The Glam

最近我去咗尖沙咀The One嘅The Glam餐廳同朋友慶祝生日☺真係好開心嘅用餐體驗｡我哋叫咗個二人餐,仲加咗份香茅泰式雞翼作為小食｡🍗二人餐包括兩個starter､兩個主菜同兩個甜品｡雖然starter嘅選擇並不多,但我哋揀咗魚子醬蘆筍帶子,味道非常好,帶子新鮮,配合魚子醬嘅鹹香,真係一絕!✨另外,香茅泰式雞翼外脆內嫩,香氣四溢,搭配醬汁更係好味,食完真係令人回味｡😋主菜我哋揀咗封門柳同鱈魚｡封門柳真係好好食,肉質鮮嫩,味道正!🥩不過,鱈魚就比較普通,冇咩特別驚喜,味道有啲平淡｡甜品同樣唔可以錯過,口感細膩,味道搭得好好,真係食完令人滿足｡🍰員工都好有禮貌,態度熱情,令我哋感覺好舒服｡👍總括來講,The Glam真係值得推薦,食物美味,服務一流,環境好靚!如果你喺尖沙咀附近搵地方食飯,呢度絕對係個好選擇!🌟📍The Glam (尖沙咀)尖沙咀彌敦道100號The ONE 20樓

喺尖沙咀The ONE嘅呢間🌿The Glam🌿本身係婚宴式餐廳，唔打去問都唔知原來佢哋有晚餐套餐，今日就嚟到試吓呢度嘅set dinner，2人餐 $968，前菜方面我哋揀咗兩款分別係，🥗凱撒沙律、巴馬火腿、蕃茄及水牛芝士同埋🐚香煎北海道帶子配法國青豆蓉（ADD $40），帶子嘅熟度啱啱好👍🏻，所以食落比較爽嫩，賣相都唔錯，沙律方面都新鮮，但係整體都比較普通🍲Soup:餐湯嘅方面每一日都會有唔同，今日嘅就係忌廉湯，都係冇乜特別，偏淡同埋冇咩餡料係入面😩🍝牛肝菌闊意粉配黑松露 :到主菜方面我哋就嗌咗呢兩款，呢款牛肝菌意粉係素食嚟，佢另外配咗白汁，食起上嚟唔會太膩，味道都幾濃郁😋算係唔錯，意粉嘅軟硬度同份量都適中🐟和風麵豉醬烤深海鱈魚 :至於另外呢一款就係烤鱈魚，佢配咗麵豉醬個味道都幾夾又夠新穎😆，鱈魚冇雪藏味之餘又夠鮮嫩，整體唔錯👍🏻，係份量比較少最後甜品方面，我哋就揀咗Tiramisu🍰 ，咁啱生日嘅關係，所以佢哋會幫你寫上Happy birthday添，tiramisu味道都ok既，唔會好甜，整晚用餐嘅環境體驗都算唔錯，同埋佢哋有個露台，可以望到尖沙咀嘅景色添😌

婚宴靚景場，午餐抵食～又到唔知食咩Lunch 既時間，上網搵到呢間The Glam 環境好似唔錯！咁就訂位試下了，The One 20樓全層都係餐廳範圍，一出𨋢就見到了，環境好靚好田園風，睇得出係婚宴場地，樓底好高，仲有城景又見到少少海景咁～Set Lunch $178 up，包左湯/沙律同甜品、飲品都OK啊。今次揀左Set Lunch $278慢煮頂級封門柳、薯條、紅酒汁，前菜方面揀左意式海鮮沙律，甜品揀左Tiramisu 同咖啡，餐包係比較少見既朱古力牛角酥，味道都唔錯，沙律有好多海鮮係到！封門柳份量唔算大，不過好有肉味，Tiramisu就比較甜既，食完成個餐都好飽下～～ 質素都係中上的！晚餐立下眼望好似$500左右就唔算平，不過午餐係呢個環境我覺得幾抵！🏠店名：The Glam 🚘地址：尖沙咀彌敦道100號The ONE 20樓#尖沙咀 #尖沙咀美食

今日慶祝紀念日，老公話帶我去食好野😝黎左尖沙咀既The Glam,食野之餘仲食埋環境，超大玻璃窗將陽光透入黎，又望埋海，好有feel一個前菜，2個主菜，湯，仲有甜品及1杯飲品前菜有parma ham 配沙津菜開開胃，仲有個牛角包都做得幾鬆脆個湯係蘑菇忌廉湯，冇咩特別。半隻龍蝦配扁意粉，都係正正常常，唔係特別出色。M6澳洲和牛肉眼，呢個好食！唔會整到好柴👍甜品我忘記左影相😩總括來說食物水準不過不失啦～如果係慶祝特別日子嘅話都唔錯👍

