The JEJU

營業中

休息中

今次我地去左朗豪坊呢邊行街，我地睇岩左一間韓國餐廳而黎既，佢係一間我之前食過幾出色既叫bingo & cook既姊妹店黎，而主打野食係兩間唔同，我地就約埋朋友試下呢間係咪都咁掂🇰🇷餐廳以岩石做主題，由門口到裡面環境，甚至韓燒塊板都係岩石黎，我覺得幾有特色，呢間餐廳既主打食物係食韓燒，仲有專人過黎幫手燒，服務方便真係幾好👏🏻The Jeju set B（$376）我地叫左個set B，佢韓文字名，睇唔明叫乜，識睇既可以教番我，個餐2-3人用，首先會送上韓式六格前菜，其中有兩款係調味料😗罈子五花肉 450g呢個五花肉佢仲有跟一大盤泡菜，同埋菇，仲有個橙都係食材黎，呢度食肉有個教學跟住食就有唔同風味，450g肉其實3個人食都夠，燒完切細件有勁多件，燒完佢肥得黎又唔會好油膩既感覺🐷綜合蔬菜（+$30）個套餐唔包生菜既，我自己加份綜合蔬菜整個生菜包，食韓燒配生菜食先係絕配，我覺得一定要加，生菜包埋泡菜同d菇勁正，齋食肉食到咁上下會覺得好heavy，有菜包住食真係兩回事黎，即刻成件事升左個level咁🥬炸醬拉麵當我地食曬石板上既五花肉同泡菜就可以叫店員上個拉麵，個麵比我個感覺就似好味加強版既撈麵，

😱三五知己約出嚟食飯，永遠都係揀一間座位勁多嘅餐廳好坐，最近知道旺角朗豪坊新開嗰間濟州豬燒肉店，非常特別成個裝修好似去咗石洞設計，而且好傳統嘅韓國罌裝住濟州豬，所以訂咗六個人去食生日飯！☺️喺門口見到設計已經係非常適合打卡，入到去更加係洞穴，岩石設計裝潢，連燒濟州豬嘅燒盤，都以岩石設計非常特別，而且好夠熱，濟州豬放上去真係不停打卡，賣相已經勁流口水！👀我哋六個人叫咗一個c set，罈子五花肉450g，豬頸肉300g 豬肉非常入味，因為煎盤夠熱，煎兩煎已經好香口，再配炸醬拉麵！韓式芝士蒸蛋呢個真係唔食set，都要單點，超好食，曾經食過幾間嘅韓國蒸蛋，都冇呢個咁好食！除咗蛋香之外，仲好有鬆軟口感，芝士唔流真係要必叫！加涼拌蔥絲必配，石板炒飯，食之前可以放上去熱盤炒兩炒，唔炒都可以就咁食，勁多泡菜嘅炒飯！石板炸醬拉麵，店員會將拉麵炒一籌，收少少水更加好食！濟洲黑毛豬肩肉而係必叫，一定要加埋配料食，生菜或者大蒜韓式大阪醬一同食，成口都係豬肉嘅香味！口感亦都唔鞋，必叫必叫！！🍜蕎麥拉麵梨嘅香味好重，而蕎麥拌拉麵比較偏向甜，我自己鍾意食伴😚！自己覺得食肉類要配沙冰，漢拿峰百香果沙冰超好食，唔算太甜，

位於旺角朗豪坊最新開設的燒肉店「THE JEJU」原來係由人氣韓國餐廳「Bingo and Cook」開設的濟州島主題燒肉店，店舖以濟州島火山地貌為靈感，引進韓國定製火山石烤盤，主打168小時低溫熟成黑毛豬較一般豬肉鮮甜，脂香十足，蘸上特製的濟州鳳尾魚醬，超級正宗👍▪️罈子五花肉 450g 套餐 $ 376定價非常實惠，可享6款精緻基本小食及醬油，罈子五花肉及石板炒飯或炸醬拉麵，罈子五花肉經火山石烤盤烤熟之後，肥瘦適中肉質爽口又彈牙，而且油脂滿滿肉質味道鮮嫩，沾上芝麻油、鳳尾魚醬或者海鹽，一樣咁美味，而且仲有大量非常正宗的泡菜，香辣惹味👍👍我哋選擇咗配搭炸醬拉麵 ，意想不到驚喜美味、麵質夠晒彈牙，特別喜歡醬汁的甜香，瞬間清袋，食到最後店員會製作糖漬烤橙，清甜多汁好味道▪️ 烤年糕&芝士 $ 40必食推介，年糕烤至脆卜卜，配上溶化嘅芝士，香脆煙靭芝味濃郁，超美味▪️士多啤梨米酒 & 哈拉邦米酒各 $ 48揀咗兩杯水果口味伴韓式米酒，清甜帶點酒香，好容易入口▪️Jeju Yeah Yeah $ 70賣相特別用芝麻奶凍造成的濟州島爺爺做型，奶凍中包住蜜柑，配上Oreo碎及雪糕，幾得意

