Tai O Lookout

營業中

休息中

大澳呢個餐廳真係值得推介！對住個海真係好舒服食物方面：花膠湯好濃不過鹹咗少少個炸魷魚圈其實個味道幾好食嘅，不過炸得好鬆，一拎起就甩晒出嚟個咖喱牛腩飯，值得讚個咖喱味好食，啲牛腩都好腍

朋友從外國回港，便相約到大澳一日遊， 早上出發從東涌乘11號巴士到大澳，需時一小時15分；到埗後四圍遊覽和欣賞風景非常舒服！當然唔少得品嚐一下當地小食，如雞蛋仔、茶果非常美味！沿路一直行會見到一座係舊警署改建的酒店，2樓係餐廳，到咗中午時分，我哋就在酒店餐廳食晏，各人點選一個套餐有湯、主食、甜品和飲品，都幾豐富！牛肉漢堡配炸薯條：牛肉漢堡大大份加上係粗薯條，感覺特別好味！雜菌蝦肉卡邦尼意粉：味道好好，意粉可以硬返少少就更理想！咖哩牛腩配白飯：牛腩肉質鮮味，咖哩汁尚可，但無太大驚喜！甜品係雜果慕絲，唔太甜好好味！總括嚟講，可能今次點的食物比較普通，但在餐廳裏面，邊食飯邊欣賞海景，清幽的環境，就非常舒適寫意！

23/4/2025 星期三，漫活大澳，行往酒店途中，可以欣賞大澳棚屋，水退/水漲的紅樹林，居民屋前花園的各種花草樹木，海景風光，大澳蝦膏、咸魚的製作，心情舒暢。到達酒店地下，乘坐酒店的特色升降機，可以省卻腳力，直達酒店平台，只需步上短短的幾層梯級，便可抵達cafe。Cafe 裝飾清雅，高高的天花，掛有吊風扇，好有英式風格。在這優美環境下，輕輕鬆鬆享受下午茶，－樂也。我哋二人分享一客公司三文治，飲品有咸檸檬七喜及紅莓茘枝梳打。公司三文治配有新鮮即炸的薯條，薯條香口脆卜卜 ，正正😋。飲品賣相吸睛，可以打卡，而實質都好好飲，冰凍解渴。店員招呼親切友善，值得讚賞。到大澳，梗係要到這Cafe，才算是遊大澳！

是日同老公結婚一周年，book咗大澳酒店住一晚，知道大澳夜晚應該冇嘢好食，所以晚餐一定要喺嗰度食，價錢唔算好貴，可以接受，侍應服務態度一流。大蝦沙律好食，因為住酒店嘅關係係送咗兩個小食，一個係大蝦沙律，另一個係蝦醬雞翼，好味！牛扒講咗一份三成熟，另一份五成熟嚟到兩的都係八成熟，有啲失望，但係味道OK！慶祝蛋糕上面啲字非常核突🤣🤣，但味道好好食，總括嚟講所有嘢都OK嘅。但總括嚟講所有嘢都爭少少🤣🤣

今次嚟到位於大澳文物酒店嘅西餐廳✨餐廳環境幾寫意，空間感大，係度食飯好舒服☺️今次嗌咗Carbonara，炒得都幾香，不過忌廉汁較杰，所以食咗三分一就開始膩，除咗煙肉之外，亦有蘑菇同蝦仁作為配料。另外嗌咗蝦多士配大澳蝦醬蛋黃醬🍤蝦多士炸得香口，入面嘅蝦肉亦飽滿彈牙，不過蛋黃醬唔係好食得出蝦醬嘅味道，略為失色🥲去親大澳都會飲紫貝天葵，呢度亦有紅樹林特飲，係由紫貝天葵，蘋果汁同檸檬汁調製而成，飲落酸酸甜甜，十分開胃😆

去左大澳咁多次，第一次去酒店餐廳食飯，有睇過價錢唔算好貴，服務、裝修、環境同食物質素，都絕對對得起個價錢😂冷氣好涼爽，炎炎夏日黎講，真係避暑一流，勁refreshing，坐低飲杯野，再借埋充電器，完全係幫個人recharge我個日係食夜晚，餐廳唔算多人，不過夜晚太黑，睇唔到海景，但個人黎講，本身餐廳都已經打卡able。我地冇嗌set dinner，只係每人單點個主菜，係夠飽，人均$170，其實可以接受。侍應態度都好親切，會幫手斟水，又教我地點樣去借充電器，食餐飯幫埋電話充電，我自己就最欣賞呢點。

