41
2
1
港鐵西灣河站 A 出口, 步行約8分鐘 繼續閱讀
所有分店 (2)
電話號碼
27070002
開飯介紹
主打惹味的英國菜,款款足料大份,有多款肉類及海鮮料理;加上店內的大電視會播放各項體育節目,適合和朋友聚餐。 繼續閱讀
營業時間
今日營業
11:00 - 00:00
星期一至五
11:00 - 00:00
星期六至日
10:30 - 00:00
公眾假期
10:30 - 00:00
付款方式
現金
食評 (47)
等級4 2022-04-16
553 瀏覽
長假期無得飛,就去香港不同地方探訪和搵食。今天目的地是西灣河,由太安樓行出海旁,來到蘇豪東,這是一個迎著海風的休閒小區,有多間餐廳、酒吧。坐下吃個飯,把杯談天,然後再沿著海濱長廊漫步到附近的鰂魚涌公園,過了輕鬆的一天。門面寬闊開揚,氣氛輕鬆悠閑,又有陣陣海風吹過 ,這些都是我在眾多餐廳中選了The Blind Pig的原因。今天風較大,我們選了坐在較入位置的高椅,比較溫暖。由於是假期,除了平日的主餐牌外,餐廳還提供brunch早午餐,選擇種類頗多。我們點了一個小食和兩個主菜,以及兩杯飲品。Crab Cake 蟹餅($138)金黃香脆的麵包糠包住軟滑的蟹肉、洋蔥、忌廉芝士和蛋黃醬,外脆內軟,鮮甜美味。Fish & Chips 經典英式炸魚薯條($188)The Blind Pig是一間英式餐廳,來到英國,當然要食炸魚薯條。外皮酥脆,魚肉厚嫩,本身調味清淡,但配上灑在魚面上的鹽之花,即時把魚的鮮甜味帶出,又或是蘸調味醬都好好食。一份有兩大塊炸魚柳、薯條和沙律菜,好滿足。Slow-cooked BBQ Baby Back Ribs 醬燒豬肋骨($288)話明是Blind Pig,怎能不食豬呢?豬肋骨上枱時,曾懷疑會唔會食唔曬?結果是太美味了,只剩下幾根骨頭。最喜歡它的肉質和味道。我並不是太喜歡那些煮得過腍的肉,反而喜歡有些少嚼頭的。今日吃的豬肋骨同樣做到「骨肉分離」,肉質保存柔軟而不是腍爛,有少許筋膜位但不韌,不會𡁻不開。醬汁方面沒有過鹹的缺點,有少許酣酸,又有少許甜蜜,食到舐舐脷。一份有6支骨、兩段粟米、薯條和紫椰菜絲沙律,滿足加滿足。Apple Pie A La Mode 蘋果批奶昔($72)Latte 鮮奶咖啡($45)奶昔好好飲,它奶味不重,杯底是蘋果醬,表面是蘋果沙冰,拌勻後酸酸甜甜,冰涼清爽。拿鐵正常。 繼續閱讀
等級4 2022-06-01
49 瀏覽
呢排返工都好多野做,搞到個人都少少sad,惟有收工後同男友食下好西,當係慰勞自己😆我地試左西灣河海傍呢間餐廳,野食大件夾抵食,味道都唔錯😋>招牌手撕烤豬肉三文治:冇諗過個三文治咁大份,覺得夠2個人食🥺個多士烤到幾脆,配上烤豬+紅菊苣菜絲+沙律醬,味道酸酸甜甜,又唔會覺好滯,豬肉都係瘦肉,肉質結實香口。>西班牙海鮮飯:材料豐富,有蝦、蜆、青口、魚片、魷魚、腸仔+雞肉,鋪滿哂成盤飯,一上枱好吸引,呢個飯口感濕潤,味道香濃,每一啖都充滿鮮味😙不過因為份量太多,我打包左一大半做第二日既午餐😂>墨西哥新豬肉芝士薄脆:冇諗到會係成座小山咁多,Nacho烤得好脆,配上熱辣辣既芝士&牛油果醬,仲有多汁既新豬肉好惹味,我食完先知係植物豬肉,味道同真既都幾似!>Banana Sudae: 好大杯,比利時列日窩夫餅身較厚,烤得香脆帶有焦糖味,配埋雪糕食就變到好有奶香。>椰子水&西柚汁:飲品選擇都幾多,但因為要返工,我地都冇飲酒,野飲味道還好。 繼續閱讀
