Sogo Cafe

營業中

休息中

睇演唱會前嚟到啟德SOGO Cafe，意外發現質素唔錯！ 🐟「慢煮三文魚配酸種麵包」三文魚嫩滑，酸種麵包外脆內軟，配搭清新。 佢旁邊仲有炸三文魚皮，食落去似薯片，我就好鍾意食，不過唔鍾意食魚皮嘅朋友就可能要放棄佢。🍳「班尼迪蛋配麵豉荷蘭醬」創意十足，日式麵豉醬同流心蛋出奇地夾！ 🫖焙茶香氣濃郁，茶味回甘，絕對可以同Matcha Tokyo媲美～ 份量偏大，建議2人分享一份主食。再點一人一個飲品，人均$150左右，環境舒適，行去體育園只需10分鐘，係睇show前食飯嘅好選擇！

新開無耐既西式咖啡店，賣相其實幾靚仔架，不過食物質素麻麻，最尾同餐廳侍應反映，希望會有所改善🥲▪️Truffle Linguine （4/10）💲128每一啖除左香濃既松露蘑菇味外，就係好似錯手落左勁多鹽既鹹味，扁意粉口感適中，相信唔係咁鹹既話唔差既🍄‍🟫▪️Prawn Pasta w/ Tomato Sauce （6/10）💲168蝦既口感爽彈，意粉偏粗硬身，但呢碟就正正相反，無咩落到調味咁，蕃茄味頗淡🍅🔎 整體評分（5/10）

第一次走進 雙子匯Sogo，感覺寫意舒適，人流不太多的情況下，挺寫意自在。不過，我也要找地方“醫肚”，看看商場內的食肆餐廳水牌，有很多我也想試，最後揀咗較近地方挺闊落的 Sogo Cafe。以前去過銅鑼灣的Sogo餐廳，但感覺較窄和嘈雜。或許這裡開張不久，還未太多人吧。週末的下午不用等候，侍應生便安排座位給我，好好！👍🏽未吃早午餐的我，要吃得豐富一點，但要有營養，就點了 #慢煮三文魚配酸種麵包🐟🥚🥖，和一杯 #LongBlack☕️。兩樣東西都給我驚喜！慢煮三文魚配酸種麵包，份量比較其他cafe算大份，還有水波蛋😋。三文魚混上蛋醬同吃，好美味🤤！Long Black，我一直只點Americano，但這裡特意分開兩種black coffee ，加上我早幾天才看過兩者的分別，我便點了Long Black來試。Woo🤩，入口有香濃咖啡香氣，甘甜的感覺在呷一口後慢慢地滲出來，神奇！沒有加糖、奶的情況下，竟然有甘甜感覺。正！為了喝好咖啡☕️，這裡是很好的選擇。望出窗外，街景也不錯。👍🏽

喺sogo行完街, 搵個地方食lunch. 經過門口覺得環境好舒適, 落地玻璃好光猛. 開放式廚房, 擺咗好多麵包蛋糕喺度.坐低係用qr code落單. 食物款式唔算太多. 但每一樣嘅賣相都好靚😍我點咗一個蝦意粉, 同埋一個芝士漢堡.個蝦意粉係茄汁煮嘅. 有好幾隻蝦,啲蝦肉好新鮮好爽脆. 個茄汁調到啱啱好, 又唔會太酸或者太鹹, 意粉住到啱啱好,唔會太淋👍芝士漢堡,濃郁芝士,又好有牛味, 仲放咗蘑菇同埋羽衣甘藍👍兩樣嘢都好好味😋跟住即刻要試埋甜品同咖啡. 焦糖香蕉香蕉鬆餅同埋斯巴克芝士蛋糕. 點咗兩杯咖啡.甜品真係好好食. 咖啡水準都唔錯.係有啲貴兩個人食咗就嚟600蚊😅

試業中的cafe點了三文魚begal n long black。兩片三文魚份量合理，begal上面嘅cream cheese 淡味，沙律菜讚好新鮮，羽衣甘藍嫩南瓜片香，另外那兩三片紫色葉脈同梗嘅小葉子我唔清楚吓叫咩名。Long Black$41三文魚begal$58

第1次嚟試，平日下午接近2點既時間，環境寬敞舒適，職員態度友善有禮貌，食物質素都唔錯👍🏻今次試左牛油果炒蛋多士，牛油果份量好足，重配有羽衣甘藍，整體感覺性價比高。另外叫左杯短笛咖啡Single shot，濃度適中，拉花雖然簡單但穩定（相信大家飲開咖啡都知道，看似簡單既拉花，要拉得靚其實都唔易架😄）今次體驗唔錯，會再嚟😋😋

今日喺雙子滙14樓食完午餐，就落咗SOGO一樓cafe chill 下。我哋分別叫咗一杯cafe latte同埋焙茶latte, 兩杯都係大杯裝，總共收費$104。Sogo Cafe因為唔多人，所以坐得非常舒服，我相信帶部電腦去，坐半日都冇問題。不過有樣好敗筆就係，一杯50幾蚊嘅咖啡，竟然只係用紙杯，而且紙杯容量唔多，所以覺得偏貴。飲品質素係唔錯，不過如果堂食可以用返玻璃杯，同埋大杯返少少，我覺得我會開心啲囉😂

話說去開sogo 行下，攰攰地見到間新開既cafe個樣好似唔錯就諗住入去試下。d位係自己搵然後出去收銀落單既，我地叫左3樣野，首先已經落錯單（杯野飲），跟住係落完單之後大概10分中先同我講佢地因為岩岩開所以冇冬甩賣，咁唯有取消佢啦，有d無奈落左order成10分中先講，杯coffee 味道正常，冇特別，冇拉花，用紙杯裝有d hea ,跟住就黎左個紅棗吐司，可能我真係唔識叫野食啦，依個同原味吐司冇分別既要價值38元，可能紅棗真係好貴，同埋都仲要等左20分鐘先送到黎，重點當時唔多人。 總結，如果你想用高級cafe 價錢享受大快活既感覺可以黎試下架。

間cafe環境好舒服。沙律菜好新鮮，dressing味道幾特別唔係週圍都有。敗筆之處是紙碟紙杯，即棄木餐具，當堂跌watt! 5x元一杯飲超細杯。總結: 可一不可再，性價比不符。