Ssal Bori Ssal

營業中

休息中

FD推薦咗一間韓國料理，話佢提供啲韓國菜式好特別，咁試試啦。餐廳唔大，得十幾張臺，裝修得幾韓式，好似返到韓國咁。晚市好full， 全滿仲要好多人排隊，唔想等就早少少入去啦。Sprite和Pear Juice，Sprite氣泡勁足，冰凍清爽。Pear Juice，清甜潤喉，飲落似自家煲嘅冰糖雪梨，有淡淡梨香，飲完喉嚨好順。韓式泡菜，一坐低就會送上3款小菜，辣白菜醃得啱啱好，脆口得嚟又唔會太生，辣度適中。芽菜清淡爽口，同辣白菜係唔同風味。韓式豬手&五花肉，哩碟份量真係超大，豬手同五花肉鋪滿曬，仲要搭配埋沙律同生菜。豬手切得薄薄哋，皮爽肉嫩，特別係豬皮膠質滿滿。五花肉薄切，全部都係肥瘦相間。五花肉蘸埋韓式大醬，再用生菜包住一齊食，香濃嘅油脂同醬料完美融合。泡菜豬肉鍋，配料超豐富，有豬肉、豆腐、煙韌年糕，同埋大量泡菜。湯底好濃郁嘅泡菜香，酸辣得嚟唔會太刺激，反而帶少少甜味。豆腐同年糕煮到入味，每一啖都充滿韓式風味。最正係用佢來撈飯，米飯香甜，湯汁濃郁，食到停唔落口。

尖沙咀好因為選擇實在太多，如果唔想中伏就試下呢間Ssal Bori Ssal😌呢間韓國餐廳喺金巴利道，環境好有韓國小店 feel，木系裝潢加柔和燈光，仲有好多特色貼紙，坐低就已經覺得好 cozy，員工服務態度都好好☺️.士豆煎餅$99 🥔煎餅煎得金黃香脆，外面脆卜卜，裏面就軟糯，仲有陣陣薯仔嘅香味，份量都唔細，我哋兩個人 share 一份都覺得好滿足。佢仲有個醬汁點綴，酸酸甜甜，點咗啲好似提升咗個煎餅嘅層次感，有少少健康薯餅嘅感覺🤣芝士泡菜炒飯$120一上枱已經超級香😋見到嗰層厚厚嘅芝士🤤炒飯粒粒分明，泡菜嘅酸辣同芝士嘅香濃完美融合，食落口感好豐富，我唔算好食得辣remark咗要小辣，辣度啱啱好，唔會過火但又夠刺激味蕾，芝士一拉開嗰陣，簡直係 社交平台 打卡必備畫面🤣重點係份量多到我哋兩個女仔差啲食唔晒，性價比好高～如果你係芝士控同愛辣嘅朋友，呢個真係必點～韓式豬手同豬腩肉$318韓式豬手同豬腩肉係佢哋嘅招牌！豬手慢煮到軟腍腍，入口即化，滿滿嘅骨膠原，食完覺得皮膚都好咗咁（心理作用🤣)配埋咗生菜同辣醬，包起來食完全唔油膩，仲好 juicy ～豬腩肉就烤得啱啱好，外層微焦，內裏仲保持到肉汁

金巴利道呢度啲餐廳多到應該食一世都食唔完。但係今時今日競爭真係好大汰弱留強嘅現象，尤其突顯。有D餐廳真係好爆，有好多都係拍烏蠅。呢間韓國嘢就係好爆嘅其中一間。由鋪面到入面都散發一浸韓味，侍應廚房都傳來韓國話。鋪面唔係好大，menu亦都好簡單，全部都係地道韓式菜。餐牌選擇唔多，就係咁樣可以專注做好佢擅長嘅嘢。韓牛肉餃子鍋。牛肉有質素喜出望外，牛肉味濃 脂肪甘香 冇筋位。呢一個價位係咁嘅location食到啲咁嘅質素嘅牛應該係超值。牛肉餃子一樣出色，餡料飽滿，皮唔算好薄 但係食到一浸麵粉味。附上大量菇菜，一個鍋都足夠二人份量。遲啲秋涼必選之菜。#香港韓國餐廳 #尖沙咀美食 #尖沙咀好去處 #香港韓餐#韓式料理 #SsalBoriSsal

