影片
營業時間
Happy Valley Day Race: 12:00 - 17:45 (Main course last order at 14:45)
Happy Valley Night Race: 18:00 - 23:45 (Main course last order at 22:30)
以上資料只供參考, 請與餐廳確認詳情
咁大個女第一次入馬場🏇簡直係大鄉里出城🤣呢間餐廳係跑馬地新開嘅餐廳酒吧🥂比小編發現咗個秘密係原來唔使係馬會會員都入得，只要成功網上預訂左就okay㗎啦～不過認真好full，尤其係窗邊座位都真係一位難求🥹-裡面環境好有格調好有氣氛，有Live Band真係令到個場非常熱鬧！哈哈有啲估唔到入面真係有咁多人🤭一入去就已經見到好大個mon就係室內4K LED幕牆，可以即時睇到參賽馬匹嘅各種資料！而且好特別在於呢度仲有互動式AI揀馬站，另有Racing Specialist提供「賽馬101」教學，除咗可以睇到基本嘅賠率外，仲可以用AI大數據📊進一步分析馬匹狀態、過往佳績、騎師同練馬師排名等… 成件事相當先進🤣重中之中❗️一定係可以食食下拎住杯cocktail行去露台到近距離咁觀賞賽事，好刺激瞬間值回票價了！-🎈雜錦芝士凍肉拼盤 $248拼盤裡面有唔同嘅芝士🧀Parma Ham同麵包薄脆片放埋一齊，送酒一流🥰-🎈脆炸三黃雞 $108好好味喔！三黃雞個炸粉夠哂薄，烤得好香脆！配合埋佢個四川楓糖醬同烤蒜泥蛋黃醬，超級惹味，食落去就係辣辣地又帶點甜味～咁樣嘅配搭幾有趣😍-🎈迷你和牛漢堡 (3件) $108漢堡裡面嘅和牛肉味香濃，加入埋烤牛肉醬、泡菜及蛋黃醬，配合埋鬆軟而香脆又帶點牛油香既麵包，幾惹味！-🎈美麗傳承 $128🎈浪漫勇士 $128呢度嘅特色雞尾酒🍹係以星級馬匹去命名，分別有美麗傳承、金鎗六十、浪漫勇士、加州星球等！美麗傳承一上枱係會有個泡泡咁🫧 好啱打卡！浪漫勇士加入咗啲vodka喺裡面，所以個酒精濃度相對更高！但同時亦有菠蘿同檸檬汁去調味所以飲落去亦相當清新！-🎈脆皮雪糕🍧 $98一上枱非常吸睛，用上乾冰仿如置身係仙境之旅中😌共有三款口味，分別係雲呢拿、黑朱古力同士多啤梨🍓自己最愛一定係士多啤梨，食落夠fresh酸酸甜甜咁，一啲都唔膩～-🎈三重朱古力布朗尼 $88朱古力味濃郁，口感唔錯，但朱古力控嚟講都真係略甜了一點🥹-🔸The Beat📍跑馬地黃泥涌道跑馬地馬場聯合看台2樓-餐廳菜單會不時更新，詳情請參閱官網資訊#跑馬地馬場 #HappyValleyRacecourse #TheBeat
繼續閱讀
今晚同朋友去咗馬場入面嘅餐廳The Beat食飯現場環境氣氛好好食物味道又好而且每場賽馬中間又有表演完全無悶場即使我第一次去馬場都可以好enjoy！餐廳環境好有燈紅酒綠氣氛🍸有唔少適合圍坐嘅梳化位好啱同朋友傾住計睇馬除咗有露台位睇到沙圈情況餐廳內仲有4K LED 幕牆直播而我唔識睇馬嘅朋友仲有得跟住Racing Specialist 教學同用互動式AI揀馬站揀馬大大增加咗投入感👍餐廳食物選擇豐富上菜速度勁快好快已經上到一枱食物都適合分食同朋友傾住食最啱脆炸三黃雞雞件超嫩滑又juicy蘸佢個烤蒜泥蛋黃醬味道更突出個辣味爆谷又係好好味少少辣好惹味食到唔停口🤫炸煙燻豬仔髀配孜然豬脾仔勁香孜然粉味入口啖啖肉都幾嫩滑好滿足！