98
30
9
港鐵尖沙咀/尖東站 B1 出口, 港鐵尖沙咀/尖東站 N5 出口 繼續閱讀
電話號碼
22953200
營業時間
今日營業
11:45 - 01:00
星期一至日
11:45 - 01:00
付款方式
Visa Master 現金 AE 銀聯
其他資料
酒精飲品
自帶酒水 詳細介紹
切餅費 詳細介紹
加一服務費
室外座位
電視播放
食評 (169)
等級4 2020-01-09
0 瀏覽
約咗個朋友仔聖誕之前見一下,分享一下近況佢介紹左呢間餐廳俾我第一次發現呢度有間餐廳仲要有outside地方環境又靚👍🏻朋友話呢度啲嘢好好食首先佢推介墨汁意粉呢個真係唔講得笑,超級超級好食我冇試過一個意粉嘅咬口係咁得😱👏🏻👍🏻爭啲想食晒唔俾我朋友仔食跟住個蝦沙律又係唔錯👍🏻分量亦都唔算細不過我睇到餐牌記得個價錢都唔係話平價但係我覺得性價比來講都OK然後因為朋友仔飲咗酒我只係飲咗杯凍檸茶所以佢收平左我😆 繼續閱讀
(以上食評乃用戶個人意見 , 並不代表OpenRice之觀點。)
等級3 2019-12-26
369 瀏覽
今日約了重要的人一 同到來慶祝聖誕節。這餐廳訂位就要按人頭比按金每位$200去到現場開個枱面都有一些聖誕擺設增加氣氛,因為聖誕節關係所以餐牌都比較回定,而我提早訂位所以仲有85折優惠10分抵食。套餐就有份三文魚他他前菜 牛肉湯 及 主菜燒牛肉仲有雪糕甜品。知道係係餐廳特色三樣餸都係帶有少少酸味整體唔算太差可接受。 不過個湯就真係一般。三文魚就ok. 牛扒就似出面自助餐既燒牛肉口味。之前再睇食評的時候說服務很差但今次自己親身體會一下也不覺得別人說這麼惡劣。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-12-13
529 瀏覽
有個貌似經理既人唔係幾有禮貌,落單問我beef temperature,我唔係幾熟beef temperature,所以都請教咗佢先同問佢有咩suggestion,點知佢「吓,咁我落medium俾你囉」,然後我先如夢初醒佢講緊beef doneness,我唔知外國係咪一樣啦,但如果問聲都咁既態度,我唔覺得係good service。之後叫酒要乜無乜,門口個牌仲話有happy hour,我真係唔知道佢無酒,做咩happy hour,最後男朋友求其叫杯嘉士伯算。至於食物質素,牛扒唔係貴,但唔係平,而個質素絕對低於價錢,真係好普通既牛味,衰d講差過自己煮。去花園餐廳食都gur d,最少人地價錢真係對返個質素。生蠔寫住環球生蠔,以為可能有幾款可以淡口慢慢食到重口味,點知係同款,不過呢個只係我地無問,但百幾蚊半打都無預佢係d咩靚野。仲有一樣唔關我地事,隔離檯有個女仔病咗食藥飲自己水,無飲到檯面兩樽natural mineral water同sparking water,個經理衝過黎話店內唔飲得外來飲品,我開頭都理解,個女仔都有講唔好意思,話因為食藥。不過個經理下一句我覺得好un耳:「其實我地d水都可以食藥架喎」,個女仔即刻無應佢。個經理走咗之後都好尷尬同同伴講返呢件事。我覺得佢身為一個service provider,佢係完全唔專業。可能大家覺得好小事,可能係我挑剔,$1,000一餐飯唔係好貴,但大把選擇下,第一次黎食係真係後悔,而我亦絕不回頭。我知好多人黎慶祝生日,短短一餐飯都有兩檯客慶祝,但無必要為咗個蛋糕同即影即有而黎呢間無服務,又無乜特別既餐廳。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-10-28
1898 瀏覽
特別節日想帶屋企人食好啲喺openrice揀咗呢一間但整體覺得頗失望😥唯一還好的係蟹肉墨汁意大利麵 $178另外叫咗美國黑毛豬扒 $298真係好失望 乾到癲咗 好難咬😥最後係炸魷魚 $98味道正常 有點油 份量真係少咗啲🤦🏻‍♀️ 繼續閱讀
(以上食評乃用戶個人意見 , 並不代表OpenRice之觀點。)
等級1 2019-09-30
3004 瀏覽
同friend慶生,都唔係第一次黎,因為呢度訂座時講明慶生,到時order埋甜品,啲staff會在碟上唧返你個friend個名祝佢Happy Birthday,仲會有一張即影即有polaroid,係Chop House呢度賣點。食物方面,個炸魷魚好味(講真好難唔好食),但份量真係太細,要送酒起碼要點兩碟,性價比差少少。招牌沙律配烤雞真心好味,因為個蜜糖汁真係好得。炸蕃薯條係呢度招牌菜,食過幾次,老實講水準比較飄忽,今次幾好食,建議點多啲醬會食得出多啲蕃薯本身甜味。個炸薯粒眾人一致同意好食。好食過個蕃薯條。如果你唔mind個賣相冇乜特別的話。五成熟12安士rib eye上檯時個賣相真係非常非常非常普通,十分反高潮,唔會嘩一聲,不過食落好好味,因為塊排夠脂肪得來唔會太肥。個汁可以自選,上檯時侍應仲會主動問要唔要芥辣。甜品方面叫了招牌Bailey's Cheesecake(抱歉因為隻碟唧左friend個名唔出得相)同Lemon Pie。Cheesecake好重Bailey's味加少少咖啡味,老實講同真Bailey's非常像真,來到要試。個Lemon Pie啲cream好重肉桂味,我like,但應該唔係個個都會鍾意。要講講支酒。雖然係點左兩支貴啲那支rose,但上檯時大家都覺得色水偏近白酒,飲落去都係似白酒。如果大家鍾意飲rose,建議大家去海港城La Locanda,嗰度支rose真係極品。總括,來Chop House慶生,非常OK,只要你唔係好大食 ! 繼續閱讀
(以上食評乃用戶個人意見 , 並不代表OpenRice之觀點。)