影片
呢日放假同老婆大人入咗沙田行街街，每次佢都會去一田超市逛吓呢日都唔例外！行到入去見到佢好鍾意嘅雪糕店竟然係度開咗專櫃，我哋梗係即刻走去捧場食雪糕啦。呢間雪糕店個名叫做The Ice Cream & Cookie Co.另一間就喺中環歌賦街！上次老婆大人食完話佢哋嘅雪糕好特別，估唔到今日無心插柳可以試得到。聽講佢哋嘅雪糕三文治好出名！不過呢度原來淨係賣軟雪糕、曲奇同埋雪糕蛋糕。曲奇餅有好多味揀可以逐塊買又可以買禮盒裝！我哋都帶咗六件返屋企，搵焗爐整返熱嚟食超正，尤其塊黑芝麻麻糬好食到老婆大人都勁讚。我哋叫咗兩款唔同口味嚟試！焦糖脆餅軟雪糕配70%朱古力戀曲奇，軟雪糕食落好滑溜加埋脆卜卜嘅焦糖脆餅口感超正，另外一款係比較清新嘅斑蘭椰子軟雪糕唔會好Heavy幾清香，會配咗啲麻糬、椰糖醬仲有塊曲奇餅，一次過食到好多口感味道豐富絕對唔係一個普通嘅軟雪糕咁簡單。呢個6月有著數揀2份暖曲奇配軟雪糕只係$100平足$38，仲有任揀2杯軟雪糕比$70攪掂平咗$28，喺熱到high high咁嘅天時真係消暑恩物呀。
繼續閱讀
雪糕是大人和小朋友都會喜歡的甜品！或許是童年回憶的關係我對軟雪糕可說是情有獨鍾，記得一聽見雪糕車的音樂必定走去買杯享受一番。早前於中環試過了一間非常喜歡的雪糕店，此店原來已經進駐沙田新城市廣場一田百貨內。就是這間名叫The Ice Cream & Cookie Co.雪糕專門店，行入超市見到超養眼的海軍藍色招牌就是它了。店舖採用開放式設計一眼看盡曲奇及蛋糕還有軟雪糕機，點選後可以全程看著製作過程非常治癒。軟雪糕分別有充滿東南亞風情的Onde Onde，以及甜美可人的Biscoff Cookie Butter口味。另外還有手工曲奇出售可以$30單件購買，亦可選擇$175/6件的禮盒裝。店家更新推出了手工雪糕蛋糕$490/6吋，用料講究之餘更採用減糖配方可以吃得奔放，口味分別有Biscoff焦糖脆餅、茉莉花抹茶、荔枝玫瑰雪葩及黑森林雪糕蛋糕，喜歡花、果、茶或朱古力的朋友也不愁沒選擇。我選了70%朱古力暖曲奇配焦糖脆餅軟雪糕$69，於暖曲奇上唧下質感滑溜的軟雪糕，然後再灑上各樣配料便大功告成。Biscoff焦糖脆餅軟雪糕口感很滑溜，配襯Biscoff醬及脆脆餅口感勁豐富更甜而不膩，墊底的熱騰騰曲奇混搭冰凍軟雪糕吃出不一樣冰火滋味。另一杯選上Onde Onde斑蘭椰子球軟雪糕$49！幽幽的斑蘭香氣加椰子的天然甜味軟雪糕好清新，搭配煙韌麻糬及椰糖醬增添咬口和香氣，伴隨一件隨機的手工曲奇來豐富口感超讚耶。The Ice Cream & Cookie Co.有開幕優惠，由2024年6月4日至6月30日任選2份Cookie Soft Serves只需$100、任選2份Soft Serves$70，Mark低日子盡情享受甜蜜冰爽的6月啦。
繼續閱讀
