45
16
2
港鐵灣仔站 A1 出口, 步行約7分鐘 繼續閱讀
電話號碼
21386800
開飯介紹
The Drawing Room設計融合西方和現代亞洲風格,客人置身其中,儼如回到家中,在輕鬆和溫馨的氛圍享受由日至夜不同的餐飲選擇。The Drawing Room全天供應新鮮時令國際美食,午後則供應下午茶。每到下午5時30分,瑞吉主人(St. Regis Host)將在這裏為客人展示獨特的瑞吉香檳刀削儀式 (St. Regis Champagne sabrage)。 繼續閱讀
營業時間
今日營業
12:00 - 17:30
18:00 - 22:30
星期一至日
12:00 - 17:30
18:00 - 22:30
*午餐時段: 12:00-14:30; 下午茶時段: 14:30-17:30; 晚餐時段: 18:30-22:30
付款方式
Visa Master 現金 AE 銀聯
座位數目
93
其他資料
Wi-Fi
酒精飲品
自帶酒水
切餅費
泊車 詳細介紹
外賣服務
加一服務費
室外座位
食評 (73)
等級4 2021-04-15
5503 瀏覽
好開心可以同茶蜜預約到The Drawing Room的下午茶來慶祝我的生日,加上剛好佢地因為新年的關係,甜點會有新年的款式,預約左三個月的時間,終於去到食佢地的下午茶啦,環境的話,看上去樓底很高~梳化座位也坐得滿舒服,而且桌與桌之間相隔不會太近,再加上落地玻璃,不論是空間感同埋採光度真的做得好足,天氣好時,加埋自然的採光,真的享受咁食下午茶~~下午茶SET會有8件鹹點、8件甜點、兩款鬆餅和兩款飲品,因為生日月去食,職員會貼心地給上兩件甜點,真的有驚喜,茶方面點左桂花茶,真的飲到離開個陣都仲KEEP到個味~~鹹甜點方面,職員會為我們介紹鹹甜點的款式,因為我同茶蜜唔可以食太多甜野所以鹹點比例會多一點,甜點就試下佢地的新年款式~鹹點真的款款都有心思,味道剛剛好,由其紅菜頭馬卡龍同埋菠菜三文治真的唔錯,我同茶友真的好滿意佢地的鹹點,甜點方面,八款當中有四款是新年造型,有花生餡的,真的甜度都唔會太甜,另外有杯茉莉花茶啫喱慕絲真的好清新,入口好滑,Gateau au Fromage 入口順滑,真的令人想一食再食,仲有後面的熱鬆餅,去到哩個位,已經食唔曬啦,但同茶蜜分享左一半食,另外加埋枱頭有不同的果醬+蜜糖,鬆餅熱食都脆口,整體來說哩度的下午茶都有質素的,價錢都有少少貴,但都值得一試!多謝茶蜜的生日下午茶~~ 繼續閱讀
(以上食評乃用戶個人意見 , 並不代表OpenRice之觀點。)
今年沒有去親威度拜年,只有初四那天和朋友去了吃 Afternoon Tea是預兩個才Book到的 The St. Regis Hong Kong · The Drawing Room就價錢來說比起平時吃開的酒店都稍為貴一點環境的話,這裡的樓底很高~梳化座位也坐得滿舒服,而且桌與桌之間相隔不會太近再加上落地玻璃,不論是空間感還是採光也很充足呢!在桌面上一早放了三款果醬+1樽蜜糖,是配下午茶鬆餅吃的。坐下後職員放低了一本精緻的小書,其實是Afternoon Tea Menu 來喔~Tea Set For Two ($748) - 會有8件鹹點、8件甜點、兩款鬆餅和兩壺茶茶的話有十二款可選,我們可以在職員作簡單介紹每款茶後才決定我選的是 - Darjeeling Moonshine Scented White Tea味道細膩且帶有少許的甜味,聞起來也很清香的啲這Tea Set與其他酒店地方不一樣的地方是 ...