31
8
2
港鐵太子站 C2 出口, 步行約2分鐘 繼續閱讀
電話號碼
2871 2297
營業時間
*截單時間: 22:00
星期一至日
12:00 - 22:30
付款方式
Visa Master 現金
座位數目
70
其他資料
酒精飲品
自帶酒水
外賣服務
加一服務費
食評 (44)
有兩位朋友一直都係呢間餐廳熟客,朋友之前都有帶我嚟過呢間餐廳,食物係幾唔錯,老闆娘亦好友善,所以決定再幫襯,但今次再嚟食真係好失望!我八點正黎到,大約十分鐘後落單,落完晒所有菜式個侍應先話:「今日廚房得兩個人,會等耐少少。」個場當日算多人,都未去到坐滿,佢話「耐少少」我預期係30分鐘左右。飲品好快到左,但等到21:20先有第一碟菜上,等左超過一個鐘,期間只係出左兩個餐包叫我哋「食住先」,完全不能接受,侍應都只係不斷講廚房唔夠人,催緊。然後到21:50先上最後一碟(唔係後加單,全部都係8點落單),落單後足足1小時40分鐘先到齊,呢個等候時間真係好離譜。其實明知道果日唔夠人手又煮唔到,應該一入門口就要同客人講今日要等好耐,而唔係等我點晒菜先講,又或者見人多就唔好再比人入嚟。另外一樣好過份嘅係,叫左兩個Dinner Set係有餐湯,侍應喺等候期間一路都話廚房準備緊個湯,未有。一個鐘後都無出現,佢就話佢都唔知廚房做咩事,一個半鐘後,佢先突然同我講話個湯出唔到,我比多兩個包你食好唔好?我真係未試過食一間餐廳可以無湯都照比人落dinner set又唔出聲。而點解我話對佢服務態度好失望,就係我食完當晚即刻寫左封投訴信比餐廳Facebook Page,希望佢地可以解釋下到底發生咩事同埋會唔會有咩改善措施,我好快就見到餐廳「已閱」,但係我等左幾日一句回覆都無,咁樣對侍客人投訴真係好差態度。我唔知今次係唔係有咩突發狀況,但呢個處理手法真係有啲問題,好希望餐廳可以改善下! 繼續閱讀
(以上食評乃用戶個人意見 , 並不代表OpenRice之觀點。)
其實今次係我同女朋友第二次來呢間cafe,上一次食過覺得唔錯,但今次經驗真係惡夢。首先,我哋入去嘅時候個場係半滿,然後落order時個waitress提醒我有兩張臺未上餐,會需要啲時間上菜,大約15分鐘。我心諗住唔趕時間冇所謂啦,點知我哋8點落order,9點半都係連個餐湯都未到,食晚餐變咗食宵夜?然後,我見到隔離張臺早過我哋入座,到9點半都未上齊餐,我都唔想吹個waitress,但呢個上餐速度真係冇人可以接受到,唔怪得上次來要book 位,今次walk in 都有位,連我都真係唔想下次再來。 繼續閱讀
(以上食評乃用戶個人意見 , 並不代表OpenRice之觀點。)
等級3 2016-10-19
703 瀏覽
同老公想由太子行去深水埗搵食, 見到呢間cafe, 平日唔算多人, 只坐到一半枱開始都京有伏, 但都俾sky blue theme 吸左入去試下。全cafe以航海, sky blue 做主題同佈置, 樓底又夠高, 都幾舒服。牛油果大蝦沙律, sauce 酸酸甜甜, 好開胃, 牛油果大蝦一向係摯愛日式蟹棒雜菌意粉, 味道正正常常, 配料不算多, 這是跟餐意粉, 所以粉量及用料較少, 但會送餐湯及飲品, 性價比高值得一讚, 小店整Carbonara, 都整得味道唔錯,  cream sauce夠多, 扁菇、洋蔥粒、雞絲、火腿, 都足料。我估唔用 煙肉, 用火腿, 原因係火腿成本較平, 整體都唔錯 繼續閱讀
(以上食評乃用戶個人意見 , 並不代表OpenRice之觀點。)
等級7 2016-10-01
1717 瀏覽
當晚,原先我們一行四人,打算走到太子警察會食晚飯,怎料餐廳已 full!那麼,臨時臨急,在太子區,我只想到一間適合大家而價位合理的餐廳!於是,我帶他們到太子大南街的 The COVE cafe bar bistro!當日天氣炎熱,我們暫坐在餐廳外的桌子等候安排入座,當時已經晚上 8:00 有多,入座後,大家都急不及待看餐牌,立即點菜!這裡以白色及藍色為裝潢主調,柔和舒適! 頗有藍白小屋的風格!最驚喜的是,我們見到餐紙墊印上“惠顧滿 $400,會得到紀念品”!粟米湯及餐包 甜美的粟米湯質感濃稠,夾雜粟米粒,口感更強!  餐包富麥香,包身鬆軟而溫熱!蘸上湯伴食,是個人喜歡的口味!龍蝦汁伴大蝦海鮮燴飯 $98海鮮鋪滿碟子很豐盛! 有嚼勁的墨魚仔及爽口的蝦,以龍蝦汁烹調,飯粒均勻入味而濕潤!銀鱈魚龍蝦汁雜菜扁意粉 $88魚皮香脆,魚肉鮮滑,以龍蝦汁烹調意粉,口味濃郁惹味!雜菜包括翠玉瓜、蘑菇...等,添上清新及豐富了口感!煙三文魚帶子明太子汁意粉 $92帶子煮得火候恰到好處,食落嫩滑,卻是調味不足較淡口! 意粉略帶煙韌,口感討好!紐西蘭肉眼牛扒 (七成熟配紅酒汁及墨西哥脆片) $198份量十足!肉質鬆化軟腍,配上紅酒汁可提升鮮味又夠入味!以墨西哥脆片墊底,略嫌墨西哥脆片太少,而且墊底吸收肉汁及水份,而影響口感,變得不太香脆!伯爵檸檬茶用上 Twinings 伯爵茶包,茶味清香富果酸,兩者配搭不錯!埋單後,問店員是否有紀念品?!稍後送上一份禮物,大家都估…是否食物?!例如:曲奇…之類呢? 打開一看,原來是一隻精緻的船模型! 留給其中一位男性朋友吧! 繼續閱讀
(以上食評乃用戶個人意見 , 並不代表OpenRice之觀點。)
等級1 2016-09-25
775 瀏覽
剛剛去了,叫了幾款食物都不錯,款式好少,但有個別服務員態度差,尤其係黑衫黑褲個服務員,似老闆娘樣子,黑口黑面,其他服務員好好服務,中午好少人幫親,我坐了1個鐘左右,都十張枱無人坐。 繼續閱讀
(以上食評乃用戶個人意見 , 並不代表OpenRice之觀點。)