未入餐廳就已經見到排隊條人龍，平日晚市都keep住有人排隊，試過就知道原因。呢度除咗🈶正宗韓國料理之外，仲有多款不同馬格利酒選擇芝士粟米炸雞呢個真係超正👍🏻必食之選，炸雞皮酥肉嫩，咬落又香又多汁，香濃嘅芝士粟米為整體增添咗清新嘅層次感韓式牛石頭飯熱騰騰嘅石鍋飯鋪滿伴菜➕牛肉，拌勻玉子及辣醬一齊食，十分美味可口韓式炆牛尾非常足料，有好幾件牛尾，仲有大冬菇及蘿蔔，牛尾煮得夠腍夠入味，既美味又滋補Apple Soda飲落有蘋果香，清爽嘅氣泡水入口清新，氣泡細膩

🍖 韓式豬手 𝑩𝒓𝒂𝒊𝒔𝒆𝒅 𝑷𝒊𝒈 𝑻𝒓𝒐𝒕𝒕𝒆𝒓𝒔 $𝟑𝟏𝟎★★★★★♥︎ 未食過咁淋嘅豬手♥︎ 唔係脆皮豬手，保留咗豬皮嘅膠質，入口即溶♥︎ 去晒骨啖啖肉♥︎ 連埋生菜同醬汁包住食解去油膩感🧀 芝士泡菜炒飯 𝑪𝒉𝒆𝒆𝒔𝒆 𝑲𝒊𝒎𝒄𝒉𝒊 𝑭𝒓𝒊𝒆𝒅 𝑹𝒊𝒄𝒆 $𝟏𝟐𝟎★★★★☆♥︎ 芝士超多，芝士味好出，每啖飯都有芝士♥︎ 泡菜唔會過酸或過辣♡ 幾油膩，邪惡嘅極致🦑 海鮮薄餅 𝑺𝒆𝒂𝒇𝒐𝒐𝒅 𝑷𝒂𝒏𝒄𝒂𝒌𝒆 $𝟏𝟒𝟗★★★★☆♥ 薄餅好脆♥ 唔係好油♥ 海鮮份量多，但款式少推介指數: ★★★★★✿ 份量好多✿ 氣氛熱鬧✿ 要用英文 / 韓文溝通✿ 裝修韓式復古小店

這次的用餐體驗真的令人非常難忘！食物的風味十分地道，幾乎和我在韓國旅行時嘗到的傳統味道一模一樣，尤其是那碗熱氣騰騰的辣牛肉湯，香濃馥郁，口感層次豐富，真是好好味！餐廳的份量給得相當足夠，我們兩個人吃到最後還是沒能全部吃完。沒想到店員主動為我們提供了密封良好的外賣盒，還細心詢問是否需要再加點醬料帶走，這種處處為客人著想的服務，讓人覺得格外貼心。整體環境舒適，價格合理，每一細節都感受到店家的用心。這樣的美食與服務品質，讓我們毫不猶豫地決定，下次一定要再來光顧，也願意大力推薦給身邊喜歡韓國料理的朋友們！」

尖沙咀韓國餐廳選擇多，但【Ssal Bori Ssal】人氣一直高企，吸引唔少韓國人專程嚟幫襯，足以證明味道幾正宗。餐廳裝潢簡約，座位舒適，氛圍有少少韓國家庭餐館感覺，上枱前仲會送上幾款小菜（泡菜、魚板、芽菜），酸辣爽脆，開胃又清新。海鮮薄餅
薄餅煎到金黃香脆，餅身薄但充滿彈性，內餡有魷魚、蝦仁同青蔥，咬落鮮味同口感兼備。配埋韓式辣醬更惹味，鹹香中帶少少辣勁，好適合用嚟做頭盤。燉豬肉陪飯
豬肉燉得軟腍，肉質完全吸收咗醬汁嘅鹹香同少許甜味，入口即化。配白飯一齊食非常下飯，完全係韓式家常風味，簡單卻令人滿足。韓式石頭飯（牛肉）
熱辣辣嘅石頭鍋上枱時仲聽到「滋滋」聲，飯底煮到微焦，形成香脆飯焦，最正係拌勻牛肉、蔬菜、雞蛋同辣醬後，每一啖都有層次感，辣中帶甜，口感豐富。醬油蒜蓉炸雞
炸雞外層金黃香脆，肉汁鎖得住，唔會太乾。醬油甜香同蒜蓉濃香完美融合，唔會過膩，食落鹹香開胃。

