The Francesco

營業中

休息中

有朋友介紹呢間意大利餐好抵食，話性價比高，今日終於有時間過嚟試試~~ 店內空間感大，有格調，座位寬敞舒適，氣氛唔錯。叫咗個 $468 Set Dinner for 2，個 menu 睇到有少少混亂，因爲差唔多每款都係要加錢，何不一開始就定咗個價錢先，感覺有少少取巧成份 🙈😋 香煎帶子牛肝菌意大利飯 ~ 飯粒偏硬身有咬口，米心帶點煙韌，係我喜愛嘅正宗意大利飯，加上牛肝菌味道濃郁又夠 creamy，每一啖都幸福感滿滿！😋 美國肉眼扒 ~ order 三成熟，不過出到嚟係七成熟。。。可能見到我神情有異，會主動提出幫我叫大廚再準備過，呢一點好細心。塊扒肉味香濃，油花豐富，口感軟腍。甜品要咗芝士蛋糕同朱古力蛋糕各一，不過略嫌偏甜 🙈🙈

抵食義大利餐廳！過嚟慶祝生日都係一個唔錯嘅選擇🤣 嗌左2人晚餐再加少少菜式，4人埋單都只係 $1,086🌟 美國肉眼扒 (12oz) (4/5)
🥩嗌咗7成熟，煎得外脆內嫩，表面有少少鹽提味，唔使加汁都超美味😋🌟 香煎刺生帶子牛肝菌意大利飯 🔥🔥 (5/5) 
今餐MVP🤤 帶子煎得恰到好處，Q彈鮮甜，牛肝菌嘅濃郁菇香撲鼻，面頭加左少少芝士碎融進飯裏面！滿分💯🌟 忌廉汁煮藍青口多士 (2.5/5)
價錢係抵食既（$128）～ 不過忌廉汁太重，淨係食到濃濃嘅奶香，其他味道被蓋過。青口有啲未開口，多士夠脆，但整體稍為失色🥲🌟 烤雞凱撒沙律 (4/5)
雞皮煎得香脆，雞肉嫩滑🌟 龍蝦湯 (3.5/5)
中規中矩🍰 甜品 + 飲品
原本想叫Tiramisu，但無貨🥲，轉咗芝士蛋糕同朱古力蛋糕，味道一般般，朱古力蛋糕真係可以skip😂。飲品亦無特別亮點

💟寶石媽媽美食好介紹💟為着慶祝小朋友的努力，我決定帶佢哋去我成日幫襯嘅高質西餐廳，因為我兩個女都好鍾意❤️食西餐㗎！心目中的世一西餐廳，近期一定係大角咀✡️The Francesco (大角咀)✡️平民嘅價錢，但就用著高質素嘅食料，用心經營。對✡️The Francesco (大角咀)✡️，我都仲係心心念念炸黑椒蜜糖薯仔雞鎚，女女話黑椒有少少辣，但係女女都覺得好香口好好味。完全停唔到口啊。今次嘅我就想試多少少不同嘅小食，我揀咗鵝肝多士。鵝肝🪿好厚，但係外脆內軟配上酸酸甜甜的醬汁十分開胃。今次仲嗌埋龍蝦🦞湯添。食得太多即食龍蝦湯真係同西餐廳嘅好唔一樣啦！呢度嘅龍蝦湯香濃而不膩，不知不覺就飲晒啦！仲有一道菜係我有時返工放假都記掛在心嘅。就係海膽🌊忌廉汁意粉啦。香濃嘅海膽包住每一條嘅意粉🍝淡淡香甜。當然一定要計埋甜品🍮啦。推介佢哋嘅自家製蘋果🍎🍏批配雪糕，同出邊好唔一樣㗎酥皮焗得好好香，蘋果好甜。小朋友最喜愛嘅雪糕🍦全部食晒。完成呢一個晚餐，真係捧住個肚走啊！✡️The Francesco (大角咀)✡️✡️大角咀大全街47-49號大同新邨大滿樓地舖✡️#大角嘴 #大角嘴美食#打卡#食好西#美食#Chill嘆

呢排好多朋友介紹呢間，鍾意美食既我地點會錯過！食物由意大利主廚主理，環境好有格調，而且坐得闊落又舒適。我地早早就去到影下餐廳環境，揀個靚位！牛肉漢堡配薯條漢堡大大個勁足料，切開芝士沙律醬流曬出來，相當吸引，濃郁惹味。蒜香牛油粉絲蝦汁虎蝦扁意粉香濃牛油蝦汁香味遍佈成個意粉。一上檯就一陣飄香。大蝦開邊整，大大件新鮮又嫩口仲加埋濃濃芝士，啖啖都係享受龍蝦湯我地最喜歡既龍蝦湯。濃郁香味撲鼻而來，令你忍吾住飲多兩啖先。餐飲係凍蜜桃茶由其食完漢堡，飲一口清新涼爽，陣陣桃香帶來大大滿足最後不可缺少既甜品自家製心太軟朱古力蛋糕配雪糕，朱古力蛋糕甜而不膩，濃郁香醇。雪糕甜度都啱啱好，入口即融。

