The Hub / The Space (已結業)

餐廳環境舒服，有露天空間，播放柔和音樂，整體用餐環境感覺relax有沙律，煙三文魚，西湯任食-》此前菜bar款式少不太吸引，好彩味道正常。全部人都叫牛扒，想7成熟變左全熟，想5成的沒有血，有待改進。賣相同成品其實有少少似茶餐廳，唔似cafe水準。追求好味就不用回頭了，但追求環境可以回頭。…查看更多

今晚同屋企日慶祝生日兼父親節，一早book左檯。因為哩度夜晚好似要book先得架，老闆仲可以依要求整菜式，成餐晚飯非常豐富。睇相啦大家👍🏻🤪一家人食得好滿意，小朋友仲可以喺大露台玩吓，哩間工廈隱世廚房係幾好的，唔似出面食晚飯趕住要食完交檯，哩度可以慢慢食慢慢傾偈，成件事好舒服。記得如果來食晚餐要提早book檯，同埋地點都幾方做，地鐵站出來3分鐘就行到過來，會繼續來幫襯。係正野！！衷心推介。😉…查看更多

我什少寫食評， 但嘗試完今次呢一間 The hub 之後 ，絕對值得一寫。由於我去食果時係閒日夜晚，所以人比較少，入去只有 2 枱客人，感覺舒服乾淨。餐廳外面有露天區。當晚我食咗嘅有 忌廉湯，沙津(一大兜)，帶子，牛扒，鵝肝，銀鱈魚，龍蝦，日本酒 最後有租品食材方面，一食已經知道係新鮮。龍蝦爽彈，鱈魚 帶子 熟度剛好，仍然保留嫩滑口感。我唔太熟酒類，老闆都有解釋 :)  整個用餐過程十分舒服，食物食完一樣先黎下一樣。…查看更多

我好少寫負評，因為食嘢好講个人口味，無謂影響人地生意，損人不利己。但今次真係忍唔住。今日晏晝去食lunch, 叫咗鵝肝牛肉眼扒同銀鱈魚，超難食，簡直遺反商品說明條例。我地食凈好多，但個waitress一句都冇問，服務態度認真麻麻。首先講鵝肝牛扒。我地懷疑嗰件係鴨肝，又或劣質鵝肝。件牛扒超薄，好似早餐嗰D咁。叫5成熟，但煎到又乾又硬，叉都拮唔入又切唔開。收费$208加一。個銀鱈魚亦唔似銀鳕魚，收費$188加一所謂semi buffet, 只有唔多新鮮嘅菜三款，煙三文魚同cheap火腿，南瓜湯(全場最正常)，以咁嘅收費認真離譜!地方環境一般，只喺工廠大廈，以為咁嘅價錢食物質素應該唔錯，點知係有史以來數一數二最差難怪由頭到尾都係得3、4枱客。…查看更多

Lunch Set = Mains + Salad Bar + Soup + Drinks 所有Salad Bar嘅都係任攞 沙律款式唔多但勝在都幾fresh同埋有煙三文魚同cold cut攞🥗 小小detail位已經為全餐飯留個印象位 今日餐湯係洋蔥湯 正常水準 另外甜點仲有爆谷食添🍿🤩燒美國帶骨保濕豬鞍配蘋果醬($168)厚肉豬鞍帶骨都好夠份量 食落一啲都唔乾 肉質未至於嫩但唔會諧口 一定厚有口質得黎亦整得好腍 伴碟蘋果上有片焦糖 再配蘋果醬感覺幾清新幾match🍎📝lunch time黎唔會好多人 兩次去都唔full 成team人去食傾計都好自在 餐廳仲有balcony位 秋冬天無咁熱無咁曬應該幾好氣氛~~ 嘢食環境一流 服務唔錯 價錢又合理 想好嘅餐廳多啲人認識 但又怕多左人爭位 好矛盾呀😝…查看更多