TEA CHÂTEAU

營業中

休息中

喺airside行到口渴，見到個餐牌靚靚囝囝就叫咗杯雪燕青提玫瑰嚟飲。38蚊一杯。幅圖靚靚囝囝畫晒啲提子果肉喺度，點知圖片只供參考，野飲入面係冇提子果肉㗎。感到被騙。仲要茶底係帶苦味嘅，我就唔鍾意苦嘅茶。可一不可再。唔會有下次。買之前冇check Openrice，宜家先發現之前已經有一個負評。如果大家想試呢杯飲品，要小心玫瑰對於脾胃虛弱嘅人，會容易造成腸胃不適。我本來都唔知道玫瑰原來咁勁，但飲咗半杯之後屙咗幾次。依杯嘢嘅功效都幾犀利。不過店員冇提醒我😣如果店員喺顧客買呢杯嘢飲之前會提一提就好啦，好彩我行完街係返屋企。

自從airside開咗呢間嘢之後，我一直有幫襯開佢地嘅嘢飲，開頭佢地嘅嘢飲真係好好飲，茶味好濃，又係用鮮奶，但可惜愈做愈差。第一，，開頭嗌嘢飲可以走冰，到後期就開始唔畀，最多只能夠少冰，但即使少冰，每個職員嘅標準都唔一樣，試過依然好多冰，亦試過冇乜冰，所以好難因應冰量而嗌少甜之類，亦明顯職員冇一個統一標準。第二，茶飲份量愈來愈少，之前嗌過一次少冰，結果杯嘢飲少咗大約五分一，到今日更離譜，杯嘢飲份量接近得返一半！其實呢間嘢啲職員成日喺度傾閒偈，我只係一個顧客買完嘢飲就走，唔會理咁多，但當我畀38蚊得到半只有一半份量嘅嘢飲，我覺得店家應該正視返問題！其他茶飲冰會寫明走冰只有8成，但呢間冇，而且每次份量亦唔一樣，本人以後唔會再幫襯！

TEA CHÂTEAU 新推出🆕枇杷雪梨茶獨有嘅浸泡技術，就算喺屋企用capsule 都可以沖出養生茶🍵以枇杷葉和雪梨為主料，特別加入珍貴川貝母，低糖含量，生津清熱潤肺，化痰止咳。頭泡茶 微甜清新，加上紅棗杞子，又有另一番風味再用椰子水1:1.5 整杯mocktail，透心涼🌬️