Terrace in seaside (MOKO新世紀廣場)

營業中

休息中

睇介紹話係韓國來的餐廳。雖然係foodcourt, 但尚算坐得舒適。👌🏼卡邦尼意粉 撈埋溫泉蛋都有蛋香味同芝士味，起碼唔係平時港式嗰啲忌廉白汁味，味道OK。廚房默默流淚白洋蔥炸雞 $128 半份個名好特別，但其實就係炸雞上邊撈咗一層甜甜地嘅醬，個醬冇乜洋蔥嘅味道。炸雞因為撈埋咗甜甜醬，就唔會特別覺得好脆皮。同埋皮都炸得厚。肉唔算嚡口，但感覺多皮少肉。普通水平。黑芝麻沙律 $85普通嘅沙律菜底，撈埋一個類似黑芝麻汁，賣相唔算討好。個汁甜甜酸酸，其實同黑芝麻冇咩大關係。食到最後，覺得個汁太甜啦。味道麻麻。牛油果泡菜牛肉炒飯 $128泡菜飯少少辣，味道都幾濃郁。加埋蛋同牛油果，有滑滑 & 多一層次嘅口感。算係唔錯。另外有兩碟入座即送的前菜小食，味道勁普通。🤔濟洲柑橘乳酪 $68賣相幾得意，但係其實諗落個飲管插落去個柑橘度，其實係唔會帶嚟咩extra味道。味道唔算太強嘅柑橘味或者乳酪味，普普通通。環境： ★★★☆☆ 食物： ★★★☆☆ 推介度：★★★☆☆

朋友英國返來，特登選擇旺角moko 交通方便的餐廳聚會吃飯真實評價如下：環境好靚，食物質量都好好，份量好足夠，叫咗四人套餐六人都食得好飽，用openrice訂位有八折（不計服務費）套餐都抵食，可能我哋比較細食，我自己最中意食布拉塔芝士沙律和墨汁八爪魚燉飯，魚籽三文魚蛋黃醬飯卷都好味，餐廳經理都好好服務不過其中一兩位服務員態度就比較差，可能當日心情唔好？

Dinner @ Terrace in seaside (MOKO)Terrace in seaside, 是一間新派韓國菜館， 一直以來深受年輕一族歡迎，雖然我們是中坑，但也慕名而來，一嚐究竟 ~明太子蟹肉飯卷：賣相美觀，飯卷包得紮紮實實， 吃起來很有韓風，味道也不錯 ~流心芝士豬扒：豬扒大大件，外皮炸得鬆脆，一刀拖下去，內裏的流心芝士立即洶湧澎湃而出，配上味道甜甜酸酸的醬汁，不論是口感和味道都很美妙 ~柑橘窩夫胖雪糕：我並非好甜一族，但眼見如此精緻的甜品，立即垂涎三尺，胃口大開； 也沒想過韓國柑橘配上窩夫，這個 combination 竟然是這樣的匹配，滿足感爆燈 ~本篇完 ~

喺網上望到八月生日優惠窩夫諗住嚟試吓 結果大失所望首先落單嘅時候店員就喺度追問嘢飲飲啲咩已經講咗話唔想飲，仲喺度問結果兩杯嘢飲味道都一般其次個窩夫係照騙！Menu上面嘅圖係有好多士多啤梨同藍莓但實際上係圖二得幾粒對半切嘅士多啤梨個cream真係勁甜勁漏勁難食，全部都係色素只可以講毫無食慾之前已經喺另外一間分行店試過限定嘅紫薯沙冰杯嘢係勁colorful，全部都係色素售價58，一如既往嘅難飲唔知俾啲咩評價好

有lunch set, 我最喜歡杯橘子咖啡, 覺得好好飲, 食物都不錯, 仲有窩夫甜品, 好味, 整體滿意另外, 坐位寬敞, 雖然我是兩人, 當天職員都肯給我坐卡位四人座位, 員工都友善

無骨半半炸雞揀左比較特別嘅玫瑰醬炸雞同濟州柑橘炸雞。濟州柑橘食落清新甘甜，同時帶微微酸味，可以中和炸雞嘅油膩感。玫瑰醬炸雞較creamy，以奶油白醬混合韓式辣醬，降低本身韓式辣醬嘅辣度，同時保留一絲惹味，岩晒平時鍾意食少少辣但又怕handle唔到嘅朋友。炸大魷魚拌炸醬麵 鬆脆嘅魷魚炸得岩岩好，入面十分彈牙爽口。而麵條滿佈炸醬汁，啖啖濃郁醬香味，食落一d都唔乾身。濟州柑橘乳酪 由濟州最出名嘅柑橘調製嘅飲品，飲落好fresh好清爽，佢柑橘味適中，唔會因為過重而搶左yogurt嘅味道。飲完仲可以整個柑橘搣開當生果食，就咁食更加感受到佢嘅鮮甜，同時好juicy好多汁!

