109
12
8
港鐵西營盤站 C 出口, 步行約4分鐘 繼續閱讀
所有分店 (6)
電話號碼
25493130
營業時間
今日營業
16:00 - 23:00
星期一至五
16:00 - 23:00
星期六至日
12:00 - 23:00
公眾假期
12:00 - 23:00
付款方式
Visa Master AlipayHK 支付寶 現金 AE 銀聯
座位數目
50
其他資料
網上訂座
賞訂座積分
可持續海鮮
當面支付
以上資料只供參考, 請與餐廳確認詳情
有關獎賞計劃
招牌菜
各國生蠔 炸魚薯條 美國馬尼拉蜆 藍青口
食評 (167)
等級8 2023-12-13
1683 瀏覽
平常食生蠔多數都喺晌食自助餐嘅時候,甚少去啲餐廳或者蠔吧度食,唔喺唔鍾意,只喺身邊少朋友喜歡單單食蠔。但今晚就同個老友,嚟到高街嘅「Taylor Shellfish Farms」嘆下生蠔之餘,並且講講旅行心得。 餐廳離西營盤站大概5分鐘步程,沿途都好多餐廳,加上周邊嘅舊樓多,有啲似去咗外國嘅小社區咁。而餐廳環境唔喺好大,裝修以碼頭做背景 ,非常有心思,加上柔和嘅燈光、輕音樂,三五知己喺到聚一聚,非常有氣氛。 鋪面嘅櫥窗玻璃已經印咗大大隻字「Oysters」,經過嘅人都知道佢主打喺生蠔,而入門口嘅左邊 就放咗好多唔同國家嘅生蠔,品種非常之多,仲見到有兩位開蠔師負責處理。 再睇一睇餐牌,就睇到蠔嘅品種實在非常之多,此外,仲提供好多其他唔同種類嘅海鮮菜,例如青口、馬拉蜆、翡翠螺、麵包蟹、小龍蝦、波士頓龍蝦……等等。其次仲供應湯品、沙律、小食、炸魚薯條、意大利麵、意大利飯、扒類、甜品。 飲品方面,同樣選擇多多,有紅白餐酒、氣泡酒 、生啤、手工啤、特飲、果汁、啡茶……一應俱全。另外更有一張餐酒跟海鮮食物配搭嘅餐牌,如果好酒嘅朋友,不妨晌度揀支心水嘅餐酒配搭你所點嘅食物。此外,為喜歡飲酒及愛食生蠔嘅朋友,餐廳仲特設3款配搭組合ABC,定價為$680、$880、$1480 ,以葡萄牙出產嘅白酒,配以唔同地區嘅生蠔,絕對喺懶人之選。 雖然蠔款甚多,但不得不介紹一吓店家獨家供應嘅英格蘭「惠特斯特布爾生蠔」(Whitstable Oyster),睇番佢哋嘅介紹,呢款蠔因為晌得天獨厚嘅海牀同水質,能孕育出含高營養價值及味道獨一無二的生蠔,亦被稱爲「被遺忘的寶藏」。最堅嘅喺獲得受歐盟「地理標示保護標籤」(PGI)同英國頒授嘅「地域原產保護標籤」 (Geographic Origin UK Protected),絕對喺信心嘅保證。店員補充,除咗晌西營盤或大坑嘅分店享用到之外,仲有晌作為香港獨家經銷商「一田超市」搵到佢哋嘅蹤影。 蘋果賓治 $58食生蠔、凍海鮮就梗喺配白酒啦,不過,唔飲得酒嘅,不妨試吓呢杯「蘋果賓治」,入口清爽,帶蘋果嘅清甜味,又有啲青蘋果嘅酸香,一樣好襯啲凍海鮮。 隨即奉上咗4款生蠔,以檸檬角做起點,順時針方向數起:「惠特斯特布爾生蠔」(Whitstable Oyster)$59、「法國浪漫之蠔」(French Pinky Oyster)$69、「法國金箔皇御」(French Oyster Regal OR)$69、「荷蘭Krijn蠔」(The Netherlands Krijn Oyster)$69,單睇蠔嘅外觀已經非常吸引,隻隻飽滿有光澤,仲專登喺冰內加咗燈效,實在有心思。店員阿Mxxx亦都好細心介紹各種蠔嘅特性,有口感爽脆的,有口感柔滑的,海水味的鹹鮮味有淡有濃,是一次好好的體驗。香草烤大蝦 $88 食完一輪生冷嘢,喺時候食返啲熱嘢,暖和番個胃納,餐廳提供好多特色小食,呢一款烤大蝦確喺幾唔錯,蝦肉起咗雙飛比較易食,同埋加咗好多蒜片、香草去製作,所以,惹味十足,而蝦肉本身爽口鮮甜,襯晒飲吓啤酒。 炸芝麻雞翼 $98 再試多一款小食,就喺呢個芝麻雞翼,雞翼炸到外皮脆卜卜,本身已經醃到入味,加埋外皮黐滿黑白芝麻,所以,味道更芳香,而且,肉質嫩滑多汁,師傅嘅炸功幾了得。 美國藍青口(白酒煮)配蒜蓉包 $188 原個小鍋上枱,份外有睇頭,除咗白酒煮,仲有其他煮法,如忌廉汁、冬陰功、黑松露醬……等等。