234
97
26
餐廳: Table 18 Bar & Restaurant
資訊:

為推動全港減鹽減糖新飲食文化及新生活態度,食物及衞生局、降低食物中鹽和糖委員會及食物環境衞生署食物安全中心推出了《少鹽、少糖、少 • 確幸》餐飲聯盟,參與食肆會提供少鹽少糖選項予顧客,部份更會提供特定減鹽減糖菜式。參與減鹽減糖食肆會獲發計劃標誌,以供張貼於店舖內,供顧客識別。詳情可在此瀏覽:https://rssless.hk

港鐵觀塘站 A2 出口, 步行約3分鐘 繼續閱讀
電話號碼
31489444
開飯介紹
酒吧格局的西餐廳,提供一系列西餐,包括意粉、扒類及香腸等。 繼續閱讀
營業時間
今日營業
11:30 - 00:00
星期一至四
11:30 - 00:00
星期五至日
11:30 - 01:00
付款方式
Visa Master 現金 銀聯 JCB
其他資料
酒精飲品
外賣服務
電視播放
球賽直播
食評 (394)
等級4 2019-09-27
1797 瀏覽
觀塘不嬲都出名多野食,基本上都可以滿足你唔同既胃口。而係多年屹立不倒既APM,最有印象就係Foodcourt。其次就係成日行過既「Table 18」,每逢到夜市都見到間餐廳座無虛席,真係好誇張。聽聞最近佢地搞緊個「墨西哥菜」既主題,一於趁機約埋朋友去試試佢。入到餐廳先發覺原來Table 18佔地咁大,門口先有個長型酒吧枱,裡面既擺設都好精緻,有石磚牆、書架、吊燈,顯現出雅緻既時尚品味。裡面仲有個VIP房,牆身擺設多部電視,好適合一大班人睇波。我聽Staff講呢到Happy Hour特別抵玩,無論啤酒定自家製Cocktails都一應俱全,唔怪得咁旺埸啦!👇📌Baked Fish Fillets - $168▪ Corn Husks▪ Cilantro▪ Green Pea Rice▫ 先試左第一道主菜用「栗米葉焗魚柳伴芫茜青豆飯」,佢地用既魚係來自「澳洲盲曹魚柳」。再配合墨西哥常見既青豆飯,賣相就夠精緻啦,唔知味道如何呢?大廚將栗米葉包住魚柳黎焗,令到魚柳既水份依然保持到。入口仲做到肉質鮮嫩多汁,質感上有少少似Sea Bass,唔錯。📌Slow-Roasted Carne Asada Beef Steak - $228▪ Avocado ▪ Tomato Salsa▫ 墨西菜哥就點少得牛肉呢!呢個「慢燒墨西哥烤牛肉伴牛油果蕃茄莎莎」,絕對要大讚,大廚用到US Prime級別既牛扒接近7成熟製成。切開仲見到裡面相當粉嫩,脂肪分佈好平均,肉質有咬口,牛味相對都夠濃厚。配埋清新既牛油果醬可以中和油膩感,仲有一炸薯條比你連埋莎莎點黎一齊食。 📌Mexican Cactus - $108▪ Shrimps Salad▪ Avocado Dressing▫ 真係咁大個仔第一次試仙人掌,呢個來自墨西哥既「仙人掌蝦沙律伴牛油果汁」相當有特色,沙律由腰豆、芝士、粟米經油炸過變得爽脆香口,再加埋粒粒大蝦真係幾惹味。而仙人掌就仙人掌用到類似韓國泡菜既製法,主要以鹽、糖、辣椒、鹹魚仔醃出黎,食落爽脆鹹鮮味好突出,有少少質感似好爽口既蘆薈咁,食得過!📌Chimichurri Chicken - $78👉墨西哥小食不得不提既「青辣椒青醬雞中翼」,大廚先將雞翼用蒜頭辣椒醃過,再經油炸變得非常香脆。而重點就係呢個「阿根廷青醬汁」,將佢本身既惹味感更加帶出,食落表面酥脆無比,呢個係必點之選!📌Lime Chicken Quesadilla - $78👉一定唔可以錯過既當地小食「墨西哥芝士青檸雞肉餡餅」,裡面既雞絲用左打青檸、豉油醃製。再將牛油連埋醋炒香洋蔥,加埋芝士兜返均,落埋牛油果醬將整個餡餅煎返脆佢。色水睇落金黃香脆,而整個味道好有層次感,咁多款小食我最鍾意呢個。📌Franziskaner - $70(500ml) - $70👉之前去過德國餐廳試過真係令你好想返尋味,一於嗌返呢杯白啤。