The Jang － Korea Pocha ＆ Cuisine (新都會廣場)

營業中

休息中

呢個餐廳每晚8:30pm已經話要收工拒絕顧客進入。我剛剛有本事8:15pm去到，員工都在門口話last order。咁我馬上點菜，員工又話只可以手機點餐，拒絕幫我人工點餐。然後，8:32pm就俾我埋單。我問幾點關門，員工又拒絕回答（我知道係10點），不停話廚房收爐、要清潔，所以要埋單。我反問佢點解廚房同清潔關埋單咩事，個員工態度好惡劣咁問我：「你係唔係唔滿意？」我話：「我係唔滿意」佢個態度好似我欠佢錢要追債咁，一定要我8:32pm埋單。呢個餐廳員工態度差到不可理喻。

最平$178竟然可以食到韓燒炸雞任食放題⁉️😱NeneChicken X The Jang 為慶祝九周年推出限定韓燒炸雞任食放題❤️我今次試咗$239套餐 K-style Beef and Pork BBQ 🐔🐮🐷90分鐘任食（包烤五花肉、炸雞、韓食、牛肉拼盤放題）🍗炸雞有8款口味選擇，同平日分店質素一樣👍，炸雞仲超juicy😛特別推介韓式甜辣🌶️同初雪🧀口味，必試！🥩牛肉拼盤有霜降牛肉、菲力牛排同封門柳，醃製入味，配埋泡菜同芽菜包生菜🥬食，清新又唔油膩🤓另外🍜炸醬麵同辣炒年糕都好正，質素同餐廳單點一樣咁好食😋 炸醬麵係聯成「恭合春」，食完即刻一秒飛到🇰🇷！

我地一行18個人，有7-8個小朋友。由安排座位再加枱，拎餐具，都黑面。餐牌，要叫先俾齊，但係俾匙羹同埋筷子，又唔俾碟你，又要再問過，就係你俾唔齊餐具我地先問？！店員同經理全部都黑面咁拎過嚟。18個人坐長枱，佢竟然將18杯水放係同一個人前面，唔行過去擺，懶到呢⋯講緊我地有7-8個好細嘅小朋友。要我地由枱頭傳水傳到去枱尾？！食物不過不失。但態度差真係食到好唔舒服。入去食預左受氣。如果唔係我商場其他餐廳冇咁多位，真係唔會入去。

星期六晚上6點幾到，唔駛等位可以直入。由門口帶位嗰刻已感覺好差，直頭好似唔想有人嚟幫襯咁，食物方面都係咁，無咩特別。其實呢間野用咗第二個名，入到去睇餐牌咪又係nene chicken . 到食完其實我哋都未走只係老人家同小朋友起身去廁所，跟住我只係問左屋企人一句係咪可以用枱面個碼比錢，呢一個啲服務員變得好勸快，兩三個人即刻衝埋嚟幫你清理枱面，執晒啲嘢驚你瀨死唔走咁，我仲以為好多人等位，望下門口啲人全部都係等隔離攞茶，趕客趕到咁不如摺左佢啦⋯⋯啲人北上消費真係有原因

第一次寫食評，第一次留負評⋯但服務態度真喺好差，一個非負責安排入座職員胡亂安排我哋入座，之後有個自稱負責安排入座嘅職員話：其實喺我負責安排入座，依家我有6位客人要坐呢張枱，麻煩你哋起身（態度惡劣，仲怪我哋無經佢批准就入餐廳坐）。連基本禮貌都無，就算知道喺佢哋職員胡亂安排座位後，亦一句道歉或歉意都冇。然後所謂有6位客人要坐嘅果張枱，其實都喺得4個人（我哋都係4個人），除左無禮貌，仲講埋大話呢餐仲要收加一服務費😏

到舖時間下晝兩點，入門口前已被職員撞親，仲要俾佢啤？🙄跟住坐低自己用QR code落單，1417落咗單，到1441先有嘢食，仲要追咗店員一次，但其實全店先得四台客，已經有四個樓面，都可以做漏單？極度不解。遲來嘅嘢食，個店員勁晦氣放低。嗌咗個牛胸肉大醬湯午餐，嚟到變咗肥牛滾水加辣油，難食到唔知可以點形容，之後即刻埋單走人，仲要收加一？係加一俾佢發老皮？仲嗌咗個甜辣炸雞，但啲雞係凍嘅。建議佢盡快執笠🫠🫠🫠

等位非常快，以前佢兩間舖，而家冇咗埲牆，變咗一間鋪，座位變多咗，但感覺入去氣氛唔高級，食材比以前更加差咗，擺盤同味道都唔似係韓國人做，感覺似轉左手，前菜冇以前咁好好食，又鹹又辣，蘿蔔更加有渣，叫咗個蔬菜拌麵，還好，麵係腍的唔會太晏，剛剛好，但配菜比較少，牛肉係牛肉碎，仲要係得好少嘅牛肉碎，另外烤牛肉冇寫明係湯，但原來係湯嘅烤牛肉飯，另外豬肉飯勁辣，平時食得辣嘅朋友都食唔到唔，仲有豬肉太嚡！非常之唔滿意嘅一餐

食物唔太差，但偏鹹，食完要係咁飲水，個場唔夠人手，成個場得一個員工跑來跑去，叫佢攞啲嘢黑晒面，啲鐵板大大力掉落枱面發出噪音 ，唔知以為得罪佢，明白一個人做嘢，但係影響到顧客用餐，無下次

