影片
食家推介
靠啡味出名的咖啡店不多今次介紹呢間係坐落喺白石角海旁嘅咖啡小店任性地只在週末做生意而且一路播住歌又同狗狗玩耍都可以chill住睇海景踩單車過嚟嘅都可以稍作停留飲一杯啡٩(˃̶͈̀௰˂̶͈́)و～～～～～～～～～～～～～～～～～～～～♡ Okinawa Black Sugar Latte $50 (9/10)果然對呢杯野沒有失望沖繩黑糖所做嘅Latte唔同坊間唔會過分地強調黑糖好適宜將黑糖同咖啡融為一體絕對飲得出啡味同時都感受到少許的黑糖味而且好天時望住海景絕對係一流稍有一點不滿係冰有d多其他都唔需要挑剔～～～～～～～～～～～～～～～～～～～～● ● 總結 ● ●白石角難得既靚啡同美景素聞其espresso tonic都出名可以一試注意係佢只收現金同六日先開同埋單車唔比放店到（可放公眾範圍公眾假期唔知有冇🤔
繼續閱讀
☕️Mocha $50一星期只營業兩日的咖啡店完全不在意營業額既coffee shop選址贏在起跑線咖啡店正正對著海濱有在異國渡假的感覺其實門口有一張梳化俾大家坐都幾chill架
繼續閱讀
成間餐廳態度都好差好似得罪佢哋咁樣下次經過唔會再飲事緣係咁落完單之後佢問我叫咩名咁我答左我叫咩名 佢就答我吓咁我以為佢聽唔清楚啦 我就串個英文名比佢聽呀然後佢就答我唔好意思呀我有少少撞聾架然後就同其他店員一齊係咁笑 一唱一和咁☺️咁既態度都係第一次見老實講 嗰度環境咁靚咁舒服我都明白佢哋係獨市生意唔搶心冇生意但係都唔洗咁串啊☺️其實身邊都幾多朋友話過依間野態度好差 點知原來係真既😊老實講 其實你地杯咖啡好普通唔係好好飲 仲要加埋咁嘅態度 等執啦！
繼續閱讀
早前，有咖啡友推介一間只開星期六、日，位於吐露港單車徑只中一個小食亭的休閒咖啡店。這一個小小的報導，搞到我心思思，一直都好渴望來拜訪一下。之後，真的有機會了，就是有一次決定同太太做做運動，由大埔踏單車去沙田還車。我同太太說，中途來個 coffee break。太太本以為是科學園內的眾餐廳。出發後，我在白石角的住宅區開始減速，就在單車徑的其中一個小食亭，我找到了這傳說中的《Swing By Bicycle & Coffee》。二人就立即決定泊下單車，休息一下，兼且嘆一嘆咖啡。這《Swing By Bicycle & Coffee》，只開週末及假期。看得出店主並非 full time 經營此店。應該是一名喜歡單車，又喜歡咖啡的店主。當日，只有老闆及兒子二人主理。很是家庭式的啊。而且，當我們來到時，店子已經泊滿單車，僅有的座位也坐滿了咖啡客。我們就只好坐在一旁的空凳子，休息及品味我們我美妙咖啡。小店的設計很簡單。牆上有掛了一個結他及一輪單車。當日人多，兒子負責收銀同搬貨。老爸就負責沖調所有的咖啡。雖然看得出兩父子的忙碌，但他們很 enjoy，亦很悠閒地服務著所有的來者。當日，我要了一杯 Americano。現在，習慣了飲齋啡，感覺到，不加奶才能夠享受到咖啡的原有的味道同香氣。該日的一杯黑咖啡，香味十足，也有令我開心的濃烈感。雖然，熱咖啡絕對比凍咖啡來得好，也比較香。但，當日實在是太熱了，這咖啡雖好，但增加了我不少的體溫。太太醒目，一選就選中了凍 Mocha。加了冰，加了奶，加了朱古力。出來的一杯 Mocha 又香又甜又夠 creamy。最重要是夠凍，對太太來說，也對喝了一兩口我我來說，是一杯又香又甜又充滿咖啡香的消暑良物。非常美妙的一杯 Ice Mocha。這咖啡店，剛好在大埔同沙田 / 馬鞍山的半路位置。單車遊吐露港，中途休息一下，嘆一下，不一定要去科學園鬥迫及食貴野。在這一個小小咖啡店停留一下，品味一杯機沖或手沖的咖啡，是一個很 relax ，也是一個很妙的咖啡店體驗。
繼續閱讀
踩單車，經過諗住飲杯啡，一去到叫咗杯ice American 少冰，個職員話冇得少冰，都唔緊要，但係我做過呢一行，點會冇得少冰，都唔緊要，但係啲語氣可以好啲，禮貌啲，佢好似唔想做生意咁，杯嘢黎到飲，冇杯蓋，應該俾漏左，之後我問我想問有冇飲筒，個老細就話冇飲筒多謝支持環保，如果係真係環保，麻煩你唔好用膠杯，用玻璃杯🙂，就算咖啡好飲，都唔會再黎，加上咖啡真係普通。其實我好少打食評，因為呢次，我覺得嚟消費，唔係要你態度好好，麻煩俾返正常嘅態度我正常嘅服務 ，話晒都係做飲食業
繼續閱讀