Thailand King

營業中

休息中

Overall, Thailand King holds a strong emphasis on the use of leaf spices and bold spiciness. While the spiciness was not to my personal taste, I acknowledge the positive aspects of the restaurant.Grilled Angus beef salad priced at $108 was a standout dish. The beef was cooked to perfection and combined with fresh ingredients, resulting in a satisfying and flavorful salad.Thai-style minced pork with lettuce, priced at $98, showcased the restaurant's skill in creating a well-balanced and tasty dis

呢間餐廳位置確係有d隱秘，全靠熟悉尖沙嘴酒吧嘅同事帶路，我地一行5人齊齊去左“芭提雅”-- 呢個係入餐廳酒吧嘅第一感覺，可能係因為音樂、又可能係佈置、可能係氛圍。唔知咩原因，但就感覺好有渡假feel。 泰式炒西蘭花($88)幾香蒜味，微微辣，西蘭花又爽口，雖然簡單，但好味。 泰式火山排骨（12支骨）($248)同食開嘅火山排骨有d唔同，因為用左豬肋骨，而且斬了件，食起上嚟更方便，而且有更多肉食。食時一定要𢳂多d配菜，芫荽、蒜蓉、辣椒碎、葱花等，加埋滿滿青檸香嘅汁，入口既有檸檬嘅青香，又帶有濃郁嘅芫荽同蒜嘅獨特香味，惹味非常。泰式花膠冬陰功湯($78)小火爐慶住上枱，加埋銀色嘅小窩盤盛載，高度嘅儀式感，相機食先。味道濃郁，有大蝦、菇、車厘茄，最正係唔會太辣，啱我口味。泰式墨魚餅($48)有粟米粒，增加了口感，點埋泰式甜辣醬食，送酒必點。 芒果糯米飯配椰子雪芭($108)非常特別嘅甜品，懷疑可能真係有用心去設計過。首先配上椰子雪芭已經夠新穎。跟住糯米飯食落係略帶鹹味。而芒果係甜中有一點酸。我將所有嘢擺埋一匙羹放入口裡邊…… 鹹、甜、酸、暖、冰，真係有驚喜喎，味道多而不亂，層次分明，飯嘅鹹香

今日黎到哩間位於尖沙咀既餐廳食泰國菜。餐廳係酒吧餐廳裝潢，用上酒瓶、樹葉、燈泡及日式和紙傘作裝飾。餐牌～🔸泰式生蝦 $138每次食泰國菜都一定會叫生蝦刺身🦐餐廳用保鮮紙隔開啲冰，非常衛生，亦唔怕冰水會影響味道。生蝦新鮮大隻，質感彈牙，上面仲放有蒜蓉同辣椒，醬汁香辣過癮，好食推介👍🏻🔸泰式蝦餅 $98蝦餅大大粒，有成八塊，炸得香脆，蝦肉入口彈牙，用料實在，亦係好食推介👍🏻🔸泰式豬肉碎生菜包 $98餐廳非常貼心，會用個爐坐熱啲肉碎，唔使怕佢好快會凍，可以慢慢品嚐，而肉碎香辣微甜，生菜新鮮爽脆，同樣非常好味。🔸泰式冬陰功河蝦意粉 $168冬陰功味道濃郁，蝦肉新鮮彈牙，配有蕃茄仔同雜菇～🥭芒果糯米飯伴椰子雪葩 $108個甜品份量十足，芒果香甜無渣，糯米口感煙韌，椰漿香醇濃味，最正係個椰子雪葩，椰子味超濃郁，非常好食，椰子控推介👍🏻🥥椰青 $58🍋檸檬薑蜜 $48椰青水勁甜，而且雪過再加上碎冰，凍冰冰好啱夏天飲；香茅薑蜜味道清甜，解辣一流！