(以上食評乃用戶個人意見 , 並不代表OpenRice之觀點。)
等級3 2022-06-18
0 瀏覽
尋日同男朋友慶祝紀念日,佢話想鋸扒,我就諗住近近地係佢屋企附近簡一間西餐,去chill下,最後就入左去The Blind Pig 💕呢度係近海,都算係bar咁,環境好有feel .仲要望海,好有情調🙈鐘意睇足球就更好啦! 因為佢有部大電視,可以一路睇波一路飲啤酒chill 1chill. 今次就叫左三款食物TP Snack Platter $318勁多野想食😝 所以決定叫一個小食拼盤😍- 迷你牛肉漢堡 (2PCS)-水牛城辣雞翼 (4PCS) -脆炸車打芝士條、香草蕃茄醬-酥炸芝士愚西哥辣椒、酸忌康 (4PCS)-蟹餅-豬皮脆片呢個真係好抵食,兩個人食,食到好飽,每款嘅份量都好大份😘Pork Tomahawk $252豬扒份量都好大,課室有蕃茄醬同埋酸梅醬😝同個肉都幾夾,不過五成熟來講佢烹調得都是比較熟🥹Vongole $172蒜辣欖油大蜆意粉🍝份量適中,好多大蜆,都幾好食😆😆😆最後埋單816(10% Service Charge)The Blind PigShop B12-14A, G/F, 45 Tat Hong Street, Site B, Soho East, Lei King Wan, Sai Wan Ho 繼續閱讀
(以上食評乃用戶個人意見 , 並不代表OpenRice之觀點。)
今次去蘇豪東食野!以前中學係附近讀,但勁少去蘇豪東食嘢🤣 不過真係好中意個度💖 好舒服,好近海,好涼爽,成個氣氛都好chill~好多外國人係呢度食嘢,店員都係外國人,而且好friendly,會主動問你覺得啲野食點😆🔸🥪𝗖𝗹𝗮𝘀𝘀𝗶𝗰 𝗣𝗮𝘁𝘁𝘆 𝗠𝗲𝗹𝘁 $𝟭𝟲𝟬 🌟面包係Sour dough,仲有啲牛油香味😋 裏面有好多cheddar cheese,超級濃郁既芝士味,極邪惡🤤再加埋美國安格斯牛肉,肉味香濃又多汁🤩 薯條熱辣辣,唔會好林👍🏻🥩𝗦𝗹𝗼𝘄-𝗖𝗼𝗼𝗸𝗲𝗱 𝗕𝗕𝗤 𝗕𝗲𝗲𝗳 𝗦𝗵𝗼𝗿𝘁 𝗥𝗶𝗯 $𝟮𝟴𝟴無諗過原來都幾大份😍 切開真係好有驚喜,入面肉質好粉嫩,而且好易切,完全可以做到骨肉分離😆 BBQ醬好出色,好惹味😋 隔離仲有啲烤過嘅椰菜仔,烤得恰到好處👍🏻🍸𝗖𝗮𝘁𝗰𝗵 𝗠𝗲 𝗜𝗳 𝗬𝗼𝘂 𝗖𝗮𝗻 $𝟴𝟴唔知係咪因為個名,所以個杯係一條魚,好搞笑🤣 呢杯係有gin、藍莓🫐、檸檬🍋、迷迭香糖漿、蛋白,味道酸酸甜甜,唔錯👍🏻🍸𝗕𝘂𝗰𝗸 𝗦𝘁𝗼𝗽𝘀 𝗛𝗲𝗿𝗲 $𝟴𝟴呢杯好正😍 入面係有citrus vodka、葡萄汽酒、接骨木花糖漿、薑、檸檬,接骨木花味好出,甜甜地,好易入口🤤 繼續閱讀
(以上食評乃用戶個人意見 , 並不代表OpenRice之觀點。)