115
5
1
港鐵牛頭角站 B6 出口, 步行約6分鐘; 入口位於恆業街 繼續閱讀
所有分店 (2)
電話號碼
28667755
69606065
營業時間
今日營業
12:00 - 23:00
星期一至四
12:00 - 23:00
星期五
12:00 - 00:00
星期六至日
13:00 - 22:00
付款方式
Visa Master AlipayHK 支付寶 現金 AE 銀聯
座位數目
82
其他資料
支持防疫 詳細介紹
Wi-Fi
酒精飲品
自帶酒水 詳細介紹
泊車 詳細介紹
電話訂座 詳細介紹
外賣服務
到會服務
加一服務費
室外座位
當面支付
食評 (123)
等級4 2020-09-21
1023 瀏覽
平日的觀塘車水馬龍,周末反而可以到觀塘區的餐廳Chill下,今日便相約朋友去觀塘西班牙風的"Tapa Room"聚聚嘆個Lunch。門面遠遠已經看到,餐廳的Decoration用上Eye catching的霓虹燈色,十分吸睛。周末的觀塘餐廳人不算多,餐廳有室內外的位置,今日下雨天,所以我們選擇坐在室內對著大吧枱的卡位。Before Sunrise HH$75/NH$108Red Currant, Mixed Berries & RosemaryVirgin(non - Alcohol) $50Grapefruit, Strawberry, Raspberry 先點两款特色飲品先。再點了數款小食佐酒。薄切慢煮八爪魚 $78店員推薦了這款薄切慢煮八爪魚,一點不韌,腍軟有口感,配上特色醬汁,很開胃。薄切炙燒吞拿魚腩 $88吞拿魚腩燒得入口即化,新鮮菜墊底上面舖滿白芝麻,賣相吸引。莫希托羊肉串燒 $78有羊肉串燒也要試試先,羊騷味不算勁,配上香料剛剛好,越嚼味越出。西班牙肉腸及烤車厘茄青口 $88這款也是我的最愛,青口十分肥美,配上肉腸碎,味道香濃十分夾,佐酒一流。西班牙海鮮鍋飯 $188最後我們也點了個西班牙海鮮鍋飯,賣相吸引又豐富,有4大隻大蝦、青口、魷魚、蜆等,用料十足,蘸上鮮檸檬汁令味道更出;鍋飯底脆身有口感,整體不錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-02
1052 瀏覽
疫情關係好耐無出去食好野, 依家緩和d 就約fd wkend 黎到呢度聚下, 其實近牛頭角附近多商廈, wkend 反而唔多人. 黎到緊係要叫番幾個tapas薄切慢煮八爪魚八爪魚彈牙得黎又唔會韌,配埋olive oil同蕃茄醬,味道清新亦帶少少鹹香,送酒一流。Mojito Lamb Skewer無咩羊騷味, 所以即使平時少食羊應該都會喜歡肉 texture 好tender, 而且個sauce 好惹味. 叫Mojito, 相信係煮時候落左酒調味, 酒揮發左又唔太嚐到酒味. 咸香, 有點mustard 同加左mint 清香同羊肉好搭薄切炙燒三文魚腩經炙燒油脂香更出, 好肥美三文魚腩. 下面堆左我最喜愛salad veggies - rocket leaves, rocket 獨有芝麻香同略微澀味剛好balance 三文魚腩油膩感, 好搭Sangria- white wine好鍾意似白酒的Sangria,甜甜地又有果香,白酒酸度比紅酒底,好易入口,配海鮮的tapas一流👍Green Garden另一杯order 同樣比較refreshing, 加左green apple 同basil. 微酸, 飲落好清爽西班牙薯仔蛋餅蛋餅都係唔同的西班牙餐廳食過,呢個都算係食過之中算整得好食~蛋餅皮薄又嫩滑,入面主要都係薯仔同洋蔥。切開有流心效果,整體感覺幾濕潤。齋食蛋餅會食到薯仔的香味,想濃味啲可以點埋沙律醬~食完有實在的飽肚感😂Seafood Paella呢度Paella 亦係我近期食過最好食paella. 要做好食Paella 首要係, 海鮮真係唔可以吝嗇, 如果唔係就無左海鮮鮮味.呢碟Paella 雖然唔大碟, 但真係好足料鋪滿海鮮. 其中mussel 同clams 都唔錯, 係大蝦遜色左d. 飯只有薄薄一層, 其實唔駛撈佢加沙律醬已經足夠鮮味. 不過呢碟paella 唔算好大碟, 雖話係2人份. 不過亦要order d tapas 先夠飽 繼續閱讀