36個月熟成甘地芝士三文治伴牛油洋蔥三文治烤到微焦中間夾住流心嘅芝士又rich又creamy除左食物出色The Beat 嘅cocktails 都值得一試以賽駒名命名嘅美麗傳承視覺效果滿分💯調酒師喺我地面前注入煙霧氣泡令cocktail嘅外型更突出美麗傳承香香甜甜果味比酒味更重非常適合女士❤️而以金鎗六十命名嘅cocktail椰香突出入口醇滑順喉以美酒致敬香港賽馬史上勝出最多頭馬嘅馬王賽馬中間除咗晚餐外仲有live band 表演以英文金曲炒熱氣氛玩得超開心！The beat非馬會會員都入得只要上網站預約就OK啦～預備好去馬場玩返晚未呀？
繼續閱讀
第一次去馬場🏇🏼入面既餐廳， 可以行去露台睇馬場景 • 賽事🏟真係好興奮呀🥳一定要好好記錄📝✅ 餐廳唔洗馬會會員都可入得✅ 只要上網訂座就可以啦餐廳行電子時尚型格風🖤有多元化電子系統📱 (互動式AI揀馬站 • 室內4K LED幕牆)，仲有Racing Specialist 提供「賽馬101」教學，等大家更方便 • 更易投入賽事😎賽事之間，會有Live Band🎸樂隊演出🎶，氣氛超好👍🏻~•~•~•~•~•~•~•~•~•~•~•~•~•~•~•~•~•~•~•飲飲食食部份💁🏻♀️我覺得最特色嘅就係一系列Signature Beat✨由得獎調酒師設計 • 靈感來自冠軍賽駒🐴既招牌Cocktails🍸另外，仲有多樣其他酒類選擇(Whisky • Gin • Vodka • 啤酒…)，(無酒精類) Mocktail • 果汁 • 汽水…▪BEAUTY GENERATION 美麗傳承 • Signature Beat ($128)(The first horse to win eight races in a single Hong Kong season🏆)(Bourbon Whiskey • Luxardo Maraschino • Strawberry • Apple Juice • Lime Juice • Osmanthus Syrup)上枱後，會喺酒嘅表面用煙槍打上泡泡 好啱打卡📸飲落酒味唔會好濃，少少甜幾易入口😙.▪The Pulse ($98)(Red Dragon Fruit • Passionfruit Puree • Apple Juice • Lime Juice • Mint)依杯甜度會高少少，但飲落好Fresh。加左食用花裝飾，都幾靚嫁🌺.當然唔少得佐酒小食啦🍴▪雜錦刺身 CHIRASHI TOSTADA ($338)刺身切粒🐟 (三文魚 • 油甘魚 • 帶子 • 牡丹蝦 • 吞拿魚腩)，加左紅洋蔥粒，南美醃魚汁 • 辣蛋黃醬調味，中間仲混入左薄餅脆脆✨增加口感🤓表面有海苔 • 牛油果醬🥑點綴裝飾。整體幾清新💦.▪炸煙燻豬仔髀 • 3件 ($128)豬仔髀🍗肉質比雞髀緊緻結實，但夠腍。煙燻香 • 孜然🤎 • 辣椒🌶️，唧多少少青檸汁層次更豐富。.▪迷你和牛漢堡• 3件 ($108)芝麻包軟熟。細細個，但都加足配料🍔(Juicy和牛漢堡 • 青瓜片🥒・泡菜 • 烤牛肉醬 • 蛋黃醬)，食落都幾惹味😋.▪脆皮雪糕 ($98) (3款口味 • 各2件) 馬達加斯加雲呢嗱🤍脆皮雪糕・黑朱古力🤎脆皮雪糕 • 士多啤梨❤️脆皮雪葩喺仙氣乾冰上枱，記得Ready定相機📸3款入面最鍾意士多啤梨🍓混入左好多果肉。.~•~•~•~•~•~•~•~•~•~•~•~•~•~•~•~•~•~•~•
