Simplylife Bakery Cafe

營業中

休息中

今次同豬仔去到觀塘APM，專誠嚟食呢間餐廳！每次經過都會比麵包味吸引，新鮮出爐嘅麵包好好食，以佢哋嘅西餐係非常高質，價錢中規中矩，但係品質一定有保證！餐廳環境非常優雅，配上綠色植物，令人身心放鬆，好似去咗度假咁舒服🥰餐廳面積好大，基本上全場都坐滿，今次我哋早嚟，入去就有位啦❤️而家晚餐仲做緊優惠，最高達八五折，非常抵食😍✨阿根廷肉眼扒（300克）🐮嚟到一定要食牛扒🥩灸燒的網紋紋理好靚，牛扒肉味香濃，五成熟的牛扒肉質粉嫩，一咬入口肉汁四濺，配上胡椒汁/鹽，風味非常惹味，釋出牛扒的鮮味😍伴上香草焗番茄可令口感清爽🥰烤大啡菇非常鮮甜，水份十足，卡真薯條非常香脆入味😋✨忌廉松露意粉🍝忌廉松露醬非常香濃，條條面麵掛滿醬汁，闊條麵煙靭有口感，仲有有好多芝士同埋水份十足既蘑菇😍✨ 無花果乳酪雪芳蛋糕🍰賣相超靚，粉紅色的賣相充滿少女心，無花果蛋糕第一次食，味道好清新，甜甜地一啲都不膩，非常多乳酪忌廉，好Creamy，配上鬆化的雪芳蛋糕，口感一流❗️✨前菜餐包+沙律餐包用上檸檬橘子既味道，非常清新，麵包外脆內軟，配上牛油十分香口✨沙律份量好多，生果同蔬菜非常新鮮，配上黑醋，酸酸甜甜好開胃✨果茶味道好香濃，有

以前經常都會食嘅連鎖悠閒西餐廳，但係依家價錢貴咗，同埋每次嚟都必食嘅漢堡包竟然晚市餐牌冇🥲位置開揚坐得舒服，晚市有set dinner，包餐前麵包 + 主菜，餐牌多選擇// 餐前麵包 - 竟然係酸種麵包！厚切大件，上到檯仲係熱熱地，外脆內鬆軟，食出酸種味有水準// 餐湯/沙律 + 飲品 (自家製冰茶/汽水) (+$38)微微淡淡嘅茶味混合菠蘿汁清爽解膩❛ 煙三文魚羽衣甘藍凱撒沙律 smoked salmon kale caesar ($148)好大份🤣 有貴價啲嘅菜 - 例如羽衣甘藍、牛油果 | 菜同埋煙三文魚都新鮮❛ 慢煮羊膝 lamb shank ($238)限定菜式！羊膝超軟腍，配上極多蕃茄蓉同埋煮到軟腍嘅洋蔥絲，酸酸甜甜好滋味❛ 香煎鱸魚茴香龍蝦汁手製扁意粉 handmade linguine pan-fried seabass fillet ($148) 份量適中，龍蝦汁香濃，配車厘茄鮮甜開胃，鱸魚肉質嫩滑唔鞋，有水準！❛ 紐西蘭羊架 new zealand lamb rack ($258)有三件，肉質鮮嫩軟腍熟到啱啱好，羊羶味唔係特別突出—ʜᴋᴅ $160-300 𝗉𝗉

午市餐牌選擇多，白汁忌廉意粉 ，非常掛汁，保持水準。 另一推介，和牛漢堡包，漢堡扒非常juicy， 漢堡包嘅配菜， 恰到好處， 薯條即炸非常新鮮，加錢試埋佢嘅甜品， 非常滿足。

本人是素食者，同時不碰五辛，家人是葷食。兒子生日，想要找一家能提供素食的餐廳，以滿足大家各自所需。網絡上未能找到餐廳晚餐餐單，故致電餐廳查詢，職員願意將餐單Whatspp給本人，同時亦願意為我向廚房確應是否能走葱蒜，盡心為客人服務，很讚！感謝職員Ms Tam, 多謝您的貼心服務。是晚點了豬鞍架、羊架及野菌黑松露忌廉濶條麵，餐湯是忌廉南瓜湯、前菜是青蘋果沙律、餐飲是水果冰茶，均很有水準。家人都表示味道很讚，大家都很滿意👍🏻是晚用餐還有88折，下次還會再光臨。

