234
25
12
餐廳: Story Steak & Pasta
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵元朗站 H 出口, 步行約11分鐘 繼續閱讀
電話號碼
24778636
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
付款方式
Visa Master AlipayHK 支付寶 現金
座位數目
32
其他資料
酒精飲品
切餅費
電話訂座
加一服務費
當面支付
食評 (299)
等級1 2020-03-15
0 瀏覽
初初見到comment 話服務差 even 係黃店都唔幫襯但食完之後發現服務都ok 我無帶紙巾 問佢地拎佢地都好熱心拎比我 仲講埋唔好意思今次叫左rib 同埋一個雞胸意粉個rib 都焗得好食 不過如果可以再入味d 會更好至於個雞胸意粉 真係大有驚喜可以再recall 多次!!仲要唔使加一 抵食!下次黎元朗都可以再食,推介比大家 繼續閱讀
(以上食評乃用戶個人意見 , 並不代表OpenRice之觀點。)
等級1 2020-03-02
363 瀏覽
上月和朋友入元朗打算支持一下黃店,見這呢間都算多人,諗住應該好食啦。本身訂左枱,但我地有個朋友遲到,咁店員堅持要人齊先入得。咁我地就話不如我地照落order先,會嗌埋佢嗰份。總之一定嗌夠數。後來女店員勉強俾我地入,但面口已經好差。食物方面,覺得個磨菇湯好鹹,似係罐頭湯。其餘order左pizza, 雞扒意粉,小食水牛雞翼等等。味道係一般,咁佢價錢當然亦唔算貴,我覺得算係咁。但主要真係d服務要改善。我地後來有個餐漏左單,而又差唔多坐到過左時。女店員再走黎講多次,佢話其實真係要人齊先入得,咁樣佢地好難做,佢話無下次。而我地亦真心覺得無下次。黃店唔係大晒囉。希望你地繼續越做越好啦。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-02-23
424 瀏覽
同損友係元朗行完山,就要食返餐好嘅補充體力。損友話要食完Story steak& pasta,因為上次同佢1年多前食呢間時,佢話呢度有「人生中嘅薯條」。我上次食BBQ豬肋骨都覺得正,所以就再黎呢間黃店encore。Menu上所有餐都配以湯、蒜蓉包同餐飲。漢堡包迷嘅我點咗Menu唯一嘅漢堡包餐,所以我就有兩個包🍞🍔。餐湯有蘑菇湯同南瓜湯,我就選擇咗後者。西湯絕對唔求其,面頭有靚靚嘅忌廉係面。南瓜味好出,口感好滑,感覺好似食緊南瓜露。朋友嘅蘑菇湯都有好評呀。 蒜蓉包比較厚身,烘得唔夠耐,所以唔翠。餐飲升級咗榛子咖啡,都係成餐敗筆之處,不但冇榛子味,連咖啡味好淡。主菜黎啦,漢堡包+ 粗薯條+ 菜沙津,令我好懷疑食唔食得曬。整個漢堡包高過我隻手掌,相信太高所以最上面層包放咗落黎,簡接引起我第一次用刀叉食漢堡包嘅想法。包有用牛油烘過。最正嘅用叉篤爛個太陽蛋,除咗睇著蛋汁慢慢沿著漢堡、蕃茄流到包好治癒,吸咗蛋汁嘅包都好好味。講返主角中嘅主角- 漢堡。表面煎香,入面切開有驚喜,係半生熟,所以食落口唔會乾身、嚡口。漢堡好濃牛味,加埋片溶溶地嘅芝士,成個包即使冇醬汁,都好夠味。漢堡包最好嘅朋友薯條粗身得黎入面係有料,唔似好多連鎖店嘅空心薯條。熱愛呢間薯條嘅朋友大推加配黑胡椒。不得不讚,呢間嘅黑胡椒同芝士粉好濃味,比起我屋企用嗰啲好好多。後記:23-2-20 唔夠一個月又黎呢間,又食呢個餐。味道都係咁正,扣分位係服務。嘢食都未黎齊,個侍應就提醒我哋有時限。明明有空位,冇人等,就追住我哋埋單。自問同bff都已經唔係只顧吹水,唔食嘢。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-01-12