利申：不是試食，全部響terrance in seaside食的都是自費！由又一城，到啟德，再到MOKO，試過佢哋嘅班戟同埋韓式飯，我都係比較鍾意佢哋既飯同意粉。佢唔同地域嘅分店會有唔同嘅Menu，MOKO呢度個Menu同又一城應該係一樣嘅，所以要講驚喜嘅話就就唔算。不過今次叫咗個水牛城芝士芒果沙律，配不嬲飲開嘅蘋果茶，呢個配搭有啲新穎個人認為如果佢嘅沙律菜入邊可以加番啲火箭菜會好食啲，因為香d。因為如果加咗呢啲芝士入去但冇火箭菜呢啲比較味濃嘅蔬菜一齊嘅話，就突顯唔出兩者互補嘅關係。蘋果茶底下啲蘋果jam佢今次俾得多咗少少，所以有啲甜。

今日行開太子MOKO，諗住試下新嘢，咁啱見到一直好想試嘅Terrace in seaside就即管坐低試下。由於趕時間嘅關係，所以只係叫咗一碟香辣螄蚶伴飯。啲螄蚶都醃得幾入味，係有香辣味，但個飯底份量略少，食完都唔算太飽。甜品都係呢間餐廳嘅主打，所以我叫咗個士多啤梨窩夫，味道都唔錯，窩夫應該係即叫即整，食落都好脆。我另外叫咗個西柚梳打，味道清新，剛剛好可以中和啱啱食嘅主菜。我覺得呢間餐廳尚算可以，但食物嘅份量同味道方面都仲有進步空間。另外，因為餐廳設計係半開放式，用膳時會有好多路人喺旁邊經過，感覺就麻麻地。不過如果大家行開MOKO又諗唔到食咩好，terrace in seaside都可以一試嘅！

食完好耐，而家先補食後感。。姪女考完試，諗住搵啲好嘢食慶祝下。見到網上個個拎杯菠蘿特飲打卡，就即管試下。千揀萬揀，揀了最唔貼題的分店，貪就腳，就揀咗呢間。餐廳其實在food court 入口，感覺就係food court的一部分。(其實佢9成分店都不是seaside🤣)講番食物先來一杯“熱情金菠蘿沙冰”$68，味道尚可，不過成本應該去哂呢個不能重用，食唔到飲唔到，只係用嚟打卡既菠蘿仔身上，所以杯嘢唔平也不值這個價錢，飲到尾糖水沉哂底(菠蘿頂住，根本搞唔到)，有啲甜。姪女要咗杯“濟州柑橘乳酸手梳打” $48，齋睇賣相，完全跟名稱連不上，跟侍應再三確認，佢話就係呢杯。咁呢～都係一杯好普通既飲品囉～食物方面，柯打了-明太子蟹肉飯卷這個飯卷正常發揮，飯面的明太子醬，明太子跟沙律醬的比例是 1：99😅，完全食唔出明太子味道。-山薊菜大蜆意粉份量OK, 但不見山薊菜(artichoke)蹤影，蜆肉跟意粉味道不錯。-甜辣(有骨)炸雞(半份)這個值得推薦，份量跟味道都很好，如果再幫襯，應該只會叫炸雞食。至於服務。。。乜有服務咩～全部侍應圍埋傾計，可能客唔多啦最後同姪女得出一致comment， 有啲餐廳

平時同啊仔去MOKO 公園玩經過見到間餐廳裝修得好靚，已經好想試😍今日喺旺角做完嘢就即刻試試佢，果然無令我失望👍🏻 Order 咗菠菜鮮蝦蕃茄闊條麵，+$25 仲有是日甜品同埋$45以下飲品🍹闊條麵味道唔錯～ 份量都適中👍🏻飲品我揀咗熱夢幻紫薯牛奶～ 味道比較淡，若多返少少紫薯粉可能好少少🤏甜品就不過不失～唔太甜 幾好味

