Tartes & Pop

I recently ordered a few sets of the 9-pcs "Farewell Cake" from Tartes & Pop, and I couldn't be happier! The online ordering was smooth and user-friendly, making it easy to customize my order. The quality of the french tartes was excellent, with vibrant flavors that delighted my colleagues. Customer service was outstanding; the staff was attentive and ensured everything was perfect; delivery was prompt. Not to mention the bright orange individual packing that added a lovely touch of appreciation. My colleagues enjoyed the treats immensely, they love it! No wonderTartes & Pop was awarded the best tartes in Hong Kong! 4 Yeses!…查看更多

呢間係上環開左好耐既小店，因為同事買咗黎做散水餅，終於食到啦。每個Tart以為係迷你版，點知原來份量都幾足，可以切開4份分俾同事食，每個人都試到唔同口味~同事買左9個裝：- 咖啡焦糖燉蛋撻：焦糖香濃，似法式燉蛋嘅感覺，係最好賣既一款。-香橙伯爵茶撻：茶味同橙香好match，清新唔膩。-覆盆子朱古力撻：朱古力厚重，配上莓嘅酸，味道層次豐富。-雲呢拿士多啤梨撻：士多啤梨新鮮，酸酸甜甜幾討好。-Coconut Lime tarte：椰香加青檸，覺得有d酸。-黑芝麻抹茶撻：芝麻味好突出，加埋抹茶味有少少苦。-雜莓芝士蛋糕：芝士軟滑，配莓酸甜度啱啱好。總括黎講，賣相真係精緻，切開又唔會散晒，啱晒office分黎食。價錢雖然唔算平，但勝在味道多變又有水準，用嚟做散水餅真係幾得體。記得個包裝盒可以拎返間鋪，就可以換$25 現金卷！…查看更多

最近屋企人壓力大想買d甜品tum下佢，咁啱去開上環做野，朋友佢推薦呢間上環既cake比我，話好好食！所以我就買來比屋企人試下。呢間cake shop可以係網上落單然後再去拎，好方便而且可以ensure你想食既cake可以買得到！當日放工之後趕過去幾乎要關門，好彩店員還好人等買我先收工！超級讚！另外我拎完之後仲要去睇musical，所以店員好貼心咁幫我用冰袋，而且仲擺左好多冰係裡面保持溫度！超感動我買左幾個cake，首推coconut cake！超級refreshing！好適合夏天～其次綠茶芝麻都好食，抹茶粉好多，好濃郁，芝麻好香！總之呢間cake 是真係不錯！會再幫襯！…查看更多

見咁多人話好食，一於買黎試吓！試咗焦糖咖啡同抹茶黑芝麻味，好好食，一啲都唔甜，如果大件啲就更加好添！價錢方面貴咗少少，因為真係幾細件。。一人可以食到幾件，又唔漏😂…查看更多

這間小店Tartes & Pop，被稱為全港最好食的法國手工撻！是由來自法國的兩兄弟創立，手工撻提供多種口味選擇，味道清新，而且餅皮有一定厚度，咬下去鬆化香滑。今次買了迷你撻盒裝（16件）價錢$400，每件迷你法式撻直徑為 4.8 厘米，小巧精緻。口味有五款：❇️雲呢拿士多啤梨撻❇️覆盆子朱古力撻❇️椰子芒果撻❇️香橙伯爵茶撻❇️黑芝麻抹茶撻五款口味都有食過，每件都十分出色及有水準！最鐘意的是人氣第一的黑芝麻抹茶撻，用了宇治抹茶，一入口先食到濃濃既芝麻味，好香滑。之後慢慢食到抹茶味，茶味好香濃。 鐘意抹茶的朋友必試呀！ 如果大家考慮買散水餅絕對可以考慮這一間小店，相信一定不會失望的！…查看更多