當中的鹹、甜點是從職員推來的車子中選擇~每種都有八款,可按自己的喜好選擇職員會為我們一一介紹,待我們選好再為我們擺盤上桌 其實鹹點就八款而已,所以我們各款都要了一,那就共八件囉三文治類有兩款,都很特別呢~其中一款內餡是有海帶絲的 Just Roll with It另外一款是Wasabi蟹肉漢堡~瑪德蓮蛋糕上放了Pata negra ham的吃法亦很特別啊!Francois Boursin - 平時吃馬卡龍都是甜點,但這紅色是紅菜頭!內餡是Boursin Cheese,所以這是鹹點喔The King of France - 柔滑的鵝肝醬慕絲放在脆筒上。Sicilian Veggie - 這個的味有點濃~另外還有三文魚+檸檬撻 & 栗子蓉撻也不錯啊甜品方面,因為農曆新年的關係~八款中有四款是新年造型看起來真是十分有氣氛呢,其中一款的內餡還加了年糕的耶 朱古力類的甜品也不會太甜~這點很不錯!Delux Brownies - 綿密香濃!個人來說滿喜歡 抹茶年輪蛋糕 和 Gateau au Fromage 後者是Cheesecake,中間還有士多啤梨餡!Passionate Jasmine Tea - 茉莉花茶啫喱加上慕絲,再配上底下的熱情果~滿開胃。除此之外還有每人兩個鬆餅,一款是有提子、一款是原味的。配了Clotted Cream & 弄成花朵形狀的 Whipped butter,當然也配果醬這間的鬆餅外酥內軟,沒想到這麼好吃!另外生日的話,酒店會準備蠟燭和生日牌~也隨機多了兩件甜品。 繼續閱讀
(以上食評乃用戶個人意見 , 並不代表OpenRice之觀點。)
瑞吉酒店(St. Regis Hotel)作為萬豪集團旗下(Marriott)最高評級(第8級)酒店,除左優質既酒店質素外,酒店入面既餐飲服務當然亦都有相當高既水準。等左兩個月,今日小編終於等到預訂日而可以親身品嚐到瑞吉酒店內The Drawing Room喇!瑞吉酒店位於灣仔接近會展既地方,如果由灣仔站出發就可以先沿灣仔往會展既行人天橋,去到入境事務大樓後轉右往中環廣場,再之後轉右出返天橋,響出天橋個陣就會見到瑞吉酒店獨特既外觀喇。然後沿行車天橋底過對面,落返地面後就係瑞吉酒店既入口。瑞吉酒店既特色係員工與客人既比例係非常高,務求令每位客人都適時獲得服務,而當小編去到門口,都即刻有2位員工引領我地進入大堂同搭升降機;當到時2樓酒店大堂個陣,都即刻有員工引領我地去The Drawing Room餐廳。基於酒店大堂既樓底非常之高,令到The Drawing Room既空間感十足,所以當每枱顧客傾計既過程,都唔會因為從天花反彈聲音關係而令環境有嘈吵既感覺。優秀既環境其中1個原因,除左非常高既樓底外,就係附近既景色:雖然灣仔區附近都係高樓大廈,但The Drawing Room既景觀係面向港灣道公園,而同時玻璃外都有室外既用餐區,變左用餐既時候都能夠睇到少少綠茵既景色,而同時亦可以照顧到喜歡於室外用餐既客人。而每枱都預先設置一陣享用鬆餅所用既果醬及蜜糖,以及一棵溫和色彩既盆栽,予人舒服既感覺。小編與老公一坐低後,就即刻有員工熟練地去介紹佢地總共12款,來自唔同地方﹑唔同品種既茶葉,而小編就選擇左來自南非,特色係全無咖啡因,以唔同草藥所制成既草本茶Honeybush Chai;而老公就選擇左來自中國安溪鐵觀音,混合西北非摩洛哥既薄荷茶葉Moroccan Mint。Honeybush Chai飲起黎有少少草藥味,飲落去似寧神茶而唔會有茶既澀味;而Moroccan Mint完全係薄荷味既中式濃茶,有少少似紫蘇葉煲出黎既茶味。