23
2
1
港鐵西營盤站 B3 出口, 步行約3分鐘
繼續閱讀
營業時間
星期一至日
11:30 - 22:30
以上資料只供參考, 請與餐廳確認詳情
食家推介
牛骨湯底好味，米粉粉身彈牙，並十分正宗，味道皆與河內市區質素較好的食店相若。尤其餐咖啡之正宗，喺全香港皆屬少見。春卷皮薄而酥，菜脯餡比例佳，好食。套餐價格低廉，乃至於無法與食物相襯，抵。推薦嘗試：最普通的生牛肉河，與香港區其他競品高下立判。本人由fm食到junior，第一次去食時，店員間以西貢片越南語交談（然而本店供應之食物係河內口味，此事有少少詭異），我聽唔明。現在，我識聽咗越南語，佢哋却轉咗講廣東話。我依舊聽唔明。
繼續閱讀
西環餐廳的價錢總是停留在10年前，返工食晏會特登搭2蚊叮叮時光機過嚟食。門口係一度低調嘅燙門，次次約人黎食朋友都會搵唔到個入口。舖頭入面比較細大概可以入座20人。平時都唔需要等位，可能最近天氣熱大家都想食啲酸酸甜甜嘅嘢，今次嚟咗等咗三個字左右先入座。🍲 生牛肉檬粉 $36 (lunch menu)雖然平但牛肉多多，洋蔥多多，檬粉多多，湯多多，芽菜多多，加上清甜牛肉湯底，係我食過最抵食嘅越南粉沒有之一。由於加熱飲要加$3凍飲要加$6所以就冇加嘢飲。
繼續閱讀
牛丸河粉🍜$19下午茶時段嘅優惠🥸供應時間為下午15:00至17:00😏仲要包熱飲，真係好抵食😇雖然只有三粒細細粒嘅牛丸😂但食Phô最重要都係個湯底😎個湯我係滿意，麵嘅份量都算幾多😌整體味道的確唔錯😁仲可以自己加芽菜、青檸同辣椒🌶️而且包飲品，$19可以話係絕對超值🤗我睇返資料，原來呢個下午茶餐😗2018年已經有，咁多年都無加過價🤩Soo Viet (西環)西環西營盤德輔道西247號地舖
繼續閱讀
望落去一啲都唔起眼，好似一般嘅茶餐廳，不過三十幾蚊有午市套餐，揀咗越南生牛河和雞絲河，牛骨湯底比較淡，不過冇味精，鮮蝦豬肉粉卷就冇乜特別，好似淨食緊米粉咁，追加咗越南咖啡，成set係你面前，睇啲香濃嘅越南咖啡慢慢滴落嚟，雖然地方好普通，但係都不失品味，唔會求求其其，睇落仲好豐富，唔係話超好味，份量都OK，總算食得飽，最重要係價錢唔貴，做得幾有心。不過坐喺最入面嗰張枱，有一陣臭味，可能係舊樓嘅關係，希望可以改善一下。
繼續閱讀
星期三做野做到悶悶地，突然老友話不如lunch一齊落西營盤食，都好喎，又冇中上環咁多人，落到去心血來潮不如試下去之前經過既越南小店Soo viet, 一入到去裡面大概得5-6張檯，真係名符其實係小店黎！一坐低睇到個lunch menu，相當之抵食，生牛河$36一碗，飲品再加錢，我地另外再加左個越式春卷，呢個就有少少家常小菜咁既感覺，好平實。講返個生牛河，湯底好味，牛肉就少少似牛脷果d位置，個河粉就相當正，又薄又夠滑，要加分！論價錢質素，絕對抵食夾大件，下次一定會再黎試其他菜式！
繼續閱讀