TC2 (Tea Coffee Two) (已結業)

睇tc2 fb知道今個星期就要結業，興幸可以抽時間黎幫襯下作最後的支持! 香港少有文化cafe，即使黎到只係坐下飲杯咖啡，都會覺得好似同廳餐的人同物好有連繫一樣，多謝一直支持本地獨立創作藝術，咖啡上面的字句感受到離別的憂傷，但同時亦期待下次再見，有緣再聚!

好耐之前就聽過依間cafe 一路都好想黎試下 支持下 但無諗過第一次黎 就已經係佢最後一星期了係依個氣氛下 作為一間打開門口做生意既餐廳 都可以咁高姿態去撐 重好support 好多本地既artist 希望將來可以以另一個形式 另一個地方再見再見了TC2 多謝

本身想食另一間餐廳，因為太多人而轉移到tc2。第一次起呢度食晚餐，晚餐大約158到198，再加一服務費。 極力推介 鮮果沙律佢係用 唔同種類嘅蘋果造成嘅沙律好清新，湯係用海鮮整。 叫咗一個牛扒同埋青醬手撕雞兩個都係配意粉，所有餐都可以選擇配飯或者薯菜， 如果食素嘅人可以選擇素食嘅餐。 餐飲叫咗杯朱古力同埋熱檸茶 ，朱古力上面寫咗秋涼兩個字提醒大家要注意天氣變化。 係香港而家呢個環境仲有餐廳立場鮮明表達對香港事件嘅睇法， 即使一餐晚餐係同朋友傾計互相關心近況 但係都從環境中感覺得到有好多人為著香港呢個地方而努力， 食呢餐晚飯係比自己有力量出番去。

是日來一個早宵夜(因為6點已吃過晚飯), 點了幾款小食加甜品: 雞翼量多美味; 薯皮香脆足料; 薄餅小小塊有特色又惹味; 焦糖燉蛋份量足甜度適中亦很美味。整體來說這個“宵夜”令人滿足而這店環境悠閒帶點隨意率性的文青feel, 空間感足夠, 服務也不錯。 唯一是洗手間很窄但幸好是乾淨的

某日黎到太子「搵食」, 鄰近太子地鐵站的幾條街都有好多食店,剛好黎到柏樹街見到一間門口十分特別的餐廳, 大門係好似傳統中國風的古代推門,細看之下原來係一間CAFE。剛好同友人行街行到攰, 就決定入去稍作休息順便歎杯茶食個TEA啦!入到去發現原來有兩層架喎! 我地被安排坐下層中間位置, 坐低第一個感覺係好WARM以及好古色古香！之所以話古色古香, 係因為店入面的裝潢同擺設都係以木同磚塊黎組成, 仲有少少同時事有關嘅物品放晌度俾客人睇添而且店內十分寧靜好令人放鬆心情, 就算坐滿人都唔會覺得好嘈或者好擠迫咁。由於唔係太肚餓的關係, 叫左一份公司三文治同一個炒飯加一杯朱古力, 雖然款式同茶記大同小異（所以冇影相），不過質素都唔錯喎! 三文治好大份而且都幾多餡, 兩隻手夾實都會趺D料出黎而個炒飯都好熱辣辣, 食完成個人暖笠笠, 再加埋杯拉左花嘅熱朱古力, 簡直完全抵消哂行完街血拼完嘅勞力呀最後我地都差唔多坐左成個幾鐘先走, 呢段期間服務員都冇任何催促過, 而且服務態度有禮, 十分讚賞所以呢度絕對係女生聊天以及休息嘅好地方。

今日約左個好朋友一起吃晚餐，朋友特意帶我去TC2,她常來吃，所以一点不陌生，TC2係一個知己倾心吐意的好地方，環境清靜，可以享受休閒之地，我試左BBQ汁焗雞扒意粉，味道適中雞扒好滑，前菜有鮮果沙律，生果很新鮮，雜菜湯又點鹹，最后的餐飲係朱古力，上面刻上颱風標誌，感覺很特別。整體服務良好，環境可以光一点。熱朱古力BBQ汁焗雞扒意粉鮮果沙律雜菜湯

