週六晚為舞友一雙慶生，開P前先喺舞場附近搵咗間小店「t2P」輕用晚膳。樓底高高嘅用餐大堂一眼睇哂，木造枱櫈流露著大自然嘅氣息，不過冇椅背嘅櫈仔就唔係咁好坐
。細問下得知店名「t2P」同時乃「The Second Phase」及「Time to Play」之縮寫，寓意著「第二人生係時候玩啦」！
歌仔都有得唱喎，「第一站叫天真，第二站叫青春」，唔怪得知個裝潢格局咁文青啦！場內仲賣埋今期流行嘅公仔
，明顯踏入青春站後天真仍未退。多頁餐牌上嘅項目大多中英對照。大家要留意一點，餐廳晚上九點半關門，主菜最後落單時間為八點半，而小食則為八點九。等待壽星主角出場時，XO仔先飲咗杯梅酒消消暑！擺放於餐桌上嘅餐具全為自助式。
花雕螺片雞軟骨（$48）：花雕螺片雞軟骨冷盤醇香得黎好清新，螺片夠細粒易入口，卜卜脆嘅雞軟骨完全唔會好似炸嗰啲咁肥膩。醬油牛油新鮮蜆（$88）：蜆肉肥就夠肥，不過個醬油牛油味就略為蓋過咗蜆蜆本身應有嘅鮮甜。淺烤玄米茶葉日式八爪魚配自家毛豆慕絲（$118）：切成薄片嘅八爪魚質感爽彈柔韌，個調味都好惹味。柑橘胡椒日式炸雞（$68）：日式炸雞上枱時雖然冇出煙，但一咬落就知佢熱力十足，炸雞外層香脆得黎毫不油膩，已預先起哂骨嘅雞肉鬆嫩多汁，個柑橘胡椒調味恰到好處，送酒一流
！香煎阿拉斯加銀鱈魚配番紅花胡椒汁（$298）：銀鱈魚主菜嘅魚皮十分脆巧，厚厚嘅魚肉好滑，墊底嘅粟米仔清爽脆口，拌配嘅番紅花胡椒汁亦有提升之效。照燒慢煮非洲雞（$268/半隻）：慢煮非洲雞勝在脂肪唔多，皮層尚算滑身，雞肉又夠柔潤，不過$268半隻大家都覺得偏貴。烤西班牙黑毛豬仔骨配薯條（$268）：幾款主菜中，以此味豬仔骨最少肉，而且啲肉粗嚡硬實，出少啲力都切佢唔到囉
！配角薯條因為索哂啲油
，所以食落又油又腍，一啲都唔脆！慢煮36小時美國帶骨牛小排配瑪薩拉牛肉汁（$398）：壓軸上場嘅主菜慢煮牛小排不單鬆潤軟嫩，而且肉味豐沛
，難得地全枱人都讚好食！橄欖蒜香意太麵（$138）：結尾叫咗客意太麵充當長壽麵，粗粗嘅麵條係就係煙韌有嚼勁，不過食落個蒜香橄欖醬就有少少黏。文青小店「t2P」環境開揚，慢活嘅節拍似乎比較受年輕人歡迎，集多國菜元素嘅食物質素唔差嘅，唯一價格偏高，如果要飲飽食醉條數應該都幾襟計
。…查看更多
。細問下得知店名「t2P」同時乃「The Second Phase」及「Time to Play」之縮寫，寓意著「第二人生係時候玩啦」！歌仔都有得唱喎，「第一站叫天真，第二站叫青春」，唔怪得知個裝潢格局咁文青啦！場內仲賣埋今期流行嘅公仔，明顯踏入青春站後天真仍未退。多頁餐牌上嘅項目大多中英對照。大家要留意一點，餐廳晚上九點半關門，主菜最後落單時間為八點半，而小食則為八點九。等待壽星主角出場時，XO仔先飲咗杯梅酒消消暑！擺放於餐桌上嘅餐具全為自助式。花雕螺片雞軟骨（$48）：花雕螺片雞軟骨冷盤醇香得黎好清新，螺片夠細粒易入口，卜卜脆嘅雞軟骨完全唔會好似炸嗰啲咁肥膩。醬油牛油新鮮蜆（$88）：蜆肉肥就夠肥，不過個醬油牛油味就略為蓋過咗蜆蜆本身應有嘅鮮甜。淺烤玄米茶葉日式八爪魚配自家毛豆慕絲（$118）：切成薄片嘅八爪魚質感爽彈柔韌，個調味都好惹味。柑橘胡椒日式炸雞（$68）：日式炸雞上枱時雖然冇出煙，但一咬落就知佢熱力十足，炸雞外層香脆得黎毫不油膩，已預先起哂骨嘅雞肉鬆嫩多汁，個柑橘胡椒調味恰到好處，送酒一流！香煎阿拉斯加銀鱈魚配番紅花胡椒汁（$298）：銀鱈魚主菜嘅魚皮十分脆巧，厚厚嘅魚肉好滑，墊底嘅粟米仔清爽脆口，拌配嘅番紅花胡椒汁亦有提升之效。照燒慢煮非洲雞（$268/半隻）：慢煮非洲雞勝在脂肪唔多，皮層尚算滑身，雞肉又夠柔潤，不過$268半隻大家都覺得偏貴。烤西班牙黑毛豬仔骨配薯條（$268）：幾款主菜中，以此味豬仔骨最少肉，而且啲肉粗嚡硬實，出少啲力都切佢唔到囉！配角薯條因為索哂啲油，所以食落又油又腍，一啲都唔脆！慢煮36小時美國帶骨牛小排配瑪薩拉牛肉汁（$398）：壓軸上場嘅主菜慢煮牛小排不單鬆潤軟嫩，而且肉味豐沛，難得地全枱人都讚好食！橄欖蒜香意太麵（$138）：結尾叫咗客意太麵充當長壽麵，粗粗嘅麵條係就係煙韌有嚼勁，不過食落個蒜香橄欖醬就有少少黏。文青小店「t2P」環境開揚，慢活嘅節拍似乎比較受年輕人歡迎，集多國菜元素嘅食物質素唔差嘅，唯一價格偏高，如果要飲飽食醉條數應該都幾襟計。…查看更多