呢間餅鋪的餅，一路都做得唔錯，食過好多次㗎啦，不過都唔係自已買嘅，有時係老闆請，有時係同事散水餅，好似今次咁，同事升職都係揀咗佢請大家食。始終我寒底，孤寒個寒，自己唔捨得買。之前食嘅都係大件啲，每件都有盒仔包裝，今次就迷你版，都好精美，迷你版係有啲唔够喉㗎啦，不過唔緊要，少食多滋味呀嘛，主要都係登同事高興啫，升職都請大家食餅，呢啲唔係必然㗎嘛。我揀咗嗰件係柚子？？？？，唔肯定咩名，但係好香柚子味，始於呢啲餅都係比較甜啲，柚子都中和到少少，算唔錯。…查看更多

今日心血來潮去嗌咗幾款撻返屋企，一開始入口，先係香橙伯爵茶撻，真係入口即溶哂啲mousse🍮，伯爵茶香味濃郁得嚟又滑溜，下面嗰層橙jam正宗得嚟又夠酸夠kick，簡直係perfect match! 跟住嘗咗檸檬榛子朱古力撻，啱哂喜歡檸檬酸嘅鬼妹個口味，真係令人開胃得滯！撻皮脆得黎又唔會太硬，嚼落有勁！同朋友試咗下黑芝麻抹茶撻🍰，個味夠正，抹茶同黑芝麻層次分明，又唔會太苦，特別幾好食！新鮮青檸撻就更加出色，呢個得意小聚會輕鬆一刻必備佳品，個青檸tart又酸又甜，實行唔能夠錯過！真係好彩朋友介紹呢家店，下次還會再嚟買，各位鐘意試新嘢味蕾想犒賞自己嘅，一定要試吓佢哋嘅撻啊👍！看來我癮真係戒唔掉喇！…查看更多

同事買左超靚靚撻返嚟😍但價錢真係有點貴 而且地點完全唔就我😩 試吓就好了🫣1️⃣熱情果朱古力撻2️⃣開心果車厘子撻3️⃣新鮮青檸撻4️⃣法式咖啡忌廉布丁撻 每款$45自己最鍾意4️⃣ 唔甜又好香咖啡味1️⃣好香朱古力味 加上熱情果味 甜甜酸酸幾夾2️⃣3️⃣比較甜 但車厘子同青檸味幾清新 唔會膩整體嚟講呢間撻好味 而且味道都好特別 唔係普通一種味/常見口味配搭 如果有經開上環可以試下👍…查看更多

上網搵散水餅，因為急住第二日要，所以搵返公司附近諗住送貨方便啲。見到Tartes and Pops啲相好吸引，價錢合理（但唔平😆），最重要第二日送到貨，即刻網上落order！ 送貨超準時（我約2-3點哥哥仔準時2點到樓下），包裝非常堅固，啲撻送到嚟好靚仔。個個獨立包裝，包裝上有數字分辨各種款式，方便派發。撻好好食，我食咗無花果烏龍茶，茶味好香，少少甜帶點酸，撻底好鬆脆。餅店亦好環保，交還包裝禮盒可以換$25優惠卷👍🏻👍🏻 因為心急派，其他冇影相😭…查看更多

又到weekend甜品day🤩不過下午4點半去到好多款都賣哂，得返幾款可以揀，最想食的朱古力撻同布甸撻都已經賣完🥺雲呢拿士多啤梨撻 $48士多啤梨醬酸酸地，而個撻其他部分好甜，一齊食岩岩好，唔太酸又唔會太甜，反而好有層次。不過唔係好食到雲呢拿味，白色個部位食落有少少似乳酪芒果香蕉撻 $48撻底唔算太硬，刀叉一落就切開，食落都好鬆化。香蕉味偏淡，芒果味唔係好食得出，面個層似焦糖，整體來講呢個撻都幾甜，似食拖肥糖。Tartes & Pop (上環)上環摩利臣街2號地舖*上述文章只供參考及以當時價格為準…查看更多

