Smile Yogurt & Dessert Bar

營業中

休息中

Froyo連鎖店真係執完一間又一間😭以前細個成日食既Tutti Frutti、Crumbs、llalllao都漸漸消失得無影無蹤，依家都係得返Yo Mama、HeyYO同埋Smile Yogurt🤔呢日去左Smile Yogurt，原來佢做緊八週年既特價，Classic款一律係$48▪️（左）The Garden（7/10）💲48面頭有塊焦糖脆餅，同埋酸酸甜甜既紅桑莓棒棒 (話說之前朋友送過呢間既雜錦味棒棒盒比我都唔錯既😛) 仲有荔枝玫瑰汁，有陣陣帶甜既荔枝味，但就無咩玫瑰味🌹桂花啫喱比左朋友我無食到🙈食食下中間竟然有士多啤梨蛋白脆，個人一向都唔係特別鍾意蛋白脆，覺得太甜同埋咬開質感較粉，覺得唔加好過加，寧願全部都係餅乾碎好過😳▪️（右）I Love Green Tea（7/10）💲48呢個擺左一塊綠茶芝麻片，同埋有頗甜既柚子汁，呢種甜度同偏濃郁既綠茶唔係好夾🤔幾鍾意入面既綠茶朱古力粒，同埋煙煙韌韌既綠茶麻糬粒，仲有啲餅乾碎，乳酪唔會太酸或者太甜，下次可能都係就咁食plain或者自己揀加咩配料🤣🔎 整體評分（7/10）

行開希慎，其實原本諗住飲杯手搖飲品，但見到會杯杯都賣成$40，跟住見到隔離舖Smile一杯大大yogurt 都係$4x, 於是我就決定去食yogurt了。叫左杯好似名叫summer paradise的，配料主要係水果，有荔枝、芒果、士多啤梨醬，木糠，水果新新鮮，真係幾好味的，會再黎食呀！

今日食完飯覺得差小小，所以就走去希慎SMILE YOGURT食個甜品先，希慎SMILE 從以前的位置轉調到較入的位置，以一些植物作裝飾點涰。現在座位比從前更闊絡，坐得更舒適。現在Smile正做緊優惠，購買Classic款只需$48，抵！跟其他分店一樣，會有各款乳酪款式模樣可供參考。Classic款式都有不少，有A-D、H-J共有7款。而且可查看到每一款乳酪包含了什麼味道，方便了選擇自己喜愛的口味。Wild Summer - $48哇，一看到比想像中的漂亮，顏色好鮮豔。菠蘿脆片脆口富菠蘿香味，酸酸甜甜的紅桑莓汁更令我開胃，而且更有荔枝肉作點綴，而食到底層更有芒果及脆脆，果然smile 每一款食品都落滿心機，絕不欺場。

Smile為了慶祝成立八周年，推出優惠價格，最平$48便可以買到乳酪雪糕了，又怎能不光顧呢！Wild  Summer ($48)賣相精緻，色彩斑斕，先以黃色的菠蘿脆片做裝飾，再淋上赤色的紅桑莓汁及放滿了新鮮荔枝肉，猶如藝術品一樣，相當吸引，拍照一流，絕對能滿足現代人以相機先吃的要求。除了賣相奪目耀眼，味道亦出眾。配料分量極多，乳酪與乳酪之間還加入了新鮮芒果及自家制脆粒，層次及口感非常豐富。乳酪的味道不會太甜帶有微酸，質地軟綿，入口即溶。

今日星期日又同bb去探佢爺爺 我哋屋企好近希慎 未夠鐘食飯 我哋就同bb喺上面兜下 本身想飲喜茶 不過實在太多人 就去咗呢一間成日食嘅乳酪雪糕舖 行埋去睇咗價錢 居然比幾年前之前仲平 而家只需要48蚊就可以食一杯 我揀咗banana splony 佢下面係青蘋果香蕉蓉 上面就淋咗啲好熱嘅dark chocolate不過經過froyo 就已經變硬咗仲有半塊蝴蝶酥同埋士多啤梨 蝴蝶酥好鬆好脆不過可惜只得半塊 士多啤梨都好新鮮幾甜。食落去應該係日本士多啤梨 香蕉味都幾濃不過略嫌少啲青蘋果亦都係得幾粒 不過最緊要都係個乳酪雪糕好香牛奶味同乳酪味食落絕對唔會漏好快就已經食曬成杯 本身想食兩杯嘅不過諗住就嚟食飯 就冇再試 48蚊雖然係平咗 但比起以前隻杯 其實係細咗一個碼 不過老實講 以前65蚊而家48蚊我情願買兩杯試兩個咪 感覺仲抵過以前 佢仲要有位坐位置都幾闊落亦都唔會趕你走

依間係我食過好食又靚既乳酪雪糕依個我就得係節日限定，每次唔同節日都會有新口味，士多啤梨甜配乳酪雪糕酸味岩岩好不得不提百力枝有玫瑰花味。另外擇左自擇有我最鍾意既朱古力brownie 係推介，出面既雪糕店好少有，下面有朱古力脆脆同餅碎，配埋乳酪食完都唔覺肥

放假呢有時係要放縱下既，前排放假去左銅鑼灣，行過希慎就掛住之前食開既yogurt簡唔中食下冇壞啦款式多左好多簡，我總見到有欖球限定杯 都幾得意而且總出左yogurt cake ，母親節都可以考慮下。而我就簡左I love green tea, 上頭有三塊綠茶餅，好香綠茶味，圍邊既係綠茶朱古力同麻糬，再配朱古力脆粒，中間有個綠茶啫哩同餅碎，底層總有芒果，層次好多又豐富。岩哂我鐘意一次過食好多種款式既人。而且yogurt 唔算太酸又唔太甜，黎緊夏天會再食

