Tea Express Bar By Jrink

營業中

休息中

行過K11 Art Mall 就要專登上吓尖沙咀最愛的茶飲店🍵 ！由2樓搬到上3樓，慢慢加咗價去到$50 1杯😮‍💨 雖然比一般手調飲品貴，但真係好好飲同好足料🥹！！（每次推介俾朋友 都係100%話冇介紹錯！！🥳友人話：窮係我嘅缺點，唔係舖頭嘅缺點🙂‍↕️🪄 抹茶芝士丸丸 （$50）上面有層厚厚嘅芝士奶蓋 （有啲鹹香，芝士香得嚟又唔會太膩！），可以用匙羹嚟食，一開波就唔小心食咗一半🤣 然後抹茶好濃好香，抹茶牛奶好滑 （唔會飲到抹茶粉！） 同埋丸子好有咬口🍡，配落抹茶度一齊食好正🤤 次次飲完都飽咗hahaha唯一美中不足嘅係而家嘅紙飲管好煩😂 飲到最尾吸唔到丸子，就一定要用匙羹食🤣.一句總結⚡️雖然貴啲但係好好飲（茶濃奶香丸子好食！）Tea Express Bar By Jrink 📍尖沙咀K11 Art Mall 3樓Kiosk 51🚙 泊車指數: K11商場有停車場同有免費泊車優惠～ 街錶嘅話河內道都有一排，不過就要睇有冇運🙂‍↕️

呢杯抹茶鮮奶加芝士奶蓋真係正😍！甜度啱啱好突出茶味又唔會太苦，抹茶味濃郁又唔苦，芝士味好香🧀，我加咗 $10 升級咗抹茶 ，茶味更鮮更濃更甘🍵。見到小姐姐落咗好多抹茶粉，個綠色好靚💚，心諗今晚唔使瞓喇😅。呢個芝士奶蓋可以排我飲過最好飲嘅 Top 3，鹹香綿密，不過拌勻後有啲蓋過抹茶味，建議大家先飲啲奶蓋再拌勻🥤。怕苦嘅朋友唔使擔心，呢杯唔苦架👍！

隱藏係頂樓既一間茶飲小店🫣嗌邊一杯都好有驚喜味道一啲都唔假 可以飲到食材本身既香味無論係茶定係鮮果既飲品都係高質之作👍🏻特別係丸丸系列既飲品 小丸子好有咬口雖然價錢上比較貴左少少 但都係我不斷會返轉頭幫襯既一間小店

今次試咗抹茶芝士丸丸（我去到嗰陣已經六點幾，所以白玉丸子已經冇晒😭😭😭店員轉左一款配料俾我）好可惜呀～第一啖覺得抹茶味好重，會好啱鍾意抹茶嘅人飲，撈埋芝士，感覺好特別，濃郁，口感好豐富。可惜冇丸子，所以可能冇咁搭～價錢係$50 ，比一般其他嘅手搖價錢高少少，不過都可以試吓嘅（如果係抹茶愛好者）。😖可能下次我會試吓另一個口味，飲一啲純茶，清清地嘅🤗佢嘅位置係K11 3樓，上到去好容易搵到。😆😆

👫經過見到呢間茶店放咗好多日式嘅茶具☕️茶店雖然係只做外賣🧋但木系嘅裝修充滿日式風情😍仲有一塊好大透明嘅玻璃👍可以睇到製作嘅過程添🥳見到咁有特色小店💯我哋就忍唔住買兩杯試吓嚕🥳🧋焙茶芝士丸丸：好喜歡焙茶嘅味道👅呢杯入面有甘香又滑嘅焙茶牛奶🥛加埋鹹香芝士芝士奶蓋✅味道醇厚💯裏便仲有小丸子🍡食嘅時候可以用一隻匙羹潷嚟食😋份量好❤️正呀👍🥤原味紅絲絨蛋糕蛋白奶昔：入口奶昔嘅質地好厚好濃郁👍蛋白奶昔啱曬注重健康嘅朋友仔呀🥳