Bookmark咗Ssal Bori Ssal一段時間，今晚約咗同事放工嚟，未夠7點到已經開始排緊隊，好彩唔使等好耐，食完完全冇失望，好滿足韓式豬手&五花腩，無論賣相、擺盤定係味道，都100%神還完韓國食到嘅一樣，豬手同五花腩口感同樣軟腍，入口肉香十足，豬皮好香口，五花腩肥瘦啱啱好，啖啖肉咁食得勁滋味醬油蒜蓉炸雞，真正嘅皮脆肉嫩，醬油蒜蓉香味突出，又係同喺韓國食到嘅一樣泡菜薄餅，好有咬口，餡料充足，啖啖都食到泡菜幾款前菜都好好食，特別係芽菜，麻油香好突出小店佈置同氣氛都令人有種置身韓國嘅感覺，味道正宗，份量十足，性價比高，難怪閒日都keep住大排長龍

位於尖沙咀金巴利道的「Ssal Bori Ssal」是一間主打韓國傳統料理的餐廳，入到去好似真係去左啲韓國餐廳小店，牆上貼左唔少貼韓國有關的野😆仲有啲係真。韓國客人😍 餐牌中都有唔小韓國傳統菜式，咁今次試了幾款招牌菜式，整體表現令人滿意❤️一坐低就有啲韓式前菜，泡菜係做得相當唔錯😎🦐 海鮮煎餅煎餅外皮香脆，上枱嗰陣熱辣辣！😍內裡則充滿好多唔同的海鮮料，包括蝦仁🍤魷魚🦑等，配上微辣的醬汁，味道層次分明😆煎餅厚度適中，不會過於油膩🥘 韓式炆牛尾牛尾炆得非常入味，肉質軟腍但仍保留口感😍湯底濃郁，帶有微微的甜味！真係好岩送飯。令我食過不停！🐖 韓式豬手同五花肉份量好勁！😳豬手皮爽肉嫩，五花肉則肥瘦相間，入口即化❤️❤️😍配上生菜一齊食，既解膩又提升風味😎🍶 Mak So Sa（막소사）Mak So Sa 是一款韓國米酒，味道清甜，酒精度不高，配搭重口味的韓式料理非常合適🍾而且帶有米香！真係成餐飯都好似係韓國到食！😍

|SSAL • BORI • SSAL| 🇰🇷🍽️If you are looking for authentic Korean cuisine, this restaurant is a true gem. Every dish I tried was thoughtfully prepared, with flavors that showcased the essence of traditional Korean cooking.🤤👍🏻Adding to the enjoyment was the comfortable environment where you can relax and truly enjoy authentic Korean cuisine. The restaurant’s cozy atmosphere made the entire dining experience even more pleasant.💕Pork Belly Trotter🐷💕The highlight of the meal was the Korean pig’s trott

最近去咗間超人氣韓國餐廳，真係未入門口已經感受到陣陣韓風，門口已經開始排哂隊‼️一入到去，店內有好多韓國遊客嚟幫襯，感覺瞬間置身係韓國～～🍶 Mak So Sa第一次試呢款米酒，Mix with 燒酒 & 雪碧，入口清甜，酒味唔重，飲落去好順喉。啱晒食辣嘢時中和返啲味道，飲完仲有啲微醺感，舒服！🦑 辣海鮮湯一上枱就聞到香辣味撲鼻，湯底紅通通但唔係死辣，係有層次嗰種辣，飲落去先係微辣，之後慢慢滲出啲勁辣勁香入面啲海鮮超足料，有鮮蝦、青口、魷魚，全部都好新鮮，冇腥味，啖啖都係精華🍗 醬油蒜蓉炸雞炸雞係佢哋嘅招牌之一，炸得超脆但唔油膩，咬落去啲雞肉仲有肉汁，唔會乾柴。醬油同蒜蓉味好夠，甜甜地又有啲鹹香，蒜味唔會太霸道，啱晒香港人口味，食到尾都唔覺膩

