Sun Secretland

營業中

休息中

稔住同朋友食餐靚西餐慶祝下傾成單大生意,但係每次食私房菜,由落單到有得食都要等好耐,所以今次都念住預先Book定野食先。點知打電話Book枱果時,老闆就話佢地主張Pre-order! Book好左時間之後即刻收到老闆WhatsApp,老闆了解左我地嘅喜好之後就收到佢份菜單,直情係未出發先興奮。當晚先黎個餐湯---花膠磨菇湯，十分足料,好濃郁，同埋真係見到花膠,都幾大塊,唔係出面Ｄ加水湯.之後再上個西瓜沙律開開胃,份量都幾多;跟住開始上主菜:中泰豬頸肉,切得好薄身,食落唔會膩，點Ｄ酸辣醬份外野味.基蝦配小龍蝦汁,蝦都幾大隻,蝦肉都彈牙,配埋小龍蝦汁提鮮不少.跟住仲有花雕魔鬼，辣椒膏雞餅最後甜品係傳统意大利蜜瓜沙巴翁,唔會太甜,仲有Ｄ蜜瓜肉,為整晚畫上完美句號.總結,由頭盤到甜品都感受到老闆的悉心安排,在樓上鋪完全想像不到有這浪漫的環境,更重要的是,Pre-order這服務真的很重要,平時一餐西式菜,每道菜之間一定要等－段時間,但係Pre-order令每道菜之間都有聯繫,可以食到一餐完美的西餐

平時出去食飯，到處都係人,想靜静地傾下偈都好難.上星期我老婆生日,有朋友介紹左間西式私房菜俾我地,仲幫我地提早book埋位,真係夠老友佢地地方唔係好大,但勝在夠情調，而且服務枱客不多，所以格外寧靜。呢款新奥爾良雞翼，外脆內肉軟腍,無過火肉汁保留小龍蝦汁炒基蝦,中蝦都算大隻，蝦肉唔會霉,配埋小龍蝦汁,特別入味另外，呢款慢煮美國黑豬配葱油汁值得－提,師傅處理得幾好,煎得啱啱好唔會韌,配埋葱油汁份外香口呢餐雖然唔係用好名貴食材,但每一款都有其特色，好明顯睇到師傅别出心裁;而且餐廳內好有自己嘅私人空間，係熱鬧的銅鑼灣真係好難揾到,所以值得推介俾各位－試

係香港外出用膳真係到處都係人,想揾個地方靜静地邊食邊傾偈,可以選擇的地方真係唔多,上星期就有個friend介紹左一間係銅鑼灣謝斐道嘅私房菜Sun Secretland我同女朋友提早幾日book位,而菜單由老闆發板,所以好有新鮮感同期待上到餐廳，地方唔係好大但就佈置得好有情調，情侶撑枱腳就最適合第－道菜鴨油意粉,鴨油好香，但唔會好油腻,意粉都幾彈牙。60度慢煮鴨胸配香橙汁,鴨胸肉好軟腍再配埋香橙汁，特别醒胃提神。蝦多士炸得好脆,且好有蝦味,非常香口。而梅汁番茄,兩者配起上黎，酸味比較濃和醒胃,飯後食比較適合。當晚我和女朋友可以享用左一餐價錢合理且富有私隱度嘅晚飯，係繁華嘅銅鑼灣中暫時享受片刻寧靜，確實值得推介俾大家

第一次去正宗私房菜，在訂位後，負責人會先聯絡確認你喜歡的食物種類，到預訂當天會再次確認booking！認真，用心的製作，特定配合每個客人要求嘅菜譜，在每一碟食物上都花上不同心思，在每一碟食物上都感受到廚師嘅用心!大㕑Pater 一個人忙到一頭煙，又煮又洗又出又入，為你解釋每碟食物嘅特點及煮法，更為你推薦唔同嘅飲品，不賣服務只賣食物質素!值得大家支持嘅私房菜！你能感受到你所花的每1分每1豪，全都放在食物上!

銅鑼灣找了一間隱世私房菜，價錢非常合理。而且坐得舒服。當晚的菜色有：有機大菇芝士蕃茄沙沙、慢煮八爪魚黑醋紅酒汁、巴馬火腿半熔芝士、藍芝士炒蜆、西瓜沙律、煙肉蕃薯蓉伴燒汁、煙三文魚油醋沙律。師傅創作的料理，10分喜歡他的藍芝士炒蜆，比較出邊普通的芝士炒蜆多了一份濃烈的香味。另外由於我同朋友都非常之喜歡食沙律，所以特意叫師傅安排。餐廳嘅師傅很用心會先問我地有什麼吃和不吃的東西。所以創作了兩個沙律一個是三文魚用煙燻的，還有特別的西瓜沙律非常開胃。慢煮八爪魚也是我其中一個10分喜歡的菜色，八爪魚很新鮮，用慢煮的模式也是第一次吃。師傅用心，餐廳很有熱誠！！小店加油啊

經朋友介紹去咗呢一間比較隱蔽少少但係地理位置好好嘅私房菜，就係世貿廣場對面嘅樓上店，朋友同我兩個人一早已經打定比餐廳定位。當晚餐廳就預備左10個菜式俾我哋，我哋都同餐廳講仲有啲咩食同埋唔食等佢可以盡早預備。蘑菇花膠湯，通常出邊嘅都係忌廉蘑菇湯梅子蕃茄，呢度用咗花膠，同埋蘑菇。味道好濃而且好有花膠滑嘅感覺，好有營養同埋骨膠原。梅子番茄，冷蕃茄作為頭盤，師傅冇用普通醋作為調味反而用咗梅子，感覺較為清新而且開胃。花雕魔鬼蛋(雞蛋用花凋酒浸三天)底部用炸麵，由於用花雕酒浸過所以雞蛋有酒香嘅味道食落去同一般嘅唔同。而且下邊有啲炸麵喺度咬落去都幾有好感唔會太單調。冬蔭功沙律(沙律菜），其中一樣特別菜式就係呢一個沙律 ，好多時食到嘅都係千島醬或者就咁沙律醬但係呢一代用咗冬陰公嘅醬汁，酸辣嘅感覺都幾開胃。鵝肝芝士卷，食完啲前菜就俾咗啲主菜，外皮比較香口，亦都有好香濃嘅鵝肝同埋芝士味。感覺新穎。慢煮雞柳，做咗慢煮既方式可以保存左雞柳嘅鮮味，小小粉嫩嘅感覺，而且亦都有滑溜調味足夠。辣椒膏炒蜆，炒蜆亦都非常之新鮮用咗辣椒膏，不過就唔係好麻既感覺而係香辣嘅感覺。份量適中每一個蜆殼入邊都有肉。而且亦都大大隻。煙