15
11
2
電話號碼
91329355
營業時間
今日營業
09:30 - 18:30
星期一至日
09:30 - 18:30
付款方式
Visa Master 現金
座位數目
16
其他資料
電話訂座
食評 (35)
等級4 2020-10-10
415 瀏覽
見天氣咁晴朗,一於出外走走,西貢絕對是一個好選擇。行到有點累,找間餐廳坐坐,享受陽光及路邊景色。見Taps戶外在有位,立即幫襯。它門口放了餐牌,可以睇啱才決定是否入內,也貼上一張有趣的卡通。我們叫了一個特色拼盤($115)丶一杯熱嘅Cappuccino ($36)及一杯Flat White ($36)。小食拼盤有四隻雞翼丶2隻炸蝦丶2片蒜蓉包及薯條,醬有茄汁及黑松露奶油。雞翼表皮炸得香脆,但雞肉沒有醃製,故無乜味,略為失色。👎🏻炸蝦反而幾好味。蝦都幾大隻,表皮炸得鬆脆,加埋彈牙的蝦肉,好味。點茄汁,又是另一個味道。👍🏻👍🏻👍🏻全個拼盤最好味的是蒜蓉包,牛油塗得夠,灑上香草,多一層香味。就咁食已好味,點黑松露醬,又是另一種口味。雖然是邪惡,實在好味,難以忍口。😍😍😍薯條也好好味,厚身香脆兼熱辣辣,點唔點醬都滋味。👍🏻👍🏻👍🏻咖啡方面,老公叫的Latte 有較濃的咖啡味,我叫的Flat White,反而奶味濃,無乜咖啡味。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-10-26
98 瀏覽
事後諗起,星期六下午茶時間的西貢,作為一間小cafe,沒人排隊,應該要意識到係伏。無奈小朋友肚餓,唯有求快,行入這間店。一入去,陣陣油煙味…… 真的後悔當時沒有離開……之後的食物質素亦十分伏。蛋糕和飲品menu寫晒日文字,以為是非常地道。點了兩件蛋糕一杯mojito,但結果比较普通,蛋糕老婆甚至食唔晒佢話有種食完個口唔係好舒服的感覺。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-09-09
403 瀏覽
私藏已久的小店位置比較偏僻,但條街都有好多間cafe過開黎西貢絕對值得過黎尋寶其實都黎過好幾次,從未失望而且老闆同啲員工打成一片,氣氛都幾好每次黎食野嘅體驗都幾開心炸薯條($68)(8/10)食得出係新鮮炸起,無返炸過,非常脆口,調味亦都足夠,就算唔點醬都好好食Latte($36)(7/10)咖啡豆嘅味道比較濃,牛奶十分香滑,亦都可以中和咖啡嘅強烈味道蟹肉及蛋軟包配薯條($108)(9/10)由於呢日去到嘅時候唔太肚餓所以無嗌,呢個絕對係必食推介,炒蛋炒得啱啱好配埋啲醬真係一流,邪惡到一個點,但真係值得一試,誠意推介 繼續閱讀
(以上食評乃用戶個人意見 , 並不代表OpenRice之觀點。)
Deluxe All day breakfast $88炒日本雞蛋、紐綸堡香腸、日本雞肉漢堡扒、烤蕃茄、雜菜沙律、多士港女見到All day breakfast總係忍唔住嗌左😂坦白講依份All day breakfast份量算少 (對比我食過差唔多價錢既) 大食既朋友未必會夠飽!!不過有時美食既質素係重要過份量既!! 好欣賞佢既炒蛋超級滑,食得出係蛋味濃郁既日本蛋,其他蛋係絕對取代唔到‼️餐廳用既沙律菜全部都係水耕菜,食落既口感真係唔同啲,質地係比較淋,但就好清甜😋明太子忌廉意粉 $108好creamy呀😍😍又係我去親cafe都必嗌既明太子忌廉意粉,一望menu就鎖定左依個target啦🎯每一啖都係明太子既感覺好好,不過點解又係辣辣地既🤔🤔食過唔少明太子忌廉意粉,發現有7成都係辣! 明太子係魚子,以鱈魚魚卵為主製成。原來辣既明太子叫辛子明太子,係再加以辣椒粉,變成微辣,食落去味道就更馥郁!! 辣辣地又真係幾惹味喎!! 繼續閱讀
(以上食評乃用戶個人意見 , 並不代表OpenRice之觀點。)
等級1 2020-08-28
353 瀏覽
特登入西貢諗住去cafe,本身想去果間cafe太多人唯有揾其他。見依間冇人等,舖頭環境都尚可,諗住都冇所謂嘅。一入去其實個女waitress都好有禮貌,餐牌啲嘢食相同埋啲名睇落去都唔伏。嗌左蕎麥冷面,點知嚟到,點冷面果啲堅魚汁係加埋啲冰,心諗一夾咪夾埋啲冰(?)嗌埋佢嘅甜品,menu寫到明係芝士蛋糕,食落去完全大跌眼鏡,唔知係唔係雪左好耐然後擺返落去微波爐解凍,咁嘅芝士蛋糕都要收我四五十蚊。食野途中無啦啦聽到廚房有把男人聲鬧人地啊媽,唔知佢係鬧緊員工定點,間舖頭唔大又鬧得咁大聲真係會嚇親人。 繼續閱讀
(以上食評乃用戶個人意見 , 並不代表OpenRice之觀點。)