今日帶朋友嚟慶祝生日🩷呢間餐廳嘅環境一流，慶祝打卡必選！以森林系田園風格為主題，優雅嘅木製餐桌，配上綠色植物。餐廳採用落地玻璃設計～自然嘅日光，令整個環境充滿歐美田園氣息，心情感到舒適放鬆。✌🏼訂位時，特別request 安排窗邊位置，一邊享用美食，一邊飽覽維港景色。Set Lunch 🩷餐飽: 朱古力牛角包及牛油方包牛角包外層香脆，灑上朱古力粒，麵包中間嘅朱古力係流心，非常好食👍🏻🩷餐湯: 蘑菇忌廉湯蘑菇湯不算香濃，內𥚃有少量蘑菇碎，面層有泡沫及芽菜苗(有啲腥)賣相麻麻哋🩷海鮮意大利飯 $238食材有蝦，青口及帶子，幾豐富。蝦爽口好食，青口唔錯，帶子大隻，但有少少雪味海鮮蕃茄醬汁幾好，意大利飯粒粒分明充滿香草香味，開胃易入口😋🩷香煎海鱸 $248海鱸魚皮煎到金黃色，外層香脆，內𥚃肉質嫩滑。湯底嘅海鮮湯有，薯仔蘿蔔粒及豆類，味道似清淡版嘅羅宋湯，如可以濃味一些，應該更加惹味😊甜品:🩷Brownie 外脆內軟，咬落外面係微脆，入面係濕潤柔軟，朱古力香濃，甜中帶有微苦，當中配有堅果，充滿住堅果香氣，口感更加豐富。🩷Tiramisu有濃郁的咖啡香氣，外層嘅奶油香滑，口感輕盈唔會太漏，但爭緊啲

同三位八月之星嚟食生日飯侍應帶到四人大枱，訂咗窗邊位，但係其實都唔太近窗邊，而且對住大廈好大條外牆柱，夜景只係好小，失望😔😔叫咗兩個2人set dinner ，食物都係失望嘅😔麵包同磨菇湯，唔熱，少少暖，稀，冇乜菇味😔頭盤，風乾火腿沙律，只得一小片火腿，而且一食味道就知道係平嘢😔 煎帶子沙律，呢個煎得幾好幾香👍🏻主菜叫咗兩個封門柳，冇乜牛味，面燒得太燶😔慢煮鴨髀，味道可以，但係唔夠腍，好鞋😔香煎鱈魚，呢個味道幾好，正常發揮🙂甜品安排咗生日寫字，服務幾好，有主動幫忙影相！味道方面，tiramisu同埋牛奶布甸，味道幾好，又唔會太甜👍🏻👍🏻餐廳樓底好高，園林佈置，每張枱亦都隔好遠，傾偈唔錯👍🏻👍🏻臨走經過露台可以出去影夜景👍🏻

工作過後，到達餐廳，過左繁忙的午餐時間，所以人不多，落地玻璃景色，好舒服。再加上枱與枱之間有一定距離，傾偈傾得更舒服。午餐抵食，由包包、前菜，主菜、甜品及飲品。我地主菜揀左義大利餃子，同煎魚，大家share 食，好飽好味。甜品令人驚喜，我哋齊齊揀咗tiramisu，食落口好有口感，味濃，加埋藍天白雲嘅景色，感覺寫意舒服。值得約埋三五知己一齊去食，又或者拍住拖去享受。記得可以喺OpenRice訂位，賺埋積分，咁就再抵啲啦。

除咗餐廳仲係海景婚宴場地 以森林系風格環境真係靚到爆 帶朋友黎慶祝生日好有feel!!餐聽除了窗邊位 還有一個露台可走出去能俯瞰尖沙咀的景色 節日仲可以睇埋煙花🎆SET DINNER FOR TWO ($968+10%)餐前麵包•Appetizer•凱撒沙律配巴馬火腿蕃茄及水牛芝士沙律菜好新鮮清甜爽脆 有蕃茄粒加埋巴馬火腿口感更具層次•Daily Soup•忌廉蘑菇湯濃郁蘑菇味每啖都有蘑菇碎 水準正常發揮•Main•牛肝菌闊意粉配黑松露一上枱牛肝菌及松露散發著濃烈獨特香闊條意大利麵煙煙韌韌 麵條均勻吸收醬汁份量仲好多添 黑松露亦都一啲都唔孤寒✨慢煮封門牛配薯條紅酒汁牛肉味香濃 切下去有軟淋質感 入口肉質滑嫩 不韌不柴 比較喜歡沾汁一齊食•Dessert•意式奶凍奶味好濃！好幼滑而且不會過甜 上面配搭少許雜莓都幾好食.Tiramisu相對比平時嘅多cream又夠滑 我超鍾意食啊酒味濃度足夠 食落手指餅濕潤度亦剛好賣相好靚好高貴的酒杯 打卡靚靚啊•Set Tea•凍檸檬茶