今日去咗尖沙咀一間特色嘅泰國串燒酒吧Thailand king ,半開放式設計充滿泰國風情 餐廳老闆同職員都很友善 氣氛很好聽住音樂邊食飯👍🏻👍🏻👍🏻廚師推介食物 我地點咗泰式生蝦$138 生蝦刺身肉質彈牙，夠晒新鮮每一隻嘅size做好大，加上蒜片點上秘撈製酸辣汁 爽口加埋辣汁更加刺激味蕾 正😋蝦頭經炸過當然唔可以放過，蝦味仲要非常濃郁，夠晒新鮮三文魚他他柚子沙律$88特色酸酸甜甜醬汁配生菜非常清爽, 三文魚嘅刺身切成粒粒再混入埋柚子醬，味道非常配合炸物泰式蝦餅$98，炸到蝦肉酥脆彈牙，配埋泰式嘅酸辣醬更加好味 炸蔬菜春卷$ 48（2 條），炸得乾身，並不油膩，入面仲有非常多嘅生菜，炸完之後蔬菜都唔會乾身泰國餐廳必點嘅豬肉生菜包$98生菜份量都好多，豬肉碎特色香葉配辣椒味道係正宗，泰國風味必食，每一啖都充滿香辣嘅味道，而且生菜仲非常新鮮嫩 最後二人飲品，芒果沙冰同埋青蘋果沙冰炎炎夏日飲返兩啖，真係涼透心，唔會太甜夠晒凍 餐廳環境真係好適合三五知己傾吓偈

餐廳半開放式，係酒吧餐廳，最啱放工後同同事黎個happy hour傾計飲嘢，之後仲可以食埋晚飯。廚房亦係開放式設計，睇到兩位年輕人由落單至煮都係佢哋一手包辦，用心地去煮，感受到佢哋嘅心機。餐牌選擇都幾多，我哋叫左小食、咖喱 + 蒜蓉牛油法飽、主食、意粉同埋兩杯飲品。泰式蝦餅：4粒超大粒，切開左一半嘅蝦餅。熱辣辣，好彈牙，點埋旁邊泰式甜醬好好食。泰式青咖喱炒雜菌意粉：完全食得出泰式風味，醬汁青咖喱好甜，有椰漿同香茅味，幾夠辣，雜菌同意粉吸左D醬汁，幾夾幾好味。咖喱軟殻蟹：軟殻蟹兩隻夠大隻，咬落去軟殻蟹好夠熱，炸得好香口。黃咖喱甜甜地，裡面仲有菇、車厘茄同茄子等配料，唔會話只得軟殻蟹好寡，感覺好豐富。蒜蓉牛油法飽：焗得非常鬆脆，好香蒜蓉同牛油味，crossover埋黃咖喱又幾好食。香茅檸檬燒雞：雞燒得好靚，有光澤又唔燶。燒雞size適中，肉嫩juicy，唔肥。外皮搽左蜜糖甜甜地，入口食到輕輕一層香茅同檸檬味，真係好好味，旁邊仲有杯剛炸起嘅粗薯條，整體唔錯。飲品：椰青都幾大個，夠凍夠清甜。老公就叫左個啤酒，佢話夠涼清熱氣。

Thailand king放工想同朋友chill吓就揀咗嚟尖沙咀嘅Thailand King🥰 呢間餐廳係酒吧餐廳 想同朋友飲杯嘢又想食吓嘢揀呢間就啱啦🤓 平日嚟到餐廳都竟然幾乎full晒 餐廳主打比較酒吧泰式風 氣氛都幾好🥳嚟到見到餐牌就即刻叫嘢食🤪首先係泰式生蝦帶子💖上到菜嘅時候已經嘩一聲個擺盤勁靚🤣 望到已經勁有食慾！帶子同埋生蝦都非常之新鮮！生蝦同帶子下面嘅酒係gin 食完刺身 再飲多啖酒 感覺係超Fresh🤪之後就嚟咗個泰式冬陰功河蝦意粉🥰第一次食冬陰功味嘅意粉🤣意外地味道係勁夾🤓 而且個意粉係勁多汁 意粉又夠彈 但唔會煮得太腍！！重點係竟然有四隻蝦 足料🫶🏻 四隻蝦都仲要係開咗邊 超級方便食用😍軟殼蟹咖喱配泰式煎薄餅軟殼蟹有兩大隻 員工幫手將嗰兩隻切開成四份 所以感覺份量超多🥰最欣賞係個咖喱嘅汁超香 而且超級入味😍👍🏻👍🏻建議叫軟殼蟹咖喱一定要配泰式煎薄餅煎到熱辣辣送上嚟再加埋啲咖喱一齊食係一流😍另外再叫咗個泰式一口牛係兩串串燒 唔會燒得太熟 仲係紅紅地咁再點埋佢搭配嘅醬 味道好夾🫶🏻最後忍唔住都要叫埋一個芒果糯米飯配椰子雪葩😍又係一上菜就嚇親 超級大份🤓🤓個芒果係一大個

