Smile Yogurt & Dessert Bar (已結業)

未到食飯時間但又口痕, 望入呢間鋪頭既甜點好吸引, 睇真D原來係yogurt黎既, 感覺健康D又買黎試下先.個個款都咁靚真係好難揀, 最後要左chocolate lover $63, 主要係朱古力既材料. 先講個yogurt, 少少酸但易入口, 夠凍夠滑.  Brownies有幾粒, 朱古力味香濃唔算甜,  幾軟熟. 再一路食落去, 有D餅底碎, 同埋朱古力豆豆, 甜得黎唔覺漏. yogurt好處無雪糕咁易溶, 同埋感覺食得健康D.

好喜歡smile, 因爲佢係我同我男朋友第一次share黎食既野有甜蜜既回憶！海港城呢間少少難揾，原來係係toysrus附近。每次黎到見到咁多選擇都覺得好難揀。每杯$53起可能對有d人黎講貴左d。但其實佢因爲勁大杯，兩三個人share一杯都得，所以計返其實唔算好貴。今次揀左banana split。面有一層唔係好甜既朱克力！好香好脆！個士多啤梨少少酸同原粒上有少少難處理，不過做decoration就幾靚！食到少少酸又好fresh既fro you之後就係banana啦！個質感同雪糕都幾夾。仲有d餅碎，令個口感再多左。食到底仲有不同種類既凍水果粒！總之成個杯都係令人好enjoy既。美中不足係呢間分店無得坐既

之前食過嘅yogurt好多都係用普通紙杯裝住，上面再撒多幾款配料～不過有一次行經K11～見到呢間賣yogurt嘅～d yogurt嘅造型好吸引好多花款～一杯份量都幾多下，於是我和友人就買左一個share食～ 我地叫左個造型最簡單的yogurt～最上面紅色嘅係紅桑子雪糕，不過無乜紅桑子味，仲要好酸～有幾粒藍莓同一片哈密瓜做點綴～哈密瓜一般般～唔係好甜～有d乾，無乜水份。下面仲有一層士多啤梨～可惜又係比較酸～雖然配料一般般，不過乳酪雪糕就甜酸適中，較軟滑，可以中和返生果嘅酸～美中不足就係溶得比較快～所以要快d食完

其實我之前食過Smile都2-3次, 都好似係冬天既K11... 雖然今年冬天未到, 但真係好耐無食過Smile...係時候refresh下我既memory...我叫左 Chocolate Lover... Chocolate Lover: 都第3-4次叫呢個啦...鬼叫佢named after me咩...當支持下自己啦...Chocolate Curl其實真係得個樣, 影相幾好, 但係太幼, 食落去無咩口感...朱古力粒粒入面無淋, 朱古力棒棒幾好食, 今次既mochi好似係最好食, 好chewy呀, 個皮仲可以拉到好長...不過我最最最鐘意都係個foyo...雖然佢都係中空, 但份量都OK, 而且酸味同奶味都有...仲唔會太酸, 男友都handle到...中間仲有脆片...真係好正, 打打下而家都想食杯...不過63蚊都有點貴 ...

試左這個新出的#i love green tea 果然冇令我失望 yogurt 本身味道已經好好味 質感夠晒rich 唔會太水 酸甜味亦岩岩好smile 的toppings 不嬲都好有心思 有好多唔同花款 別出心裁的toppings 配埋咁好味的yogurt 絕對對得住個價錢👍講番個#I love greentea 面頭的芝麻脆脆好香口 不過就唔覺有綠茶味綠茶mochi 超級軟綿綿😍另一款深綠色的立方就係綠茶朱古力 好似melty kiss 咁中間有綠茶牛奶布甸 有甘香綠茶味 應該係加左忌廉 所以咁creamy😋最底層有餅碎 加芒果 芒果都夠甜鍾意食綠茶既可以一試不過太大個要同人share先食得晒