到太子找朋友吃飯，初嘗TC2，環境舒適，職員親切有禮，食物用心，值得再試。是日餐湯是海鮮湯，十分足料，差不多每啖都能吃到海鮮，有驚喜。餐飲是熱朱古力，很有心機在杯面畫上圖案，很重朱古力味👍主菜是魚柳煙肉卷意粉，份量適中，味道不錯。

友人離港，要找間餐廳共聚，又要方便，又要坐耐的。又要有些特别。找了這文青店。友人奌了晚餐＇份量好大。先來生果沙律。美味又新鮮．又甜又清新。湯就平平。主菜是红米飯加雞絲之類＇平平無奇。再有檸樂／朋友話正。又叫了芝蔴什菜沙律，source 十分美味。菜新鲜又多。pizza就怪怪。似酥餅。薯皮也可以。炒菜夠健康最佳是杯coffee

五一假期下午揀左呢間位於太子的Cafe3:00到餐廳仍然有午餐提供可以揀午餐或下午荼加埋都有十幾款選擇有飽肚亦有輕食的 餐廳環境以木裝飾燈光柔和感覺休閒較為特別係椅子係小學椅 午餐餐湯揀左紅湯蔬菜都算足料味道唔算太濃正常水準 午餐主菜係雞扒漢堡扒配薯角雞扒份量唔算好大,肉質夠嫰漢堡扒味道唔錯, 優於平常其他地方食到的薯角夠香脆 另一客揀左較有特色的下午荼Nachos 粟米脆片+芝士粟米脆片來到熱辣辣夠香口配埋奉上的蕃茄辣汁一齊食好開胃蕃茄的酸甜加埋辣汁的微辣度好配合(蕃茄辣汁後來要額外叫多一份)岩晒下午茶食 咖啡叫左焦糖咖啡同Latte我自己飲焦糖咖啡咖啡回甘適中焦糖唔太濃唔會太甜搶左咖啡豆味玩味字體"5 1 不勞動"同"Lovely Holiday"切合該日假期感覺 假日休閒好地方有Heart的Cafe應該分享同支持一下

我唔係街坊，但係呢間coffee shop我已經幫襯過一次，上次有唔好嘅印象，因為人又多，食物質素可能在因為呢個原因相對差咗……今次去係路過嘅 (又或者再畀多次機會佢啦!)。時間係佛誕假期下午兩點多鐘 ，一走進去，唔知係咪因為假期嘅關係，人比較小，店員親切地安排我哋上到2樓坐低。地方闊落人少咗，感覺自然係舒服馬想點個是日午餐：包括有沙茶醬焗龍脷意粉、一個海鮮忌廉湯，同埋我最喜愛的Mocha。上次印象係食物麻麻，飲品ok但人太多坐得唔舒服……今次嘅感覺有改善，冇人騷擾同食物、飲品質素保持水準。Mocha上面寫住I love holiday，配合今日嘅假期 ( 不過如果上面要加cream要加兩蚊……)。上次冇試過嘅湯今次試過後，感覺超讚！呢個忌廉湯配上蒜蓉包嘅海鮮湯，有濃沃嘅海鮮味，上面加咗香草配合埋蜆肉、蟹柳， 將整個海鮮味帶出；蒜蓉包烘得啱啱好，香口之餘仲有一種牛油香味，配合呢個湯好好味。龍脷意粉配沙茶醬絕對冇問題，唯一可惜嘅係意粉本身，應該係預先整定嘅，要改善！整體嚟講 ，呢個地方啱曬飲個下午茶、傾計聚腳，我相信我會畀多次機會，睇睇佢以後有冇改善