🎂家人生日最緊要出去食餐好嘅，今次搵黎一間喺旺角MOKO入邊嘅🤩韓式fusion菜。餐廳環境帶俾人一種舒服嘅感覺，傢俬以木色和藤編織為主要，所以食飯都會特別舒暢。😍🥳$88 明太子蟹肉飯卷 飯卷表面有蟹籽丶蟹肉和明太子醬，之前印象食韓式飯卷會比較簡單和齋，這個絕對推介給大家，蟹籽和蟹肉帶給鮮味，蟹籽更能增加口感，加上明太子醬整體味道會更加豐富和濕潤。推$108 讓人瘋狂的蜂蜜炸雞選了無骨平時食開炸雞都係淨炸雞其他味道炸雞有配料令作別論，今次會有薯條同沙律菜作配搭，薯條會有兩種醬汁，分別係沙律醬和茄汁。今次揀嘅係蜜糖炸雞，所以炸雞無需點沙律醬已經好Juice。口感方面皮脆肉嫩，蜜糖會令表面滋潤一點，會冇咁熱氣食完熱氣野旁邊嘅沙律菜可以解膩。$68 流心芝士豬扒一看到一堆芝士流出已經添加食慾，外脆嘅表面已經令口水流出。一口芝士再加一口豬扒已經很滿足，旁邊嘅吉列豬扒汁酸酸味味，更加開胃解膩。但美中不足的是豬扒厚度不夠和份量相對少。$68 熱情金菠蘿沙冰$68 濟州柑橘乳酪平日OpenRice訂座優惠買一送一最後揀咗兩杯嘢飲，絕對令大家眼球大開。👀👀接近整個水果放在杯上，一個綠一橙非常吸睛。

已經第3次用餐經驗，每次都會order炸雞，原來口味又轉了，今次試了牛肋骨醬汁味和之前試過的柑橘蜜糖味，4個女士所以點了兩個全份，無骨雞肉的份量算足料，有少許沙拉菜和薯條伴碟，炸雞外皮脆口，而雞肉不會炸得太過鞋口。另外叫了西柚梳打，正常發揮，可以中和炸雞膩感，肉醬年糕味道不錯，用的是豬肉碎，所以唔食牛肉的朋友都啱食。蟹肉明太子汁飯圈，共8件，啱啱夠4人分享，味道沒有驚喜，下次可試其他菜式。唯餐廳90分鐘用餐時間，真係執得好緊，已經是閒日晚上用餐都要準時交枱。

想食韓國野, 見餐廳環境都算唔錯, 又見到佢有唔少桃子既甜品/特色飲品, 一於試試佢! 1. 明太子蟹肉飯卷$88幻想中係飯卷中間有明太子同蟹肉, 但現實係...中間只有青瓜同蘿蔔, 明太子醬同蟹肉只係係飯卷面加左少少, 而且蟹肉仲有少少腥。怕腥味既朋友就NOT SUGGEST啦! 2. 水原式牛肋骨醬無骨炸雞（半份）$108炸雞可以因為係無骨, 所以都以雞胸肉為主, 肉質唔嫩, 都炸都得香脆既, 配埋水原式牛肋骨醬都唔錯, 其他餐廳比較少見呢個配搭, 而且都幾好味, 值得一試! 3. 白桃飛舞冰雪乳酪$58有啲失望, 桃既味道唔濃, 乳酪既味道...就係少少乳酪再加好多水既感覺! 成杯野大部份都係冰! 杯邊插住半個桃, 但真心唔甜又冇乜桃味, 好明顯係個未熟既桃。（以上價錢未計加一服務費）利申：並冇任何試食活動/優惠！全部正價！(按餐廳MENU上價格付款)

同啲舊同事食飯，一行五人叫咗一個二人套餐再散嗌其他嘢。個二人套餐包括左右一個韓式炸雞，兩個主食同一個甜品，(不過最後甜品漏咗單無上。。。)無骨炸雞個人非常欣賞佢冇骨😀味道方面，不過不失傳統韓式炸雞嘅味道，以二人份量來講，份量非常足夠，另外亦都有啲薯條同沙律菜兩個煮食，我哋分別揀咗芝士巴馬火腿燉飯同韓式烤牛肉奶油闊條麵有個煮食都係韓式同西式嘅fusion菜，整體感覺兩樣主食都好夾，唔會有一啲奇怪嘅感覺，亦都唔會覺得好heavy。另外我哋仲叫左明太子蟹卷表現不過不失蟹肉嘅味道唔算好突出海鮮炒年糕同單上面兩個煮食一樣都係有少許fusion嘅感覺，整體味道唔錯醬烤牛肋肉有五件牛肋肉，味道OK，但略嫌有少許根，進食唔算太方便春日白桃花園窩夫，士多啤梨窩夫(不過無影相)窩夫上枱擺設igable，但味道一般，唔係特別突出雖然餐廳主打係飲品同甜品，我哋今次冇點任何飲品，但甜品個人覺得比較適合女士打卡，但味道就未到驚艷嘅感覺個人而言係比較欣賞佢嘅炸雞同煮食反而服務方面，侍應生唔算非常主動，少許失望。

辣既食物餐牌又唔顯示，點餐時又唔同客人講聲。我唔知你依間餐廳原來食辣野，仲怪客人自己唔問🥹，依d係咩服務態度。雖然最後肯取消食物。我付款來幫襯係要享受食物享受服務，依家2樣都冇。