SHY Xpress

一直係早餐長期熟客, 但坦白講, 有一半係支持果位親切又有記性既Auntie。但中午時通常果位Auntie都唔會係度, 轉左位串過乜咁既女士。佢哋間舖做中午優惠, 12:15前落單有9折, 我12點經Whatsapp落單, 見10分鐘佢都未覆, 直接打電話確認, 佢話收到。落到去都未有得拎, 等到12:35, 可以俾錢攞外賣, 發現張單冇9折, 佢話係計攞外賣果個時間喎, 如果唔係咪個個12:15前落單咁話。OK吖, 冇問題, 你係老闆你有最終決定權, 我都廢事同你拗, 你咁樣態度做生意我唯有祝你好生意啦。完…Read More

俾左好多次機會啦，之前都唔係咁，換咗收錢嗰個後，態度衰到爆，冇禮貌，欠左佢咁，語氣好似迫佢返工咁，落單又冇耐性，點做餐飲服務呀？老闆應正視一下，我會定期抽查🤓。…Read More

想享受審犯式嘅服務體驗, 一定要嚟"SHame Xpress" 試一試一般餐廳whats app落單去到講電話號碼拎餐係常識，原來呢間係唔啱用，講完電話號碼會個阿姐大大力問你“你嗌咗乜呀！” 喺佢嘅霸王色震懾之下我又講錯左餐蛋同腿蛋，然後就又被使出咗靈魂拷問喇俾錢時用八達通，當我拎住張八達通放喺部機附近，阿姐即刻用隻手掃開我，真係一手打落黎咁“掃”開，叫我唔好拍卡住 到佢自己㩒唔到部機啲數字又想話我一次，但當時我己經雙手離開晒櫃面，佢就只能夠細細聲自己講“hang機呀” 。。。服務態度一流，食物品質更加返唔到轉頭個餐肉咸到以為食緊咸牛肉，個蛋熟到似係六十路，真係食埋呢次就無下次。佢呢個早餐足以引到我寫呢篇警世食評，食佢廿幾蚊野唔係多，但正常禮貌同品質應該要有吧？btw, whats app落單原來唔係mark電話號碼，唔怪之得之前落親單都係黎到先即場整，即係你個外賣派左俾其他客都唔出奇…Read More

一句講哂啦：蛋牛治啲蛋老、咸牛肉無味，加埋杯咖啡要$38 完全唔值個袋外賣拎緊番office已經漏咗啲咖啡出黎，都算啦外賣經常有，少少唔驚啦，最多番上去快快手拎件治出黎唔好浸濕點知原來咖啡個杯蓋無撳實，一拎起個治郁到杯咖啡就成杯倒哂出黎，整到成條裙成件衫成張枱仲有成塊地氈都係咖啡😠😠😠 明白朝早多人買外賣忙，但唔係連個蓋都唔撳實呀？！本身見到其他食評話個治唔掂，以為係個別例子姐，試下可能唔係呢，原來真係要信人架，呢間無下次…Read More

見間野主打三文治咁，招牌哂咁，未試下囉。40幾蚊食份咁既野，真係哂錢哂心機。拿！有圖有真相，d蛋老到準備投胎，牛肉食兩三啖又有硬野(吐番出黎廢事影)，細份唔緊要，但又唔係特別好食，咁你就打多隻蛋做大份d啦。招牌意思係未伏咁解😂蛋牛治加杯野飲，就你門口都有間檔仔都係收廿蚊鬆d。40幾蚊依份野真係唔抵食。或者我唔識嗌野食。其實你間野係未主力蛋包飯？我見隔離位個蛋包飯都好靚仔，望落你都識煮蛋，但點解蛋牛治d蛋老成咁。🤔…Read More