(以上食評乃用戶個人意見 , 並不代表OpenRice之觀點。)
上星期去觀塘國際貿易中心做野,經過樓下見到有間餐廳裝潢好特別,霓虹燈裝飾夠哂搶眼,設室內及露天座位,今日特登同朋友過黎試試午餐~餐牌中英對照,菜式選擇甚多,亦有各式酒類供選擇。西班牙火腿及蜜糖茄子卷火腿口感細膩柔軟,肉質甘香,包裹著茄子及新鮮沙律菜,再佐以黑醋汁及蜜糖, 口感層次豐富,配搭清新好特別。薄切炙燒吞拿魚腩輕輕炙燒過既吞拿魚腩,入口即化,味道豐腴甘甜。油香味重,口感細膩。莫希托羊肉串燒色澤油亮好吸晴,羊肉啖啖肉,肥瘦恰當,口感軟嫩多汁,香氣十足。西班牙薯仔蛋餅蛋味香濃,賣相一流,內裡薯仔軟綿細滑,香脆飽肚又好味,口感極豐富。西班牙海鮮鍋飯鍋飯鋪滿海鮮,賣相吸引,有大紅蝦、海蜆、青口、魷魚,款款新鮮彈牙有咬口!飯底充滿鮮甜海鮮味,飯粒口感扎實有嚼勁,讚~Virgin Sangria香甜士多啤梨果味,好解渴,推薦女士飲~Before SunriseSpanish Style既Cocktails第一次試,富果香、清新涼爽,飲落透心涼。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-27
439 瀏覽
今日特登來了食佢嘅paella,同埋再食咗幾款前菜。我特別鍾意呢間餐廳嘅西班牙海鮮炒飯,因為佢嘅炒飯,非常之乾身,而且海鮮非常新鮮,食落係有非常重嘅海水味。一路等緊外賣嘅時候,我就先飲咗一杯煎湯力。佢嘅煎湯力唔會太苦,而且可以揀唔同嘅配料,之前我試過青瓜味,今次是檸檬味,兩者比較之下,檸檬有微酸和苦,而青瓜則有非常清的清香味,所以對比之下我喜歡青瓜多一點。佢呢度一杯係$108。之後就拎齊一套外賣返屋企食。Jamin Iberico係非常傳統的西班牙火腿,佢啲火腿醃左24個月,食嘅時候係有一種清清嘅鹹味,而且非常薄身,攞嚟配蜜瓜食嘅話真係一流。再之後就係佢嘅Octopus Carpaccio ,八爪魚完全唔會有非常硬身嘅感覺,相反非常新鮮,再配上佢呢度嘅自家製醬汁,食落去嘅時候酸酸的,而且有海鮮的鮮味,整體而言非常開胃。再之後就黎到主菜嘅部份,我特別欣賞佢嘅Spanish Potato Omelette,非常軟身,亦都非常香的牛油味。最後就係佢嘅主菜,西班牙海鮮炒飯,佢呢一味西班牙海鮮炒飯:有海蝦,非常大隻,而且亦都有青口,非常大塊,同埋亦都有帶子,整體而言份量並唔會好大,但一定要講嗰句嘅係:材料大碟過飯,非常足料,非常新鮮。 繼續閱讀
(以上食評乃用戶個人意見 , 並不代表OpenRice之觀點。)
等級8 2020-08-19
3444 瀏覽
本來計劃好晒今年四月計劃去西班牙一趟,但因新冠疫情係,當然要被逼取消啦,機票還好可以退,但住宿就要扣起啲手續費,幸而叫做金錢損失唔太大,但花咗好多心機安排就叫做白白浪費。一直對西班牙之旅都好期待,最近知道Tapa Room推出咗個外賣直送嘅「Vacation Box」,之前,亦已試過佢哋嘅出品,有信心,出國唔成,就晌屋企搞番個西班牙美食之夜,等個肚仔去住旅行先。上返官網睇睇,個「Vacation Box」嘅基本起錶價喺$298(原價要$420),包咗一客二人份嘅西班牙海鮮鍋飯、兩道冷盤(西班牙火腿及蜜糖茄子卷、薄切慢煮八爪魚)及兩客西班牙水果茶啫喱。此外,亦有6款招牌冷盤、西班牙果酒、非酒精特飲可以額外加配,每日下午3:00pm截單,當晚6:00-8:00pm送貨,真喺日頭即興想夜晚食餐西班牙菜都無問題。但溫提一下,滿$500就免費送貨,否則,就要收番$80作為運費,服務範圍亦只有九龍及香港島啫。