💪每次傷心 只要食完甜品都會好過啲(ง •_•)ง係有幾唔開心心就要食幾多🙈Smile既乳酪雪糕真係好岩女朋友口味甜味同酸味比例岩岩好 唔算易溶又滑重點係每一杯賣相都好靚份量重好多添！咁多款女朋友最鍾意係呢個healthy mix燕麥脆脆雖然乾左啲但同面頭既manuka honey加埋就好夾重對腸胃問題、消化不良好有幫助架中間有好多生果 食完真係好健康好開心🌟

是晚想去Lady M 吃蛋糕，不過早早售完，只好去了剛開業的Smile 分店。想吃的Mountain Smile 已經沒有了，今次還是想點咖啡類。今次還有新推出的甜筒款式，朋友點了說味道不錯。Smile Coffee $58賣相沒特別，一咬芝士條及餅乾已經相當不討好，因為芝麻條太乾有點鹹，而餅乾也是較乾沒有甜度，跟乳酪一起吃也一般。好不容易才吃到半杯，最美味的是咖啡啫喱，是晚並不是完美的一天，完。建議Smile Coffee下架，重推Mountain Smile！店鋪佔地很大，不過開放空間很少，為什麼？

吃完壽司明明已經很飽很飽，但想起哥告訴我他昨天吃了美味的乳酪雪糕後又忍不住拉著男友去我喜歡的Smile。海港城這分店自開業以來都未曾光顧，店子四四方方，以白色作主調給人感覺整潔明亮，佈局簡單由左手邊下單右手邊拿食品，中間放了一個食品模型展示櫃，門外一大幅電子屏幕播放著其菜單上的選擇，每一款都精緻誘人。Vanilla Sky $53一直以來我都只鍾情於Banana Split，每次想試其他口味但下單時都會忍不住再次投向它的懷抱，今天的起心肝要嚐嚐香蕉以外的。思前想後還是選了個較穏陣的Vanilla Sky，雖然吃過這兒的乳酪不下十次，但成品到手時仍舊會禁不住的讚嘆它的美，說它像一件藝術品也不為過；原味乳酪上面淋上像煉奶般的雲呢拿汁，插上數塊脆卜卜的杏仁脆片，中間夾有新鮮香甜的芒果和牛油味甚濃的自家製脆粒，最底下放了數粒微酸爽口的藍莓，在此等炎熱的天氣底下吃一口真的清新冰凍又透心涼，兩個人飯後分吃一杯足夠有餘。很欣賞甜品大師Tony Wong為香港的甜品界開拓一個全新的領域，以前從來沒想過一個乳酪雪糕能做得如此嬌美花俏，而它的價錢亦尚算令人負擔得起，想起那天在厚福街吃個難吃至極還要加一的甜

自幾年前興起一陣fro-yo風，娜娜便被那種酸酸甜甜好像初戀的感覺吸引著，也就完全地拋棄了普通的ice cream嚕！不知道有沒有人也跟我一樣會突然好想好想勁想吃某一種食物？娜娜最常突然好想吃的就是Fro-yo了奈何工作和住的地方附近沒有這樣的店！今日來到海港城吃飽飯當然也要來個飯後甜品啦！在色彩繽紛圖文並茂的menu上選了個粉紅色的The Garden單看價錢雖不便宜，但份量足以二人share，除開每人只是二十多元也就還可以啦！娜娜先從紅桑莓棒棒和千層網酥吃起，棒棒味道挺好的但千層網酥則有少許「火羅」味；而草莓蛋白脆也不只是得個漂亮的粉紅色外表嫁，草莓味可是非常足夠娜娜尤其喜歡那層自家製脆粒，是餅底混合了類似拖肥的味道，好好吃

本來好期待架，今次試呢個vanilla冇乜雲尼拿味，個yoghurt可以再'傑'身d，仲要食到最尾，食到舊好似百潔布咁嘅😖😖不過成五十幾蚊杯，食一次就夠喇!