大前日（18-5-2025 Sun）晏晝，同老公食完松露玉子燒（築地松露）後，老公要搵嘢飲，我就要搵新開，嚟自星加坡嘅呢間雪糕店，我哋喺一田超市內又搵到傻，正想放棄時，竟然被我見到一個擺咗蛋糕嘅counter，再睇吓佢嘅名，正正就係呢間，我即刻睇吓有咩雪糕食，唔多味道可揀，一個係$49.00嘅ONDE ONDE，見個雪糕味好特別，係班蘭椰子球軟雪糕，另一個係$69.00暖曲奇配特色軟雪糕，雖然話自選軟雪糕同曲奇各一款，但我見唔到有咩雪糕味，而且老公話唔鍾意食軟曲奇，所以唔揀呢個，就要前者。我哋去俾錢，咁啱店員要換紙，攪咗好耐，我俾cash佢，佢話呢喥只接受電子付款，如俾cash就要去超市收銀櫃檯。呢日成間超市塞滿人同大排長龍，我梗係唔去排，就用電子支付。俾完錢就等，好彩佢有個平台位俾客人企喺喥食，我哋等咗一陣就整好，班蘭椰子球軟雪糕味道清清地，唔太甜好舒服，口感亦唔係好heavy嗰種，好味；而麻糬係抹茶味，味道都好甘，與其話佢係麻糬，不如話係軟曲奇，因為佢唔煙韌。雪糕5分，麻糬4分價錢：老公俾完錢，我睇張單，$45.00平咗嘅？原來做𡁵新開張到25-5-2025（Sun）九折優惠。2.7分題外話：我𠲖o家寫食評至發覺，原來雪糕味道有兩款可以揀，因為佢哋將張嘢放喺“平台”嗰邊，我喺買之前嗰邊冇呢張嘢，不過好彩原來另一隻係焦糖脆餅軟雪糕咁普通。
繼續閱讀
最近我去咗一田超市，發現佢翻新咗，入咗好多新小食店，真係好吸引！其中有間新加坡過江龍嘅雪糕店，叫做 the ice cream & cookie Co.，我聽到都忍唔住想試一試。我選咗佢哋嘅招牌斑斕椰子雪糕。呢款雪糕食落去，首先感覺到嘅就係一陣香濃嘅椰子味，真係好香！但如果講到斑斕味，就覺得似乎唔係特別突出，感覺可以再強一啲。不過，就算係咁，雪糕本身嘅質地非常幼滑，入口即溶，食落去非常舒服。仲有，佢哋嘅曲奇就真係出乎我意料！唔會過甜，反而有一種淡淡嘅香脆感，啖啖都生津。而且，佢哋仲特意加咗啲細細粒麻糬，咬落去有驚喜，咁樣搭配真係好味到爆！總括來講，the ice cream & cookie Co.係個好地方，如果你鍾意雪糕同曲奇，真係非常值得一試！我下次一定會返去再試佢哋其他款雪糕同蛋糕，期待可以發掘更多美味。
繼續閱讀
🚩The Ice Cream & Cookie Co.〰️〰️〰️〰️〰️〰️〰️〰️〰️〰️〰️〰️〰️新加坡人氣甜品店進駐沙田一田啦‼️知道佢哋之前喺中環開咗旗艦店 ⊂(˃̶͈̀ε ˂̶⊂) 有超多款口味嘅雪糕｜仲有特色開心果雪糕咖啡知道作為新界人嘅我實在太遠啦好彩而家沙田一田都有得食啦🥹試咗佢哋嘅♡Onde Onde暖曲奇配特色軟雪糕 $69♡Biscoff Cookie Butter 軟雪糕 $49特別推薦佢哋嘅黑芝麻口味軟曲奇｜巨濃郁雪糕都好香濃｜不過完全唔會過甜另外仲有禮盒裝手工軟曲奇( ⁼̴̤̆◡̶͂⁼̴̤̆ )無論自肥定係送禮都好適合૮꒰˶ฅ́˘ฅ̀˶꒱ა依家沙田中環都有分店｜睇吓邊間近大家啦
繼續閱讀
您可能會有興趣的...