Super Farm

營業中

休息中

朋友介紹，話牛扒唔錯。見到價錢心諗會唔會都係啲一般般充滿發肉劑的牛扒。但見裝修唔錯膽粗粗行入去試一次。點知有驚喜，當然唔係草自而是穀自牛扒，但肉是優質的，煮扒技巧都有70-80分。配埋適量嘅薯條沙律，這個價錢剛剛好非常合理。見到隔籬枱食漢堡包，好想試不過又驚叫太多。個漢堡嘅質素非常不錯。$48 1個餐，今時今日麥記都唔得。點了龍蝦意粉， $88食到咁嘅質素已經好滿足啦。 行入去之前睇過下少少評語，話入邊服務差等等，心諗睇吓有幾差。入去後有個非常有禮貌嘅男仔由頭有禮貌地招待到尾。今時今日呢啲服務態度，點都要寫返個評語稱讚 👍🏽

呀仔附近上學，我都會揀附近餐廳食，依間係我食肉No.1餐廳。12pm營業，我11:40am就要排隊，因為餐廳坐位不多，不過職員都好好盡力安排座位。每月餐牌不同，所以點解我會keep住去食😂要先登記做會員先，同安排入座後先可以落單叫套餐，加$10即磨咖啡，好鬼抵今個月食第三次【澳洲鮮嫩豬扒配米糖芥末汁，即磨咖啡】 豬扒不是每間能處理好吃，好多餐廳都會過嚡熠熠。而店家用澳洲豬扒，廚師能厚切鎖住肉汁，煎至金黃微焦，肉質細膩無腥味。黃色的特調米糖芥末汁是一大亮點，甜甜潤米糖能夠平衡芥末的辛香，微辣帶甜，層次豐富，好食。搭配薯條與烤時蔬，又清爽解肉膩。 配上一杯即磨咖啡，醇厚帶堅果香氣，與豬扒的油脂香氣巧妙呼應，餘韻悠長。

已經係第三次嚟食，每次都係揀少人排隊先食，因為餐廳座位少，難預計到等候時間，甚至要預埋烹煮時間，所以趕時間或者肚餓都唔會食，不過留意一點係要入去問店員攞飛，而唔係排隊等俾飛。 🍴經典牛腹扒配紅酒汁 $88⭐️Menu指定嘅扒係無得揀幾成熟，牛腹扒出嚟效果大約5成熟，不過無乜脂肪有筋位口感較韌，真係要有啲牙力先食得完。🍴澳洲M2西冷扒300g　$100⭐️⭐️⭐️⭐️原來有款隱藏扒可以由當天menu指定扒$88加$12變當天特別扒，呢款西冷扒揀咗5成熟，不論效果、味道同口感都好好，口感軟腍肉味重，尤其邊果條膏邪惡香軟入口即化，呢個價錢嚟講真係好抵。🍴法國Fromage blanc白奶酪芝士餅 +$35⭐️⭐️⭐️如果鍾意食New York chesse cake嘅人就唔啱口味喇，因為呢款芝士無發酵熟成，比較乳香味重，口感亦比較軟，阿sir鍾意食，但不是我杯茶。🍴英式皇家餅乾蛋糕 +$30⭐️⭐️⭐️⭐️呢款餅乾蛋糕比較硬身，但食落口又ok喎，有啲Mrs. Fields曲奇嘅影子，朱古力味勁濃厚，不過食得多會膩，最好同人share食。 二人共溑費: $253

食晏時段下午12:26排隊12:50入安排位置服務員，執枱加攞籌都係佢，所以慢慢執，門口等攞籌嘅人都要等佢執埋枱先得，有位都要等佢執埋另一張枱先，但係員工唔止佢一個，仲有兩個人繁忙時間傾緊計莫視等籌嘅人！一定要人登記電話號碼電郵話做左會員先可以食，等攞籌果時可以慢慢登記，到另一點餐員，佢態度和速度都配合到食晏時段嘅節奏，以為之後會上餐都會好快，等左一分鐘，一杯即磨暖咖啡可以取，等左25分鐘先有主菜仲要唔知係咪漏單，咖啡都變凍咖啡了！我見差唔多排我後五位都有主菜上都仲未到我，結果飲哂咖啡都未黎主菜，廚房都係冇停手，但係慢慢伴碟，法國菜速度，返工時段應該得一小時放飯，我唯有十分鐘食完走人！要預算兩小時先好考慮黎食！坐位少、被安排坐高枱一定要生得高嘅人先好坐，唔係實吊腳，矮餐枱又坐度頂住，八歲小朋友就啱啱好。

