影片
以上資料只供參考, 請與餐廳確認詳情
有關獎賞計劃
最近我食到我嘅人生牛扒🥩，真係好食到唔知點形容！講佢係全香港至正嘅乾式熟成牛扒，一啲都唔過分。店員對牛扒嘅講解仲好認真，今次真係學到好多關於牛肉嘅知識。
🌟【環境篇】🌟 一入到Steak Art，就會俾佢舒適又低調嘅氣氛包圍。透過大玻璃窗，望到北角海濱嘅靚景，真係好寫意啊！
🥩【牛肉篇】🥩 Steak Art對待牛肉真係唔係講笑，佢哋個熟成櫃價值超過六位數！仲要24小時保持住2度同86%濕度，咁先可以令到牛肉自然風乾，酵素爆發，最後變到超級嫩滑，風味十足，每一啖都係juicy到爆！
👨🍳【大廚篇】👨🍳 佢哋嘅大廚仲犀利，有超過30年熟成牛肉嘅經驗，控制火候準到冇得頂，保證每塊牛扒都係完美熟成，口感一流！
🧐【選擇篇】🧐 想試限定精選部位？斧頭扒或者T-Bone？搵店員幫你啦！唔知點揀好？冇問題，試下佢哋每位$588（兩位起）嘅套餐啦，一次過試勻肉眼、牛柳同牛側腹三個部位，包你食到唔停口！
—————————————————今次我哋就試咗佢哋嘅3 course Menu：⭐️ 頭盤任食 （是日餐湯、沙律及薯條）
每晚的沙律、薯條醬汁、餐湯都會唔同 🍄🟫 是日餐湯：雜菌蘑菇湯加蟹肉，蟹肉係後加上去嘅，唔食蟹肉嘅朋友可以唔加。蘑菇湯味道濃厚。
🥗 沙律：沙律上面有自家整嘅芝麻餅，有時會轉三文魚或者Parma Ham。芝麻餅好重芝麻味，沙律有蘋果、提子乾、花生同生菜。🍟 薯條係黑松露味，炸到啱啱好，好香口。
~ Starters~
🥚 焦糖鵝肝燉蛋：味道好特別，焦糖燉蛋甜甜地，仲有陣陣鵝肝味。呢個係廚師精心研製嘅菜式，真係一流！
🍞 帶子紅菜頭蘋果多士：多士上面有帶子紅菜頭蘋果醬，仲有用魚子醬點綴，真係好奢華，食落口好滿足。
~Mains~
🥩 澳洲昆士蘭M6和牛-外群肉（300g） $488：呢個係牛肚腩位，肉質腍滑，牛味濃郁，真係好正！
🦐 香煎西班牙紅蝦、帶子配龍蝦汁扁意粉 $438：有兩大隻紅蝦，煎到啱啱好，意粉配埋龍蝦汁，鮮味十足。
~Drinks~ （套餐可選$38以下）
🍯 桂花蜜糖姜茶：甜甜地，仲有啲姜嘅辣味，好暖胃。
🍊 橙汁：橙汁配牛扒，味道好夾。
繼續閱讀
好朋友今晚選咗Steak ART 食牛扒，我同我嗰仔係外國返香港。我哋叫咗三道菜牛扒餐2份，店主（我估佢係老闆）唔介意我哋3個人只叫2份，我個仔通常只食薯條。前菜薯條好大份量都好好味。焦糖鵝肝好特別。主菜3件不同牛扒，真心好好食，店主不時過來分享牛扒煮法。連平日很少吃牛扮嘅亞仔都食咗機件。甜點好清新。值得推薦
繼續閱讀