朋友介紹大角咀有間高質餐廳，於是上星期同小朋友喺附近行完街就去試試！餐廳嘅環境氣氛都唔錯，座位空間闊落是日例湯 - 椰菜花忌廉湯 $48椰菜花忌廉湯口感香滑濃郁，唔會太膩黑松露炸薯條 $58薯條🍟炸得非常香脆，配合埋香濃嘅黑松露，好惹味呀！煙三文魚薄餅$168Pizza嘅份量都唔細，餅底焗得非常香脆，餅面有滿滿嘅芝士🧀同煙三文魚，真係好足料蒜香牛油粉絲蝦汁虎蝦扁意粉$168好大隻虎蝦🦐，肉質爽口彈牙，虎蝦上面嘅蒜茸牛油粉絲好惹味，香濃嘅蒜香汁掛滿哂係意粉度，十分滋味，而意粉🍝嘅煙韌度亦啱啱好

一向知道這裡食物質素和環境唔錯，今天公司請食飯，我們一行接近20人，預先book了枱，預定了食物，一去到就有得食了。感激餐廳職員細心的招待，我們在這裡渡過了一個愉快的午餐時間。

前排約咗個好朋友在大角嘴呢間餐廳食Dinner😙在其他朋友介紹下呢度啲西餐都唔錯咁☺️我哋就去左試下😊份量都好足☺️食到都好飽下風乾牛肉火箭菜薄餅風乾牛肉口感鮮嫩，帶有濃郁的肉香，略微咀嚼感，肉味十足🙃火箭菜清新爽脆，帶有微微的苦味，為整道菜增添了層次感😚蒜香牛油粉絲蝦汁虎蝦扁意粉粉絲滑嫩通透，吸收了蝦汁的鮮味，口感柔軟且富有彈性😚虎蝦肉質鮮嫩，蝦味濃郁，搭配蒜香牛油，增添了海鮮的鮮美☺️意粉口感Q彈😚手工芝士薯波炸至金黃的外皮酥脆☺️內裡的薯泥與芝士融為一體，好惹味☺️自家製玫瑰芝士蛋糕質地非常柔滑，入口即化🙃具有一層淡淡玫瑰香～令人感到愉悅😘餐廳環境裝潢～木係簡約風格😍座位空間夠闊落😉唔算坐得好迫😉食物都有番咁上下水準☺️值得一試🥶

最近同朋友去咗呢間價格相宜的意大利餐廳食晚餐，餐廳走簡潔木系的風格，空間感十足，可以容納大量客人，餐廳環境舒適，食物質素都好高，值得一試！👍🏻1. 🦑椒鹽炸魷魚鬚 ($68)魷魚鬚炸得酥脆，撒上椒鹽調味，味道不錯～2. 🦐香煎大蝦雙重芝士忌廉汁扁意粉🍝($148)鮮蝦大大隻，意粉用上雙重芝士忌廉汁煮成，非常邪惡😈，每條扁意粉都煙靭又掛汁，非常滋味！🤤3. 🐏燒羊肋排配雜菜薯條 ($198)羊肋上枱的時候，還有剛烤好的吱吱聲，羊排焦香，肉嫩多汁，薯條炸得香脆，沙律菜清爽開胃，整體份量都好大份，可以同朋友開心share～😆4. 🍰自家制玫瑰芝士蛋糕 ($68)芝士蛋糕上面放了幾粒藍莓，味道帶淡淡的玫瑰味，餅底偏厚實。

今次又發掘到大角咀有間平價西餐📍The Francesco🌟必試推薦：蒜香牛油粉絲蝦汁虎蝦扁意粉💰158超大隻虎蝦好吸精，粉絲索晒牛油🧈香味，好吸引，扁意粉🍝好爽滑。🍴西班牙乳豬配薯蓉💰268乳豬皮脆肉質嫩滑，薯蓉好綿滑。🍴龍蝦🦞湯68龍蝦湯湯頭好濃郁，偏重口味。❗️Set dinner 💰468 for 2人套餐📍 The Francesco (大角咀)大角咀大全街47-49號大同新邨大滿樓地舖總結：The Francesco 價錢合理，店員服務態度好。#香港探店#平價西餐 #意粉