Food: My favourite is the definitely the soup!!!!!!!!!!!! It's hot and yummy! Much better than other restaurants like 哥登堡I ordered beef spaghetti- it's pretty good - not super super good but tastes similar to other cafesCoffee: Loved the hot coffee served in pretty black up!  It's really hot! Price:  Reasonable $55-70 for a set lunch (drinks and / or soup included depending on which lunch set) No service charge. Location: super convenient! Just 1 min walk from Prince Edward MTR Exit D Vibe : Bri

以文青咖啡館為定位，整間餐廳的設計氣氛一流，燈光音樂甚有氣氛，服務有禮主動，食物算是中上水準，價錢合理，上菜節奏較慢，因為全部即整! 沙津新鮮份量多，湯很足料~ 很少寫食評，寫親都負評~今次呢間底讚~~

Tea Coffee Two (TC 2) 地點唔就腳，不過要搵個有心思既地方同姊姊們聚一聚，都值得多走兩步啦！小妹至愛就一定係熱香蕉朱古力，絕對是必點之選！雖然製作需時，但正所謂慢工出細貨，好野唔怕等～熱朱古力唔太甜，香蕉軟稔稔，加上每一杯既拉花都別具心思，大家要好好欣賞細味！主食點左羊架，肉冇騷味，值得一讚既係附上既粒粒麵包糠～又香又配合羊架，互相輝映！而且份量夠大，唔好以為去Café就一定食唔飽～員工同老闆已經係出了名的親切，時不時都會舉行講座或者音樂會，是一間非常有heart的Café! 

成班文青一行十幾人要搵地方聚一聚，即刻稔起TC2。食tea、食lunch，食dinner都試過，就係未試過開party，不如就試下。早幾個星期已經book定位，職員sent左party menu，頁落定訂金。呢日包半場，而包場通常係2樓。雖然係半場，但地方都幾大下，仲可以拉埋木門，私密度幾高，佢地仲有音響、projector，咪，都幾方便，不過如果要用最好早少少通知佢地set定。包左半場tea由12:30-3:00，包場set有好多選擇，有興奮就問返餐廳。佢地d食物會refill，不過我都建議雖然係會refill，但人家都係小本經營，俾返少少良心，同埋真係唔好浪費，所以後來我地想refill都同餐廳果邊講，不如只係refill一半，以免食唔曬浪費。職員幾nice，服務幾好。呢日食左(不過唔記得影相)1) 田園雜菜沙律: 佢係醬同雜菜分開放，自己落dressing，有蕃茄仔、生菜，椰菜......幾新鮮。(2) 瑞士雞翼: 下面有火熱住，唔會怕凍左唔好食。雞亦肉唔硬，皮幾滑，無雪味，瑞士汁甜甜地，幾好。(3) 蜜糖芝士腸: 即食野唔多講，味道咪就係蜜糖芝士腸味囉。(4) 蒜蓉煙肉炒雜菜:

以前呢間野好似在油麻地, 記得都幾好味, 而家咁岩在太子見到呢間野, 又唔想等位, 所以再試, 不過無BOOK只可以坐樓上, 樓上D裝修就真是麻麻....都是樓下有格調D....我們叫了DINNER SET + 小食, DINNER SET有SALAD, 湯, 主菜AND DRINKS生果SALAD: 有APPLE, 哈蜜瓜果D, 甜甜的好味, 沙律醬只有少少, 岩我雜菜湯: 其實即是羅宋湯, 用牛肉煲的, 還以為是雜菜清湯, OK LA三文蟹柳他他+法包: 這是另外叫的小食, 法包上有三文魚他他SPREAD, 都幾多三文魚碎, 包是暖的, 好味!煙鴨胸龍利柳+ 薯菜: 煙鴨胸有少少的幾片, 下面是焗龍利柳, 鴨胸唔怕鞋, OK, 龍利柳隻汁如果係茄汁就好, 呢隻似香草牛油汁,汁的味道一般, 不過整體都好食, 薯條是原個薯仔切條, 但炸得太濃了~榛子牛奶: 好香榛子味, 飲落其實似MOCHA