The Cup (已結業)

同屋企人去食飯，見間野都ok又跟湯+嘢飲而且未食過所以入去食，之後坐低過後才是中伏既開始。。。入去坐低先至6點9，落單居然話冇哂凍飲連凍柚子茶都冇。。。然後上哂嘢飲+餸來，嘢食都ok但係我地叫咗海鮮燴。佢地無端端上咗五花肉泡菜，之後我地叫佢跟返張單，佢先至走嚟同我地講話賣哂！最後野飲佢都得㗎啦，柚子茶係淡既，玉米鬚茶都唔例外。一間舖乜嘢飲都冇得兩種嘢飲畀人你仲好意思+人地5蚊畀d咁既的質素嚟！！！？總之講哂一去無回頭！！！！

今天同朋友游水完後便來到這家餐廳The Cup 。竟然星期六晚也有套餐便開心地點了炸雞柚子飯。其實飯並沒有什麼特別的味道，炸雞不錯，加上泡菜加酸瓜為前菜，算是抵食。加了小小錢要了一杯提子特飲，但不太好味。

叫了外賣芝士雞飯 打開時賣相不錯 諗住撈暈d芝士同汁 但一撈落底發現原隻蟑螂 十分嘔心 而且浪費了整盒飯 都不能吃 以後不會幫襯好彩未放入口 如果唔係分分鐘會食物中毒希望老闆可以檢討一下餐廳同廚師的衛生情況

The Cup這是一間讓我開餐的地方，食物質素一般，但勝在近屋企，性價比也算高。今天我點了一個套餐，就是韓式撈飯,由於我怕辣,叫侍應不要辣,可是不要辣就等於沒有醬汁,飯就變得比較淡了,相信如果要辣，這個飯就很美味了。飯上面有各種配料，我喜歡牛肉碎，因為味道很濃郁而且碎了很容易拌均在米飯內一起吃，另外就是中間有一隻生雞蛋，這個雞蛋跟飯拌勻後感覺美味。跟餐叫了一杯柚子水,由於推行無飲管,我只好直接跟，感覺也挺美味的。

下午茶時間，去咗小西灣嘅藍灣半島入邊嘅韓式餐廳The Cup, 今次點左個優惠套餐，點左個蜜糖雞肉飯，碗飯送到黎嘅時候熱辣辣，雞肉夠香夠滑，分量亦足夠，再配埋小菜泡菜及飲品，感覺好抵食

因到柴灣工廠區的緣故，這天來了港島東區這邊。由於不熟悉這一區，晚間時分不知有什麼好吃，一邊走一邊找餐廳，不知不覺間走到小西灣藍灣半島。正好「戚起條筋」就入去試吓。先上咗啲開胃小吃，招牌紫菜飯卷沒有任何特別，只能說是很「韓式味道」，但略嫌過於鬆散。泡菜酸多於辣，吃完真的開胃不少。我叫的主食是烤牛肉炒年糕，這個確實不錯，尤其是想讚他們的上菜速度很快，送到枱面仍然熱辣辣。烤牛肉很惹味，醬汁不會過鹹。年糕軟硬度適中，不會過韌，不用咬到牙骹酸軟。最重要的真是熱辣辣，年糕熱辣辣尤其美味。

又係每日諗食咩晏晝嘅時候啦，真係頭痛！今日黎到藍灣廣場入面嘅The Cup，係屬於韓式嘅快餐類。點左個磨菇烤牛肉飯，飯太濕，磨菇太碎太淋，牛肉都係麻麻地；叫左個韓國檸七，黎到原來係罐裝，真係有啲失望囉！總體黎講，如果真係諗無可諗唔知食乜又要充飢嘅咁就試下啦！

今日同老婆去食個下午茶，點知黎早左，咁就試吓佢嘅午市套餐，點左炒五花肉飯及蘑菇烤牛肉飯，另外加錢加左個烤牛肉紫菜飯卷，個餐有泡菜跟，佢個餐牌上邊有一半係辣的，對於唔食辣嘅朋友，選擇可能會少咗啲佢嘅五花肉啲肉有d硬，烤牛肉亦都唔太入味，但個紫菜飯就唔錯，泡菜個人覺得好辣，總括來講，普普通通

好耐冇去藍灣半島，難得今天重遊，發現改變了不少。諗住係藍灣廣場食個lunch, 發現原來廣場裡餐廳好少，最後揀左呢一間韓國餐廳。下午3 點零，餐廳完全冇客人，侍應態度非常懶散！！第一個感覺已經非常不好！叫在個 五花腩泡菜梔子飯$58， 加$5 轉士多啤梨汁。前菜只有芽菜，冇所謂，因為我本身都鐘意食芽菜，但問題係唔好食😞五花腩勁小，而且缩哂水，基本上係完全食唔到味道，泡菜亦冇泡菜味，整體唔滿意！價錢雖然合理，但食物質素頗低，不會再食。