攝牙㙤都抆水，$48究竟值唔值？🔹黑芝麻抹茶達🔹 $48結構(由下至上)：朱古力撻皮➡️海綿蛋糕➡️黑芝麻忌廉➡️抹茶慕絲➡️抹茶粉撻皮黑朱古力味🍫，黑芝麻cream同抹茶mousee冇添加嘅感覺係一個甜度較低較”天然”嘅甜品，小編會形容係大人嘅口味🙈小編本身都偏好甘苦型嘅🍵，多過大眾化嘅甜品抹茶但撻皮苦黑芝麻又rich 再加埋甘苦抹茶，就實在係有點兒over海綿蛋糕質地少鞋，加上黑芝麻cream同抹茶mousee顆粒感都重，入口質感麻麻🧐建議黑芝麻/抹茶是但一樣做得幼滑返啲，唔好咁raw就順口好多總括而言 食得出用料係金錢嘅味道，製作亦非常別緻有層次。只係呢個口味做得過於成熟🙈🙈…查看更多

Introducing to you all one of my favourite pastry shop in Hong Kong - 𝚃𝚊𝚛𝚝𝚎𝚜 & 𝙿𝚘𝚙 🧁🍫 I first got introduced to their French tarts back as a farewell celebration, and I was deeply attracted to their mini sized tarts, and of course to their iconic boxes as well - orange does catch my eye as well as those playful dots 🤗 They offered a great variety of flavours for individual tarts, ranging from my favourite sesame matcha (a MUST try!) to orange earl grey (loved that tinge of orange which went really well with the earl grey taste). If you’re looking for a taste of different pieces or for sharing, I would totally recommend getting the Mini Tartes Box which includes 16 mini tartes with 5 different flavours - bite sized and already enough to make you crave for another one 😋…查看更多

呢間Tart 會定期出唔同既款式, 除左細細個之外亦都有大大個生日Tart可以訂嫁😍 佢個包裝都好可愛, 每個細Tart都會用個細盒裝住, 之後再用一個巨型既盒裝住三個細Tart, 有啲似俄羅斯娃娃咁😂香橙伯爵茶撻🍊($48)香橙同伯爵茶既味夾得黎又幾濃郁, 慕絲既部分相當幼滑, 面頭放左一塊橙肉, 呢個係清新之選☺️黑芝麻抹茶撻🍵($48)呢個組合絕對係冇得輸, 抹茶既味濃得黎又唔會苦澀, 加埋芝麻既餡係好夾仲要好濃味, 超好食😋新鮮青檸撻🍋($48)呢個絕對係食完飯食都唔會覺得有負擔, 佢個青檸味好濃好refreshing, 再配埋啲蛋白整既粒粒酸酸甜甜好好食, 食完會想再食多件😍估唔到呢間tart會咁有驚喜, 有機會都會想去舖頭度親自睇下再試埋其他味🤩…查看更多

今日同事明明唔係走只係想請我地食餅咁簡單佢話呢間好出名經開上環就買返嚟Raspberry Chocolate Tarte 食落去有好濃郁嘅朱古力味😋而且係超級creamy 朱古力配上Raspberry醬酸酸甜甜咁樣 口感好特別而本身個朱古力蛋糕口感幼滑香醇另一個我唔記得咗叫咩名類似栗子撻咁嘅款食落去口感都係栗子蓉 但係感覺唔夾 同埋唔好食…查看更多

第一次試好有驚喜！試左三個口味都好鐘意，全部撻底都好香好鬆化，不過細個左小小，每次一人可以食兩個，價錢相對高，不過真係好好食！😍香橙伯爵茶撻香橙同伯爵茶比例岩岩好，唔會搶左對方既味道，最鐘意食呢個！🥰法式咖啡忌廉布丁撻咖啡平衡左甜味，咖啡味勁濃，一樣好好食呀🥰黑芝麻抹茶撻呢款最出名，最頂既抹茶超級濃，如果唔鍾意抹茶苦味就唔岩啦，不過我本身對黑芝麻一般，加埋食有小小咸香😆$48 1個味道 | ❤️❤️❤️❤️❤️抵食 |❤️❤️❤️❤️環境 | 服務 | ❤️❤️❤️❤️❤️推薦 | ❤️❤️❤️❤️5個❤️為滿分…查看更多