而最特別既,係員工當見到你手上既茶杯少左一半茶既份量個陣,佢就會即刻幫你加茶;亦都會間中去留意住茶壺夠唔夠水而補充,主動加茶行動相信響唔太多既下午茶內會遇到,有時加茶既速度都令小編有少少覺得唔好意思吧!享用左大約10分鐘既茶後,餐車正式到達喇! 同樣情況,負責既員工(Tony)首先再次解釋The Drawing Room下午茶既組合為4款咸點﹑4款甜點﹑2款鬆餅。然後再熟練既介紹每款咸點既成份及大概特色。花多眼亂下最終與老公都各自選擇自己心儀既咸點,等小編轉頭介紹下自己所揀咸點既評價吧!1) The King of France (左上):  推薦! 由鵝肝醬慕絲及以醋醃製既無花果製成既撻。當大家本身擔心鵝肝醬會好油膩既時候,無花果既酸味會絕對幫你中和返。鵝肝醬好濃郁,對小編黎講其實有衝動再食多個架!2) The Laks of Norway (右上): 好味! 由三文魚混合青瓜及蕃茄為主體,再加上少少既牛油果醬響面,連埋米餅一齊食好似有夾餅既感覺;亦因為混合了青瓜,令三文魚蓉既味道變得清新而唔太覺得有腥味。3) Flavours of Japan (右下): 推薦! 細細件既帶子上滲入左柚子同青檸汁,令你食個陣會有意想唔到既清新 (但又唔會太酸)。當然帶子既鮮味會因為酸味而受少少影響,但加埋下面熱香餅一齊食,呢個特別配搭既感覺大家要試下!4) Sicilian Veggie: 好味! 呢款開胃食品係來自西西里島傳統燉菜及茄子,再放入撻內,而令蔬菜煮出黎既汁可以保留。食個陣會有茄子既質感,同時表面既芝士片令你覺得唔會太單調!響享用咸點過程中,都聽到員工會隨時向其他同事報告每枱享用進度而準備鬆餅,變左響咸點完成後大約5分鐘左右就奉上每人2款(原味及提子味),共4件既鬆餅喇。鬆餅唔算話好鬆軟而出色既,但配合果醬及蜜糖都唔錯。而當中4款果醬及蜜糖包括紅莓﹑有機橙﹑紅果,以及花蜜。紅莓本身小編都擔心佢會太酸而影響鬆餅,但事實上紅莓醬完全覺得唔酸,而配合Clotted Cream享用會令你覺得似士多啤梨醬既感覺;有機橙會有橙皮既成份,反而會有偏向橙皮苦味既感覺,但如果怕甜既朋友應該都會幾吸引;紅果其實即係黑加侖子果醬,唔算太甜,小編就覺得唔駛配合Clotted Cream而直接與鬆餅享用;至於花蜜會比較甜,小編就覺得與牛油享用會比較合拍。最後就正式到甜點出場喇。同樣道理都係每人由8款既甜點入去去揀4款,但今次小編與老公都想試下唔同種類甜點既感覺,所以我地決定每款都揀,然後再分享一齊食。員工知道後就即刻每人準備1隻細碟去作品嚐用,而所有既甜點就放埋一齊,方便我地去影相同分享。響每人只可以揀4款既情況下,不如就由小編直接推薦精選既4款甜點俾大家考慮啦! (詳細甜點餐單可參閱上文既圖片)1) The Rose Ring: 入面既Panna Cotta有少少荔枝肉,而同時因為有少量椰子Cream所以令人覺得清新;呢款Panna Cotta其實可以直接當奶凍去享用,口感都係差唔多,但就唔會有本身Panna Cotta個種莓味,好值得推薦俾鍾意較清新味道既人。2) Sparkle Forever: 雖然外觀睇落去都有少少似柑桔,但其實整個甜品都係以橙為藍本:橙味非常突出! 而入面既橙蓉好香,唔似之前香橙果醬個種苦澀味,唔算太甜之下作為第2款甜點食係適當既。3) Prosecco Tart: 雖然成份上佢有寫係Champagne Ganache,但其實食落去又唔太覺既,反而桃味既Cream味道非常濃郁,響無果肉襯托情況下咁強味道都令小編覺得深刻。4) Sweet Potato: 表面上係以紫薯為顏色既甜品,但實在當中配搭非常特別,因為響橙味既凝乳當中會有特濃咖啡既慕絲,食既時候反而會有好似飲橙味咖啡既感覺,同本身甜品名會有好強既違和感!