SHIBAR

當日，我跟同事請 Farewell lunch for 即將移民英國而17歲識到而家跟我同英文名同姓嘅朋友！我們提議走到上環蘇杭街 <SHIBAR>！店內除了有打卡位之外，還有狗店長！好驚喜！我們3人第一次幫襯，狗店長波子實在好熱情，撲上我左小腿之後，仲要舔我右腳趾，果然特別嘅體驗呀！Haha! Menu不過，間 Cafe 要半個鐘先出齊3款嘢食及3杯飲品，怪不知無其他食客啦！雖然慢工出細貨，但係食物及飲品都係誠意之作！比較適合悠閒的週末幫襯！ 午餐：自家製忌廉湯糰 $98落單後，等上大約半小時才送上；份量比我預期少，問女店主講湯糰是加入薯仔及粉糰，問她要等幾耐？她回答湯糰已做好，等正常時間，口感煙韌軟糯，口味啱我胃口！約 2:00 食飽，4:00 就開始肚餓嘞！蟹肉牛油果扁意粉 $148似乎不太覺得有蟹肉，加上不香草，扁意粉幾入味，口感又帶煙韌討好！Hot Matcha Latte $40 跟午餐補 $11甘中帶甜，比我預期味道偏甘！Hot Mocha $40 跟午餐補 $11不論賣相抑或質感，應該是最好的一杯！質感香滑，味道甜美與甘味平衡！熱桃茶這杯不用補錢！…查看更多