今次真係好失望！本身打算今晚食扒，我女友先到，我未到，餐廳未滿座。女友記得下單後也需要一段時間才上菜，於是問職員可否讓她入座及付款先呢？！職員拒絕。女友就去附近逛逛打發時間。我到了餐廳，兩人已到齊，店員說要取籌。結果我哋等咗好耐，最後俾人打尖！你要人取籌點解唔一早派？上星期六我哋5個人去，佢哋夾硬要我哋分開坐，真係好唔合理。麻煩你哋餐廳，如果想做夜市時段生意，就安排醒目啲，唔好咁冇效率！

今天體會,真是不吐不快. 餐廳本星期是韓國週, 我星期四已試過佢嘅韓國牛rib eye 扒非常滿意, 所以今天再去. 可惜牛扒 走曬樣, 首先 從來未曾試叫一塊牛扒係分咗三小件上碟 ！肉質又差到跟快餐店 嘅牛扒一樣，又干又 韌 。 比這店的最普通 的牛扒還差。 店員又畀我 一啲完全不可接受嘅解釋 ，話牛扒 中間肥肉多所以會成三片， 解釋吾到點解 肉質 一啲都不似韓國牛扒！ 因我趕時間所以冇再同佢理論， 對一間我 一向 都好滿意嘅餐廳，今天真是大失所望

總體食飯是好吃，但店員令人產生有壓力，剛放下餐具不久就來問吃完嗎？需不需要收走🙄其實不至於去到咁嘅囉去到最後一盆時就直接站崗一樣在後面看着你8個人叫了9個餐 總花費$7XX

剛才看見tea set不錯，入去試下。已經係第二次去，上次lunch不錯，但今次發現員工全部唔一樣。唔緊要，最緊要有禮貌，櫃檯後的staff還好，慢慢解釋食物和水壺壞了的問題。坐左一陣，趕住接孩子，唔想浪費蛋糕，問下有無外賣盒，嗰位企門口既員工竟然第一句唔係「唔好意思無外賣盒」，係「我地呢度既食物全部唔比打包架窩」。其實我都只係唔想浪費食物，非刻意買黎打包，再者蛋糕唔攞走就會丟掉，好浪費。我攞返去比孩子或老公都好。重點係，嗰位員工重複好多次，話「我地係唔比打包㗎，你唔可以打包，打包係唔得既...」好似我作為一個客人做錯左咁，態度好差。呢位員工係我坐係度食tea既時候，已經不停同隔離檯用半鹹淡廣東話傾偈，明顯隔離檯係佢朋友。掛住chat，從來無幫過櫃檯入面既其他員工。好好地一間cafe，但員工態度如此，好可惜。希望老細見到可以換人，唔係d食物/凍肉品質幾好，客人都唔會返黎。

