165
10
2
港鐵銅鑼灣站 D2 出口, 步行約1分鐘
繼續閱讀
電話號碼
34210472
營業時間
今日營業
12:00 - 15:00
18:00 - 23:00
有關獎賞計劃
食家推介
相關文章
一年沒有到泰國旅遊已經感覺很久沒有出旅，因為工作關係，沒有機會快閃也要懂得忙裡偷閒。這家樓上泰國菜館是一好選擇，尋找泰國之滋味，身處香港的我們，說起來也算是幸福。坐位寛敞，坐得舒舒。品嚐泰國美食，生蝦刺身絕不少得，新鮮富香甜肉質，配合紅椒，蒜片和特製醬汁，很醒胃。一排五款特色醬汁，左一二用於刺身，中間用在蔬菜沙律，加二用於炸蝦餅，不錯不錯，若醬汁能加一點傑身感就十份百啱哂小妹口味。熱騰騰的炸蝦餅是其中一款至愛，蝦味香濃，肉質彈牙。愛平衡健康飲食，點一道蔬菜吧，這個蒜香椰菜苗炒得很出色，一點也不油膩，既新鮮又好吃。飯桶的他喜歡蝦醬炒飯，伴著香爆肉腸片，肉鬆，腰果，辣椒粒，香口得不能言語。冰冷的青檸梳打，能消一消滯！很餐牌看見這個香芒糯米餅已被深深吸引，由於太飽關係，唯有留待下次再食！不知道這家餐廳是否得了很多獎，但肯定的是這裏的食物很好，很值得再來。
繼續閱讀
好少寫泰國菜既食評，因為總係覺得香港既泰菜無泰廚咁好味。今次呢間siam令我改觀左，無論食物外觀，味道都唔錯。 位於銅鑼灣嘅中心地帶，成棟商廈都係餐廳。平日晚六點幾嚟唔算多人，可以同朋友靜靜地享受一頓美食。 上菜之前就先上醬汁，分別有泰式生蝦醬，泰式辣醬， 泰式酸醋，甜酸醬同埋燒烤醬等等。每一道醬料都各有特色，而我就梗係最鍾意泰式生蝦醬啦 夠辣到刺激。 呢個泰式蠔餅有別於大排檔式蠔餅。蠔仔好新鮮，而蛋食落係好鬆化㗎，又唔膩又唔覺太熱氣。下面鋪咗好多大豆芽，點埋佢獨有醬汁就啱啱好喇。 原條嘅燒茄子肉碎蝦沙律，做得非常惹味。味道雖然唔算太辣，每一啖都增加咗刺激感。茄子整得好林， 配上彈牙鮮蝦同埋肉碎，夠曬嘢惹味好食。 一個唔辣嘅椰子雞湯，夠晒大鍋。椰子味好香，而雞肉 份量好多，飲到好飽。個人認為如果多啲配料例如蘑菇，同埋酸味多啲就更加好啦。 叫咗個青咖哩牛肉配薄餅， 呢度嘅青咖哩唔算太辣，對於我嚟講就啱啱好。牛肉炆到好林好林， 份量好充足。薄餅做得好鬆脆好香，呢碟菜都係百零蚊值回票價。 最後到不得不讚亦都不能得食嘅芒果煎糯米飯，估唔到煎完嘅糯米飯，個餅更加香軟，令人好想一口一口咁咬落去。芒果好甜亦都可以消滯， 果然係呢度嘅招牌菜。
繼續閱讀
喺銅鑼灣放工之後同朋友gathering。今次我地去食泰國菜。間餐廳喺sogo 隔離間幢大廈。地點方便！餐牌沙嗲(牛、豬或豬)先講個沙嗲醬,個醬食到有粗粒嘅花生：有椰子嘅清香。食落去甜甜地，串燒肉質鮮嫩,食嘅時侯，而且唔乾身,仲有好多汁。如果一路搽沙嗲醬落串燒度，食落去好惹味椰香椰香苗椰菜好翠綠，食落去好爽口。一碟菜差唔多兩人份量。芒果糯米飯平時嘅芒果糯米飯係糯米飯一碗：今次係一片片。每一片沾上蛋汁。食落去好煙靭，每片點左椰汁。有少少甜，食哂又唔覺得漏。芒果又夠甜，一份芒果切咗八件。帕能咖喱今次我們叫左豬肉，廚師擺咖喱豬喺中間：外面用西蘭花圍住。咖喱嘅顏色比時為深橙色。呢個咖喱係配烤餅。烤餅一份有四件，外層金黃色，食落去好軟熟。我就覺得放一舊豬肉（當然放少少咖哩汁）喺烤餅度，然後夾住食。咖喱有少少辣但有少少甜。豬肉就好淋又滑。餐具餐具提供叉同羹，隻碟就比較特別：就用餐廳logo 做左個密鋪平面。好有創意。服務態度我覺得服務態度幾好，因為侍應哥哥每當食完野之後就幫我地換碟：當我地張枱唔夠位嘅時候，就會將啲食物移一移位。方便擺其他食物。