繼續閱讀
室內設多個4K LED巨大幕牆，睇賽馬真係好過癮！仲有互動式AI揀馬站，可以根據騎練、馬匹狀態等用AI幫你揀馬🐎仲可以搵Racing Specialist學「賽馬101」，學埋點樣揀馬！最正係有live band演出，現場氣氛好好，好適合同朋友一齊嚟食飯飲酒放鬆～加上露台馬場景，食住嘢睇賽馬，夠哂chill ！ ⭐️ 雜錦芝士凍肉拼盤 （$248）拼盤以三種芝士和三種火腿組合而成，口感層次豐富。濃郁芝士與鹹香火腿交融，搭配新鮮水果，令整體味道更清新～ 好啱share ⭐️ 意大利松露薄餅 ($118)松露嘅香氣濃郁，配搭蕃茄芝士同蘑菇，一口接一口都唔會厭😝 呢個啱哂松露lovers ⭐️ 迷你和牛漢堡（3件）($108)和牛漢堡肉質好鮮嫩，精緻小巧，好juicy 🤤 ⭐️ 脆皮雪糕 ($98)呢個超啱打卡🌸 煙霧特效勁吸睛！呢個有驚喜！6粒三種口味嘅脆皮外層雪糕，酥脆同冰涼嘅完美平衡，口感極佳⭐️ Churros 配肉桂糖辣椒巧克力醬及焦糖牛奶醬 ($88)經典嘅外酥內軟，配巧克力醬嘅微辣感，與焦糖牛奶醬嘅甜味相得益彰，口感獨特 ⭐️ 脆炸薯條 配芝士醬 ($45) ⭐️ 金鑽貴人 （$128）Rum Milk-Washed With Mango • Grapefruit • Lemon • Milk • Coconut Milk • Strawberry Tea⭐️ 蘋果汁 ($52) 💰HKD 500 p.p for Dinner
繼續閱讀
平時就好少機會入馬場，今次朋友搵我食飯，仲話有啲高科技嘢俾我體驗吓，梗係即刻應承啦。一入到餐廳就見到好大嘅室內4K LED屏幕，旁邊仲有live Band唱緊歌，氣氛就一定夠晒。而且餐廳其中一則有露台馬場景，一到賽馬時間好多人都鍾意一邊飲酒，一邊觀看賽事。好似我依啲新手對揀馬真係零知識，場內仲有互動式AI揀馬，同埋racing specialist提供賽馬101教學，真係又有得玩又有得食。YELLOW CHICKEN ‘POPCORN’ $108熱辣辣新鮮製作，外皮唔會太厚同時雞肉內裡嫩滑多汁，配埋四川楓糖漿及烤蒜泥蛋黃醬‘THAI-STYLE’ HONEY-GLAZED GRILLED PORK NECK RICE $148豬頸肉可以見到外層有焦香，食落口感軟身又有油脂香，配搭甜甜地嘅醬汁其實都好開胃。MINI WAGYU BEEF BURGERS $108三個迷你和牛漢堡，包身都夠鬆軟，同時和牛油脂比例都相當之好，夠多汁同埋軟腍。ICE CREAM‘POPPERS $98店員倒入乾冰製造煙霧彌漫嘅感覺，脆皮有三隻顔色，代表三款唔同口味，充滿打卡感。ROMANTIC WARRIOR$128一齊嚟到馬場當然要叫返杯嘢飲啦，顏色都好鮮艷啊，味道甜甜地啱晒成個氣氛。The Beat (跑馬地)跑馬地黃泥涌道跑馬地馬場聯合看台2樓*餐廳菜單會不時更新，詳情請參閱官網資訊#TheBeat #跑馬地馬場 #HappyValleyRacecourse #跑馬地美食 #跑馬地 #馬會 #香港美食
繼續閱讀
您可能會有興趣的...