6
3
2
電話號碼
29613399
營業時間
今日營業
19:00 - 02:00
星期一至六
19:00 - 02:00
星期日
全日休息
付款方式
Visa Master 現金 銀聯
其他資料
深夜營業
電話訂座
加一服務費
室外座位
食評 (14)
張敬軒繼JUNON仙后餐廳後, 早前再在灣仔開設音樂主題空中花園「THE CROWN」, 小編身為軒仔嘅粉絲,梗係要去朝聖啦!❤️😂 上黎酒廊,要搭專用升降機, 從地下直達 25樓,好高級啊!😯 酒廊位於灣仔英皇駿景酒店25樓, 甫推門進入,就會見到中央令人注目嘅華麗舞台,旁邊則是吧檯, 以Art Deco復刻風格酒廊設計, 外面仲有陽台, 小編都有出去睇過,景色上無咩特別, 主要係for會吸煙嘅foodie, 所以小編都無逗留, 26/F頂層仲有空中花園。 每晚21:30後,舞台上都會有音樂表演, 希望下次有咁嘅好運,可以近距離見下軒仔同Joey啦!😢 另外,亦有獨立廂房,可於房內唱K、睇波! 不過呢一點小編就麻麻地, 因為係一個咁優美嘅環境, 坐中央位置嘅我地突然聽到技安嘅歌聲,有d kick😟, 好影響聽音樂表演嘅心情。 話明係酒廊,酒類自然不少, 紅酒、白酒、威士忌、伏特加、啤酒一應俱全, 不過今次小編就試左軒仔特創嘅特色雞尾酒。 ⭐️推薦❗️ Pink Dahlia($178) 以張敬軒2013年推出嘅大碟Dahlia作靈感, 杯上嘅裝飾用上唱片封面嘅臉紗, Sauvignon白酒混合花香嘅liqueur: 接骨木花嘅St Germain和由多種花製成嘅Italicus, 加上櫻花🌸,花香味四溢,味道又易入口, 粉紅色調更適合女士相機食先呢!☺️ 小妹最鐘意呢杯!😏 The Emperor($178) 顧名思義係為英皇打造, 以人蔘做主題,再配合薑、檸檬草等, 味道甘醇,啱gentleman飲! 幾特別嘅雞尾酒,不過唔係小編杯茶。 ⭐️推薦❗️ Elixir($178) 以Vodka做基酒, 加左香甜嘅熱情果和清新嘅檸檬🍋茶, 幾refreshing! 小編三杯中最鐘意呢杯。😂 整體來說, 呢三杯雞尾酒🍹確實係配合晒不同口味嘅foodie, 不過計埋加一索價$200一杯,價格係比較高, 除左搏下黎見皇上之外, 小編應該唔會特別想再黎幫襯。🙊 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-03
356 瀏覽
Christmas festival set dinner •鴨肝蘋果薑餅moose•有機青沙律配松露無花果醬•cappuccino (牛肝菌栗子蓉湯配法國多士)•三文魚(自家製傳統蜜汁叉燒醬燒鮮三文魚柳配薑汁枸杞雞湯浸欖菜仔及日式素面• 鵪鶉(香草烤鵪鶉配鮮南瓜松露薯蓉及意大利酒紅桑子汁)•梅雪(話梅,檸檬,青檸雪芭)•雪球(香子蘭雪糕配鮮牛油果蓉伴日式醬油分子)好鍾意個湯好creamy 好香,個感覺好Rich,個三文魚好得意先食完魚,個汁係用來留返餸麵食,個鵪鶉好嫩滑,有驚喜,甜品都好花心思,雲呢拿雪糕下係牛油果蓉,配搭好新穎,而味道都好夾,上面有D一粒粒好似魚籽既分子料理,又幾得意*今次嘅嘢食比上次更加好味有進步 繼續閱讀
(以上食評乃用戶個人意見 , 並不代表OpenRice之觀點。)
等級3 2019-10-29
790 瀏覽