🌞天氣咁熱，真係要飲吓飲品消暑K11呢間Jrink，位於頂樓，好多款茶飲，招牌嘅奶蓋好多人飲用上靜岡百年茶舖 - 土橋園 出品嘅有機抹茶去製作，茶味香濃，最特別係連抹茶都有得追加，想飲濃啲都得仲可以加錢升級其他抹茶，有宇治抹茶-惠、極上宇治抹茶-譽💚抹茶芝士丸丸有抹茶牛奶、芝士奶蓋、白玉🤎焙茶芝士丸丸有焙茶牛奶、芝士奶蓋、白玉兩杯都香濃好飲，白玉軟身煙韌，好有咀嚼感，芝士奶蓋真係招牌，微微鹹香，輕盈豐富

今次揀嘅係無糖提子烏龍+寒天球大概係42 kcal(寒天球計1份配料）0負擔❌飲得又食得‼️茶底飲落好香 仲有細細粒寒天增加口感呢間嘅配料選擇都幾多 有白玉又有朱古力奶凍 茶凍等等☝🏻

Tea Express Bar by Jrink 真係飲得過！今次試咗佢哋嘅茉莉抹茶燕麥latte 配玄米茶凍，真係好驚喜！抹茶味香濃，加上淡淡茉莉花香，唔會太甜，啱晒我口味。玄米茶凍好有咬口，而且茶味好出，同抹茶latte好夾。最正係佢哋啲Topping全部都係新鮮製造，好似我杯嘢飲嘅玄米茶凍，同埋朋友叫嘅士多啤梨抹茶燕麥latte入面嘅新鮮士多啤梨都係即叫即整，真係好有誠意！ 講真，依家出面啲嘢飲閒閒哋都成$40杯，Tea Express Bar by Jrink 嘅價錢真係好抵，而且用料又新鮮，性價比真係好高！聽店員講佢哋嘅檸檬茶凍同焙茶凍都係無糖，而且檸檬茶凍仲要用新鮮檸檬整，唔係就咁用粉沖，真係好有 heart！下次要試埋其他口味先得！

見到咁多好評作為抹茶控當然要來試吓Iced matcha latte 抹茶牛奶 ($40)作為抹茶控係我飲過最難飲嘅抹茶latte🤮 草青味極重 似等級較差嘅抹茶粉味 唔係回甘嘅抹茶就算係用左日本北海道特選3.6牛乳都極難入口 真係飲唔落整杯 最後要掉咗佢😣加上職員態度冷漠 黑口黑面，真係冇得再幫襯😪— 🌟 𝗈𝗏𝖾𝗋𝖺𝗅𝗅 3/10📍 Tea Express Bar By Jrink  尖沙咀河內道18號K11購物藝術館3樓Kiosk 51

星期六中午時段嚟到，只係有一個職員非常之忙碌，對待客人的態度可能因為工作太過忙碌而變得非常冷漠，抹茶味道雖好，但希望店主可以改善以上問題😢抹茶味非常濃郁，芝士奶蓋有少許鹹鹹地味道非常之夾

好耐之前睇過jrink既宣傳片，知道店主好有heart喺海外搵靚茶黎做佢既product，就決定黎試下，因為好多地方賣得貴都唔一定好飲結果就係一試愛上😍😍😍試咗好幾款飲品，包括焙茶，水果沙冰...etc始終都係最鍾情 "抹茶芝士丸丸" 😍😍😍😍價錢同出面cafe差唔多，但係真有落足料！對得住個價錢！抹茶味夠濃！芝士奶蓋少少咸調味 夠邪惡👿😇最鐘意係佢既丸子！！好夠淋！！！而且咬落又好Q😍🤤🤤真係冇得輸！！