勁易入口,質感係相當Creamy,同一般飲開既啤酒差幾皮。📌Summer Holiday - $52▪ Pineapple Juice▪ Lemon Juice▪ Lychee Syrup▪ Blue Curacao Syrup▫ 賣相係超靚,拎黎打卡一流,因為有果汁底,味道就正常甜甜地。最後埋單每人大概HK$300左右,整體非常抵食,有機會會再黎。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-04
1929 瀏覽
因為朋友生日,所以就佢在佢公司附近食生日飯,我早左來到APM搵餐廳,最後我被餐廳門外的餐牌吸引便決定食這間!餐廳內外都可以坐,外面放左幾張高枱,有一盤盤的植物分隔開商場和餐廳,雖然坐外面感覺好寫意,但始終商場人流比較多,好似坐得唔係好自然,所以我們都係選擇入面坐!內裡裝修得好有歐陸式感覺,環境十分有情調,燈光柔和舒服,真的不錯!餐牌食物選擇多到不得了,有小食,湯,沙律,意粉,香腸,Pizza,飯和扒類!好多都想食!真係好難選擇,這個時候最好交比壽星決定食咩就最好!最後選擇了小食,意粉同Pizza!食物未到店員已經送上餅乾條作餐前小食! 餅乾條佈滿鹽粒和黑芝麻,食落去鹹鹹地又脆卜卜,都幾開胃!<雜錦小食併盤> 小食有香辣雞中翼,炸蝦丸,吉列炸蝦和薯條!還附上茄汁,泰式辣醬和沙律醬可以蘸來食!!雞翼醃得入味,肉質嫩滑,微辣好惹味!炸蝦丸和吉列炸蝦都落左較多的粉,外皮炸得脆,食到蝦的鮮味,但比較油膩!薯條切得剛剛好,唔會太粗唔會太幼,炸到金黃色,熱辣辣特別好食!<半熟吞拿魚配茴香番茄汁意大利粉> 輕煎過的吞拿魚呈半熟狀態,保留吞拿魚的原味和嫩滑的口感,肉質色澤鮮紅帶油光.沒有暗啞瘀紅,外層鋪滿黑椒,食起來香口!再配上非常濃厚番茄汁和茴香,真係好味到不能錯過!<帶子鮮蝦磨菇薄餅> 全部食材都好新鮮,大大隻鮮蝦同帶子鋪滿面,鮮甜爽口,再配上蘑菇,黑橄欖,車厘茄和火箭菜一齊食,味道好清新!再用蕃茄和芝士煮成醬汁焗出來的薄餅味更香濃,批邊脆卜卜,真的不錯!今餐食得好滿足,觀塘除左工廠區有好野食外,其實都可以留意下附近商場,入得商場都未必一定好貴,一樣都有抵食餐廳! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-09
1233 瀏覽
閒日中午與朋友相約午餐,天時暑熱又不時來一陣驟雨,當然是留在有蓋之大型商場商比較舒適妥當。其實於觀塘工廠區這些年來開了許多不同的食店,將陳舊過時的工廠大廈化腐朽為神奇。小的對那些甚具地方特色之小店也頗有興趣,只是下雨不怕,猛烈的陽光才是小的之宿敵。敬而遠之,還是留在觀塘地鐵站毗鄰的apm商場用膳。前一陣子剛嚐過這兒的「一杯」和風居酒屋,故今回挑了西餐「Table 18」。相對於新地商場商戶常轉的情況,這家Table 18屹立apm已有好一段日子。在汰弱留強的競爭環境下,到底這家西餐廳有何優勢,可堅持至今?在很久以前,小的也不時有到Table 18享用晚餐。她們的晚餐水準不錯,食物精緻且甚有風味。而餐廳之至勝關鍵則要數其Happy Hour之暢飲時段。在觀塘這舊式工廠區,不似中環灣仔老外雲集,故而想找一家像樣一點的酒吧於忙裡偷閒喝一杯幾乎苦無去處。及至Table 18的出現便為此提供了一方便舒適,兼之又夠格調的處所。莫以為咱們中國人不似老外般喜歡Happy Hour,受西方文化的影響,Table 18由四、五點鐘打後,於餐廳門外開設的一列高排座椅與矮檯子幾乎是座無虛席。辛勞一天想舒一舒,又或是有著許多的是非苦水不方便在公司滔滔不絕,不選咖啡,有著酒精咱們可更暢所欲言。雖然餐廳不乏人流,但在新鴻基之不斷鞭擦下,經過一段日子,Table 18亦要進行裝修翻新,為食客帶來一片新氣象。