94
5
0
港鐵奧運站 C4 出口, 步行約3分鐘 繼續閱讀
電話號碼
26703188
營業時間
今日營業
12:00 - 22:30
星期一至四
12:00 - 15:00
18:00 - 22:00
星期五
12:00 - 15:00
17:30 - 22:30
星期六
12:00 - 22:30
星期日
12:00 - 22:00
付款方式
Visa Master AE 現金
座位數目
30
其他資料
網上訂座
Wi-Fi
酒精飲品
自帶酒水
切餅費 詳細介紹
賞訂座積分
外賣服務
加一服務費
有關獎賞計劃
食評 (106)
等級4 2018-10-30
300 瀏覽
威靈頓牛柳 - 傳統的英國菜,做法比一般牛扒繁複,烹調時間較長,可以預先準備的功夫不多。坊間一般西餐廳不太常見有此菜色供應。但這裏偏偏以此菜式作為招牌菜……威靈頓牛柳套餐 (二人用) $598頭盤: 輕煎鵝肝鵝肝厚切,油脂極度豐富,配合伴碟紅酒蘋果同食,油膩感有一點點被中和,剛剛好。餐湯: 周打蜆湯非常香滑。蜆肉煮嘅時間剛剛好,唔會過 “老”,好鮮嫩。主菜: 傳統英式威靈頓牛柳牛柳生熟度對於我而言剛剛好,做到大概 Medium, 肉汁豐盈、鮮嫩粉紅。酥皮焗至金黃色,乾爽鬆脆。牛柳與酥皮之間沒有空隙,而且加入 Parma Ham 及雜菌蓉,增加鹹香、口感,亦有助減少肉汁弄濕酥皮機會。主菜: 白酒蟹肉燴飯蟹肉、蟹膏、白酒、Parmesan Cheese、忌廉…煮 Risotto, 再加上即炸軟殼蟹。會有理由唔好食嗎?雖然我無食過那位七星米芝蓮大廚做的威靈頓牛柳,唔清楚何謂頂級水準。但這裏的對我而言也相當不錯。 繼續閱讀
(以上食評乃用戶個人意見 , 並不代表OpenRice之觀點。)
女朋友係牛魔王,加上最近工作壓力大,所以約佢去左大角咀既Starry Night度食威靈頓牛柳餐減減壓。餐廳裝修非常有情調,好適合情侶同三五知己聚會。二人餐(HKD 598)有前菜(日本磯燒鮑魚同埋輕煎鵝肝),餐湯(周打蜆湯),主食威靈頓牛柳,意大利飯/麵再加配飲品。 聽到流哂口水同埋lam lam脷。先黎既係鮑魚同鵝肝。兩款前菜賣相唔錯,鮑魚好爽口,而且仲有田園沙律同蕃茄沙沙伴碟,味道唔錯又健康。鵝肝就非常肥味,連埋浸潤在紅酒汁既蘋果粒,口感唔肥膩,而且味道甜甜地,幾開胃。個餐湯非常足料,有原隻蜆肉同口感夠哂creamy,係好有水準既食物。跟住黎既就係意大利飯,我地叫左白汁蟹肉燴飯,內裏有好多蟹肉絲同有大大隻既軟殼蟹,味道非常鮮甜同香口。另外仲有蟹膏,帕爾馬芝士,令到個飯咁嫩滑,口感更豐富。跟住黎既就係期待已久既主菜威靈頓牛柳。分量好大,牛柳係慢煮過,所以肉汁能夠保持到,口感嫩滑,好稔唔韌。另外,亦有用到鵝肝,釀野菌放係牛柳裏面。亦都有用到百里香,迷迭香,酥皮,南瓜蓉,薯蓉。另外,亦有田園沙律伴碟。我地兩個人食到停唔到口。而飲品我地叫左蘋果接骨木花特飲同白桃檸檬特飲。接骨木花味道比較清淡,味道比較清香。而白桃檸檬特飲就有好多白桃肉,味道比較甜。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-22
224 瀏覽
