26
2
3
電話號碼
24123183
營業時間
今日營業
12:00 - 23:00
星期一至二
12:00 - 23:00
星期三
全日休息
星期四至日
12:00 - 23:00
付款方式
Visa Master 現金 銀聯
食評 (36)
等級1 2018-04-30
889 瀏覽
洋蔥湯非常香,麵包高質素;cottage pie 牛肉香而唔會太鹹,有洋蔥粒調和鹹味,味道啱啱好,薯蓉唔會太多,無厄秤;Risotto唔錯,帶子好新鮮,黑松露醬汁超正;唔似出面一般普遍西餐廳只sell扒,呢間有正宗英國農家菜,有特色又好味;Tiramisu清清地唔會膩,口感一流,唔會淋哂咁;Apple pie with crumbles 肉桂好香,蘋果唔會太甜,餅碎好脆而帶牛油香;店員服務好,上菜時間一切剛剛好;環境舒適,能同伴侶慢慢享受食物,輕鬆傾計,食得好舒服;餐廳位置方便近咪錶場,但要行上少少斜路,見好多人都無上斜路,於是俾下面啲餐廳搶哂生意,呢間鋪就靜左啲。希望多啲人支持呢間店啦,啲食物做得好用心,亦有別於普通西餐廳。 支持! 繼續閱讀
(以上食評乃用戶個人意見 , 並不代表OpenRice之觀點。)
等級1 2018-04-14
538 瀏覽
I have been intending on trying this place for a while. Its quite lovely inside with quite a few tables in a small space without feeling cramped. Decorations are light and l simple which works well for the space.The staff are friendly and informed us of what was not on the menu. For appetisers we got the soup of the day (roast pepper and tomato), baked portobello and spicy garlic prawns. For mains we got the Lancashire Lamb Hotpot, Fish Pie and cottage pie.All were good tho the portobello felt a touch salty. The mains were fantastic with the cottage pie a particular standout. I'm stuffed. Will return. 繼續閱讀
(以上食評乃用戶個人意見 , 並不代表OpenRice之觀點。)
等級2 2018-04-14
424 瀏覽
朋友推介下黎左呢到食午餐猶豫左好耐叫雜菌risotto 定墨魚汁意粉好最後我叫墨魚汁意粉 我朋友叫risotto再加一個apple crumble 個意粉上碟擺盤幾靚食落都真係幾好食啲意粉索哂啲墨魚汁 超好食又唔會好油淋淋 加分!就係嫌帶子得三件太少我朋友個risotto有好多菇好妒忌😢但overall 呢個意粉都係好好食食完個risotto 就上埋個apple crumble 夠甜 好啱我食食完之後真係覺得好幸福💕 繼續閱讀
(以上食評乃用戶個人意見 , 並不代表OpenRice之觀點。)
等級1 2018-01-15
1143 瀏覽