環境都算一流嘅 望住個海食飯心情係會好啲 但係食物質素方面真係唔太掂 晚餐人均消費$620 呢個價錢真係唔會expect係呢個質素 🙃 呢個價錢加呢個食物質素CP值好低香烤大啡菇 $108下面嗰塊菇水野野咁 唔似烤到juicy嗰隻 好似搵水烚咁 唔識形容🥲炒菠菜苗 $88味道正正常常 就係普通淥菜加啲奶油汁醬咁上下波士頓龍蝦意粉 $388呢個真係要講吓 隻龍蝦本身都知一定係冰鮮 但佢係直頭係冰鮮得嚟極度唔新鮮 懷疑係喺室溫環境放咗好耐？ 隻蝦鉗係有少少臭味🫠🫠香烤澳洲西冷牛扒 $388呢個都係正正常常 一塊冇咩味嘅牛排Gin tonic Avocado shake 奶味太搶飲唔出牛油果味總結就係 性價比好低 嚟嘅話就自己做好心理建設係食view的！！另外一提 餐廳入面音樂好細聲 樓底又高 成晚就係聽到隔離枱講嘢啲聲 建議音樂可以大聲返少少會有feel啲 話晒係食環境

無敵室外維港及室內田園景緻⛰️，舒適享受休閒午餐而不會被催或趕走，可以坐到下午四點，真正享受慢活🥂午市套餐🍴🫖包括餐湯🥣或沙律，迷你牛角包🥐，甜品係唔hea 嘅tiramisu, ☕️及咖啡或茶：🥢菠菜意大利雲吞$178🥢慢煮鴨脾，蘆筍及薯蓉$238個場同時接受婚宴或包場預訂，搞graduation dinner或者公司event都唔錯

幫屋企人慶祝生日！上到去黃昏時間景色好靚，之後變成夜景，夜景非常美麗！餐廳內，座位舒適，枱與枱之間，空間大！食物質素不錯！員工服務令人非常滿意！甜品加上生日祝福語，印象深刻！值得再去！

同朋友慶祝生日，餐廳環境同個景係絕頂。餐廳有位男員工非常讚，幫我地不停影相。 唯一覺得個甜品tiramisu太多cream同太多酒，平均手指餅同cream會好食好多。

朋友生日特別上網搵咗呢間餐廳試食, 一早訂咗位去到就可以即入座, 人流唔算多, 座位只可以安排到近窗邊, 都可以望到維港既, 雖然我預早講咗話想坐窗邊位, 三個人叫咗個二人餐再加小食係最化算餐包 餐湯同沙律小食雞翼 - 賣相係冇既, 味道都係一般慢煮封門牛 - 外層黑漆漆, 賣相唔掂, 食落都係一般, 雖然肉係仲有紅色, 但外層太燶同硬海鮮意大利飯 - 賣相唔差, 味道都唔錯既有酒精特飲 - 賣相不錯, 酒味比較濃兩杯無酒精特飲 TIRAMISU - CREAM多蛋糕少意式奶凍 - 奶味好濃呢到環境係唔錯既, 地方大燈就比較暗, 有維港景睇, 食物質素就一般, 價錢都唔平可能係尖沙咀區

呢間餐廳🌇真係夠晒寬敞!坐擁維港靚景,場地好大間又好私密,無論同朋友傾計🍷或情侶約會 💑都超合適。餐牌選擇ok, 個人最鍾意係熱辣辣牛角包同沙律🥖🥗,連同佢哋嘅魚同扒都幾正！服務亦都值得一讚，非常誠懇又有禮貌，真得推介

♨️The Glam尖沙咀彌敦道100號The One 20樓@theglamtheone ♥️尖沙咀古典歐陸式落地玻璃望海餐廳，環境寬敞食物出色，cocktails好靚又好飲，員工態度熱誠，維港Seaview夜景令人陶醉🥰🔷沙律🔷香煎北海道帶子🔷是日餐湯🔷波士頓龍蝦意粉🔷香煎比目魚🔷Tiramisu 🔷Brownie 食物：8.5/10抵食：8/10環境：9/10。。。 #美食推薦 #美食日記 #香港美食指南 #香港美食日記 #香港美食 #hkig #hkfoodie #foodiehk #hkfoodblog #hkfood #foodhk #hkfoodlover #hkfoodstagram #hkfoodblogger #hkfoodpic #foodporn #foodphotography #foodblogger # #chillrestaurant #維港景 #seaview #seaviewrestaurant #食在尖沙咀 #尖沙咀美食 #tstfood #tiramisu #比目魚 #龍蝦意粉 #cocktails