尖沙咀雖說食肆多，但人流更多，好多食肆都會大排長龍。最怕人多的我今次上網做足功課，搵到間在尖沙咀相對較靜的餐廳開餐。餐廳位於加連威老道的嘉蘭圍，即利時商場對面。港鐵站步行五分鐘就到，地點非常方便。泰式生蝦帶子¹⁶⁸店員一上菜已經有驚喜！泰式生蝦帶子賣相討好。與平時食的泰式生蝦有點不一樣，除了慣常用的泰式酸辣汁外，還配有顏色繽紛的水果酒。搭上生蝦鮮帶子，味道清新得來沒有掩蓋其鮮味。同行不喝酒的朋友都能夠輕易駕馭得到。蝦身做了刺身後，而蝦頭也沒有浪費，將蝦頭炸得金黃香脆，非常香口美味，這道菜大推！香茅煮花蜆¹³⁸花蜆肥美肉厚而且嫩滑無沙，味道鮮甜。花蜆用上香茅烹調，更能突出蜆的鮮味。好味到連湯都可以飲埋！香茅檸檬燒原隻春雞²³⁸燒春雞外皮炸得金黃香脆，內裡肉汁豐盈，肉質嫩滑而且帶有香茅檸檬香味，非常惹味！除了原隻燒春雞外還附有香脆的炸薯條，份量十足！好味得來又夠抵食！芒果糯米飯伴椰子雪芭¹⁰⁸香甜芒果及濃醇椰奶再加上糯米軟糯綿密的咀嚼感，甜甜鹹鹹的好滋味。而椰子雪芭口感綿滑，味道濃郁。作飯後甜點一流！椰青⁵⁸椰青相當清甜解渴，夏天消暑必飲！整體餐廳評分很高。餐廳環境闊落舒適，枱與枱距離充足

朋友約左Vivian黎呢度飲野，本身以為係一間bar，會餓親Vivian啦，點知仲有泰國野食，正😋野飲好飲，推薦佢個炒飯同燒豬仔骨😋Menu👉🏻👉👉🏻👉泰式三文魚刺身 $68木瓜沙律好清新，辣得好過癮，三文魚好嫩，夾埋一齊食好清爽泰式菠蘿炒飯 $88炒飯粒粒分明，除左有大大塊菠蘿之外，飯粒中間都會夾住菠蘿粒，而且蝦肉都係大大隻，肉質好彈牙泰式燒豬仔骨伴薯條 $298薯條炸得好爽身，脆卜卜唔會太乾，好好食，豬仔骨好大個，個醬汁好好味，索晒入d肉😋正Apple spumani $108好正，橙汁味比較出，飲到少少vodka味，成杯入口味道好夾Mango smoothie $58好大杯，夠Vivian飲，冰沙好幼滑，芒果味好自然芒果糯米飯伴椰子雪芭 $108有驚喜，雪芭好好味，椰香味好夠，質地好滑，用黎配糯米飯都竟然好好味👍🏻

喺利時行完街返落嚟，就見到對面有這間泰國餐廳酒吧 ，就入去食晚飯飲杯嘢餐牌一見到藍莓有氣果酒，就好想試下酒味唔係好濃， 易入口mango smoothie勁多芒果肉打起, 啖啖食到芒果好好飲肉碎生菜包肉碎微微酸辣，配埋生菜 生菜份量又夠多，食到好多件泰式菠蘿炒飯有好多隻大蝦, 飯底微微黃薑香味泰式一口西冷牛點埋嗰個醬汁非常惹味燒原隻大啡菇真係好大隻啡菇，燒完都唔乾身，淡淡仲好juicy菇味濃鬱，覺得呢個一定要叫嚟試下 四色拼盤有,雞球,蝦餅,墨魚餅,春卷份量都幾多，送酒一流甜品叫多一份燒菠蘿， 燒完覺得更香甜環境氣氛都幾不錯， 食下飲下傾下偈聽下酒吧播的歌，感覺好寫意