The Jeju @the_jeju_hk 📍：香港旺角亞皆老街8號朗豪坊11樓13號舖🚗：旺角地鐵E1出口 步行3分鐘📞：+852 2455-8199💲：~HKD360/head for dinnerFood quality✔️：B Set (Pork Belly+Chapagetti), Cheese bomb steamed egg, jeju yeah yeah, hallabong rice wine👌🏼：Rice cake & cheese for grill總結：😋鍾意韓菜嘅朋友冇理由唔識bingo&cook 今次開咗姐妹店主打濟州岩石🪨洞穴石板燒肉店 人龍店閒日都要排隊 肉類高質又有歐巴幫燒 絕對會回頭😋呢間主打食豬 以燒肉店嚟計餐牌非常簡約 3個套餐都主打罈子五花肉 我就試咗b set包450g +炸醬拉麵👏🏼😋一上枱就有六宮格嘅配菜(濟州鳳尾魚醬 包飯醬 鹽麻油醬 醃章魚 漬物同沙律) 當中兩款醃製品都出色 另外仲上埋罈子五花肉加泡菜野菇盤同以笑哈哈😄示人嘅粉紅色岩鹽 芥末 法式芥末籽醬 後兩者配肉一流 😋平時食開普通韓燒格網 第一次用石板燒 一開頭歐巴會幫你落哂啲材

因為IU套韓劇 搞到都幾想去濟洲lol點知就經過朗豪坊 呢間係主打濟州黑毛豬嘅燒肉！店名直頭叫the jeju餐廳係黑色岩石洞穴風裝修 勁有feel枱上有黑岩石燒烤板 仲有店員幫你燒叫咗B set 2-3人餐 再加幾樣嘢食前菜 六宮格 醃蘿蔔、醬油醃章魚、生牛肉、沙律、麻油、韓式烤肉醬好有誠意嘅前菜 醃得好好食 多個小食咁罈子五花肉濟州黑毛五花肉主角五花肉都勁有油香 肥瘦均勻油脂香而不膩 店員幫忙燒得勁靚再沾上各款特製醬料 更香濃惹味 唔少得濟洲名物 個set有個濟洲橙點綴之餘解下膩 店員燒橙場面好打卡年糕&芝士呢個係另外加配嘅配菜 夾住豬肉食係意想唔到咁夾 芝士有啲拉絲tim夾埋一齊食口感同味道更豐富 唔錯炸醬拉麵食到最後上埋呢個麵食 一定餵得飽你個炸醬麵仲會即場再炒 收咗汁好好食韓式芝士蒸蛋 呢個蒸蛋都有啲驚喜 我好鍾意食係個好入味嘅蒸蛋 配上拉絲芝士Jeju Yeah Yeah 濟州島守護神🗿Mango Kiwi Smoothie 芒果奇異果沙冰Elder Flower Citron Ade 濟州柚子醬 + 接骨木花醬+ 蘇打水除燒肉外仲有款甜品同多款飲品選擇 好滿足整體各樣