早前在網上看到這間在大角咀人氣頗高的Starry Night係一家主打多國菜的西餐廳,裝修型格帶有神秘感一坐低就見到個幾吸引既「威靈頓牛柳二人套餐」,$598套餐包左前菜、餐湯、威靈頓牛柳、同意粉或飯類一個。二話不說就點左呢個餐了先黎左前菜:日本磯燒鮑魚配田園沙律&番茄沙沙鮑魚原隻呈上,帶微微磯燒香輕煎鵝肝配蘋果紅酒汁鵝肝厚薄適中,外脆內軟,滿口鵝油香,好正啊!蘋果紅酒汁減低左膩感周打蜆湯湯嘅質地比較濃稠,帶有超濃郁的奶油香,海鮮配料充足,大蜆肉肥美飽滿好鮮甜!呢個湯真係不得了!傳統英式威靈頓牛柳金黃酥皮層唔會太厚,包裹着肉質軟林的澳洲牛柳,內裡釀了野菌、巴馬火腿、香草等等調味,所以味道比較鹹香,但又不乏牛柳既肉香旁邊嘅南瓜蓉同薯蓉都好天然香甜伊文士豬柳片長通粉份量都幾多,兩個人share食啱啱好!長通粉加入左大啡菇一同煮製,所以帶有菇菌香!豬柳片好香軟,豬肉味濃郁 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-08
395 瀏覽
一段時間無黎過奧運食野,上網見到呢度既二人餐有威靈頓牛柳食,而且價錢幾抵食🤓,好期待丫~餐廳座位唔算多,但勝在佈置花心思,燈飾同設計都好特別,仲有梵高既「星夜」好有藝術浪漫氣氛。🍴輕煎鵝肝配蘋果紅酒汁鵝肝厚肉,煎至全熟,香味四溢,食落甘香惹味,令人回味無窮。仲有新鮮沙律菜伴碟,減輕罪惡感。🍴日本磯燒鮑魚鮑魚夠彈牙,而且同平時食開既唔同,非常入味,配埋有微辣味嘅salsa非常夾,估唔到兩個前菜都甘出色。🍴周打蜆湯呢度既周打蜆湯一定係我飲過最足料既一個,口感Creamy,有粒粒蜆肉、蔬菜粒、麵包粒,整體新鮮好喝。🍴香辣雞扁意粉扁意粉軟硬適中,內有雞肉、大蒜、泰國辣椒、水瓜柳、黑水欖,味覺微辣,口感豐富,幾岩我地口味。🍴傳統英式威靈頓牛柳主角登場,選用澳洲牛柳,釀滿野菌、鵝肝、香草,再配上酥皮一起焗,成品呈粉紅色,肉汁豐富,肉質軟稔,不過個人覺得香草味過重,但勝在外層既酥皮又香又酥好好味。二人餐$598,頭盤、主菜、湯都有,呢個價錢有呢個質素算係相當不錯,而且店員都非常有禮貌,非常周到👍🏻。 繼續閱讀
(以上食評乃用戶個人意見 , 並不代表OpenRice之觀點。)
英式菜一向給人的感覺只有炸魚薯條,說不上精緻及考上廚師煮功,但一提起威靈頓牛柳,即想起工序多多,要將酥皮、蘑菇茸及牛柳三種食材做到獨當一面又能互相配合。大部分人如我一聽到餐廳名字Starry Night,總會想起梵高名畫星夜或者英文經典金曲Vincent。餐廳內可以找到一幅小小的星夜臨摹,裝修亦很配合星夜主題。餐廳最近推出二人威靈頓牛柳套餐,有頭盤、餐湯、意粉或燴飯,及主角威靈頓牛柳。根據侍應介紹,澳洲牛柳以慢煮方法處理,塗上一層野菌鵝肝芝士醬,外面再包上酥皮,接到落單後才放入焗爐焗至牛柳五成熟。輕煎鵝肝輕煎鵝肝厚厚的一塊,撲上麵粉煎封,煮得剛熟而且外脆內軟,柔滑甘香。鵝肝下有略帶酸性的果粒,清酸醒胃。日本磯燒鮑魚日本磯燒鮑魚吸滿濃郁湯汁,肉質鮮嫩彈牙,用牙輕輕一咬即開,濃鮮味於口腔內久久不散。周打蜆湯濃稠的周打蜆湯充滿牛奶及忌廉的香味,口感細膩。加入鮮蜆,天然的鮮甜味令湯的味道更鮮美。切成粒粒的紅蘿蔔與西芹沉於湯底,煮得軟腍。此濃杰的clam chowder令人飲後感到滿足。白酒蟹肉燴飯此燴飯既有蟹肉蟹膏黑蟹籽,又有原隻炸軟殼蟹,味道濃郁豐富。燴飯飯芯有一點硬,帶有嚼勁亦減輕芝士飽重感。威靈頓牛柳牛柳上枱時已經切開兩半,擺設得像太極圖案。面層的酥皮香脆而且完整,酥皮沒有沾濕變糊,中間的野菌鵝肝芝士醬乾身味道香濃,入面牛柳焗至五成熟呈現誘人粉紅色,軟腍又肉汁豐富。藍蝶花檸檬特飲牛柳套餐沒有特別包括餐飲,叫了杯藍蝶花檸檬特飲。藍蝶花本身味道就不濃,但與檸檬混和後呈現紫色比較吸睛,檸檬與薄荷味比較突出,清新怡人。 繼續閱讀
(以上食評乃用戶個人意見 , 並不代表OpenRice之觀點。)