Thailand king 喺一間酒吧餐廳，除咗唔同嘅酒類之外，食物有fusion嘅感覺，有泰式嘅意粉或者炒飯等等，而且漢堡包嗰啲亦都有，非常特別！花膠冬蔭功湯湯底係用高湯熬製，湯頭濃郁鮮甜。冬蔭功非常酸辣，開胃喔❤️生蝦刺身大蝦切成薄片之後直接食用,保留咗蝦肉既鮮甜多汁。跟一個酸辣汁。青咖哩豬頸肉肉質鮮嫩既豬頸肉,配以濃郁醇厚既青咖哩汁烹調。咖哩汁麻辣香濃,同豬肉融合得天衣無縫,令肉質變得酥軟入味。火山排骨份量非常多，有10支左右，而且個汁好酸辣，炆得亦都夠腍，非常適合送酒👍🏻太陽蛋配酸辣肉碎炒飯太陽蛋鬆軟流心,炒飯本身調製得非常出色,香氣四溢,令人垂涎三尺。呢種簡單又好味既家常小菜！

呢間餐廳好特別，係一間開放式泰國酒吧餐廳，店內用咗好多小雨傘、空酒樽黎做裝飾，充滿泰國風情，一路食飯會一路播住音樂；餐廳座位唔算好多，但係環境整齊，雖然係開放式但冷氣充足，一D都唔覺得悶熱😌一坐低，Staff就同我地講有happy hour，不過我同肺部都唔飲酒，所以冇叫到。而餐牌嘅嘢食嘢飲選擇種類有好多，一般泰國餐廳嘅叮食都有，仲會有埋其他種類嘅串燒，方便客人配合啤酒食用；價錢唔算貴，但嘢食份量都多，我哋2個人差D食唔晒🤪📝餐牌嘅嘢食嘢飲選擇種類有好多，我地order左以下食物:💁‍♀️泰式蝦餅 $98新鮮即炸，蝦肉好彈牙，配埋泰式辣醬食，好好味! 特別一提，放左一陣再食，個心依然都係熱熱地架!)💁‍♀️泰式豬肉碎生菜包 $98味道有少少辣辣地，食得出用咗好多香料一齊炒，生菜好新鮮，包埋豬肉一啖咬落去好味~(呢度嘅生菜包有全素或豬肉，我地就揀左豬肉版，不過好欣賞佢哋對素食者嘅體貼)🥰💁‍♀️泰式菠蘿炒飯 $88同平時係其他泰國餐廳食到嘅好唔同，用咗新鮮菠蘿+大蝦+肉鬆一齊炒，菠蘿同大蝦大大舊，而且都好鮮甜，正😆💁‍♀️香茅煮花蜆 $138加左香茅同其他調味料煮，香茅嘅香氣好清新，花蜆肉質鮮嫩

呢個食評有些少遲了，用餐當日係4月29號😂其實呢間算係酒吧餐廳，個水吧位都幾寛闊。我哋一共七位，點解大熱嘅泰式食物： 泰式生蝦、三文魚他他柚子沙律、炭燒豬頸肉、泰式生菜包、火山骨、清炒椰菜苗、紅咖喱雞配法式蒜蒜包， 另叫咗Asahi beer tower , 當時佢哋有個promotion，叫tower送薯片，$2xx 7人share 好合理，我哋食晒正餐先記起叫侍應妹妹比薯片我哋，原來係整筒品客薯片😚😍食物方面我精簡啲講：生蝦大隻，蝦肉結實👍👍👍生菜包既炒豬肉碎味道正常，生菜份量多👍👍炭燒豬頸肉外脆內軟，個汁調得好味👍👍👍火山骨一份共12支細骨，我見過有餐廳係好大盆嘅，佢呢份算係迷你版，骨都夠腍，個汁帶酸辣，好開胃，味道適合我👍👍👍三文魚他他柚子沙律要讚吓，三文魚蓉好嫩，冇腥味，配埋柚子食好清新，但係份量唔多，2-4人分享剛剛好（因為好食到想食多啲）👍👍👍紅咖喱雞配法包個人覺得中規中矩，反而籃蒜蓉包令大家眼前一亮，有咗哩籃包唔需要另外再叫炒粉麵飯😂炒椰菜苗係第一次試，好少泰式餐廳冇炒通菜，不過椰菜苗都有另一番口味，炒得香亦唔會太油👍👍一間餐廳要所有食評都係😋真係實力嘅證明：價錢合理，