位於朗豪坊的新開濟州主題燒肉店THE JEJU，絕對值得一試。餐廳以濟州島的火山地貌為設計靈感，走進店內就似置身於火山岩洞般。牆身選用深灰色的玄武岩石材，配上獨特的燈光設計，整體氣氛低調又有格調。佔地超過二千呎，空間感十足，即使人多亦不覺擠迫，非常舒適。每個烤桌都用上特別訂製的火山石烤盤，這種烤盤能更均勻地分散熱力，烤肉時還會帶出淡淡礦物香氣，為用餐體驗增添新鮮感。岩石板燒Set B適合二人選擇，五花肉份量十足，厚切卻不油膩，經火山石烤盤烤過後，外層微脆，內裏仍然保持多汁。不得不提燒泡菜吸收了肉汁精華，配搭剛燒起的五花肉，真的美味又解膩！隨餐的泡菜炒飯粒粒分明，口感香濃又有層次。韓式芝士蒸蛋則入口滑嫩，芝士與蛋香完美融合，帶來溫柔綿密的口感，令人一試難忘。蕎麥冷麵清爽彈牙，湯底淡淡的酸甜帶來解膩感，是燒肉過後的最佳伴侶。飲品方面，士多啤梨米酒及漢拿峰米酒各具特色。前者果味突出，味道清新，後者則帶有柑橘香氣，入口順滑。

朗豪坊有間裝修好特別既餐廳，用岩石做主題，成間都黑媽媽😆 原來係食濟洲豬肉，每張台都有塊岩石，而且有oppa 幫手燒肉。我地order 左Set (B) 罈子五花肉+炒飯，前菜有六小碟，當中有二碟係醬汁，好豐富。五花肉肥瘦相間，讓人垂涎欲滴。專人幫手燒，做到外焦內嫩。旁邊的泡菜則為整體增添了一股酸辣的風味，平衡了肉的油膩感。芒果奇異果沙冰清爽可口，能夠解膩且帶來一絲清新的果香。士多啤梨米酒甜美的果味與酒精的微醺感相結合，十分精彩。

今次嚟到旺角呢間新開的韓式燒肉店🤩🤩餐廳主打低溫熟成黑毛豬同空運濟州直送食材，店內裝潢以濟州玄武岩為主題，更引進韓國定製火山石烤盤！鍾意食韓國菜的我當然要嚟試試🔥🔥🐷罈子五花肉450g+炸醬炒麵 $376✨店員會幫手將五花肉、泡菜、蒜頭、菠蘿、菇等放喺石板上燒，完全唔洗自己郁手～～五花肉採用濟州島傳統方法在罈子中經168小時低溫熟成，口感特別鮮嫩軟腍！經燒烤後外脆內嫩，啖啖油脂香🤤🤤套餐包前菜、炒飯/炸醬拉麵，我地揀咗炸醬拉麵～麵條爽彈入味，吸收哂濃郁肉香！！🥚韓式芝士蒸蛋 $68✨上枱時外型脹卜卜好吸引！蒸蛋口感滑嫩、重蛋香，配上滿滿的拉絲芝士，十分邪惡😋😋🥣芝士大醬湯飯 $58✨用韓國大醬、豆腐、蔬菜、豬肉、米飯等煮成，湯頭濃郁鮮甜，加上芝士味道更豐富！！飲品方面，我地揀咗漢拿峰梳打($48)🍹同士多啤梨米酒($48)🍓～～漢拿峰梳打酸甜開胃，氣泡感十足！士多啤梨米酒味道清甜帶點酒香，比較易入口👍🏻👍🏻

平時經開都留意到好多人排隊呢日就同朋友特登過黎主打168小時低溫熟成濟州黑毛豬岩石板燒肉，餐廳環境舒適叫左個Jeju set menuB 罈子五花肉 450g ＋ 炸醬拉麵 2-3人肉味香濃，豊富油脂 嫩滑多汁較一般豬肉更加鮮甜仲有泡菜、杏鮑菇、菠蘿同蒜片全程都會有專人幫你去烤肉有6宮格調味醬汁，仲有可愛哈哈笑圖案調味炸醬拉麵，職員會放喺岩石板度炒每人一碗份量啱啱好另外叫咗個芝士蒸蛋脹卜卜，蛋香味好濃食燒肉最鍾意碗冷麵蕎麥冷麵，裏面仲有唔少辣汁，酸酸甜甜好好食燒完肉食一碗真係好爽米酒又係絕配食完真係會覺得，難怪會有咁多人排隊