每次入大澳都想去呢間餐廳嘆下午茶，順便等日落，今日中秋翌日入大澳，要等入夜影花燈，所以就黎下午茶，大約等30分鐘就可以入座，今日tea set $328/2 persons，有中秋應節食物及中秋與大澳元素，都好有特色。 另外，見下午茶限定安排晚上的［大澳搖櫓夜彩遊］，我都唔知係咩，所以上網搵，原來中秋先有，大澳搞嘅活動免費網上登記，不過已經滿額，食呢個下午茶就可以參加，都幾吸引。 黎緊仲有9月21日，28日 都仲有。講返食物先，中秋節下午茶有4款咸食，3款甜食，配紅樹林特飲。下午茶架都幾靚，精緻賣相靚，仲好chill無限時，慢慢食，休息下，又可以嘆下冷氣。三層架由底食上去，先食咸再食甜。不過影相打卡都好重要。炸蝦醬豬膝多士，豬膝醃得入味，有微微蝦醬咸香味，都好夾好惹味。大澳咸魚和牛漢堡，和牛味道濃郁，唔算好油膩，加咸魚又唔會太咸，有淡淡咸香味，麵包軟綿好味。脆香大澳蝦醬雞翼，超正超入味，有濃郁蝦醬味，夠香口又滋味，每人一隻唔夠喉。黃金炸軟殼蟹，味道都好濃，咸蛋醬滿滿，包著炸得超脆口軟殼蟹，外脆內軟，蟹肉好多，正。蜜柚子奶凍，有中秋柚子肉，微酸中和奶凍甜，好濃奶香味，軟滑細緻奶凍cre

今次去咗大澳酒店打卡，最主要係去依間餐廳食嘢睇風景。有炸魚薯條配蝦醬$138另外有$138套餐薄餅🍕配啤酒🍻職員好好人，有禮親切。有直得去飲杯嘢飲🧃。只係有啲遠🤣

雞蛋仔外脆內軟，配以柑桔醬同紫貝天葵醬，用酒樓既調味碟裝住。紫貝天葵醬酸酸甜甜，非常惹味。 店內環境優美，可以望到大澳既大海景。侍應服務用心，夏天行到熱騰騰，食番個下午茶，一流！

大澳舊警署改建酒店內的玻璃屋餐廳，是到大澳必須來的景点，地方非常美麗動人。一般遊客都不容錯過。今日趁遊客少的時候，馬上到餐廳吃飯，佔上了玻璃旁的位置，慢慢欣賞美麗的海景。食品是不能錯過的！肉餅飯看來是普通之極，但肉餅新鮮，肉內加入大澳地道生曬的海鮮，即海味，由廚子調制味道，使人可以吃到大澳的海味，濃郁且美味。將普通西式餐廳的漢堡套餐在旁，隨即令包失色，且漢堡肉確不比美式漢堡肉汁多，就更感肉餅飯好吃。

到大澳遊玩，少不了一吃一翻，但說是大吃的罷，其實來大澳可以休閒且慢慢欣賞美麗海景，吃有特色的食品。來大澳由舊警署改建的酒店內餐廳便可以享受到。這餐廳在玻璃屋內，看海景特別舒服。食物有提供由大澳特產的海味而制作，美味獨有，不能错過。這肉餅飯的肉餅，將大澳的海鮮乾混入，提升了肉味更豐富了整个菜的味道，香煎將濃郁味加深，實在不能不吃。沒有点此菜的是可惜了！餐廳的漢堡餐當然不錯，但漢堡肉味不及香煎海味肉餅呢！況且漢堡肉汁亦不足。邊看美景邊吃着，是很值啊！