652 瀏覽
一心諗住試西餐嘅黃店,晚市嚟食,女店員態度奇差,黑面係基本,諗住算啦,可能忙或者心情唔好(但當時餐廳未滿座)。我哋叫左千層麵、豬扒,其實食物味道係ok, 不過不失嘅家庭式味道,但個南瓜湯出事,淡之餘有陣酸味,開頭以為係啲cream溝埋變酸...食完一個鐘左右,女店員突然掉低張單:「夠鐘。」入嚟嘅時候明明無講有限時?同埋可唔可以有禮貌小小?最重要嘅係,我第二日 腸 胃 炎!真正貼錢買難受。上嚟openrice 睇先發現好多人提及服務態度問題,應該改善。否則,唔係黃店就做得差都要盲撐。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-01-06
630 瀏覽
今日係我同老公 P san 拍拖周年紀念日, 所以揀今日開始寫我哋第一編嘅食評。不過今年冇特別安排節目, 只係去我哋想試嘅食店食吓嘢就算, 下晝出咗佐敦食羊肉米粉, 就入左元朗行, 諗住到肚餓再搵嘢食。行到 6:30pm 左右, 冇咩好行, 諗住食埋嘢就搭車返屋企。 上網 search 下邊度有黃店, search 到喱間, 喺形點 II 行過去, 大概 10 分鐘左右。去到可能落雨同埋仲早啦, 所以唔使等位, 就入去食。我哋本來想點 1/4 隻西班牙 BB 豬配黑松露薯蓉, 但幫我地落單個店員問咗廚房話之前冇訂的話今日冇, 咁我就點左個美國安格斯西冷牛扒配薯菜餐, 而 P san 就點左個特色雜扒配意粉餐。餐除咗有主菜, 仲包括湯, 蒜蓉包同飲品。首先黎到嘅係湯、飲品同蒜蓉包, 我哋諗住試多 D 唔同嘅嘢, 就揀左一個蘑菇湯同一個南瓜湯, 蘑菇湯入面有打得好細粒嘅蘑菇粒, 好香蘑菇味, 完全冇嗡味或者霉味; 而南瓜湯雖然都甜, 但南瓜味唔重, 相比起蘑菇湯就有點比下去。而蒜蓉包蒜蓉味唔算太重, 唔會令人食完滿口都係蒜蓉味, 而且烘過嘅麵包仲係脆嘅, 令人食完想再食。到主菜啦! 首先講吓我點嗰份西冷牛扒先, 性價比高。 我點咗 5 成熟, 一切落去, 係好似 D 專食牛嘅餐廳咁, 塊牛係外面煎得有少少焦香, 入面淺粉紅色有些少血水, 肉質腍而且冇筋 (有 D 餐廳就算係頂級牛都會有 D 筋) 又唔肥, 而肉味方面, 除咗食到有煎得好香嘅牛味, 切開放入口都食到牛味, 完全冇用梳打粉, 而且份量亦不少, 再加上粗薯條同沙律, 食完真係好飽。我同 P san 都鐘意食羊, 冇得試 BB 豬, 就點喱個有羊嘅雜扒餐試吓。喱個雜扒餐有羊扒、雞扒、牛肩胛同兩條紐倫堡腸加隻煎蛋。牛肩胛比西冷肉質硬少少, 但同西冷一樣咁有牛味, 而羊方面, 有少少羶味, 但唔係甘香嗰種 , 不過對鐘意食羊嘅人黎講, 係可接受的, 但就有少少失望, 個餐配嘅意粉軟硬度真係好岩我同 P san 口味, 係偏向硬同彈牙。因為我哋坐嘅係二人枱, 再加上落雨有遮, 冬天又有外套同袋, 所以坐得有 D 迫。 但餐廳職員服務細心, 會等我哋飲完湯先再上主菜, 而且仲會禮貌地幫我哋收走食完嘅餐具, 唔會令我哋覺得有限時被趕走嘅感覺。 支持小店哦! 繼續閱讀
(以上食評乃用戶個人意見 , 並不代表OpenRice之觀點。)