影片
開飯介紹
休閒風生活概念西式Cafe，設計以木為主軸，備有不同類型，如露營風的餐枱椅，而此分店可接待寵物；另外設有零售區，如咖啡、啤酒等。
繼續閱讀
營業時間
今日營業
11:00 - 21:15
星期一至日
11:00 - 21:15
公眾假期
11:00 - 21:15
以上資料只供參考, 請與餐廳確認詳情
有關獎賞計劃
我以前唔係咖啡☕️愛好者⋯⋯但係漸漸愛上咗咖啡原來咖啡都有好多種唔淨係加奶或齋啡咁簡單😏⋯⋯原來有啲咖啡好似飲紅酒一樣會有特別嘅香氣！呢個係我朋友教我嘅！這間樓上咖啡店☕️有好多種手調咖啡可供選擇！咖啡店全層座位非常寬闊！感覺悠閒！最重要佢嘅食物都好高質素！咖啡非常出色添！Columbia黑加侖子手調泡沫咖啡☕️⋯⋯香味豐富而獨特！獨有黑加侖子嘅香氣！又有黑朱古力嘅香氣非常吸引！原來依家咖啡豆係會有咁多種口味咁多種嘅味道！酸中帶甘！適中嘅苦味！仲奉上一個原味嘅咖啡粉可以添加熱水！可以飲到原味嘅香氣！Good Service！Columbia草莓奶昔凍手調泡沫咖啡中淺焙豐富的香氣！充滿草莓奶昔味！口感順滑！帶點乾嘅士多啤梨味丶帶點Berries茶香氣 ⋯⋯估唔到一杯咖啡都有咁多嘅味道⋯⋯香煎咖啡漬三文魚扒三文魚非常鮮嫩⋯⋯外層香脆內裏柔軟多汁⋯⋯充滿咖啡嘅香氣⋯⋯泰式酸辣汁相當惹味⋯⋯配上法式扁豆和蔬菜🥬⋯⋯👍煙三文魚意粉煙三文魚鮮甜又新鮮⋯⋯加上大阪燒燒汁甜甜地好好味！再配埋芥辣沙律醬好惹味！意粉煮得唔錯，啱啱好！巴斯克芝士蛋糕🍰叫咗抹茶味道！抹茶味非常香濃，芝士蛋糕又非常幼滑！
繼續閱讀
因為工作關係經常會去區域法院由區域法院返去公司既路上總係會係天橋經過呢個cafe有好幾次覺得好好奇裡面究竟係點既呢？睇落好似cafe又好似啲精品店今日終於有機會係下午茶時間入去take a peek啦 👀原來係一個cafe slash 環保手作寄賣店 slash 有機小店 😺cafe位置有兩個書架，入黎飲咖啡既可以睇下有無岩自己既書睇下好文青既感覺～係收銀處旁邊當眼位有個stand講今日有咩bagel available 🍞睇價錢會覺得都少貴，心諗it better be really good啲bagel口味都幾特別下，我揀左海苔肉鬆芝士bagel同埋一杯hazelnut latte ☕️好可愛呀～～～你睇下杯latte既拉花 🐶係一隻開心既柴犬 😂個bagel令我幾驚喜 😄首先佢係好熱咁serve（好重要架！野食要夠熱先好味）第二佢個口感好QQ第三佢個餡好豐富（海苔融入左啲麵粉，包入面充滿肉鬆同芝士 🧀）雖然價位少高，但都十分推薦！主要係呢度係cafe，呢個價錢你可以任坐，而且座位都舒服 😌大家可以百忙之中係呢度歇一歇啦！
繼續閱讀