出開旺角朗豪坊行街見到大堂宣傳緊魷魚遊戲，又好耐冇食燒肉，上網一搵發現原來朗豪坊有間主打濟州燒肉嘅食肆開左無耐，就決定去試下🤩個名都簡單直接叫『THE JEJU』，入到裏面氣氛唔錯👍🏻原來佢地係佈置成岩洞嘅設計，牆身類似岩石咁，而每張枱都有一塊大岩石斜放係個爐上面😬因為之前去濟州旅行，去食過啲燒肉鋪都係咁樣，所以知道呢間鋪有料到，而且啲店員有幾個好似真係韓國Oppa，有佢地幫手燒肉，同去左濟州冇分別呢😂B SET 罈子五花肉 450g +石板炒飯 2~3人 ($378)講番正題，枱上除左一塊大岩石之外，佢仲有六格唔同嘅前菜同醬料，今次我地揀左一個２～３人份量嘅燒肉餐，包４５０g嘅罈子五花肉，同一個炒飯😋叫完餐後，佢會開火燒熱塊大岩石先，跟住佢就將一盤泡菜、大菇、菠蘿同一小碗汁放上大岩石嘅下半地方整熱😊當塊岩石燒熱到咁上下，就將五花肉一塊塊咁放上岩石嘅上半部份嚟燒，燒到開始金黃色就會再剪開細細舊，睇住啲肥美嘅五花肉燒到香噴噴真係好開心😆而啲五花肉肥膏同啲肉層次分明，食過黑毛豬都知啲肉燒出嚟唔會油膩但爽口，真係好滿足，４５０g份量唔少，３個人食啱啱好，今次我地２個人食就大滿足😚而佢枱上面仲

喺朗豪坊發現咗呢間岩石洞穴風嘅餐廳 原來係食韓國烤肉～主打濟州豬肉 人未去過濟州 都想品嚐下濟州食物😝點咗個set再加一份主食～❣️罈子五花肉+炒飯 首先見到塊岩石燒烤爐就覺得好特別店員會先上泡菜，菠蘿、雞髀菇之後罈子五花肉上檯時 店員會協助燒烤唔需要自己郁手 大家坐喺度等食就得啦五花肉肥瘦相間 油脂分布均勻本身仲擔心會有豬臊味 點知食落完全冇 店員烤到金黃色 入口有焦香味 具有豐富肉汁 一啲都唔韌本身冇落任何調味 點少少芥末同玫瑰食 更能帶出鮮味最後店員仲會預備炒飯 炒飯帶甜辣味勁香口惹味 但唔會有油膩感 店員仲整咗個心心添❣️ 蕎麥冷麵咁熱嘅天氣 當然要食返個冷麵蕎麥冷麵麵質帶黏性 食落煙煙韌韌湯底夠晒冰涼 甜甜酸酸 仲配有牛腱同水煮蛋順帶一提 竟然有我最愛食嘅魷魚泡菜啊！最後 當然唔少得叫特飲熱情果沙冰酸酸甜甜勁開胃 甘桔熱情果梳打就夠晒解渴

今次同朋友嚟到朗豪坊11樓The JEJU，一心衝住佛像甜品而來，可惜餐牌已經冇得賣，有啲失望😢。不過見OpenRice評價唔錯，都決定試吓佢嘅岩石板燒！一坐低就會有六款前菜同醬汁：有香橙沙律、酸蘿蔔、八爪魚、包飯醬、鹽麻油醬同洋蔥，味道多變，配住烤肉一流。今次叫咗Set B岩石板燒（2-3人用）罈子五花肉450g，肉量十足，三個人share都夠飽！五花肉燒到微焦，油香四溢，配埋杏鮑菇、韓式泡菜、菠蘿一齊燒，層次感豐富，咬落又有口感。炒飯都係套餐包埋，炒得香口，食完真係超滿足！飲品方面，推介接骨木花柚子梳打，清新解膩，柚子蜜味道突出。士多啤梨米酒味道都唔錯，微甜帶米酒香，配烤肉好夾。餐廳以岩石風格裝修，格調型格打卡位多，坐得舒服，無論同朋友定情侶都啱晒！雖然佛像甜品已經成絕響，但烤肉同環境都值得再訪。