Lunch12:30落單，未到一點就係咁清枱，啲野食未食晒都照收走，蔘雞湯食左一半左右轉頭俾佢收走倒左，動作勁快，同佢講都講唔切，估計因為外面有一大班客人等緊位，食左40分鐘已經俾職員不斷嚟清枱，簡直趕客走！！

服務態度真係差，食物冇特別，款式太少，，職員不專業，不友善，冷莫，不會有下次，而且得90分鐘，好唔掂，吃得太急，座位太不舒服，不值，價錢不便宜，前菜又少，選擇少，

最近The Jang出了新菜式:韓式部隊鍋套餐, 將鬆炭式部隊鍋提升到一個完美層次！韓式部隊鍋 加韓式野菜鍋物伴即食麵用一片片火腿圍成了一圈，中間是軟綿綿牛肉和芝士，底部是野菜蔥蒜，很誘人！在煮的過程中更是散發出陣陣香味，真是色香味俱全！火腿的鹹香與牛肉的鮮嫩相得益彰，芝士在鍋中融化，增添了 creamy 的口感，讓人吃得停不下來！部隊鍋湯底炒飯將芝士同炒飯撈一起，芝士融化拉絲好勁，奶香的口感與炒飯的香脆和紫菜的香味形成了完美的對比！炸雞四件蒜香醬油味炸雞一入口，濃郁的蒜香立刻在嘴裏散開，香濃而不膩，讓人忍不住一口接一口。而甜辣味，更是讓人驚喜！甜中帶辣，辣中帶甜，完美地刺激著你的味蕾！

叫員工取任何嘢都隨便應你，等一下先，然後完全沒有反應，搭着雙手站在旁邊，叫了很多次才有一位有回應。食物還可以，炸雞味道較為出色，主菜比較普通，冷麵不太好味，粉絲炒牛肉牛肉也比較乾

- 葵芳｜The Jang -▪️火焰牛油海鮮3＋1鍋酒煮牛油海鮮鍋入面有蝦🦐、蠔🦪、青口，同埋唔少蜆，好足料。店員會先以牛油🧈兜一兜啲海鮮，然後落啲酒，再以火槍點火，造成火焰效果🔥，之後就會加返啲湯去煮。個湯飲落非常鮮甜，仲好香牛油味，而每款海鮮都食得出好新鮮。側邊圍住有熱炒小章魚🐙及五花肉🐷(辣)、熱炒豬皮🐷及豬腸🐷(辣)、香辣無骨雞腳🐔及辣炒雞肉🐔，超級豐富，而且全部要咗辣，好惹味▪️炸醬麵🍜揀咗細份，但都幾大碟。炸醬味道香濃，鹹度適中，配埋青瓜🥒、雞蛋🥚一齊食，唔會好油膩。另外麵條有彈性，又掛汁▪️水果梳打 (西柚)🍹酸酸哋，好清爽The Jang📍葵芳興芳路223號新都會廣場1樓185號舖📍尖沙咀河內道18號K11購物藝術館1樓107號舖

呢排好多人都去食呢個火焰牛油海鮮3+1鍋，搞到我都忍唔住去咗葵芳依一間餐廳嗰度叫返一鍋嚟食。佢呢個鍋真係好豐富，首先有啲整熟咗嘅豬皮、無骨鳳爪、雞肉、五花腩同埋洋蔥喺爐邊度，加熱一下就食得，而且可以揀辣或者唔辣。然後中間嘅位就放咗唔同類型嘅海鮮，例如生蠔、蜆同海蝦等等。而且店員仲會喺你面前倒入酒精再噴火，令到整個鍋燃起火焰，好好睇，又適合影相打卡。之後店員會加入佢哋嘅湯底，慢慢煲煮裡面嘅海鮮，真係好正。另外我哋仲叫咗佢哋嘅特級牛肉配搭，佢啲牛肉好靚好好食。油脂好豐富，而且佢哋嘅味道有部份已經醃咗，甜甜地好開胃。再加上佢哋獨特嘅豆瓣醬，所以配埋啲肉一齊食更加正啦。同時仲有辣蘿蔔同埋生菜等等作為配菜，真係好幸福。

✨前菜✨呢間泡菜冇膠味 帶有微微辣味；青瓜幾香、幾脆🥒食完幾好開胃😋😋😋.✨海鮮辣炒碼麵我地最鍾意呢個麵‼️湯底辣度好適中，帶有少少海鮮香🌶️👌🏻麵條偏幼身，質地煙韌🤏🏽非常掛湯汁，食落幾惹味😋。而海鮮有大小蝦、魷魚、青口，正正常常，啲蝦仲有剝埋殼 唔洗食到好論盡👍🏻🦐.✨火焰牛油海鮮3+1鍋一開頭好有儀式感，落酒再用火搶噴到個火焰出嚟😳🔥裡面真係海陸空有齊曬🤣🤣 小章魚、五花肉、豬皮、豬腸、雞腳、雞肉，仲有埋海鮮鍋喺中間🔥辣度上，海陸空啲辣醬比辣炒碼麵辣🌶️🌶️但可以接受👌🏻～肉類好香口+肉質彈牙 較鍾意啲肉🐙🐔而雞腳係無骨㗎‼️食起嚟好爽😆🐓，反而我地食唔慣豬腸+豬皮🥲。海鮮鍋裡面有：蝦、蜆、蠔、青口，同埋大概10g嘅butter🧈😈+酒+辣椒，呢個小鍋相對冇咁重味，更食得出海鮮嘅鮮味。.✨水果soda（西柚🧡）呢個口味又幾好喎，syrup同soda水又會融合，甜中帶微酸，解渴而好飲😙😙