T͎a͎i͎ ͎O͎ ͎L͎o͎o͎k͎o͎u͎t͎ ͎大澳文物酒店玻璃屋餐廳🪟平日下午三點嚟到 walk in直入店員安排我哋坐窗邊2人枱位置Afternoon Tea Set時段：☆彡炸魚薯條伴大澳蝦醬他他汁 $138薯條灑左微辣粉 幾野味炸魚香口但略嫌厚身 個醬食落同炒飯差唔多味但太少醬唔夠點🥲☆彡大澳一品炒香苗 $128本身以為會好淡茂茂 食落幾香 用左大澳蝦醬炒夾雜左蝦乾 菜心粒 雞肉 蝦仁一齊炒 飯粒分明 有驚喜+$10 熱伯爵茶+$10 紅樹林特飲問店員話係用左紫貝天葵調配 味道酸甜易入口*All prices are subject to 10% service charge📍大澳石仔埗街大澳文物酒店1樓

食完糯米糍之後喺附近行咗一陣就行去大澳酒店參觀，酒店前身為大澳警署，翻身完之後靚左好多。影影下相開始落大雨，見酒店有餐廳所以就入去嘆個下午茶同避下雨。餐廳裝修好靚，如果唔落雨天花板打開遮光簾彩光度十足，仲可以望住海景 Chill 吓，而且用上木製傢俱，打造出悠閒寫意嘅用餐氛圍。餐牌價錢豐儉由人，如果以遊客區嚟講都算合理，因為喺市集閒閒哋食串串燒都要二十幾蚊。大澳蝦醬豬扒包配薯條 ($118) : 豬扒散發出微微嘅蝦醬味，鹹香味十足，而且都幾有誠意有兩塊豬扒，薯條點蝦醬亦幾有特色。炸魚薯條伴大澳蝦醬他他汁 ($138) : 炸魚外脆內嫩啖啖肉，蝦醬他他汁味道唔太濃烈，所以唔會蓋過魚肉嘅鮮味。

疫情期間就很想來到這間很出名的玻璃屋吃下午茶，只可惜當時因感染人士到訪過而暫時封閉。今日終於可以約到朋友來這邊吃午餐，享受美食之餘，也有一份遠離市區的寧靜。📍位置：由上船碼頭⛵️或巴士站🚏到酒店🏨，最少需要走二十分鐘，的確是很偏遠，不過值得來一趟，四處是歐式風格的街道和碼頭⛵️，並可乘電梯上到酒店，再上一層樓梯到餐廳。🏠環境：全棟以玻璃設計，透光度十分高，樓底高，天花掛有大鐵扇，左邊是卡座，並有一些大澳相展示，右邊是圓枱，最棒是落地玻璃窗邊的二人枱，有無敵海景，在藍天白雲的襯托下，這片窗景真是使人很放鬆😎，感覺完全可以坐在這邊一整天。🤵🏻服務：人手下單，收取加一。🍽️午市：可以加$70升級有湯、飲品和甜品。🥣餐湯：🍄蘑菇湯+餐包🥖🍄蘑菇味很濃厚，配餐包剛好。🫖餐飲：🌼洋甘菊茶一壺(熱)最近追求養生，所以大熱天都喝一壺熱茶，清香解膩。🍴大澳🦐蝦醬蝦🍤多士 $108四塊三角形多士配沙律🥗和蝦醬，多士三分之二是蝦餡，三分之一是方包，蝦膠很厚實，有淡淡的蝦膏香味，愈吃會愈鹹🤪，值得一讚是蝦醬拌沙律醬原來很好吃😋，多士反而正常水準。🍴大澳蝦醬🐽猪扒包🍔配薯條🍟 $138🍔豬扒包呈上時已切一半，這點挺有

食物中融入咗大澳的傳統美食-蝦醬環境清幽，望住靚靚嘅風景食嘢，嘢都好味啲 炸魚薯條配大澳蝦醬他他汁 Tai O style fish & chips 🍟 炸魚香脆可口， 無雪味，薯條熱辣辣好脆口，蝦醬他他汁我覺得似係淡味嘅蝦醬，如果唔鍾意食嘅都可以用啲檸檬汁 ！紫貝天葵芝士餅 mountain begonia cheesecake 濃郁的芝士味，口感豐富！濃而不膩 大澳蝦醬豬扒包配薯條 pork chop bun with shrimp paste and country fries豬扒夠Juicy 又夠淋 ，配埋蝦醬！感覺好特別，但唔係人人都接受到😂😂紅樹林特林 － 即係紫貝天葵，酸酸甜甜嘅口味，幾好飲