4
0
0
港鐵堅尼地城站 C 出口, 步行約4分鐘 繼續閱讀
電話號碼
23883861
付款方式
現金
座位數目
40
其他資料
Wi-Fi
自帶酒水
室外座位
食評 (5)
等級3 2018-10-05
103 瀏覽
這間餐廳是朋友介紹的。::::::我地叫左個set menu. 然後老闆話可以去出面買酒入餐廳享用. 然後我男朋友就出左去買左支紅酒入黎飲. 野食整體都唔錯架. ::::::特別想推介個steak,好大份. 我地叫左medium rare. 距煮得岩岩好,上面的調味料也控制得剛剛好。 一啖一啖肉加肉汁, 然後飲少少紅酒,好回味。諗返起都好想再食扒。::::::有個seafood加cheese 既前菜都好好味的。有d鹹但送酒就好ok. Love it 會再黎第二次的 繼續閱讀
(以上食評乃用戶個人意見 , 並不代表OpenRice之觀點。)
朋友T小姐約2015年12月19日飯局,話係Christmas 前嘅Celebration ,玩下交換禮物咁啦,佢對餐飯有3大要求,第一,Dinner Budget 要HK$300以下,第二,當晚要食西餐或日餐,第三,飲酒要免Corkage Fee。三個要求獨立實踐唔難,但加埋就有啲考起!早一個星期開始揾餐廳,俾我揾倒觀塘嘅Bella Shine 符合哂所有條件,點知T又話想喺港島區食,打亂左計劃,嗰日仲係聖誕節前嘅星期六,打左去好多間港島區嘅Cafe都同西餐廳都話要收Corkage,我地果晚飲平酒,支支都係HK$100-200,如果要收Corkage Fee ,真係妹仔大過主人婆,最後睇倒Openrice 一篇英文食評,話去左西環某間餐廳,開左三四支酒都係HK$0 Corkage 收費,就係佢 - Blackboard Kitchen。即刻打電話去訂訂枱,菲律賓人接聽,同佢講我訂12月19日晚6-7人枱食飯,問有冇位同確認係咪免收Corkage,佢同我講依家啱啱伸請倒酒牌,要問下經理得唔得,第日回覆,點知到左第二日佢冇覆,要再問,問之前我同T小姐講話如果西環呢間都唔免我Corkage 的話,就要去翻觀塘Bella Shine,佢同意。第三日打去,經理聽電話,開頭佢話要收開瓶費嘅,但我話如果要收,我會去九龍另一間,佢最後認承左免我地開瓶費,喺嗰一刻我有清楚表明我地会飲六七支酒,開瓶費必須全免!入到門口,環境好細,我會形容佢係一間地方狹窄但幾warm 嘅餐廳,成間加埋都係得25個位以下,下圖係張枱,枱寬只有約呎半左右,佢地啲枱太窄,放唔倒酒同酒杯。好彩我地今晚只係飲普通野,如果唔係係就真係完全唔夠位擺杯!坐定左冇耐,見倒門口有個好熟口面嘅人行左入餐廳,原來係Chris,佢係我一個玩酒友嘅酒腳,同佢打左個招乎,點知呢個招乎就令到張單貴左HK$200.....由於Chris 走左入裏面張枱,我就望左佢張枱一眼,枱上面原來已經擺左幾酒,My goodness 原來佢地都喺裏面飲酒,張枱又係迫迫窄窄果隻,仲要俾我見倒佢地係玩Blind tasting (蒙瓶) ,真係鄧佢地擔心!呢個時候經理走埋嚟喺我耳邊同我講 : I have to be fair to the people inside. I will charge you HK$100 dollars for every bottle 。佢之前仲講左兩句,意思大概係話我地識得裏面嘅人,而佢有收裏面班人開瓶費,而我嗰刻真係有啲著著地火。我即刻同佢講: 『It doesn't make any sense. We have agreement previously. No corkage or else we will go to another one. Let's talk outside. 』正常如果我地成班都係男人,我一定企硬,傾唔掂會即走。不過最後佢講話 : 『Buy one get two bottles free corkage or HK$200 corkage for 3 bottles.』 我覺得可接受,就講 : 『Deal !』我第一支開嘅係Domine De La Madone Beaujolais Nouveau ,2015年New Release ,喺呢度特別提一提呢支酒,Beaujolais Nouveau 唔會經過木桶陳存,釀造方法係先將大量二氧化碳打入裝滿Gamay 葡萄嘅不銹鋼大缸裏面,冇左氧氣,葡萄為左得到能量,葡萄細胞會將葡萄糖轉化為酒精、二氧化碳及能量,最後葡萄會喺缸中自我爆破,然後釀酒工人再壓榨出帶有酒精嘅葡萄酒,最終先放入酵母完成發酵,釀成紅酒,唔經木桶陳存,釀好馬上推出市場,非常新鮮原味,以果味計,係所有紅酒中最果最果嘅。