影片
開飯介紹
休閒風生活概念西式Cafe，設計以木為主軸，備有不同類型，如露營風的餐枱椅，而此分店可接待寵物；另外設有零售區，如咖啡、啤酒等。
繼續閱讀
營業時間
今日營業
11:00 - 21:15
星期一至日
11:00 - 21:15
公眾假期
11:00 - 21:15
以上資料只供參考, 請與餐廳確認詳情
有關獎賞計劃
我以前唔係咖啡☕️愛好者⋯⋯但係漸漸愛上咗咖啡原來咖啡都有好多種唔淨係加奶或齋啡咁簡單😏⋯⋯原來有啲咖啡好似飲紅酒一樣會有特別嘅香氣！呢個係我朋友教我嘅！這間樓上咖啡店☕️有好多種手調咖啡可供選擇！咖啡店全層座位非常寬闊！感覺悠閒！最重要佢嘅食物都好高質素！咖啡非常出色添！Columbia黑加侖子手調泡沫咖啡☕️⋯⋯香味豐富而獨特！獨有黑加侖子嘅香氣！又有黑朱古力嘅香氣非常吸引！原來依家咖啡豆係會有咁多種口味咁多種嘅味道！酸中帶甘！適中嘅苦味！仲奉上一個原味嘅咖啡粉可以添加熱水！可以飲到原味嘅香氣！Good Service！Columbia草莓奶昔凍手調泡沫咖啡中淺焙豐富的香氣！充滿草莓奶昔味！口感順滑！帶點乾嘅士多啤梨味丶帶點Berries茶香氣 ⋯⋯估唔到一杯咖啡都有咁多嘅味道⋯⋯香煎咖啡漬三文魚扒三文魚非常鮮嫩⋯⋯外層香脆內裏柔軟多汁⋯⋯充滿咖啡嘅香氣⋯⋯泰式酸辣汁相當惹味⋯⋯配上法式扁豆和蔬菜🥬⋯⋯👍煙三文魚意粉煙三文魚鮮甜又新鮮⋯⋯加上大阪燒燒汁甜甜地好好味！再配埋芥辣沙律醬好惹味！意粉煮得唔錯，啱啱好！巴斯克芝士蛋糕🍰叫咗抹茶味道！抹茶味非常香濃，芝士蛋糕又非常幼滑！
繼續閱讀
因為工作關係經常會去區域法院由區域法院返去公司既路上總係會係天橋經過呢個cafe有好幾次覺得好好奇裡面究竟係點既呢？睇落好似cafe又好似啲精品店今日終於有機會係下午茶時間入去take a peek啦 👀原來係一個cafe slash 環保手作寄賣店 slash 有機小店 😺cafe位置有兩個書架，入黎飲咖啡既可以睇下有無岩自己既書睇下好文青既感覺～係收銀處旁邊當眼位有個stand講今日有咩bagel available 🍞睇價錢會覺得都少貴，心諗it better be really good啲bagel口味都幾特別下，我揀左海苔肉鬆芝士bagel同埋一杯hazelnut latte ☕️好可愛呀～～～你睇下杯latte既拉花 🐶係一隻開心既柴犬 😂個bagel令我幾驚喜 😄首先佢係好熱咁serve（好重要架！野食要夠熱先好味）第二佢個口感好QQ第三佢個餡好豐富（海苔融入左啲麵粉，包入面充滿肉鬆同芝士 🧀）雖然價位少高，但都十分推薦！主要係呢度係cafe，呢個價錢你可以任坐，而且座位都舒服 😌大家可以百忙之中係呢度歇一歇啦！
繼續閱讀