The Corner Coffee，位於灣仔天橋旁，望住人來人往既繁華鬧市，跟店內悠閒既環境，真係有種偷得浮生半日閒既感覺。餐牌提供多款西日主菜、漢堡、薄餅、沙律、手沖咖啡、果汁，仲有期間限定Bagel和自家手製蛋糕。澳洲和牛芝士漢堡配黑松露薯條：漢堡份量啱啱好，澳洲和牛口感紮實又多肉汁，包身又香又鬆軟，配埋濃香既芝士、爽脆既生菜和番茄，真係咬一啖已經好滿足。照燒雞扒蛋漢堡配沙律：雞扒煎得剛剛好，外脆內嫩，入口Juicy，鮮嫩唔油膩，配上芝士和蛋，整體口感豐富。港式經典格仔餅配Milk Top雪糕：格仔餅非常香脆，蛋香十足，配上一球雪糕，仲有好多花生和乾果碎，跟格仔餅味道好夾。手沖咖啡(蜜瓜冰淇淋味)：這款手沖咖啡用哥倫比亞咖啡豆，帶漿果既香氣，剛沖起仲熱既時候，苦味會較濃，香醇既餘韻停留在口腔中，令我回味無窮。柚子梳打：酸酸甜甜，入面有片無花果，索晒D柚子梳打，都幾好味。總結，可以在這裡享受美食和優質咖啡，實在悠閒又寫意。
繼續閱讀
上年已經來過一次，果時啲野食仲ok。今次來真是大跌眼鏡。今次來食lunch，見到已經轉曬用紙羹，紙杯，紙碗，睇落去成個餐好似街邊鋪，加埋杯咖啡要收$150一個人。問題就是一啲都唔好食，啲飯好黏，黏住晒個碗，個紙羹完全筆唔到個貼碗果啲飯😅啲野食唔好食…加埋個擺盤完全唔靚，打卡又打唔到，野食又唔好食，blacklist左佢！朋友既意粉放係個紙碗入邊，睇落去更加廉價。Lunch食飯$150都唔算平，但餐廳竟然叫我地自己執台唔講仲以為去左food court，但其實food court都好食過佢同平過佢。
繼續閱讀
話說我同朋友前排去咗灣仔嘅The Corner Coffee打卡，呢間Cafe位於駱克道祥友大廈一樓，環境好有文青feel，木系裝潢配上露營風嘅餐枱椅，仲有書架同寵物用品零售區，氣氛輕鬆又寫意。望住窗外嘅行人天橋，感覺好chill，適合同朋友慢慢傾計。😊香煎咖啡漬三文魚扒一上枱就聞到陣陣咖啡香，三文魚扒煎得外皮微脆，內裏保持嫩滑，咖啡漬帶點苦香同魚肉嘅鮮甜好夾。泰式酸辣汁酸中帶辣，配上爽脆嘅法式扁豆，口感層次豐富！🐟澳洲和牛蜜糖芥末醬芝士漢堡真係值得推介！漢堡用澳洲和牛肉，肉質厚實juicy，帶點嚼勁，蜜糖芥末醬甜中帶微嗆，配上融化嘅芝士同新鮮生菜，味道好平衡。黑松露薯條炸得金黃香脆，黑松露醬嘅香氣好突出，食到停唔落口。漢堡同薯條份量十足，兩人share都夠飽！🍔飲品係呢間cafe既亮點，紅石榴咖啡用nutty豆沖泡，入口順滑，帶點果酸嘅紅石榴汁滲入咖啡，增添一抹清新嘅甜味。咖啡同果汁嘅比例調得啱啱好，唔會太甜或太酸，飲完好refreshing。杯面仲有少少拉花，視覺同味覺都好滿足！☕木瓜乳酪咖啡又係另一款創新嘅飲品，咖啡底用fruity豆，帶點果香，配上木瓜嘅濃郁奶香。木瓜味清甜，唔會蓋過咖啡嘅香氣，飲落好順滑，甜度適中！🥤威士忌提拉米蘇係甜品嘅之選，提拉米蘇質地軟滑，咖啡同可可粉嘅味道好濃郁，仲有淡淡嘅威士忌香氣滲入，甜度唔會太高，食完一小件覺得好滿足，係完美嘅飯後甜品！
繼續閱讀