平日正在下大雨，於是早點吃晚餐，拍照後不久便全場爆滿，昏黃燈光有情調，沒想到有些客人是韓國人，恍惚置身韓國三小碟：芽菜、泡菜、漬豆角三款前菜可無限添加，特別推薦泡菜，自家製風味出色，酸辣層次分明，令人回味海鮮薄餅 $149必點的海鮮煎餅，外層酥脆，內裡軟嫩，滿載海鮮與韭菜，搭配靈魂酸甜醬汁，好吃韓式豬手&五花肉 $318份量十足，適合3至4人分享，豬手富含骨膠原，五花肉軟嫩，搭配韓式醬汁，用生菜和娃娃菜包裹食用，清爽解膩，令人滿足純豆腐海鮮湯 $103海鮮湯熱得冒泡，豆腐嫩滑，湯頭微辣帶香濃海鮮味，裡面有蜆，八爪魚等，非常下飯

啲人成日話金巴利街=香港小韓國🇰🇷真係一啲都無講錯～成條街都係韓國餐廳同小超市！今次就試咗間人氣韓國餐廳，環境好有韓國小店feel🫶🏻排咗半個鐘先食到㗎！一坐低就會有三道韓式小菜，少少辣同爽口幾開胃～魚糕塘湯 $298食材擺盤好靚，打卡一流！魚糕有兩款，有魚糕片同魚糕棒🐟青口都有兩款!大青口厚肉細青口鮮甜、鍋入面仲有好多唔同配料！好似蘿蔔、菇、翠玉瓜、洋蔥、八瓜魚呢類食材會入曬味🥘湯底本身有韓式辣醬，滾一滾之會有蔬菜同海鮮嘅鮮甜！用嚟送飯勁正花蛤大醬鍋 $103大醬湯送白飯又係超正～花蛤嘅鮮甜令大醬嘅咸香更有層次！韓式石頭飯(牛) $120食韓國菜비빔밥一定係必食！配菜好正宗～就係蔬菜、牛肉、雞蛋同韓式辣醬🍚加埋石頭鍋先有嘅飯焦，真係無得鬥氣🔥必點！Cass啤酒$68Cass啤酒杯好靚～🍻餐廳仲有好多款韓國馬格利酒揀回頭指數:🧡🧡🧡🧡🧡/5

尖沙咀金巴厘道呢間韓式小店….店面雖然細但乾淨舒適….播住K-pop音樂….韓風十足…恍似置身喺韓國咁….今次試咗三款招牌菜…味道同份量都令人驚喜！🐾 泡菜餃子鍋熱辣辣嘅泡菜鍋超足料！🍲 湯底用正宗韓國泡菜熬制….酸辣開胃….餃子大大粒….餡料飽滿….仲有年糕、豆腐同肉….煮耐啲索曬湯汁更入味～🐾 韓式蟹籽泡菜石頭鍋飯泡菜爽脆….蟹籽爆汁….加埋滿滿嘅紫菜….口感豐富….米飯底部仲有香脆鍋巴….正呀🤤🐾 蛋捲蛋香濃郁香滑！🍳 蛋捲煎到金黃鬆軟…中間流心…加咗芝士同蔬菜….口感滑溜…連埋茄汁一齊食更惹味～

這家韓式餐廳的「辣煮肋骨鍋」令人驚艷，肋骨肉質軟嫩入味，搭配鬆化的薯仔，吸飽了辛辣濃郁的湯汁，口感層次豐富，辣度恰到好處，既刺激又過癮。另一道「韓式牛尾煲」同樣出色，牛尾燉得軟爛，膠質滿滿，湯頭鮮甜，而且牛尾香濃，配上鬆化的薯仔，暖胃又滿足。 味道非常正宗，調味與在韓國當地吃到的幾乎無異，難怪店內聚集了許多韓國人，可見其地道程度。整體而言，這裡的料理不僅重現了傳統韓式風味，份量也十足，是喜愛韓國菜的人不可錯過的好選擇！