環境係好靚但係有啲失望因為塊包係凍嘅可能下一次我要主動要求講話係要烘熱塊包講返個環境佢個天花板係玻璃咁啱我去嗰日就係落緊大雨所以抬頭望上天嘅時候都幾治癒就算出邊係落緊大雨喺觀塘呢啲咁繁忙嘅地區但我都可以坐住喺舒適嘅梳化上邊咁樣望住個天，其實真係十分之寫意美中不足就係啲食物質素的確係令人參差我見都幾多人嚟食下午茶特別係老人家可能鍾意呢一度比較寫意？希望佢食物有改善因為我都幾鍾意呢一間餐廳嘅環境其實下次再幫襯

唔知點解幾鍾意去simplylife 食嘢一個人唔知去邊度食嘅時候又好自然走咗入去Apm之間個人覺得幾好坐因為望上面有有個天窗有自然光射入嚟Tea揀咗呢款煙三文魚菠菜黑醋紅洋蔥烤農夫包伴青蘋果椰菜絲沙律一片包上面鋪滿了非常多紅洋蔥同三文魚好飽滿紅洋蔥醃得甜甜地配黑醋的酸來個對比好開胃青蘋果椰菜絲沙律好爽甜清新令我點了一杯少甜的焦糖鮮奶咖啡好解渴 唔錯唔錯@simplylife_official #hk #kwuntong #apm #simplylife #teatime #chuzzztastyjourney #gracechuma #iloveeatting #fattygirl #smokedsalmontoast #caramellatte #香港 #香港美食 #觀塘 #yummy #comfy

simplylife嘅午餐都幾平均。 首先餐廳環境非常舒適， 地點亦好方便， 服務雖然不算殷勤，但是員工態度比較正面。重點係食物嘅出品多元化，定期會更換餐牌， 加上出品穩定。 百零蚊一個午餐，值得推介。首先水果茶係採用當造水果，其次餐湯配合自家製的小麵包， 非常滿足。 若然餐湯唔啱心水，可以轉沙律，非常新鮮和精緻，絕對不馬虎。今日吃了的 egg benedict, 佢墊底個酸種麵包, 與眾不同, 建議夾埋蕃茄一齊食, 非常滿足。另外， 腸仔麻花意粉，茄汁非常惹味， 同意粉好夾。我定期都會來，吃其他不同的款式。

母親節可以叫brunch 如果想飲酒 包一杯紅/白其實唔錯既非常之唔推薦呢個忌廉意粉，啲汁真係完全係冇咁滯，不過同侍應反映佢就俾咗一兜嘅汁我，服務都唔錯，但整體嚟講呢個面真係唔好食。最推薦都係手打牛肉漢堡，基本上見到10台有五台都叫呢個，個正常tea time只係$68 🥹下次下午茶再來食。個pizza都正，覺得好食過pizza express 不過都係建議tea time來食抵好多。環境算一流 氣氛都唔錯 難得觀塘區來講decent既餐廳

室內英式庭園食Brunch早午餐無聊人 食brunch 去apm呢個場。 估唔到竟然幾休閒。 同個商場人來人往嘅感覺好有反差。一上菜就係餐湯同包，南瓜湯好好味😋，麵包硬身，食完如果有得再添就好啦。😋煙三文魚薄餅 係薄底㗎 上面仲有火箭菜添仲有洋蔥圈，生洋蔥圈有啲辣。蜆肉扁意粉 creamy,扁意粉好掛汁。焦糖香蕉法式多士.煙肉.楓糖忌廉， 焦糖香蕉法式多士複雜口感， 香蕉焦糖味香濃。 另外，煙肉鹹香 配上楓糖忌廉嘅香滑，一絕。🥰幸福感滿滿 Ordered brunch x 3 set -French toast with Caramelized Banana. Bacon.Maple Cream 焦糖香蕉法式多士.煙肉.楓糖忌廉-Salmon pizza 煙三文魚薄餅-Clam fettuccine 蜆肉 扁意粉

係apm行街，呢間唔使等位，仲坐得幾舒服。其實我最鍾意食呢個包，唔知可唔可以免費添食，不過同家人一齊食，我次次攞兩件。紐西蘭羊架，好淋，香羊味，有配菜，薯蓉都好滑，有3件都ok.🙂另外叫左番茄羅勒水牛芝士薄餅，每次都一定叫，好味，芝士襯蕃茄汁，正，掛住食，無影相。😅