行過入境處天橋，都應該幾容易留意到呢間 café，因為佢有個好搶眼嘅霓虹燈牌。喺出面裝過入嚟，覺得都幾好奇，因為佢有嘢賣、有書睇、又有嘢食。同出面匆忙嘅空間對比，入面好休閒。今晚有機會嚟食飯，發現佢仲係一間寵物友善餐廳。枱與枱之間預留咗極大空間俾寵物，有兩枱客帶咗三隻大狗嚟，都仲係極闊絡。食物嚟講，亦算多嘢揀。Light 至飲杯 hand drip，帶部電腦做吓嘢又得；食個 salad、多士，或者飽肚啲食個意粉或者 burger 都可以。而且甜品都好多選擇，除咗餐牌上面嗰啲，仲有個黑板寫住期間限定嘅甜品。🔸 韓式豬腩片泡菜意粉
初頭有啲擔心豬腩片會好滯，但原來配泡菜完全唔會。呢道 fusion 意粉夾得嚟都好開胃，少少辣，份量啱啱好，好食。🔸 煙肉洋蔥醬配爽甜蘋果多士
我會話呢碟可以做 signature dish，非常有驚喜。味道嘅層次好豐富，鹹甜 balance 得好好，亦都好有辨識度，下次嚟一定會 encore。🔸 芝士忌廉洋蔥蝦多士
另一件多士揀咗芝士忌廉洋蔥蝦。呢個醬如果配意粉都會好夾，係好食嘅醬。份量大，但配多輕食完仍然係輕盈嘅感覺，唔會有飽滯感。🔸 開心果巴斯克蛋糕
入口軟滑，蛋糕中間少少流心，開心果味好突出，而且甜度適中。面頭灑咗開心果碎，口感幾好。另外要試嘅就係手沖咖啡。我哋點咗兩杯，一杯熱、一杯凍。淨係睇擺盤都相當有儀式感，可以望到沖之前嘅咖啡粉係點，仲可以聞一聞。🔸 落櫻落櫻呢一杯用咗 Fruit Yeast 厭氧發酵嘅處理方法，風味特別。飲到少許紅桑子嘅酸甜味，有啲清爽感；之後會慢慢滲出混合莓果嘅果香，尾段有啲香料味，帶有少少洛神花茶嘅酸香，清清哋。🔸 糖炒栗子另一杯糖炒栗子比較重堅果、甜香。聞落真係有栗子香，溫和而且有厚度；有微微嘅蜜糖甜香，飲落比較圓潤順滑。尾段有少少可可苦同杏仁香。Cafe成個體驗都好舒服，食物、環境、地點都好好。
繼續閱讀
行行下街突然間落大雨，即刻搵個地方避雨，誤打誤撞入咗嚟呢間cafe🤭入面環境又幾靚，坐住chill望住出面雨水，忽然有種好放鬆嘅感覺😙橫掂都嚟到就試下佢啲嘢食，估唔到啲嘢食都好高質All day breakfast擺盤勁靚，望住個炒滑蛋勁興奮🥰沙律配上炒雜菌煙三文魚食落唔會覺得好dry，薯角亦係即叫即炸好脆身，比想像中高質👍澳洲和牛蜜糖芥末醬漢堡，望落都已經流晒口水，醬汁份量岩岩好，每啖都食到好濃味，和牛咬落有肉汁流出黎，牛肉味香濃，正！黑松露薯條同樣無得輸🤗黎cafe當然唔少食要食埋個巴斯克蛋糕，有四款口味揀，芝士味好濃郁，燒到亦岩岩好唔會太水或者塌左，質感實淨😁另外要讚既係呢個黑芝麻charcoal latte，飲落勁香，真係要一試！
繼續閱讀
睇返呢度嘅post先發現原來唔係得我一個話店員服務態度差。平心而論，之前嚟過覺得嘢食OK，同埋個環境都舒服，所以今日先諗住再嚟。點知一去到，counter有兩個同事，有一個客喺度落緊order，我走埋去問係咪有Menu，冇人應我，咁我就自己去睇吓啲Menu。我本身攞咗一張，發現嗰張得好少嘢，應該有其他，跟住我再攞起另外一張嘅時候，個金髮男店員用手一嘢拍低我拎起嘅menu，我好愕然，使唔使咁惡？我問佢乜事，佢冇答我。仲留喺度受你氣咩？如果俾店員搞到啲人再去實在太可惜。
繼續閱讀