早前全港掀起YOGURT狂熱, 人人都四出搵YOGURT代替雪糕。傳聞YOGURT又健康又可幫助腸道消化, 仲越食越瘦添!幾乎港九新界既YOGURT都試過, 其實都不外乎係將一D麥提莎, OREO,朱古力碎, 或者高級一D既會有生果混和放入各色味道既YOGURT裡面。不過有D奶味好重, 有D又太甜, 食完飯再去真係會好漏去SMILE係因為唔使自己揀, 有時唔識揀真係會令杯YOGURT過度偏向某一種味嫁!今日小妹獨享一杯MANGO FEVER, 為左慰勞自己辛勞工作頂層既芒果雪糕十分冰涼, 夏天食非常清爽, YOGURT清新幼滑, 帶點芒果微酸唔會太甜, 餅乾碎十分脆口, 口感極多, 其實夏天冇胃口時食一杯真係好過去食正餐, 不過比較適合女仔多D

三重感官誘惑又是一個悠閒的下午，我與母親的目光同樣被一間充滿藝術氣息的乳酪蛋糕店所吸引。乳酪雪糕一向都是口感很薄、毫無質感可言，但是此店的卻恰好相反，放進口裏會被它濃厚的乳酪所填滿，甜酸程度恰到好處，不會過酸，而且氣味香醇。再配搭上餅乾碎的鬆軟、巧克力百力支的爽脆和該店自製巧克力糯米糍的柔軟，嘴裏的觸感甚為豐富。我想這杯乳酪雪糕唯一的缺點就是份量少了一點吧

Smile Yogurt嘅Golden Smile ($68)可以話係一試難忘. 金箔strawberry後面係一塊甜甜嘅pineapple chip,下面仲有一層酸酸地嘅raspberry pudding,可以中和番之前嘅甜味，連埋下面嘅餅乾碎一齊食,口感的確唔錯. 不過其實見倒佢咁靚都唔係好捨得食!

Chocolate Lover & Christmas Smile 呢間野出名唔平，但係佢值得咁貴一杯。兩杯都好層次分明。Chocolate Lover有自家製既朱古力爆炸棒，絕對唔係普通百力支咁簡單。原味乳酪唔算太酸，d配料又無蓋左乳酪味，岩岩好。Brownies食到好香好濃朱古力味，仲有舊好似香蕉糕既朱古力冰皮卷。一啖乳酪連埋朱古力脆珠食口感一流。食到中間仲有自家製脆粒同埋Oreo，層層驚喜。 Christmas Smile除左樣靚仲好好食。原味乳酪配紅莓醬，金色既球體係藍莓黎架！仲有紅莓味既蛋白脆餅，食到中間有一層紅莓啫喱，再食落d又有一層自家製脆粒，杯底仲有紅莓味既蛋白脆餅。足料到不得了！Berries lover必試！同人share食就岩晒。

一向覺得 Smile Yogurt & Desert Bar的乳酪雪糕就像精緻的藝術品一樣，十分美麗，但卻很少吃到。不是吃過東西，吃得飽飽的，再容不下大大杯的乳酪，便是沒有經過它的分店，總之，實在很久沒有吃過了。近日的某一天，在海運大廈吃過晚餐，故意留下少許胃納的空間，特地在晚飯後來吃杯乳酪。在店中多款賣相漂亮吸引的乳酪中，揀選了 Golden Smile「黃金的微笑」（$68）做飯後甜品。這 Golden Smile包括菠蘿脆片、芒果粒、芒果汁、紅桑莓小紅莓布甸、自家製脆粒、檸檬雪芭和金箔士多啤梨，賣相美麗動人，吸引得很，特別是頂上那脆而薄的菠蘿脆片和那閃閃發亮的金箔士多啤梨，更是吸引。至於味道方面，這乳酪的配料既然有檸檬雪芭，味道當然會較酸啦！但原來最酸的，是殺人於無形的紅桑莓小紅莓布甸，味道真的十分酸，即使有芒果粒和芒果汁也無補於事，整杯乳酪即使初時正正常常的，一吃到中間的紅桑莓小紅莓布甸，便令人感到酸度突然提升，殺人一個措手不及，必須與其他配料混在一起吃，才可把酸味稍減。這杯「黃金的微笑」無疑仍是好吃的，賣相更是絕美，但略嫌過酸的味道，卻難免令自己稍為扣減它的分數，要是下次我這