無論酸度、甜度、軟硬度都非常啱口味的Smile 嘅yogurt ice cream，最正係銅鑼灣已經有分店！以前有得淨叫雪糕嘅年代（間鋪要坐出去戶外食嘅年代）我地只會叫個底黎食，因為佢啲toppings 唔係特別出色，但個乳酪雪糕底就一直都好食。六十幾蚊一杯貴唔貴就見人見智，但好大杯兩個人都夠分！mochi 呢間係唔好食，蕉汁都一定走，所以toppings 叫生果同crumbs 比較安全。

又到甜品時間，天氣一變暖，就想食冰凍甜品 ，於是行咗去希慎廣場，睇下有咩好食。經過smile yogurt，見到賣相好吸引，而且係乳酪雪糕，應該會健康啲啩~今次叫咗呢杯甜品，配料非常豐富，除左右乳酪雪糕，更有啫喱，蛋捲，水果等等。一層雪糕，一層配料，每一啖食落去都有不同層次，十分滋味。價錢唔算太便宜，但食物有質素，偶爾也要善待一下自己啦：)可能我去嘅時間，大家仲食緊飯，所以有位置坐下，靜靜品嚐甜品，感覺很舒服。

今日經過銅鑼灣希慎，本來諗住食個tea，但已經四點幾，六點又約左fd食飯，所以就諗住食少少野。經過5樓，見到有間yogurt店叫Smile，比佢地個廚櫃吸引左，因為有好多唔同款既yogurt，而且個招牌有種好朝氣勃勃既感覺。餐牌有超過12款唔同既yogurt配撘，亦都可以自選款式，但太懶嘅關係就係12款裏面揀左一款。我就揀咗Fruity Fruity，基本上全部都係水果topping，有一小塊日本嘅清甜蜜瓜，中間有藍莓同士多啤梨隔住，令到杯yogurt好有層次感，最頂係一個紅莓味既sobet，成杯Yogurt甜得來又帶點酸，感覺好fresh，材料充足嘅關係我覺得$66都接受到，極力推薦

平時訂蛋糕都係外賣多🎂今次堂食 好多人喔，要等等位…不過都好快*面對乳酪雪糕真係難以抗拒🍦有各種組合選擇，靚到好似藝術品咁🎨，仲可以自由配搭其他toppings🍓。💰$50 All U Love乳酪雪糕上加左一片綠茶芝麻片、芒果粒🥭用綠茶麻薯圍邊，仲有芒果醬淋面…綠茶配芒果既組合 味道都幾夾* 綠茶芝麻片芝麻味比較重…🍵軟軟既綠茶麻薯好有口感。💰$50 Cocoa Smile岩哂朱古力控🍫乳酪雪糕上加左一朱古力片、朱古力Brownie、自家制脆粒同朱古力醬淋面。自家制脆粒有小小似食緊迷你麥提沙咁，脆卜卜*#銅鑼灣 #希慎廣場#SmileYogurt #乳酪雪糕 ...…………………….............................

Havent been to hysan for long and have been craving for ice cream recently so decided to go for a “healthier” option - Smile yogurt.But sadly, little did I rmb how sweet was it... I was expecting to have the sourness of yogurt but they topped it with honey/ maple syrup or whatsoever sweetener to make it taste sweeter. I find it unnecessary and disappointing. If I were to have a dessert, I would have gone for godiva or even Mcdonald. Why would I come all the way to have this artificial tasting yo

乳酪又健康又有營養，見到完全驚喜除了誠品可以休息，今天選了這裡，而且看到優惠$50剛好要等女友放工，就吃了餐牌有很多款！超大杯，選了鮮果為主F, 因為真的喜歡最頂是士多啤梨雪葩，生果有蜜瓜，藍莓，芒果，士多啤梨，難得所有生果超甜乳酪原味酸酸地，和生果配搭真的很美味！凍冰冰很適合現在悶熱天氣！中間都很多生果粒，芒果很香呂宋芒！店面漂亮，帶女朋友一定很喜歡。內裡有向玻璃的坐位，可惜得3張枱，被人坐了，為有坐高枱

好耐都無食過smile乳酪雪糕，今日經過希慎廣場5樓見到雪糕做緊優惠，賣一杯都係50蚊！即刻買杯價值70蚊黎試下！裡面有好多配料和生果，有芒果有荔枝有餅碎，好食，食完有少少飽！

當身邊有人生日嘅時候！我都好鍾意買蛋糕同佢哋慶祝！細佬女朋友生日就到啦！就專登搵吓有啲咩特別嘅蛋糕！唔想成日都買美心東海堂！想買個特別啲嘅蛋糕同佢慶祝！上網見到smile 的蛋糕！一見到就好鍾意！粉紅色外表的蛋糕， 一睇就覺得好夢幻！造型好靚！細佬女朋友見到都好鍾意！ 外表已經好吸引！點知原來真係好好食！佢嘅海綿蛋糕好鬆軟！粉紅色外表嘅裏面原來係黑森林蛋糕！黑森林的味道唔會太甜！亦都唔會覺得好漏！Smile 的蛋糕外表靚， 內裏好食！雖然價錢係貴左少少！ 但係我依然覺得物有所值！ 絕對唔會令人失望.....