Openrice搵意大利餐廳搵到呢間多好評點知真係伏伏伏伏伏為左呢餐飯我黎打人生第一篇Openrice食評Dinner Set $468 但2個main course 6個選項都要分別加錢叫左+28蚊既牛肝菌帶子意大利飯已經唔想講有無牛肝菌味，飯係硬到好似食膠粒咁同侍應反映，佢想hea我話意大利飯係咁硬我唔係無食過Risotto，我200%肯定Risotoo唔係硬到咁，香港又好意大利又好d飯都唔會硬到咁既程度侍應好粗魯咁收走碟野，換左個海膽忌廉意粉，味道都係一言難盡…我形容唔到係咩味，總之唔係好食，又甜又有怪既酒味，每人食左兩啖就食唔落然後+80蚊既西班牙乳豬不知所謂，豬有豬肉騷味，肉又厚又腥，皮唔脆，難食過街市20盒既燒肉飯，墊底既薯蓉係酸既，我真係黑人問號，點解收呢個價錢但整到咁難食既野食？甜品，芝士蛋糕同朱古力蛋糕，竟然係全餐飯唯一食到落肚既野奇怪既係，上枱既時候係2件裝埋一碟想點呢，Assume客人一定要share?從未見過甜品咁樣上… 耐人尋味埋單$637，呢個價位呢個質素，我真係震驚到懷疑人生

今日係一個特別既日子 做完野要食餐好對自己好d去左大角咀食意大利菜因為佢有我最鐘意既鵝肝😍點左幾樣野💚鵝肝多士鵝肝配多士真係好好味，每一啖都係味蕾嘅享受💚香煎大蝦雙重芝士忌廉汁扁意粉芝士忌廉汁濃郁香滑好出色呀😋😋配上扁意粉真係一流，你地一定要點尼個真係好好食💚海鱸配忌廉汁配薯蓉 嘩尼碟海鱸我真係估唔到咁大碟呀😵半條魚上煎到脆卜卜好香口呀，點埋忌廉汁多左層次薯蓉都好好味呀，仲有d 薯仔咬下口感層次豐富🍹Fruit Punch2個人係食唔晒架3個人就岩岩好喇呢間餐廳唔單止有我最愛嘅鵝肝，其他野食都相當出色，絕對值得再黎😬😬😬📍The Francesco (大角咀)大角咀大全街47-49號大同新邨大滿樓地舖

一行5人 慶祝朋友生日點左小食、明太子意粉 同 帶子risotto雞翼好juicy 好大隻薯條 好脆 有黑松露炸雞鎚有驚喜 切開係薯仔同雞肉再拎去炸明太子意粉 好入味 一啲都唔腥帶子risotto 好有口感 我哋買咗個蛋糕慶祝 店員幫我哋係碟上面寫happy birthday 值得推薦 性價比高！

臨近情人節，做咗人爸爸媽媽都要慶祝㗎💖今日就喺大角咀搵到呢間高質西餐廳🍴有冬媽最鍾意嘅海膽忌廉意粉 同埋冬爸最愛嘅肉眼扒 價錢都幾親民 性價比高 正呀😋🍟黑松露炸薯條同平時食嘅黑松露都有啲唔同 佢嘅黑松露醬已經放咗落薯條上面 令每一條薯條都充滿黑松露味😋🍝海膽忌廉汁意粉面上面嘅海膽充滿鮮甜味 意粉口感非常Creamy 每一啖都濃濃嘅芝士味🥩美國肉眼扒12安士燒汁配新薯肉眼扒肉質柔嫩，油花分布均勻 咬落去嘅時候好有肉汁 搭配燒汁提升咗肉嘅鮮味

今晚嚟到大角咀搵食，估唔到呢度有間咁正嘅西餐！餐廳地方闊落，約三五知己嚟食晚餐，坐得夠舒服！今晚我哋兩個人生叫咗幾樣餐廳嘅招牌菜，全部都非常高質，有驚喜👏🏻🍴鵝肝多士 $138 - 香煎鵝肝非常肥美，夠份量，外皮煎到好香脆，兩塊多士用上厚多士，份量十足！加埋蘋果蓉一齊食，中和晒鵝肝嘅肥膩感，食完罪惡感唔算太大🙈🍴明太子意粉 $138 - 非常好多明太子！而且唔算好鹹，配埋面頭嘅黑魚子同芝士，勁Creamy，超濃郁，正！👍🏻🍴香烤羊肋條 $198 - 絕對係今晚嘅MVP ！冇諗過$198一份楊條，份量會係咁大！兩三個人食都足夠🤪而且羊肉都非常高質，外皮烤得好香脆，啖啖肉，加埋羊嘅少少蘇香，非常啱我，仲要有埋薯條同沙律，超級抵食👍🏻👍🏻👍🏻🍴自家製蘋果批伴雪糕 - 最後試埋佢個自家製蘋果批，質素都唔錯，同樣係大大件，入邊有好多蘋果粒，唔錯👍🏻呢間餐廳質素咁高，價錢又平，完全係性價比之選！一定返食！

西餐一向喺我至愛平時淨喺食肉醬意粉今次終於鋸扒，本來好怕牛扒好難鋸點知超軟熟，入口即溶，非常juicy😋😋當然仲有爆汁漢堡包、熱辣辣薯條我同屋企人都食到好飽又滿足