從一入到呢間餐廳嘅大堂,即係酒店大堂,就覺得呢間餐廳好特別,𨋢入面都好特別喇,全程由搭𨋢去到餐廳上面,都好服務,𨋢入面有專人駕駛上到去餐廳 ,員工見你影相 ,會提你打卡影相,全程好好服務啦,我哋去到嘅時候先發現,原來星期日係冇得聽歌,要再去一次,但係食咗佢嘅小食,試咗佢啲嘢飲,好特別,跟住工作人員又好耐心介紹啲嘢飲, 仲會問我哋嘅喜好,推介飲啲咩嘢 ,係五星級服務同埋食品嘅餐廳, 價錢係貴咗少少,但係服務都成正比 ,我啲好姊妹相約會再去,有歌聽試多次 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-02
1344 瀏覽
朋友生日嚟到軒仔開嘅餐廳試新野!場景格局高貴優雅,外面有露台可一覽香港夜景,又有live show好有格調,因為今次太多人所以book咗間房,同K房就分別不大,但係等嘢食果下真係Fine dining咁樣,其實係仲耐過fine dinning ....呢個set Menu好似話會定期轉下,橫掂都係咁貴唔爭在啦,我哋就揀咗八道菜,都知一定食唔飽㗎喇😅等人齊啦,以為佢準備上菜,點知嗌多round 飲品啲嘢都未嚟,餓到我呢⋯⋯終於上菜,你睇佢個款唔好以為佢係一道菜,其實呢度係四道菜,預咗㗎喇,賣相就好好講返個味道:一口鵝肝撻係幾好食嘅,係有鵝肝味但係唔係點見到塊鵝肝,同水果撻嗰啲撻一樣味,係幾好食但係唔係好驚喜🤔松魚子醬配燉鮑魚,講真個句我真係食唔到松魚子醬係咩味,因為鮑魚味濃郁,所以搶咗魚子醬嘅味道,鮑魚口感在嚼勁,不錯。醉雞蛋配烏魚子乾就麻麻哋,醉雞蛋太重酒味,完全食唔到雞蛋同埋烏魚子乾味,我淨係食咗一舊好重酒味嘅嘢。炸海藻墨魚呢個算係最好食!雖然我唔係點食到墨魚味,但係有紫菜味,口感好硬,唔睇Menu我都唔知我食緊墨魚。食完嗰啲的的式式細細件然後再等多差不多成個鐘頭終於有第二道菜,呢個係奶油乾魚子撈麵,其實如果呢個係熱嘅都幾好食,不過佢送到上枱已經凍哂,啲面仲黐埋一舊分不開,要好似切cake 咁食,快白飯魚乾已經不再脆,鹹鹹地幾得意嘅,白飯魚味囉,汁做得幾好,好香奶油味,同個麵好match!衰在凍哂😵同埋真係好細份,一啖就可以食晒好啦我哋又等多九個字,先有一隻蝦食。呢個係西班牙紅蝦配炸饅頭芒果莎莎醬,全晚最滿意最好食應該就係呢道菜!紅蝦頭係炸熟左既.好香好脆入面仲有蝦膏好味,而蝦肉就係生生地既,配炸饅頭其實唔係好夾,都係分開食無咁奇怪,蝦肉厚實既肉質與細緻鮮美既口感冇得輸。服務員好醒係上蝦嘅同時同廚房落埋order上甜品,所以個甜品都係等左三個字姐,話咁快我哋到達尾聲㗎啦,好似冇食過嘢咁😪下面係choya 黑糖梅酒燕窩,上面係蜂蜜香子蘭雪糕,其實真係冇乜特別,一杯梅酒,同埋一碗雪糕,只係多咗少少平時食唔到嘅蜂蜜。其實呢間餐廳啲嘢係唔差嘅不過價錢就貴咗啲,貴都預咗但係等嘅時間真係有啲過分,又或者係我哋人多啦,不過一間餐廳應付唔到做好Booking嘅晚餐好似唔多合格,話就話慢工出細貨,但係出品又唔係太有驚喜。因為肚餓得滯嗌咗勁多野飲,酒水仲貴過食飯!好啦,埋單去食牛腩麵喇。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-09-30
978 瀏覽
8 courses tasting menu 但其實四個都係小食 一次過上曬 已經叫四個courses🙄個menu好misleading每碟中間等半個鐘😐超慢 等到瞓著但無邊碟係熱既 好懷疑㕑房得一個人煮野個麵好凍又一舊舊好似放左幾個鐘咁個蛋啲酒沁太多酒食唔到其他味七百幾蚊一個人完全唔值甜品又係其實係一碟 户外啲煙味又係咁飄入呢 又唔關門迫人食二手菸張枱又矮 唔啱食飯Staff唔多介紹食物 又唔斟水剩係行呢行去又自己吹水完全唔pro專登放工行好耐過呢 好失望無capacity就做翻bar snack算啦唔好做6/8 courses 扮fine dining 繼續閱讀
(以上食評乃用戶個人意見 , 並不代表OpenRice之觀點。)