今日天氣太熱，走左去朗豪坊行涼冷氣行，就順便食埋飯~ 見呢間韓國菜餐飯裝修幾有style，仲有岩石板燒幾特別，就入去食lunch試吓～-叫左個岩石板燒 Set B($376)，有罈子五花肉 450g 同炸醬拉麵～五花肉超大嚿，切出嚟起碼有20件，OPPA親自幫手燒，燒到啱啱好，唔怕自己整得唔好食🤭炸醬拉麵好彈牙，好似三養辣雞麵質，味道比較濃，配埋啲五花肉食好夾😋-加多個蕎麥冷麵（$88），啱哂呢啲熱辣辣天氣食，食落冰涼清爽，份量都夠2個人share食～-食燒肉梗係要飲吓凍嘢，揀咗兩款韓式特飲，接骨木花柚子梳打同埋漢拿峰百香果沙冰（各$48），2款飲落都唔會太甜，接骨木花味道都幾香，同柚子味都幾夾～

濟州韓燒已經登陸咗朗豪坊獨家火石烤盤+濟州島直送黑毛豬店家用上火山石盤燒肉，仲有專人幫手燒添，同一般韓燒唔同 ，服務好好。我地叫咗個Set B一上枱就有個六宮格配菜，包括:醬油醃章魚、醃蘿白、沙律菜、漬物、麻油同韓式燒烤醬。The veju Set B $376罈子五花肉450g+炒飯/炸醬拉麵(我地揀咗炒飯)五花肉肥瘦適中，店員燒到外層焦香，內裡肉汁豐富，建議可以分別搭配泡菜、蒜頭同醬料一齊食，味道口感層次會更豐富。濟洲名物有濟洲橙，呢度都會配一個俾大家，我哋加少少橙汁落d肉到發現更加解膩，食落幾清新。岩石板炒飯炒飯炒到鑊氣十足，加埋香蔥食落去非常香口，唔會太油膩。韓式芝士蒸蛋$68勁大碗，蛋香超濃，口感嫩滑，加入芝士增添層次。jeju yeah yeah$70外層係芝麻奶凍砌成嘅濟州島石爺爺外型，內裡有清新嘅柚子醬，奶凍口感比較結實，芝麻味濃，配埋朱古力餅碎同雪糕，食完十分飽肚。漢拿峰金桔雞尾燒酒$48呢杯酒味唔算重，金桔味比較出，飲落好順口。哈拉邦米酒$48呢杯酒味會比較出，但都有D酸酸甜甜，鍾意酒味重啲可以揀呢款。呢個火山石盤要讚讚，斜台式設計，有效減少多餘嘅油脂。

朗豪坊新開咗間濟州主題烤肉店The Jeju , 主打低溫熟成黑毛豬, 仲係韓國引進咗訂製既火山石烤盤, 而且價錢勁親民, 仲要全程有職員代烤, 唔洗自己出手, 真係必須大推🙌🏻💰Set B （2-3人餐） $376🍽️ 罈子五花肉用上濟州黑毛豬五花肉, 肥瘦均勻, 層次分明, 較一般豬肉鮮甜, 咬落帶小小煙韌口感, 感覺火山石烤盤令豬肉受熱更均勻, 更能保留肉汁. 除咗五花肉, 店員仲會放上泡菜、菇、菠蘿一齊烤, 菠蘿味道勁清甜, 連埋五花肉一齊食, 除咗消除油膩感之外, 亦令豬肉甜味倍升, 味道意想不到地夾.另外, 烤盤中間會仲放上濟州鳳尾魚醬比你地去蘸肉, 為五花肉增添鮮味.🍽️ 石板炒飯/ 炸醬拉麵我地揀咗炒飯, 另外仲加咗$20, 加雞蛋同芝士, 本身個飯底係泡菜炒飯嚟,經職員即席炒過之後,再加埋芝士、雞蛋, 令個飯更加惹味.🍽️ 拌菜套餐仲跟咗六款拌菜, 有醃章魚、酸蘿蔔、沙律等, 亦有麻油比你去蘸肉.🍽️ 接骨木花柚子梳打 $48接骨木花香澎湃, 好好飲, 推廣!🍽️ 漢拿峰百香果沙冰 $48夠真材實料, 飲到一粒粒打碎咗既百香果果籽,幾有口感.