終於試咗呢度嘅體驗套餐，星期日中午12點零嚟度要等半個鐘，唯有去對面一田行下，原來個體驗套餐假日供應時間到6點半，下次都係晏少少先嚟開餐喇。🍴澳洲穀飼西冷配蒜蓉牛油及雜菜 $88+$10凍咖啡⭐️⭐️⭐️⭐️所有套餐都有沙律或餐湯，我哋就揀咗是日南瓜湯，湯加咗忌廉變得香濃細滑，好好味；主菜西冷扒無得揀幾成熟，出嚟效果似5成，有啲啲咬口但肉味香濃，性價比幾高，雜菜份量同味道都恰當，值得一試。🍴是日精選空運牛扒 $178⭐️⭐️⭐️肉櫃有三款冰鮮扒，我哋揀咗澳洲M4-5和牛肉眼，同樣無得揀幾成熟，初頭仲以為order多一塊扒外賣就有半價優惠，原來係要兩塊外賣先得，唔緊要啦，都想試試扒嘅質素，老實講相比上面塊西冷，呢塊肉眼性價比就好低，不論味道同口感，都相差唔太遠，係肉汁比較豐富啲同埋多啲啲脂肪香啲。題外話：我哋又買咗塊澳洲穀飼肉眼M2+返屋企煎，呢塊比堂食果塊大塊啲，肉質軟腍啲不過同樣juicy嘅，但價錢就平啲同埋有85折，百零蚊有塊300g冰鮮扒都幾抵食，買得過。二人共消費：$276 (午餐)

－間主打賣高質肉的店舖，另一邊有大約二十多個位可以平價試食（地方整潔，－般食物也不錯👍🏻龍蝦直通粉👍🏻好味！和牛飯也不錯、豬扒肉質淋滑、但牛扒則非常韌🥲要切到超細粒😂先可以食完。其實我已經第二次去食，上次見到隔離左右，點解切到D牛扒碎晒，原來如此😅）沙律菜非常新鮮好味😋南瓜湯亦不錯👍🏻店員非常有禮！牛扒有待改善🙏🏻

新開張，見好多人不停排隊，今次我哋排咗45mins , 終於等到，等到頸都長！不過等咁耐都值！原來真係好抵食，嗰個和牛burger 餐冇可能咁抵食，係$48 ，真係抵食過m 記，其他餐廳都至少$88，西冷牛扒餐都係$88 ，等咁耐都抵啦！有蘑菇湯或者沙律配搭，另外飲品加$5，沙律都好新鮮！蘑菇湯都好好味，唔係開粉！如果有多幾片蘑菇係入面就更好味！另外我哋叫咗個龍蝦仔通粉都幾好味，呢個就比較遜色啦，不過都抵食！食完後再買凍肉都有九折真係好抵！會再排隊！

約埋朋友屋企人開party啦🤓唔想自己準備，記得要試下佢哋嘅韓燒套餐！🔥夏日韓燒套餐（2-4人前）：美國SRF極黑和牛牛板腱美國SRF極黑和牛牛仔骨 韓燒之選南美安格斯牛脷日本宮崎雞髀扒 韓國五花豬腩 攞到手嘅時候，📦紙箱入邊仲有保鮮袋封好，🧊多包乾冰keep住個溫度，衛生又貼心~肉質新鮮，已經切片，輕輕解凍超方便🥳美國SRF，將日本和牛mix美國頂級安格斯黑牛，出產嘅牛肉取得雙方長處❤有日本和牛細緻油花，更有美國安格斯牛濃厚肉味👍🏻較一般牛多四倍穀飼時間，甜度、嫩度同多汁度遠超其他牛肉！@superfarmhk📍香港

// 𝙁𝙖𝙧𝙢-𝙩𝙤-𝙩𝙖𝙗𝙡𝙚 𝙀𝙭𝙥𝙚𝙧𝙞𝙚𝙣𝙘𝙚 𝙖𝙩 𝙃𝙤𝙢𝙚 - 𝙎𝙐𝙋𝙀𝙍 𝙁𝘼𝙍𝙈 🍴 //-Dedicated to providing nutritious foods without any antibiotics, hormones, or genetic modifications from well-raised farms, 𝐒𝐔𝐏𝐄𝐑 𝐅𝐀𝐑𝐌 is an online farmers market platform, bringing delectable yet fresh products straight to the front door.-☞ 𝐒𝐮𝐩𝐞𝐫 𝐅𝐚𝐫𝐦 𝐃𝐞𝐥𝐮𝐱𝐞 𝐒𝐭𝐞𝐚𝐤𝐬 𝐒𝐞𝐭 - 𝐇𝐊$𝟖𝟎𝟎Freshly sourced from farms and cutting out the middleman such as supermarkets and grocery stores, each set offers the freshest quality to savor, and this Deluxe Steaks