等人嘅關係，無聊地由地底行到上最高層，初望嘅時候仲以為係一間工藝小店，行近先發現係賣飲品嘅舖頭😅睇menu係以茶為主，感覺有心思過連鎖店嘅選擇。基於商場有啲凍，就叫咗杯期間限定熱嘅薑茶配小丸子及馬蹄爆爆珠。甜度應該係固定，因為佢無問過我哩方面問題😂出乎意料地佢個甜度係非常恰當，唔會甜到糖尿，亦唔會淡到只係得薑味👍小丸子係正常無味，而馬蹄爆爆珠咬開之後，每粒都真係有馬蹄粒喺入面，兩樣令成杯飲品都好有口感。好欣賞店員細心會俾埋木匙羹，方便食小丸子，而飲管係用可分解物料製造，成件事都好配合環保，個人下次經過絕對會再次幫襯💪

首先多謝對甜品超高要求的朋友meow meow大大力推薦呢間日式茶飲店，之前去k11 時經過無試，今次上堂前趕去飲下，點左最基本是抹茶牛奶，再望望menu,發現原來呢間店主力賣日式茶同茶包，非常之期待。小店在3樓，人來人往都幾多人流，所有飲店都即點即整，大概等十分鐘就有飲品了，周圍仲有位坐低飲飲。平時都好怕呢類飲品偏甜（因為佢地好多都會用糖同抹茶粉研磨一起再用牛奶沖）但呢間明顯無咁甜，同埋寫明預計左半糖少冰😍😍😍，第一口飲落去無死甜，反而係抹茶既微苦澀味同牛奶既微甜乳糖味道，我覺得係完美比例呀，而且又唔會因為太多冰沖淡左杯飲品。由於太好飲，極快飲哂，滿足地去上堂🤣🤣🤣🤣🤣下次再試培茶先😉

店名: Tea Express Bar By Jrink 地址: 尖沙咀河內道18號K11購物藝術館3樓Kiosk 51尖沙咀站N4出口，行5分鐘環境: 外賣價錢: 3.5/5味道: 3.5/5焙茶芝士丸丸 (Hot/Iced)❤️❤️❤️❤️$45/$45杯嘢飲有焙茶牛奶，芝士奶蓋，白玉，焙茶飲落十分濃郁，上面嘅芝士奶蓋挺身，充滿鹹香味🥰最底嘅白玉姐係小丸子，好好咬，但因為成杯嘢飲都太杰身，好難啜，略為扣分🙈菠蘿咖啡 (Hot/Iced)❤️❤️$44/$46係店家推介，對佢有一定嘅期望，但飲落比想像中遜色，只係普通嘅americano上面加左菠蘿乾🍍飲落無咩菠蘿味，無特別😔

小編留意到Tiger🐯嘅生日應援嚟到，一於去支持下！其中依一間之前有幫襯過，今次去打卡兼試飲其他茶飲！😋🍹 特選鮮果紅茶 😋😋😋😋😋天氣好濕熱，當然叫杯果茶啦！問過店員，本身已經調成半糖，所以只係叫少冰～ 鮮果包括：百香果、蘋果🍎、橙🍊、士多啤梨🍓、檸檬🍋，每樣水果少少地再配埋紅茶，有生果嘅酸甜味，又有茶味，味道平均！👍🏻下午茶 💵 約港幣$40/人💁🏻‍♀️ 茶飲店位於K11三樓，有質素之餘，價錢都好均真！附近有足夠嘅空間等嘢飲，又唔需要日曬雨淋，大家出開尖沙咀都去試下！😉PS 小虎隊太有才華喇！四幅配合四杯漫畫Tiger之特調茶飲嘅玻璃貼設計得好靚！好有心思！😍 (連手機鏡頭都被漫畫應援吸引住，杯嘢飲影到out咗fo 🤪)🙆🏻‍♀️ 最後，喜歡嘅話，歡迎follow @foodirectory.hk ！