滿足既下午茶過後,小編終於親身感受到點解The Drawing Room響咁難預約情況下,但同時亦繼續得到唔少食家既好評及推薦。預約方面:The Drawing Room雖然平日既預約都要至少2個月既預約期 (假日預約為至少3-4個月),但勝左可以經網上或電話預約,而唔需要好似The Butterfly Room咁響每月1號早上搶訂;服務方面:如食評所及,大量既員工會一邊工作時一邊留意你既需要而適時服務,而同時又唔會令你覺得有壓力。例如小編享用過程中唔小心跌左口罩套,員工都會即時溫馨提醒並提及全新既替換;食物方面:雖然8件響份量上未必夠男士享用,不過佢勝左可以付費添加,而同時其實咸點及甜點各4件下,其實都令你唔會有太油膩既感覺,正正滿足唔同人既需要!再睇下2位用$768(未加一)既價錢,雖然相比其他酒店既下午茶係有少少貴,但環境及服務的確已經令佢地獲得唔少分數,所以小編都覺得係算抵食既! 就小編而言,The Drawing Room如果再次預約到既,我都會繼續推薦俾其他朋友一齊去享受! 繼續閱讀
(以上食評乃用戶個人意見 , 並不代表OpenRice之觀點。)
等級2 2021-05-25
592 瀏覽
呢間就係傳說平日要早三個月週末要早六個月book位既灣仔The drawing room🤍親愛嘅朋友11月book真係要一月先食到當然環境比我想像中冇咁靚同埋唔算好多張枱但係最意外嘅係甜品鹹點4揀1仲會詳細介紹個食物🤍可以話每一樣嘢食都好精緻味道相當唔錯! 絕對係賣食物質素我覺得Scone 真係做得唔錯咸點比甜點更出色! 繼續閱讀
(以上食評乃用戶個人意見 , 並不代表OpenRice之觀點。)
等級3 2021-05-10
1177 瀏覽
Not sure about all the fuss about it but you need to experience to comment.可能因為係in room食所以感受唔到drawing room既氣派,the problem with HK is, everything is so tiny, for the venue, I rather do it in four season with a view. 個地方甘細,吾怪得咁難book。酒店位置極度不便,出面條路長年塞車,一塞車個心情巳經好忟⋯⋯住suite都吾覺得有butler service , made a fair complaint but got lukewarm response from the hotel,我諗佢都吾care一個半個客,甘樣巳經印象分零蛋。to be fair let’s talk about the food.我無sweet tooth 所以order晒咸點,坦白,不過不失,有st Regis 水準,但無驚喜。scones我無食,因為見到佢啲jam無咩特別,個scones個樣亦吾似handmade, 免得食用trans fat. 880兩位,cp吾高。吾會再食亦吾建議去試。幸好自己帶左支Krug去才不致total loss (我指心情)。茶係用茶包,OMG,我吾係take away, properly開壼茶有幾難?吾知我講緊咩吾該放低一千去Fortnum & Mason食個下午茶。諗返我係度彈butterfly patisserie 時,一山還有一山低。what’s the fuss? 繼續閱讀
(以上食評乃用戶個人意見 , 並不代表OpenRice之觀點。)