上圖嘅酒由收採到釀好只係二個月多啲,飛機貨,好平,百幾蚊Cottage Vinyards有售。呢種酒因為單寧輕,果味重,可配Creamy 嘅Risotto同春雞,而Lamb Rack 同Sirloin,比較適合配今晚嚟自紐西蘭嘅Syrah。支 Beaujolais 我只係酙左啲大家試下,留翻食野先飲。今晚主題係Dinner Party,要飲返支卜一聲嘅汽酒先貼題嘅,呢支係Brillcart NV Champagne(唔記得影相),NV Champagne 嚟講汽泡幾幼細,果味普通,酸度亦普通,複雜性亦唔算特出,帶有餅乾多士嘅烤味,今晚並非品酒夜,作為今晚嘅Party Wine同配菜酒,佢合格有餘。坐翻埋位,點菜,佢地冇菜牌,菜名寫黑板過左唔夠10分鐘,第一道Appetizer 到eep Fried Calamari 炸魷魚圈 x2 (HK$78)炸得算幾乾身香脆,魷魚圈雖然係Frozen ,但都新鮮,肉好白淨,用嚟送酒一流!食完一個仲encore左個。Sauteed Mussels青口 (HK$98)煮嘅時間啱啱好,雖然佢地用嘅唔係嫰滑嘅Blue Mussel ,只係青殼品種,但效果出奇的好,爽滑、鮮甜、無渣,仲帶有幾重嘅海水味,應該係揀手靚貨,汁明顯用左羅勒、忌廉、蒜同白酒去煮,非常夠味,呢味係我全晚最欣賞嘅菜。食完第二道菜,開多左支白酒,冇影相,反正係質素一般嘅Alsace Riesling ,普通Vin de Pay ,Off dry 嘅,酸度普通,質素非常普通,用嚟襯下意粉同飯嚟食都可以嘅。Garlic Bread 蒜蓉包包本身唔特別,但就焗得好脆口,用嚟點青口剩低嘅白汁,味道一流。Clam Pasta 蜆炒粉 (HK$108)份量覺得偏細,用沙白炒,意粉係粗嘅,食起嚟好乾身,亦帶絲絲白酒香氣,冬季唔係沙白蜆嘅當做季節,我覺得唔算肥,但冇所謂啦,其實西廚之所以特別鍾意用沙白煮意粉,我覺得因為煮沙白時所出嘅汁,特別濃郁鹹鮮,並唔係因為佢肉厚,呢個粉係炒得好香嘅,但最失敗係意粉唔係Al Dente外,仲焾身過茶記果啲,所以呢個粉最多只係叫做合格。Scallop & Asparagus Ristto 帶子意大利飯 (HK$148)Risotto 其實唔難煮,但時間長,要用雞湯將生米炒十五至二十分鐘至7-8分熟,加入預先煮好嘅忌廉白酒汁即可。呢個飯用咗好多雞湯炒熟,好濃味,口感亦係正宗嘅半生熟,唯一失敗係汁收得唔夠稠,仲係稀Lel Lel咁,扣左啲分。帶子七分熟,啱啱好!Roasted Spring Chicken燒春雞 (HK$118)燒春雞其實真係好難令人失望嘅,面前呢隻皮焦香而肉細嫩,肉汁豐富,肯定唔係翻焗,隱隱有檸檬香味,應該都用左傳統方法,鮮檸檬加鹽水醃製。Caesar Salad 凱撒沙律 (HK$88)純蔬菜做嘅Cesar Salad,蔬菜只係簡簡單單嘅羅文生菜同車厘茄,份量一般,但面上灑上嘅芝士粉就真係非一般咁多。沙律醬汁做得唔錯,主要材料Mayonnaise 及Anchovy味道攞得非常平衡。Sauteed Prawn Pasta 蝦炒粉 (HK$108)份量亦係偏細,蝦只得四隻,算好少,不過都爽口彈牙,屬Chill 貨,呢個粉都係冇汁乾炒,落左紅椒同蒜頭,好香口惹味,但呢個粉同剛才嘅蜆炒粉都有相同問題,就係太焾,真相大白,即係話啲意粉係整定再煮,唔焾有鬼。Sauteed Claims 炒蜆 (HK$98)白酒煮蜆永遠唔會令人失望,夏季會肥美啲,面前嘅沙白喺冬天嚟講已經唔算瘦,煮嘅火候掌握得相當好,唔會靱,好滑,好有鹹鮮味,肉亦帶有好重嘅貝類獨有甘味。Carbonara Pasta 卡邦尼汁雜菇粉 (HK$98)個汁底都係煮得好好,咁多味菜包括海鮮都唔會話過火,其實個廚師喺煎炒方面嘅功力算唔錯,粉都係咁差,但個忌廉汁同煮青口嗰個同樣出色,白酒嘅酒香、忌廉乳香同雞湯嘅鮮甜都好有層次咁喺個汁度一一體會。而菌類本身同忌廉牛油芝士等都夾到絶嘅,再加上Pancetta火腿嘅煙燻味同油香,粉雖然粉係差啲,但汁有特別分加,算滿意。Pan Fried Halibut 比目魚 (HK$148)魚煎得香脆乾身,魚肉爽滑,火候啱啱好,比目魚肉汁多,基本上只要舊魚夠新鮮,淨係灑上鹽、胡椒粉及鮮檸檬汁等已經好好味,汁都唔使落,而面前就完全係我所講嘅煮法。中場休息左陣,交換下禮物,影下相咁啦,唔肯免我corkage 嘅經理好似叫阿Ben,其實佢嘅服務都算唔錯,幫我地揸機影相,走嚟走去,有求必應嘅。下面幾幅圖係我地呢個 Dinner Party 嘅禮物相、Homemade Cookie相同埋大合照嘅相。