繼續閱讀
我個人比較喜愛味濃的食物, 泰國菜一定是我心水之選, 多辣的款式外還味道濃烈！！而且一定要選擇同我一樣喜愛嚐辣的朋友一起分享美食, 可以試多幾款之外, 還可以一齊分享食辣所帶來的滿足感！！今日我同友人選擇了位於銅鑼灣的Siam 28, 佢位於28樓, 只講景色巳經嬴晒！！泰北牛腩湯~啖啖足料, 有多款入味雜菇同軟腍帶汁的牛腩, 味道酸辣交替增添一份清新的泰國風味, 飲完一碗接一碗！燒豬頸肉~啖啖滑肉, 肉質外脆內嫩, 有灂口, 味濃不膩, 微脆但香口, 醬汁酸辣醒胃！Siam 28 特色雞翼(香蒜香茅)~廚師很細心, 將雞翼一分為二, 變成單骨雞翼, 香脆可口, 兼带有微微辣香, 一試入魂！再配上自製醬汁, 相得益彰！紅咖哩燒鴨配薄餅~口感非常豐富, 燒鴨配咖哩很有新鮮感, 咖喱汁濃郁有辣勁, 無論口感及味道都無懈可擊, 配薄餅同吃真是絕配, 薄餅滲透咖喱汁, 還脆口美味！飲品方面是"荔枝果園"及"珍多冰"~"荔枝果園"甜美醉人, 真係有種置身果園的飄然感覺! "珍多冰"椰味香濃, 是食辣的最佳配搭！成晚都有種天上人間的美好感覺！！
繼續閱讀
呢幢大廈又係食店多, 今晚上到去28樓食泰菜由於時間尚早, 未有太多客入坐, 靠近窗邊位置坐, 感覺開揚舒服餐具印有餐廳LOGO圖案, 簡單又帶點型格餐牌圖文並茂, 菜式相片吸引, 食物種類選擇都唔少泰國菜口味通常都"好"辣, 侍應送上一系列特色醬汁, 全部都帶辣, 差別於辣度, 岩配各式食物, 例如串燒/炸物類/肉類(如豬手)等, 豐富食物嘅味道層次!呢客Siam 28特色鷄翼 (香蒜香茅/胡椒) ($79), 以特色香料醃製, 單骨更易入味及進食方便! 炸至金黃色, 面頭再灑上炸蒜粒, 香味四溢!咬落食到香茅味, 泰菜感覺返埋黎, 可點配特式醬汁一齊食, 增添味道之餘亦無咁乾身!忍唔住要叫杯青檸梳打 ($38)一齊食鷄翼, 份量唔少, 唔會半杯都係冰, 啜幾啖就飲完, 味道偏帶酸味, 有醒胃口功能....哈!友人唔係幾食得辣, 食黃咖喱就無有怕, 呢客黃咖喱鷄配薄餅 ($119), 除左有鷄肉外, 仲有三色甜椒, 粟米芯及洋蔥作配菜, 令咖哩汁除左有份椰汁咖啡味, 仲多一份蔬菜嘅甜味!鷄肉數量唔少, 去皮食得健康, 有鷄肉味, 唔錯!咖喱汁當然要用薄餅去點配, 口感煙韌, 四片份量都適中!輪到呢碟蒜香椰菜苗 ($89)上枱, 未食已聞到蒜香味, 加上調味適當, 味道唔錯! 唯椰菜口感偏硬, 煮腍少少會仲好D!最後上埋呢碟濕炒海鮮河粉 ($99), 獻汁已覆蓋整點河粉及配料, 真係好"濕'喎........哈哈!海鮮材料有蝦, 魷魚及蜆, 蝦肉都OK彈牙, 再有埋菜, 蘿蔔, 粟米芯及草菇做配料一齊炒, 材料幾豐富!河粉唔係一條條, 係似粉皮般疊起, 部份帶少少燶變得硬身, 份量比較少, 整體配合個獻汁係幾好味嘅! 想再好味D又唔怕辣嘅, 可以配埋佢嘅辣醬一齊食!埋單價錢算合埋, 侍應服務態度主動有禮, 每食完一道菜都主動換碟!同場加映, 係等升降機時發現佢嘅特色醬汁原來自家製, 仲有得賣, 價錢又唔貴, 友人買了一樽送比媽媽!
繼續閱讀
你可能會有興趣的...