同朋友不約而同都話好想食泰國菜。去左間位於尖沙咀既泰國酒吧餐廳，夠哂方便。餐廳裝潢幾骨緻，天花板用左一把把鮮豔既雨傘作為裝飾，環境氣氛都不錯。🦐泰式生蝦 $138生蝦肉質厚身爽嫩，蝦味鮮甜，爽口彈牙，配泰式酸辣汁。雖然好辣但又忍唔住沾，越食越惹味！蝦頭即叫即炸，富有濃郁蝦膏，鮮甜甘美。泰式蝦餅 $98蝦味濃郁，彈牙有口感，蝦餅炸得好香脆而且份量都幾多，配上酸酸辣辣既泰式辣醬，食唔停口。​🐷泰式豬頸肉 $88豬頸肉外層微微焦香，肉質爽口彈牙，香口又惹味。燒雞全翼 $48雞翼燒到好香口，嫰滑入味。香茅煮花蜆 $138呢個組合幾特別，香茅冇搶去蜆肉的獨特味道，還加添了夏日清新的香味。香茅和椰青令蜆肉錦上添花，🐽泰式豬肉碎生菜包 $98生菜包係食泰國菜必點既菜式！生菜新鮮清爽包住香濃惹味既辣肉碎，加上各式香料點綴，口感豐富刺激味蕾👍🏻。Mango Smoothie $58芒果味清甜香濃，口感細滑，透心涼之餘好解辣。Young Coconut $58椰青清甜消暑。

今日係尖沙咀利時買完野，行過見到呢間泰國餐廳好似幾多人食緊，望入去其他人人食緊啲嘢食又幾吸引，就walk in 入去食。三文魚他他柚子沙律$88好多三文魚粒，加上柚子肉，芫荽，好有口感，配以酸酸辣辣嘅醬，夏天食覺得好開胃😍😍燒豬頸肉$88 一上枱就聞到好香嘅炭燒味，份量比想像中多，豬頸肉爽口又入味😋😋菠蘿海蝦炒飯$88炒飯上面有兩舊燒菠蘿同兩隻蝦，菠蘿有輕微燒過，好甜好多汁，蝦好爽口新鮮，炒飯啲飯粒粒分明，好有鑊氣👍👍燒豬仔骨伴薯條$298好大份，有三大舊豬仔骨，啲醃料好入味，肉質又唔會過乾，配菜有波浪薯條同西蘭花仲有菇☺️☺️芒果沙冰$58甜甜的，仲有啲新鮮芒果粒，夏天飲真係好fresh🤤🤤牛奶朱古力$48正常發揮水準🥰🥰餐廳係open kitchen，睇到兩個廚師大家好夾同好有心機咁烹調嘢食，雖然係open kitchen但係冇油煙味，呢個要一讚👍👍👍👍👍

幾個月前去完泰國，總是掛住夜市裡火山排骨的味道，於是乎系openrice搵到尼间有火山排骨的泰國菜。酒吧形式的餐廳，琳瑯滿目各种各样的酒擺滿吧台，氣氛好適合三五朋友小聚。火山排骨真是surprise，有10-12條豬肋骨，肉煮得比較嫩，浸系秘製的辣汁中，酸辣開胃，辣中又感受到肉汁，啱曬食肉獸，一份排骨兩個人啱啱好。菠蘿海蝦炒飯三四條勁大條的海蝦，菠蘿塊跟肉鬆添加炒飯口感，飯粒粒粒分明，味道亦啱啱好，系菠蘿炒飯中相當優秀。香茅軟殼蟹都出乎意料，外殼炸得酥酥脆脆，內餡又鮮又香，淡淡香茅味，一份兩只，切成四件，份量都令人滿意。甜品是芒果糯米飯伴椰子雪葩，芒果飯上的椰漿有啲斑斕糕的口感，少少鹹味，同糯米飯一齊就非常驚艷，又香又滑，仿佛置身椰子盛宴。椰子雪葩一定要點，雪糕非常香滑，一絲冰沙都沒有感受到，匙羹細細個一小口接一小口，根本唔捨得太快食完。飲品特地點做芒果冰沙跟apple spumoni，好搭尼間餐廳的風格。