藍青口向來喺上等貨色,咪睇佢哋細細隻,食落肉質好鮮嫩,而且,有陣陣酒香,配上蒜蓉包,可以最後沾上湯汁嚟食,別有一番風味。波士頓龍蝦薯條配蒜蓉牛油汁 $288 聽店員講,呢個龍蝦配薯條有唔少客人都會嗌,的確,大大隻鉗波士頓龍蝦加埋大量薯條,實在好夠霸業。啲龍蝦肉好爽口,非常鮮甜,最正喺大大嚿肉咁放入口,爽到爆啦,沾上自家調製嘅蒜蓉牛油汁,更有提鮮之效,食味一流。此外,啲薯條炸到好脆口,又唔油膩,好食。 特濃芝士餅 $48 最後來一點甜,個芝士餅淋咗唔少朱古力漿,食落更滋味,而芝士餅嘅質感挺實得嚟好柔滑,芝士味好香濃,實在有質素。餐廳除咗食物選擇款式多,又有各種唔同嘅海鮮,環境舒服又有氣氛,好適合朋友間嚟聚一聚。加上侍應阿Mxxx非常好禮,招呼熨貼,菜式講解細緻,真喺無咩挑剔位,有種賓至如歸之感。臨尾仲俾咗張9折卡,呢啲先喺用心做生意之道嘛。 繼續閱讀
等級1 2024-04-03
55 瀏覽
专门寻觅过来,西环高街附近,一路走上去斜坡是真多,在救恩堂对面,面积不算大,但里面布置得很好,openrice预约的结果去早了,现在是十周年还有折扣。有三种套餐,点了setB,一共6种口味12个,很新鲜,还有配上白葡萄酒,吃下来感觉吉娜朵口感最喜欢,别的差别不是很大,熊本好mini,还追加了两种,另外点了一份青口贝,肉质滑嫩,口感不错,墨汁意粉也很好,就略偏硬了一点,下次还来。老板人也很好,介绍了很多,1890年就有了,第一家店在西雅图。 繼續閱讀
(以上食評乃用戶個人意見 , 並不代表OpenRice之觀點。)
等級3 2023-12-30
171 瀏覽
聖誕節正日book左呢度為左食生蠔大餐慶祝下,打開menu,呢度有超過二十款不同國家同口味嘅生蠔比你選擇,由淡至濃口味排序,仲附有簡單解說令客人非常清晰知有何分別確實非常貼心,我亦唔客氣自選六款生蠔品嘗,仲like左社交平台獲贈多一隻免費生蠔。每隻蠔都好生鮮各有特式,就算係免費嘅美國蠔都好好食,我自己幾鍾意法國嘅KYS Marine Oyster同Tsarskaya Oyster,呢兩隻都係比較口感味道都相對豐富。除左生蠔,炸蝦魷魚卷都炸得幾得意又脆卜卜,炸魚薯條我選擇左雪魚,食落好滑又有魚味,炸漿唔算厚又唔會油淋淋,粗薯條熱辣辣亦都好吸引。龍蝦汁海鮮意大利飯我鍾無佢個汁夠多可以包住啲飯,又唔會好鹹蓋哂原本龍蝦汁該有嘅味道,性價比幾高。愛服務員態度非常友善,亦好有心機解釋生蠔嘅特點比我地聽,愛蠔之人黎到呢度應該會覺得好開心有咁多選擇。 繼續閱讀
(以上食評乃用戶個人意見 , 並不代表OpenRice之觀點。)
朋友看見我在IG上的一張生蠔照片,即說好渴求食蠔食海鮮,那就易辦,最緊要夾好時間。想了想,不如就去Taylor,筆者試過佢既出品,性價比好高。之前嚐過大坑店,今云就去到高街店,地方同樣不大,裝潢有點類近。一心來吃生蠔,那就二話不說先來一打。試了不同款式,包括普遍的愛爾蘭蠔和法國Gillardeau,不過最深印象的,就要說英國的The Whitstable Oyster,這也是我上次在大坑店嚐過的。入口爽身,飽嫩多汁,簡單唧幾滴檸檬汁即可。自從之前在大坑的Taylor Shellfish Farms食過,已念念不忘,有考慮過係一田Yata Oyster/ Oysta+獨家經銷商度買番啲,聖誕派對有用武之地。跟住要多個熱身既海鮮大雜燴,內容相當豐富,有波士頓龍蝦、大蝦、藍青口、蜆、帶子、魷魚等,湯底更加是Bouillabaisse的做法,非常濃郁可口。各式的海鮮均十分新鮮,火侯控制合宜,吃些海鮮鍋真不能顧及儀態,用手拎起大口吃才更滋味。由於個海鮮湯太正,有份蒜茸包來沾吃,師傅既安排絕對加分。店子的春卷都特色過人,是花枝蝦春卷,即叫即炸好燙口,裡頭有花枝同蝦肉的雙重口感,輕輕醮些沙律醬,喜歡香口嘢既我是毫無抗拒能力。唔爭在要多份薯條,同樣是新鮮炸起,配的除了茄汁,還有黑松露醬,頂頭再灑上海苔粉,來得很有誠意。估唔到呢度都有甜品供應,雖然已飽到上心口,亦來件芝士蛋糕大定分吃吧!好濃郁,好飽肚喔!餐後一杯咖啡,圓滿~ 繼續閱讀
(以上食評乃用戶個人意見 , 並不代表OpenRice之觀點。)