送貨前,送貨嗰邊都有whatsapp嚟做地址確認,而整個外送包裝,冷熱食物都會分開以保溫袋包裝好。打開保溫袋,估唔到再有個精美包裝硬盒裝起所有食物,絕對唔會嚟到時壓到啲食物變形或走樣,真喺連包裝都見到心思,好多細節位都做到一絲不苟。最驚喜喺個西班牙海鮮飯,直頭原鑊咁送嚟。Red Sangria $48 / Grapefruit Sangria $48講到西班牙菜,就一定會想起西班牙果酒(Sangria),唔飲得酒嘅都無問題,佢哋亦有啲非酒精特飲俾客人揀,每樽足500ml,只賣$48,非常抵飲,尤其西班牙果酒。事實上,一飲你就知無將貨就價,好足料,前者紅酒滲出陣陣果香,繼而散發出一股微微酒勁;後者嘅西柚特飲帶着自然嘅西柚清香,卻有添一份果香嘅層次感。西班牙火腿及蜜糖茄子卷(套餐)基本套餐包咗兩款西班牙冷盤,呢一款喺一道好有驚喜嘅菜式,以西班牙火腿加上薄片嘅茄子捲住啲沙律菜做成,佐以黑醋及蜜糖,就算乜都唔點,單喺件火腿茄子卷咬落已好有層次感,味道鹹香中誘發出清爽感,再試試沾上黑醋及蜜糖,味道更多變咗,是晚嘅推薦菜式之一。薄切慢煮八爪魚(套餐)呢一款冷盤之前晌店鋪都食過,真喺店家嘅幾招牌,而套餐都包埋就真好。個八爪魚嘅最大賣點,就喺捕獲後由當地即時慢煮5個鐘,之後再空運過嚟,再嚟薄切後,塊塊都厚薄均一,伴以自家製嘅蕃茄蓉初榨欖油,令味道油潤清新,而八爪魚嘅質感柔韌帶咬口感,再細嚼八爪魚嘅鮮味更突出。加泰隆尼亞式烤雜菜沙律 $48 記得店家有一道好好食嘅「蟹肉及辣忌廉芝士釀烤甜紅椒」,不過,散點項目就未有供應,不過,想試西班牙出名嘅甜椒,就可以考慮試吓呢道烤雜菜沙律,因為,主食材就喺用咗西班牙出名甜椒,烤焗好再伴以初榨欖油,灑點香草,甜椒烤到軟化晒,入口陣陣清甜味,簡單自然。如果家中有啲百吉包,不妨切成薄片,佐以甜椒同食,一樣好滋味。棒棒鵝肝 $58 睇番啲食評記錄,堂食一客要$78,仲只喺有3支,但依家就$58 ,卻有4支,性價比已經高咗好多。基本上,跟堂食嘅一樣,都做得精緻,鵝肝搵白酒蒸煮過再搓成丸,入口口感綿密豐厚,鵝肝嘅香腴濃郁;同樣伴以開心果仁、喜瑪拉亞岩鹽及黑胡椒粒所做成嘅佐料,令整體味道變得更具層次。西班牙黑毛豬火腿24個月 $68 講到西班牙小食,點少得經典嘅西班牙黑毛豬火腿吖,晌一啲西班牙餐廳,更備有24、36、48個月嘅種類,小弟甚至有見過去到60個月,當然風乾熟成嘅日子越長,定價又一定越貴,但我哋呢啲唔喺咩食家嘅大眾,24個月嘅貨色已經喺好夠皮。事實上,啲黑毛豬火腿油潤而富光澤,入口肉質細膩,味道鹹香,一片火腿,一啖西班牙果酒,喺極優雅嘅享受。西班牙海鮮鍋飯(套餐)上文都提及過,「西班牙海鮮鍋飯」喺原鑊咁送嚟,非常揼本,而個鑊咁靚仔,我哋就已經打算留起煮嘢用,絕對唔會嘥。專登對照番上次晌店內所試嘅西班牙海鮮飯,直情同晌店內食到嘅無分別,所以,感覺絕對唔似食緊外賣,飯面鋪滿海鮮,有大海蝦、青口、大蜆、魷魚,用料絕對不賴,每款海鮮都鮮甜好食;紅紅嘅飯底充滿海鮮香味,飯粒分明卻入口濕潤,唧埋少少檸汁,加埋啲藍芝士醬,撈勻嚟食就更好味。西班牙水果茶啫喱(套餐)套餐仲包有兩客甜品,雖然西班牙油條喺經典,但送到嚟都腍晒啦,而呢款水果茶啫喱亦喺佢哹招牌,因為用料十足,無欺場,以西班牙果酒為藍本所做,啫喱味道好清香,配以大量夏日雜莓,打側睇個杯身就見到有幾多雜莓晌杯內,所以,整體而言,入口清甜酸爽,味道感覺自然,驅走晒夏日悶氣,更平衡番之前食咗咁多道嘅濃味菜式。除咗由保溫袋、包裝盒、個別食物格、冷熱分開……等等做到一絲不苟之外,食物嘅賣相、用料跟堂食無太大分別,難得啲食物都保持到水準,尤其一系列冷盤、凍飲、甜品,而個西班牙海鮮飯送到嚟都仲算暖暖哋,我哋就原鑊放入大焗爐烘番熱啲,故此,風味保持到。出國旅行唔知幾時先得,今次總算以美食嚟感受吓一股西班牙熱情。 繼續閱讀
(以上食評乃用戶個人意見 , 並不代表OpenRice之觀點。)