影片
以上資料只供參考, 請與餐廳確認詳情
食家推介
今日過開尖沙咀買嘢，順手掃咗兩盒做手信，自己都忍唔住開咗盒嚟試吓。啲蝴蝶酥細細件，咬落去鬆化脆口，個包裝夠哂高級，簡約得嚟帶啲西式feel，最正係每件獨立膠袋包住，乾淨衛生又方便拎出街食。甜度啱啱好，唔會漏喉。雖然話有幾款味揀，每款都有自己特色，不過本人心水始終係原味——牛油香先係主角嘛！食過咁多間蝴蝶酥，起碼食完成個口唔會油淋淋，個胃又唔會頂住頂住。講真明明唔係咩大牌子，但買嗰陣都要排長龍，真係估佢唔到，哈哈！下次再幫襯應該都會翻兜原味多啲～
繼續閱讀
有朋友來到香港想買手信返屋企,我就推薦THE 24 ST嘅蝴蝶酥。香港本地品牌,有信心保證,仲係香港製造，無添加防腐劑。外盒精心設計,用炊送禮一流!雜錦蝴蝶酥禮盒 (15件裝)🧡原味蝴蝶酥 ❤️蘋果山楂蝴蝶酥 🩵三星蔥芝士蝴蝶酥 💛日本柚子香梨蝴蝶酥 🤍日本黑豆芝麻蝴蝶酥 我就最鐘意蘋果山楂味,估唔到2者係咁夾,食入口有蘋果既香同山楂既微酸,變左蝴蝶酥都好夾, 一試難忘。
繼續閱讀
早前食過香港特色蝴蝶酥禮盒，今日行經，再買雜錦蝴蝶酥禮盒試新口味，一盒15件裝，有五款新口味：原味、日本黑豆芝麻、三星蔥芝士、蘋果山楂、日本柚子香梨。「四季靜好，經典回味」系列原味：傳統經典口味，充滿牛油味，中間少許糖霜，甜甜啲。「根藏於土，無畏寒冬」系列日本黑豆芝麻：外層酥脆，內層香濃嘅黑豆芝麻，健康可口。「萬物復甦，春苗漸長」系列三星蔥芝士：三星蔥香味，再加上鹹香芝士味，口味獨特得來又出奇地夾。「金秋落葉，果子落蒂」系列蘋果山楂：蘋果山楂甜中帶少許酸，搭配牛油味餅底，酸甜不腻。日本柚子香梨：柚子獨特香味，搭配清甜的香梨，清新可口。THE 24 . ST (尖沙咀)尖沙咀天星碼頭1樓KP-39A號舖
繼續閱讀
今日坐船個陣經過尖沙咀天星碼頭，咁岩經過見到呢間專買蝴蝶酥嘅舖頭，本身我好鍾意食蝴蝶酥，就諗住買返嚟試吓🤤我買咗盒綜合口味蝴蝶酥，入邊總共有五隻味🤩佢嘅包裝好靚，送禮一流😆原味蝴蝶酥：原味牛油味好濃，而且好脆，好正😝蘋果山楂蝴蝶酥：呢個口味食落係酸酸甜甜，啖啖蘋果嘅香味，非常清新🤤三星蔥芝士蝴蝶酥：呢個味道係鹹鹹地，加埋濃郁嘅芝士味，我第一次食鹹味嘅蝴蝶酥覺得好特別🤩日本柚子香梨蝴蝶酥：柚子味好濃，加埋香味味道甜甜地，都係清新系列😆日本黑豆芝麻蝴蝶酥：呢個口味係好香嘅芝麻味，加埋會食到黑豆碎，口感好豐富😎
繼續閱讀
之前係旺角經過, 但未買過, 今日過來尖沙咀買, 買左二盒比人, 我自己試一盒, 細細件, 味道鬆脆, 包裝夠高貴, 簡單又西式, 一件一件用膠袋獨立包裝, 唔會過份好甜, 雖然有不同口味, 有不同特色, 但本人都係喜歡原味多d, 因為唔會比其他味道搶左蝴蝶🦋酥的原本牛油香味, 蝴蝶酥都食過幾間, 依個牌子都算唔錯, 起碼食落唔會好油好滯🥰👍 不過可能唔係出名牌子, 買的時候都需要大排長龍😅
繼續閱讀