小的在這裡享用晚餐便多了,這趟卻為第一次品嚐午餐。甫進餐廳小的已見到列在中間與牆角位置之兩組自助沙律吧。瀏覽餐牌,只要點吃主食便可隨意享用沙律吧,若不要主食則可以較便宜的價錢絕粹選取。不過小的細心看一看自助沙律吧之美食,卻發現不怎麼合脾胃,而且兩組沙律吧實為相同款式的食物,只為坐在不同位置的食客提供方便。於是小的揀了個焗鱸魚,而友人則挑了鑊仔鮮茄豬柳飯。餐湯並非無限添飲,而是在咱們點餐過後由職員送上。簡單的意大利雜菜湯,酸酸的有助開胃。沙律吧裡有幾款麵包,都是又乾又硬的品種,干是瞧著已令人提不起勁。百多元的午餐當然沒有帕爾馬火腿或煙三文魚,只是普通火腿塊。另有一些醃煮南瓜、小蕃茄、胡蘿蔔絲與及田園蔬菜,居然連小的弄沙拉最愛的芝士粉與煙肉碎也欠奉。最後小的只稍稍地試一點點,並無品地於吞拿魚長通粉裡挑了點零碎的吞拿魚,及在鴨胸沙拉揀了兩塊鴨胸。回到座位對這自助沙律吧非常失望。沒多久主食出場。小的之焗爐魚份量非常小,再將一部份分給友人。幸好爐魚烤得外皮香脆,肉身仍為軟滑,算是造得不錯。伴碟之三顆西蘭花一貫地又乾又無味,反而另外幾粒薯方塊於醬汁的襯托下提供了稍稍的濕潤,更可幫忙填飽肚子。至於友人的鑊仔鮮茄豬柳飯上檯時竟甚出意料,份量細小,觀其賣相還以為自己在茶餐廳。大概於大家樂、大快活等快餐店的出品比之也是猶有過之。小的試了一小口飯與一件豬柳,其色、香、味果然一致,是同出一轍地強差人意。醬汁簡單虛浮欠層次,豬柳材質亦屬劣品。廚師沒有運用茶餐廳師夫的技巧,不健康地以鬆肉粉醃製,結果卻是豬肉結實,入口粗糙。想不到Table 18之午餐如廝地不堪,令小的失望非常。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-06
0 瀏覽
好耐無寫食評,但剛剛星期六食完,因為真係幾高質,所以要上來寫下食評中午時間,係brunch+semi- buffet,以前來過幾次係dinner time,食德國野,集團式,食物水準都算穩定今次再來食,轉左semi-buffet,坐低睇menu老公揀左個安格斯漢堡包餐,塊安格斯扒好香好juicy,配埋菜同芝士,食到停唔到口我就揀左燒肋骨,職員好細心提我地有啲辣(佢驚我俾小朋友食辣親)咁大人食係有啲微辣,燒得好香,個醬汁好夾出面semi-buffet,可以拎嘅除左幾款沙律,有幾款dressing,nuts任落仲有青口,凍蝦,芝士,西湯,甜品青口我覺得麻麻地好食,反而凍蝦就好鮮,我呢個蝦怪食左好多隻。芝士有4款,大大薄片切好。西湯係甘筍火腿粒忌廉湯。甜品有Tiramisu,芝士蛋糕,朱古力蛋糕,Brownie,布甸等等丫。。。仲留左個餐包未講,有幾款揀,我拎一個,不過硬到似石頭,唔鬆軟剩係食Semi-buffet出邊啲野食都飽左😂😂不過最驚喜係仔仔個兒童餐,職員話叫兒童餐只可以拎西湯,小朋友唔可以食出邊buffet其他野食,否則收$150(其實佢呢個兒童餐都好豐富啦,食完都飽左,出邊個啲咁多生冷野,都唔啱小朋友食)坐位又鬆動,呢啲時候,少左好多人出街,但都搵到高質嘅餐廳,下次會再來幫襯 繼續閱讀
(以上食評乃用戶個人意見 , 並不代表OpenRice之觀點。)
等級1 2019-11-05
2 瀏覽
餐廳環境幾好 有射燈係頭頂 但係又唔會太燦眼 唔會太嘈傾計都唔錯之前聽家人講過 呢間餐廳既豬仔骨既好食 但係同行朋友唔鍾意食豬 所以叫左 黑椒蘑菇汁牛肉飯 同烤雞 D食物分量都幾大個飯食落好大黑椒味 有D搶得濟 雖然個牛質感唔錯個烤雞一落單既時候就講左話要等大概半個鐘 因為即烤 真係等左大概半個鐘後 烤雞到既時候 真係有驚喜 雞胸雞髀都唔老 即烤好香 有肉汁 👍👍服務來講都算唔錯 經常有人添水 雖然有時會彈到我 叫野食叫人都好快有人埋來 繼續閱讀
(以上食評乃用戶個人意見 , 並不代表OpenRice之觀點。)