嘅飲品。當中百香果梳打冇咁甜，而漢拿峰就比較似橙嘅味道。估唔到呢度幾有氣氛，周圍都係香噴噴嘅燒肉味，環境又有心思，最重要係價錢唔貴，嚟呢度燒吓肉真係一流。
繼續閱讀