Steak ART推出左前菜無限追加嘅三道菜晚餐，沙律、薯條、湯可以無限任食，主菜選擇都唔少除左牛扒仲有意粉選擇。餐廳主打乾式熟成牛扒，咁當然要試試乾式熟成M9和牛肉眼扒，經過3 0日熟成嘅肉眼扒肉味相當濃郁，油脂亦富豐，五成熟火喉剛好肉質鮮嫩。另一款紅蝦帶子龍蝦汁扁意粉都相當吸引，扁意粉沾滿龍蝦汁加上紅蝦蝦膏更加鮮味，帶子火喉剛好口感腍嫰，只係紅蝦略為煎得熟左少少。除左前菜任食仲有頭盤享用，鵝肝燉蛋上面燒左一層焦香嘅焦糖，鵝肝燉蛋咸咸香香加上焦糖脆面，咸甜交集味道都幾特別，仲有蟹肉牛油果多士配魚子醬鮮味又清新。如果淨係想食牛扒可以選擇二人餐，咁就可以一次過試哂30日乾式熟成牛扒、M9和牛同埋美國牛側腹！
繼續閱讀
任食前菜嘅高質Dry Aged牛肉🐂 更花費超過六位數添置店內熟成櫃，長期保持住攝氏2度同86%嘅濕度，咁有誠意，難怪小店平日晚上都full house‼️環境 餐牌 Dinner Set 晚市叫任何套餐都係任食前菜，而每晚嘅沙律、薯條醬汁、餐湯都唔同，是日係蟹肉南瓜忌廉湯、Parma Ham 沙律。我哋都encore 咗沙律🥗頭盤焦糖鵝肝燉蛋及蟹肉牛油果多士配魚子醬，有驚喜！鵝肝超smooth，食落好似食緊雪糕咁滑，平時怕腥嘅朋友食呢一個一定唔會覺得有呢個感覺，加上焦糖面香十足，鹹甜同時充滿口腔，又食到鵝肝鮮味，推！ 30日乾式熟成澳洲黑牌M9和牛肉眼 $580/200g 到重頭戲牛扒🥩熟成櫃穩定嘅溫度同濕度唔單止自然風乾牛肉，同時激發出酵素，招牌30日乾式熟成澳洲黑牌M9和牛肉眼，一切落去勁鬆軟已經知一定高質😍 我本身唔係肥膏fans ，但係呢塊燒得勁香，油脂入口有融化般口感，肉質Juicy嫩滑，十分高質👍🏻 美國頂級荷斯坦365日穀飼牛封門柳 $458 鍾意食牛味濃郁嘅一定要揀美國頂級荷斯坦365日穀飼牛封門柳 ，眾所周知封門柳脂肪低肉味濃厚，但好容易會有渣，呢塊完全冇呢個問題，而且都rest得好夠。包無酒精飲品，以冷泡茶做base嘅薄荷檸檬冷泡伯爵紅茶、蜂蜜柚子冷泡茉莉綠茶，鍾意佢有誠意唔係就咁比杯淨茶，而係加足料～
繼續閱讀
想試高質熟成牛？北角碼頭旁嘅 Steak ART 真心推薦！晚市套餐包‼️任食前菜‼️，坐窗口位望住海景食牛扒，chill爆🥩 熟成牛有幾講究？→ 專用熟成櫃價值過6位數，恆溫 2°C + 86%濕度→ 自然風乾激發酵素，牛肉更嫩更濃味 → 大廚有30年經驗，火候控制精準 🌟 套餐必試亮點🌟 ✅ 前菜任食： 🍟 熱辣辣脆薯條🥗 新鮮沙律菜 （黑醋汁平衡啱啱好） 🦀 每日精選餐湯（試到南瓜蟹肉湯，真材實料！） ✅ 驚喜頭盤： 🔥 焦糖鵝肝燉蛋 燉蛋口感滑溜，鵝肝鹹香同焦糖甜味平衡得好好，高級版慕絲感！ 🥑 蟹肉牛油果多士 + 魚子醬 多士外脆內軟，蟹肉鮮甜配牛油果清香，魚子醬提鮮🥩 主菜👉 30日熟成澳洲M9和牛肉眼 半份 (200g) $580 ・火山石烤爐🔥鎖住肉汁 ・五成熟外微脆，內裡粉嫩 ・牛油焦香突出，原味食已超Juicy！ 👉 澳洲M9和牛西冷 $580・西冷肉香更濃郁，帶微微嚼勁 ・油花均勻，烤後焦化層超香 ・配海鹽簡單調味已足夠
繼續閱讀