冷雨天過後終於艷陽回歸。這個冬天其實相當和暖,天清日朗的日子佔多,益晒D行山客。感覺香港近年行山人士日益增多,郊野山徑不再是退休人士嘅獨享,年輕人,小朋友,男男女女,成群結隊,甚至大陸客亦經常碰到。冷顫過後暖陽高照的周末又怎容怠慢?梅子林往北港,這是我偏愛的路徑。一路行一路傾,朋友講到呢幾年學養生,運動做多咗,飲食習慣亦隨著改變,月中都會有幾日食下素,時下嘅素菜館愈來逾多,亦愈來愈多元化。講到食呢個話題,可能係因為快到山腳,個肚開始指揮個腦啩?西貢唔知咁啱有冇素食餐館呢?上網search下先!係有嘅,之不過唔係齋鋪,係西餐廳有素食啫。講開又講,喺西餐廳一般係比較容易喺肉食林立中揾到素食人士嘅需要嘅。快到市中心,無心被隱藏喺一棵大樹後的白色西餐廳吸引到,樹下放著餐牌,睇睇先…哇,乜咁啱,竟然零零舍舍有個veg menu, 選擇仲唔少添!我同朋友個肚同個腦同時話,就呢間啦!西式齋對比中式,係比較多天然嘅色彩,紅菜頭,菠菜,紫椰菜,各種沙律菜,蘑菇,呢D都可以同各種主食組合出缤紛靚麗的配搭,加上忌廉,芝士,欖油,黑松露,相信不難煮出一道色香味俱全的素菜吧。這只是我在等食過程中吹水時的幻想是日餐湯本身就是素食,黑松露忌廉蘑菇湯。三種材料配搭得十分好,濃郁香醇幼滑,加上香脆的芝士蒜蓉餐麭,yummy! 朋友點的是松露芝士忌廉菠菜釀焗燒烤大蘑菇配焗薯,我就點了簡單的紅菜頭意粉(聽講紅菜頭防癌哦!)我的等不多久就先上,可能不用釀不用焗啩,粉紅色的意粉第一次食,應該係大紅的紅菜頭加上白色的忌廉的結果吧,上面還跳跃著白色的芝士碎。味道甘香,紅菜頭本身係無突出的味道嘅,功勞應歸功在調味上吧,意粉質感幾彈牙,芝士食得出不是便宜貨式,混合起來吃好香好有幸福感。朋友也等不及叉了幾口。快食完時個釀蘑菇終於出場了,好豐滿,上面的芝士烤得金黄色,感覺裡面的汁水喺度滚下滚下咁,剛出爐吖嘛!刀一切落去,D綠色嘅菠菜蓉就瀉晒出來,偷佢一舊薯仔點嚟試下先,真係唔錯,焗薯本身就好脆好熱,加埋個汁真係差D辣親我條脷慢D,唔好再辣親條腸噃餐飲係包埋嘅,我就選擇半價飲咗一杯banana smoothie, 仲食埋呢度嘅招牌甜品apple crumble添。原來純素食都可以係咁精彩咁滿足嘅! 下次行完山再來! 繼續閱讀
(以上食評乃用戶個人意見 , 並不代表OpenRice之觀點。)
等級1 2018-01-10
865 瀏覽
朋友提議來呢間異國風情小店食今年頭一餐,話兩年前係嗰度慶生,環境寧靜優雅之餘菜式仲幾得咁話。是日有新年套餐亦有幾款平日嘅精選推介。我哋一行六人,分别點了四個新年大餐同兩個推介主餐。聽落够晒豐富,主菜有澳洲M7和牛西冷,龍蝦配蟹皇意大利飯,美國銀鱈魚,烤黑毛豬,烤鹿架同羊架餐湯係干邑龍蝦湯,龍蝦肉欠奉但龍蝦嘅香味卻十分濃郁,混合埋忌廉同淡淡的酒香,飲過齒頰留香!脆皮英式豬腩配青蘋果沙律,皮够香脆,腩肉咬落幾實凈而且肥而不膩,同青蘋果絕配跟住落嚟係小食黑松露忌廉帶子和南非鮑魚配大蘑菇。單言食材,係絕不欺客嘅!咁嘅價錢,喺酒店一定食唔到咁嘅菜色同出品。好味之餘,重要係食得出厨師好俾心機,唔會因為節假日忙碌而輕率過關…主菜一個個出場,分量全部唔細,我們正好逐個試匀,係得!當中印象最深,係個烤鹿和蟹皇Risotto, 呢D特色嘢相信係呢D私房小厨先會揾到。最後一提呢度嘅醬汁。真係全部都好掂。扒汁集合咗香草忌廉牛油黑椒蒜香同酒香(仲有其它?),烤鹿就有Rosemary同車厘子同紅菜頭,令人色欲大增,羊架有紅酒嘅色水同薄荷芥末忌廉汁。。。末了,甜品係草莓水晶果凍,紅酒水煮梨。淡淡的紅,揭開18年新一頁! 繼續閱讀
(以上食評乃用戶個人意見 , 並不代表OpenRice之觀點。)