這天是風和日麗的平日，專程和朋友乘小巴到小西灣南灣半島食午餐。商場有不少餐廳，我們都看上這間設計簡約、價錢平民的韓國餐廳，於是入去試一試。 套餐menu不少是辣的食物，不太吃辣的我選了蜜糖雞肉飯，朋友則選了帶辣的豆腐海鮮燴。套餐跟餐飲，升級至特飲也只是五元，還算划算。我們都點了不用加錢的罐裝忌廉鮮奶。 食物很快送上，蜜糖芥末醬拼雞肉很惹味，飯不太乾，總算不錯。海鮮燴雖然辣，但熱湯跟飯一起吃亦非常開胃，不過海鮮款式不算很多。平均每位六十，還可以吧！

The cup位於小西灣藍灣廣場，店舖裝飾以綠色為主，視覺上有種很清新既感覺，望望餐牌，有午市套餐，我們各自叫了不同既套餐，另加12蚊可追加小食~密糖雞肉飯，雞肉炸得好香口，加埋密糖汁連同芥辣醬一起食，好味極了蘑菇烤牛肉飯，好喜歡食呢個飯，牛肉夠嫩配上洋蔥蘑菇及魚子再加埋個燒汁，整個飯色香味俱全韓式伴飯，有肉碎，魚子，芽菜，雞蛋，辣醬，伴飯一起食，小許微辣，味道唔錯豆腐海鮮燴飯，睇個賣相都唔差，味道也不過不失韓式一口餃子，迷你式，真係一啖一粒餃子，香脆可口韓式芥末雞翼

藍灣半島商場嘅食肆真係劣食云云，除非下雨，否則絕對不會來這邊午餐。今日就來到大家樂旗下嘅韓式料理餐廳The Cup。平時都幾多學生來這間餐廳，不過今日竟然好多空位，就和同事三人進去。一年不見，午餐餐牌改了，即是又變相加價了。煙肉忌廉炒年糕附前菜，包飲品，不過好多特飲都要加錢。年糕軟硬度尚算合格，不過等了20分鐘才上菜，而忌廉汁超咸，微微奶油味，不過都比咸味蓋過了，不太能吃，但又不想暴殄天物，最後要打包回家再加年糕一起炒過，中和番個味道。五花肉炒飯可以接受，份量雖少，夠辣，調味正常。加$12有小食，三款都試了，韓式一口餃子6粒🥟，只吃到炸餃子皮，味道欠奉。招牌紫菜飯卷味道和烤牛肉紫菜飯卷一樣，有酸瓜和青瓜味道，非常一般。烤牛肉紫菜飯卷沒有牛味，牛肉極少。真是有緣都未必再來過。

午餐時間，到了工作地點附近的商場，看見有間價錢合理的韓式餐廳，便選了此店。韓式拌飯($68)Lunch Set 除了主食外，還有泡菜、温泉蛋、海帶湯，十分豐富。温泉蛋水汪汪，其放在沙律菜上，視覺效果吸引。韓式拌飯，與一般的拌飯相同，上面有不同的蔬菜，如芽菜、青瓜絲、紅蘿蔔絲等。拌飯還有鵪鶉蛋及牛肉。之進食前我把全部材料，連同在旁的甜辣醬拌均，整碗拌飯沾上醬料的顏色。甜辣醬是整個拌飯的精髓，令整個飯味道更突出。而且拌均後味道很搭，有種甜甜辣辣的感覺。

今日東區工作，見格局鮮明，裝修sharp醒的綠色，感覺幾好，點知....本身叫左個豬肉飯，最後黎到變左牛肉飯，今日唔想食牛肉既我唔好意思前後咁同waiter講，可能佢地太忙話沒錯....成碗飯，真係有好多，好多，好多洋蔥，多到你唔信，我算唔抗拒洋蔥，都都食到叫救命，個牛算滑，不過太甜，個人估計加左好多糖同調味料，韓國菜都唔會主打咁甜，個飯黃色（炒過？唔知）唔太好食，一pat野的質感我對面朋友個碗唔記得影，差唔多70蚊既炸雞意大利麵，首先，我以爲真係意大利麵，點知，係成碗螺絲粉waiter又話係咁喔最後呢杯...士多啤梨汁，唉，成杯味道=紅色藥水，真係覺得好唔掂平心而論，好多學生食，格局新鮮，但主打韓菜既真係有超多進步空間，味道口味變得不倫不類，希望改善！

早前朋友搬到藍灣半島居住，於是約定了星期六一起午餐相聚。朋友介紹嘗試一間韓式餐廳，餐廳內的裝修主要是以綠與白的配襯，我們坐在近窗的位置，外望一片翠綠景色，感覺十分舒適。剛坐下來店員便遞上餐牌，原來這裏提供午市套餐，套餐看似不錯，於是我們一行三人分別叫了蜜糖雞肉飯、五花肉炒飯和軟豆腐海鮮燴。午市套餐皆配前菜和溫泉蛋沙律及飲品。首先，大家一致認為芽菜為前菜和溫泉蛋沙律調校的醬汁十分美味。其次是各自的主菜也不錯，賣相好看，於是我們忍不住互相交換品嚐。不可不試的是蜜糖雞肉飯，雞肉鬆軟嫩滑配合埋醬汁，口感很好。豆腐海鮮會簡直是我的至愛，分量十足，單是青口蜆肉已有不少，海鮮湯底微辣，值得一試。五花肉炒飯其實也不錯，但相比另外兩款便變得一般了。至於加$5改飲士多啤梨汁，大家都覺得可以不用。