11
2
1
電話號碼
59178136
營業時間
今日營業
12:00 - 22:00
星期一至日
12:00 - 22:00
*最後落單時間: 21:30
付款方式
AlipayHK 支付寶 現金
其他資料
電話訂座
加一服務費
當面支付
食評 (17)
等級4 2021-04-22
256 瀏覽
景峰依頭多野食都唔係第一日既事,前排無意間又見到多左一間新餐廳!😎位於青棉徑近盡頭轉角位置,見到一間灰色 x 棕色外型既CAFE,門面低調普通。🤎🖤假日LUNCH SET MENU有9款選擇。平均$78-$118,正常價位。✔️意粉、意大利飯、 漢堡、全日早餐都有。店入面座位闊落舒適,周末下午時段唔算太多人。☺️*-。-。-。-。-。-。-。-。-。-*🔸明太子櫻花蝦意粉配芝士蘑菇雞翼 $98櫻花蝦唔係特別多,而明太子主力撈埋左落意粉入面。意粉底部會有多D汁,建議攪拌一下先食會均衡D。兩隻雞翼漲卜卜,去骨處理。入面釀左芝士蘑菇餡料,啖啖肉感覺幾正!🍝🔸牛牛們早餐 $118好可愛既名~其實係一份All Day Breakfast!食材好豐富!😍包括:煙三文魚、風乾火腿、蒜蓉焗啡菇、香草豬肉腸、太陽蛋、黑松露薯絲蝦、車厘茄沙律、牛角包。 數完都已經飽左哈哈!食物既油光顯得好吸引。🤤比較特別係下面兩樣:蒜蓉焗啡菇雖然係焗,但一D都唔乾身,仲有好多蒜油好JUICY。黑松露薯絲蝦炸得酥脆,一口SIZE,黑松露好香!👍🏻👍🏻✨-餐飲可配熱英倫紅莓茶/洋甘菊/薄荷菜🫖(凍飲+$4)/(轉其他飲品減$20)我地簡簡單單轉左2杯🔸熱即磨咖啡,都係每杯+$4。☕️*-。-。-。-。-。-。-。-。-。-* 繼續閱讀
(以上食評乃用戶個人意見 , 並不代表OpenRice之觀點。)
等級3 2021-05-03
0 瀏覽
難得同老公一齊放假好耐無一齊食好西!今次來到the city corner 尋美食餐廳🍴佈置簡單舒服,坐位寬敞,坐得舒服👍🏻👍🏻今日叫左兩個set lunch 黑松露蘆筍大蝦意大利飯- 有4隻牛油大蝦🍤煎到好香,好好食😋黑松露松味好濃郁, 意大利飯外軟內韌的感覺,很Creamy,吃一點就很易飽喇!整體係好食😋紳士配旋風薯角- 紳士既漢堡包🍔材料有手打牛肉漢堡扒,煙肉,芝士,花生醬,沙律菜配竹炭漢堡包, 黑色漢堡包🍔好特別但芝士配花生醬好流,要整走一大pat 花生醬先食到晒一個,薯角即叫即炸,好香口,好食Set lunch 有杯熱飲配,轉凍飲加$4 ! 整體是好食的,會再來 繼續閱讀
(以上食評乃用戶個人意見 , 並不代表OpenRice之觀點。)
等級1 2021-05-02
0 瀏覽
首先講態度,係對你笑笑口但講野難聽過粗口,有人頭最低消費又唔早講?坐低左叫野食你先講?仲要等左半個鐘你先講?仲要同我講小朋友都計?小朋友5歲都未夠叫個咩餐佢可以食得晒?食唔晒咪浪費晒!寫完3個餐講明等陣再叫一個餐,轉頭一上菜就問落唔落埋單,俾我感覺就好似某明星講唔準諗即刻答!答啦!仲唔答?好啦入正題...講完態度講返野食質素個大蝦同黑松露意大利飯比較偏硬...牛柳長通粉就好味不得了!值得一讚係個橙汁居然係鮮榨!薯角好咸...手打牛肉漢堡就一般(超多筋)可惜一開始俾人攪到乜心情都無晒...食龍肉都無味!就算黃店都要有好態度!除非服務態度有轉變...如果唔係一定無下次!! 繼續閱讀
(以上食評乃用戶個人意見 , 並不代表OpenRice之觀點。)
以前佢碼頭附近開,到宜家佢做到咁大鋪,今次黎專登支持下!💛💛💛呢度食既唔係性價比,而係煮野既FEEL到有俾心機。佢既MENU都唔會似外面個D STANDARD口味。廚師我估都係鍾意煮D特別野。😜黎既都會揀個BURGER食,因為真係好好食!份量夠,PATTY又夠JUICY。今次見佢有個新既素BURGER,就叫黎試下,外面好多間宜家都成日用IMPOSSIBLE出既PATTY,去唔同既地方其實都仲係食緊同一樣野,只係夾既料唔同。所以既然呢個唔係,就試下。😎IMPOSSISBLE 出既就係賣似肉味,佢呢個明顯冇,所以食落去更加FRESH,而且冇咁膩口。仲要係成半個牛油果,真係落足料。個旋風薯角都係咁好食。食完已經諗下次如果再黎我叫呢個定叫大啡菇BURGER好😂😂,大啡菇版就係再JUICY,PATTY係肉,都係咁好食~新推既豬鞍,味道一流,個豬食得出唔係肥膏周圍都係,肉質黎講食得出本身肉既品質高,不過未必有咁多香港人會欣賞😂,但我幾鍾意加蘋果肉桂黎食,原來幾夾。蕃薯條梗係無得輸啦,不過如果我下次ORDER,我會想叫番豬手,豬手更JUICY~咁點都要叫多個意粉先飽肚,所以又叫左個新既蟹肉蟹子意粉。一上菜時我有少少呆左。嘩!好大舊蟹肉好好多蟹子!出面好多係俾雞碎你,呢個真係食到最後都有,忌廉都好掛汁,蟹肉淡淡肉真係一流。甜品又試新野,舊檸檬咁鬼硬唔知雪芭去左邊,原來雪芭係裝左係檸檬入面,好味!食完哂所有野,加呢個甜品就會清新番~🤞🏻🤞🏻 繼續閱讀
(以上食評乃用戶個人意見 , 並不代表OpenRice之觀點。)
等級2 2021-03-26
383 瀏覽
因為疫情關係,無得同朋友聚會🥲難得約到好耐無見既朋友食餐飯,久違既聚會呀🥺因為朋友們都住係屯門,佢地又想食西餐,我就揀左依間試試🤩雖然路程有啲遠,但係值得架!因為佢地既環境好有feel ,加上好抵食又好味👍🏻👍🏻我地叫左黑森林、cc 經典牛堡同鰻魚risotto ,我本人係勁鍾意食有黑松露既食物☺️☺️依個漢堡超重黑松露味,個竹炭包又勁鬆軟,配上車打芝士同牛肉,真係好夾呀!而薯條都非常之脆卜卜,鍾意食黑松露同薯條既朋友一定要試依間! 繼續閱讀
(以上食評乃用戶個人意見 , 並不代表OpenRice之觀點。)