食肉之前梗係要開支有濃郁香料味嘅Graggy Range Syrah 紅酒嚟飲,自己未試過買紐西蘭釀嘅Syrah嚟飲,面前呢支酒散發出黑加侖子、黑布冧、丁香、肉桂、八角及Cedar 柏樹香味,酒體冇澳洲嘅Shiraz 咁厚,風格偏向法國舊世界Rhone 隆河區嘅Syrah ,支酒非常直接,收結長度偏短。香料味重嘅酒配羊肉最妙,同今晚嘅羊架最夾。Lamb Chop羊架 (HK$148)冇相,佢地冇問我地想幾熟,切開一睇係一般人能都可以接受嘅七八成,目測肉汁豐富,咀嚼時感覺相當嫰滑,大胆估計佢係平時我成日喺屋企自己整嘅紐西蘭羊架,呢舊7支骨羊架用左乾香草、檸檬汁、胡椒、蒜頭及中式豉油等醃過,冇哂羶味,對唔怕羶嘅我冇乜影响,但朋友就大讚呢個羊架非常好味。Sirloin Steak 16 Oz西冷牛朳 (HK$278)冇相,牛朳有問過我要幾成熟,一般share食都會叫medium 嘅,六至八成熟夠大眾化。呢個朳係煎嘅,冇燒咁香口,但就啱啱Medium,仲係好juicy,美國嘅Angus Sirloin 普通級數批發價一般大概HK$80蚊磅左右,雖然價格平,但佢就好少今人失望,面前嘅只加左鹽同胡椒煎製,就已經相當好味,肉汁豐富,牛味濃郁,大件足秤,餐廳仔嘅出品嚟算唔錯。埋單: HK$1,794 (含開瓶費)總結: 特別要提出,佢地連冰桶都冇,呢個係最最基本嘅飲酒工具之一,點可以收人開瓶費?仲有我話哂都算係個小小個體户,做生意答應左就說一不二,就算蝕都要做,口齒誠信對我嚟講好重要。今次呢HK$200 Corkage fee 並不是錢嘅問題,而係誠信問題,係打死狗講價!我自己係唔會再幫趁佢地。但話分兩頭,佢地出品可以,服務算周到,個場幾Warm,其實幾適合包場私人party 聚會 。 繼續閱讀
(以上食評乃用戶個人意見 , 並不代表OpenRice之觀點。)
等級1 2015-11-27
793 瀏覽
發現新開小店,所以同屋企人過黎一齊食。我地叫左三個頭盤同三個主菜四個人分。頭盤有Fried calamari, Beef skewer同埋sautéed mussel。三個都好好味,魷魚圈同炸漿唔會分開,牛肉醃得好好味,最鍾意係個mussel, mussel好新鮮,啲汁好滑好creamy, 啲車厘茄同麵包點啲汁都好好食!主菜就叫左Pomodoro, 係creamy d 嘅蕃茄醬汁義大利麵,上面仲有mozzerella cheese😍😍😍媽咪大讚👍🏻另外仲有sirloin steak 同 ribeye steak! 兩個都叫左medium rare, 火侯控制得好好!唔會太生/熟😊😊😊由於係soft opening, 可以自己帶酒,我地就喺附近超市買左支紅酒!最後一提係服務質素好好,我地有位家庭成員遲到,所以留起左啲食物已經凍晒。佢到左之後店員自己好貼心咁幫我地翻熱食物,非常細心👍🏻價錢都算平,一定會再返黎!希望第時都可以keep住食物同服務質素都咁好😄 繼續閱讀
(以上食評乃用戶個人意見 , 並不代表OpenRice之觀點。)
This is the second time we ate at this little restaurant. 4 guys and we ordered rounds of food. Started with the beef skewers and squid skewers. The latter was so tasty that we ordered another round. Then we went for some steaks, a ribeye and a sirloin with sauteed mushroom and vegetables. The steak were nicely cooked to medium rare with char-grilled flavor. Next we had the spaghetti carbonara and seafood spaghetti al pesto. Both very good. All washed down with 4 bottles of wine and regular water was constantly flowing with the waitstaff.BYO for now until the end of Nov according to a sign. 繼續閱讀
(以上食評乃用戶個人意見 , 並不代表OpenRice之觀點。)