🙋🏻‍♀️: 𝐇𝐨𝐰 𝐝𝐨 𝐰𝐞 𝐝𝐞𝐬𝐜𝐫𝐢𝐛𝐞 可愛的小狗 𝐢𝐧 𝐄𝐧𝐠𝐥𝐢𝐬𝐡?𝐌𝐫. 𝐒𝐡𝐢𝐛𝐚🐶: 𝐂𝐮𝐝𝐝𝐥𝐲 𝐩𝐨𝐨𝐜𝐡!🐶𝙃𝙖𝙫𝙚 𝙮𝙤𝙪 𝙚𝙫𝙚𝙧 𝙞𝙢𝙖𝙜𝙞𝙣𝙚𝙙 𝙬𝙚 𝙘𝙤𝙪𝙡𝙙 𝙩𝙖𝙠𝙚 𝙢𝙚𝙖𝙡𝙨 𝙬𝙞𝙩𝙝 𝙤𝙪𝙧 𝙛𝙪𝙧𝙧𝙮 𝙗𝙚𝙨𝙩𝙞𝙚𝙨?🐶𝙎𝙝𝙞𝙗𝙖𝙧, 𝙖 𝙣𝙚𝙬 𝙥𝙚𝙩-𝙛𝙧𝙞𝙚𝙣𝙙𝙡𝙮 𝙘𝙖𝙛é 𝙡𝙤𝙘𝙖𝙩𝙚𝙙 𝙖𝙩 𝙅𝙚𝙧𝙫𝙤𝙞𝙨 𝙎𝙩𝙧𝙚𝙚𝙩 𝙞𝙣 𝙎𝙝𝙚𝙪𝙣𝙜 𝙒𝙖𝙣, 𝙥𝙧𝙤𝙫𝙞𝙙𝙚𝙨 𝙖 𝙘𝙤𝙯𝙮 𝙚𝙣𝙫𝙞𝙧𝙤𝙣𝙢𝙚𝙣𝙩 𝙛𝙤𝙧 𝙮𝙤𝙪 𝙖𝙣𝙙 𝙮𝙤𝙪𝙧 𝙘𝙪𝙙𝙙𝙡𝙮 𝙥𝙤𝙤𝙘𝙝 𝙩𝙤 𝙘𝙝𝙞𝙡𝙡 𝙤𝙪𝙩 𝙖𝙢𝙞𝙙𝙨𝙩 𝙩𝙝𝙚 𝙝𝙪𝙨𝙩𝙡𝙚 𝙖𝙣𝙙 𝙗𝙪𝙨𝙩𝙡𝙚.🚦𝘿𝙤𝙣’𝙩 𝙝𝙚𝙨𝙞𝙩𝙖𝙩𝙚, 𝙡𝙚𝙩’𝙨 𝙩𝙖𝙠𝙚 𝙥𝙝𝙤𝙩𝙤𝙨 📸𝙬𝙞𝙩𝙝 𝙮𝙤𝙪𝙧 𝙗𝙚𝙨𝙩𝙞𝙚𝙨 𝙞𝙣 𝙩𝙝𝙞𝙨 𝙘𝙖𝙛é 𝙥𝙖𝙘𝙠𝙚𝙙 𝙬𝙞𝙩𝙝 𝙡𝙖𝙥𝙙𝙤𝙜𝙨!𝙊𝙣 𝙩𝙝𝙚 𝙢𝙚𝙣𝙪, 𝙮𝙤𝙪 𝙘𝙖𝙣 𝙛𝙞𝙣𝙙 𝙛𝙤𝙤𝙙 𝙛𝙧𝙤𝙢 𝙙𝙞𝙛𝙛𝙚𝙧𝙚𝙣𝙩 𝙘𝙪𝙨𝙞𝙣𝙚𝙨 𝙨𝙪𝙘𝙝 𝙖𝙨 𝙒𝙚𝙨𝙩𝙚𝙧𝙣 🇺🇸𝙖𝙣𝙙 𝙅𝙖𝙥𝙖𝙣𝙚𝙨𝙚🇯🇵. 𝙏𝙝𝙚𝙮 𝙖𝙡𝙨𝙤 𝙤𝙛𝙛𝙚𝙧 𝙙𝙤𝙜’𝙨 𝙩𝙧𝙚𝙖𝙩𝙨 𝙛𝙤𝙧 𝙮𝙤𝙪𝙧 𝙥𝙪𝙥𝙥𝙮. 𝙔𝙚𝙩, 𝙩𝙝𝙚𝙧𝙚 𝙞𝙨 𝙨𝙩𝙞𝙡𝙡 𝙧𝙤𝙤𝙢 𝙛𝙤𝙧 𝙞𝙢𝙥𝙧𝙤𝙫𝙚𝙢𝙚𝙣𝙩 𝙞𝙣 𝙛𝙤𝙤𝙙 𝙦𝙪𝙖𝙡𝙞𝙩𝙮.𝑺𝒊𝒈𝒏𝒂𝒕𝒖𝒓𝒆 𝑫𝒊𝒔𝒉✨𝗔𝗹𝗹 𝗗𝗮𝘆 𝗕𝗿𝗲𝗮𝗸𝗳𝗮𝘀𝘁 🥓🍳🍞🍅🥝全日早餐$𝟭𝟮𝟴 (🌟𝟲.𝟱/𝟭𝟬)(𝘴𝘮𝘰𝘬𝘦𝘥 𝘴𝘢𝘭𝘮𝘰𝘯, 𝘴𝘢𝘶𝘴𝘢𝘨𝘦, 𝘨𝘳𝘪𝘭𝘭𝘦𝘥 𝘣𝘢𝘤𝘰𝘯, 𝘣𝘢𝘬𝘦𝘥 𝘣𝘦𝘢𝘯𝘴, 𝘴𝘤𝘳𝘢𝘮𝘣𝘭𝘦𝘥 𝘦𝘨𝘨𝘴, 𝘨𝘳𝘪𝘭𝘭𝘦𝘥 𝘵𝘰𝘮𝘢𝘵𝘰, 𝘩𝘢𝘴𝘩 𝘣𝘳𝘰𝘸𝘯, 𝘣𝘢𝘬𝘦𝘥 𝘱𝘰𝘳𝘵𝘰𝘣𝘦𝘭𝘭𝘰, 𝘵𝘰𝘢𝘴𝘵)𝗠𝗼𝘀𝘁 𝗮𝗿𝗲 𝗮𝗯𝗼𝘃𝗲 𝗮𝘃𝗲𝗿𝗮𝗴𝗲. 𝗛𝗮𝘀𝗵 𝗯𝗿𝗼𝘄𝗻 🥔 𝗶𝘀 𝗰𝗿𝗶𝘀𝗽𝘆, 𝗯𝗮𝗸𝗲𝗱 𝗽𝗼𝗿𝘁𝗼𝗯𝗲𝗹𝗹𝗼 𝗶𝘀 𝘀𝘂𝗽𝗲𝗿 𝗷𝘂𝗶𝗰𝘆 𝗮𝗻𝗱 𝘁𝗼𝗽𝗽𝗲𝗱 𝘄𝗶𝘁𝗵 𝗺𝗲𝗹𝘁𝘆 𝗰𝗵𝗲𝗲𝘀𝗲. 🤩𝗬𝗲𝘁, 𝘁𝗵𝗲 𝘀𝗮𝘂𝘀𝗮𝗴𝗲 𝗶𝘀 𝗰𝗼𝗹𝗱 𝗮𝗻𝗱 𝘂𝗻𝗱𝗲𝗿𝗰𝗼𝗼𝗸𝗲𝗱. 😕𝗖𝗵𝗶𝗰𝗸𝗲𝗻 𝗡𝘂𝗴𝗴𝗲𝘁𝘀 🐣麥樂雞$𝟰𝟴 (🌟𝟲.𝟱/𝟭𝟬)𝗖𝗿𝗶𝘀𝗽𝘆, 𝗴𝗼𝗹𝗱𝗲𝗻 𝗯𝗿𝗼𝘄𝗻 𝗶𝗻 𝗰𝗼𝗹𝗼𝘂𝗿. 𝗧𝗮𝘀𝘁𝗲 𝘀𝗶𝗺𝗶𝗹𝗮𝗿 𝘁𝗼 𝗠𝗰𝗡𝘂𝗴𝗴𝗲𝘁𝘀.…查看更多

本身以為呢類型寵物cafe 食物質素應該幾參差，但呢間嘅野食好好食👍😋😋🍔burger 熱辣辣同好夠味😆個包啲醬落得啱啱好食落去唔會太濕，漢堡扒都好juicy完全唔鞋口。🍟但薯條就不過不失，係幼身嘅快餐店薯條，唔係淋曬但亦唔脆口。狗仔好得意好精靈🐶唔怕生保好痴人😆…查看更多