唔係第一次黎呢間分店，但今次食物與服務質素都好差。3個人3個餐，得闊條麵質素叫做ok,漢堡好普通，無咩味，蕃茄羅勒水牛芝士薄餅差到無朋友，就係蕃茄放係粉團焗完，明明見到所有材料原型，賣相正常，同經理反映，問有無Tabasco,得到自家製辣椒油，真係只係只做好過無。坐低唔夠半個鐘，不斷問，係唔係唔要啦，然後收走食物容器，而我個人對手仲係上面未縮開15x個餐，唔知以為自己食緊快餐。俾佢不斷問，不斷係用餐中插隻手埋黎收走啲野，忍唔住問佢，其實你係唔係好趕時間。然後店員就咩都無講走開左

觀塘呢個地區有好多食肆競爭🙂特別係出色啲同出名啲既餐廳都係工廠區🤔所以我都比較少去商場既餐廳食🙃今次朋友唔想行咁遠😗就隨便揀左simplylife食夜晚😹先知佢平日消費滿一定金額會有節扣👻所以我哋都叫多左個小食😂揀左個燉羊膝仲有個煙肉芝士手工意粉🍝仲有個吞拿魚汁豬脊肉☺️主菜兩樣野都好滿意👍前者燉既時間好足😃啲肉一切就搞掂✅肉質唔會話柴同有啲肥肉😊個醬汁開胃🤤整體發揮得好☺️後者既意粉彈牙😋煙肉同芝士足料🥰絕對做到有性價比前菜個湯同麵包都正常發揮🙂至於個小食個人就覺得一般啲😆未去到好驚艷😝個人覺得😄平日夜晚想搵個地方靜靜地傾計食個飯☺️唔想試伏野🙂‍↔️呢間都真係可以間唔中黎🥰

今日諗住食個下午茶，雖然真係好抵食，亦都唔係好貴仲加咗個蛋糕🤗食物味道當然係物有所值好唔錯🩷但係真係可能餐廳太大定係啲員工響餐廳做得唔係太開心🤣🤣已經係自助式落單,但係我同老公🧔🏽‍♂️都仲未係好慣唔用飲筒，所以都有要求要飲筒🤗但係餐廳員工好似唔係好慣啲客人有要求態度都非常之Hea,去到埋單嘅時候過嚟嘅員工仲嘴藐藐🥺

喜歡這間分店，環境比較舒服，有自然光，佈置有啲似坐喺花園入面，最喜歡放假的時候下午過來吃午餐。新春幾日都係賣假日brunch餐牌。燒雞味道唔錯，而且好大份。底下仲遮住咗一半菜，有啲黃色同綠色嘅zucchini ，仲有兩舊焗薯。呢個餐雖然貴$20 ，不過性價比就高過其他。紅菜頭三文魚的Egg Benedict ，雖然作為一個假日早午餐很適合，但是樣子和味道都比較較行貨。煙三文魚用紅菜頭醃過，變咗紅色，但係味道就好一般，底下鬆餅都好Hea。伴碟比較簡單，呢一份餐收百幾蚊就真係唔值。另外仲叫咗炸魚薯條冇影相，炸魚都幾大份，有兩大條，不過炸粉好厚。杏仁牛角包，出面幾好食，入面嗰啲吉士餡heavy。咖啡唔錯，服務都幾好。

行到好攰，見到apm新開左間西餐，價錢ok，入左去試，冇諗過有驚喜喎，味道ok的，百零蚊，+$38有沙律/湯+嘢飲！🍴餐包 (7/10)勁大份🤣個包偏硬，牛油加左金橘幾清香！🍴是日餐湯 /沙律 配 本季限定冰茶/汽水 +$38 (7.5/10)沙律足料，有橙同蘋果，沙律菜爽口，酸酸哋幾開胃！個茶可以走甜，似水果伯爵茶，幾香的。🍴美國黑安格斯肉眼牛扒 $280g $288 (9/10)五成熟，肉味濃重牛香，肉質嫩滑，薯條香脆，蕃茄同大啡菇幾唔錯！好食，呢個價錢冇諗過咁高質！🍴慢煮牛豬肉碎手製闊條麵 $138 (8/10)足料大份，肉醬幾香多肉粒，蕃茄微酸，手製闊條麵有口感，唔錯！🍴 自家製蛋糕 + $36 (7.3/10)揀左拿破崙同佛手柑海棉蛋糕！拿破崙香脆，個cream幾滑，略厭未夠酥化，蛋糕正常個樣靚打卡一流，酸酸哋清新輕盈ok的。推薦指數: 8/10雖然係連鎖但意外好食，冇諗過，諗唔到食咩西餐，想性價比高啲可一試。