本身吾熟中上環，咁啱黎開呢頭，路過見到呢間餐廳好colorful, 環境吾錯，價錢又ok, 想試下，但見好似full 左，正想調頭走時，靚女侍應即時出黎話有樓上，仲專登開左樓上俾我地包場，超正，樓上好闊落，好舒服。仲有隻身得意既狗狗跟埋上黎同我地玩，勁得意，好可愛🤗🤗我地三個人，就叫左三個lunch set share 食，黑松露野菌risotto, 牛油果蝦沙律，炸蟹蝦漢堡薯條，本身set 包飲品，見到有好多出邊少見既咖啡，加返差價10元，就試左三杯吾同款既，Purple latte, Cement latte 同 Hojicha latte, 黎到三杯都好靚，款款都吾同顏色，又完全吾同味道，仲要每杯都吾同拉花，好有heart吾係得個樣吾同，hojicha 就真係好香茶味，亦飲到咖啡味，cement就好濃咖啡，purple 就無咖啡成份，紫薯味香濃，飲到底仲有紫薯蓉，好香甜👍本來以為份量會好似一般西餐咁細細份，黎到竟然好大份😅。最鐘意個risotto 好好食，好香黑松露味，同埋超多菇菇，正👍另外個蝦堡，舊炸蝦餅3,4 cm 厚，真係成舊都係蝦，好似除左表面既炸分，中間一d 粉都無，除左蝦都係蝦咁，仲要堅係有蝦味，個包表面脆脆地入邊就好鬆軟，相對薯條雖然個味ok，但我個人比較鐘意食粗薯條😅個沙律牛油果同d菜好新鮮，爽脆，條條都翠綠，吾會有黃，個柚子汁幾fresh埋單走左計計下至發覺好似吾洗加一😅😅，吾知係未有折呢🤣，轉晒靚咖啡，每人除番都係around 100, 呢個質素黎講，好抵👍真心覺得間餐廳小店好有誠意，每樣食物都好滿意👍👍 唯一係可能人多，上食物時等左陣，但都可以接受既，最緊要好食🤣🤣好食等一陣都ok，反正可以同狗狗玩又可以影相打卡😅 臨走見人食虎蝦意粉，隻蝦好鬼大食，好似好吸引，下次要試下先🤣…查看更多

本身上網見到人講起柴犬主題嘅cafe,見佢新開就諗住試吓入到去地方唔大，但坐得都ok午餐時段嗌一個主菜就會送杯嘢飲($30內)，都幾抵呀，上環地段卡邦尼意粉食落去唔錯，大家都食得幾開心都期待之後嘅嘢食點知……佢哋嘅炸嘢我覺得用咗千年油，同埋炸過龍個炸魚有一舊一切開係冇肉嘅…即時同負責人反映，佢話係用黑啤做炸粉，咁所以就咁黑之後再補返一舊俾我，個色爭好遠喎！我再去佢哋個社交平台睇，淺色好多有叫到麥樂雞，都係比較深色但食落去正常有個吉列牛三文治我冇影到，個牛肉熟到咬唔開😓即刻冇晒心情走，唔會想再食😓😓😓…查看更多

極多打卡位🥗必食足料大份All Day Breakfast！-呢到唔係柴犬Cafe，係有柴犬做店長嘅Cafe。服務黎講，兩隻店長掛住玩，服務唔夠周到，不過勝在夠Cute，田中都可以勉強比9.5分。同時小店係Pet-friendly，帶埋狗朋友黎，柴犬店長可能服務會好啲。-🥗All Day Breakfast ($128)1️⃣相當足料大份嘅全日早餐，有齊芝士烤大菇、煙三文魚、烤煙肉、脆皮腸、烤蕃茄、蜜糖多士、薯餅、炒蛋、茄汁豆，夠哂滿足。2️⃣其中芝士烤大菇鋪滿芝士，厚肉多汁，而烤煙肉、脆皮腸、煙三文魚亦邪惡十足，大份啖啖肉。🦀忌廉蟹肉帶子意粉 ($168)每啖意粉都被忌廉同蟹肉包住，足料而鮮味十足，帶子大大粒，相當鮮甜。🌶水牛雞翼 ($88)足足六大隻雞翼，炸得香脆之餘，淋上極香辣嘅醬汁，惹味而肉汁豐富，必試。而店內亦有上層，環境闊落之餘，三四百蚊就有一壺Shisha，亦冇計人頭嘅最低消費，相當抵玩。👍🏻8/10…查看更多

星期六中午時段經過，發現有間新開cafe，剛剛開張便入去坐下， 原來是一家柴犬主題cafe。 Cafe有兩層， 地方都算寬敞，樓上可以用作教學烹飪場地， 亦可以作為派對場地， 並有提供專為愛犬的食物、蛋糕、 雞肉。 樓下悠閒的佈置及裝飾， 可以同心愛的狗狗拍照， 假日首選的休閒勝地， 主子們的新聚腳地。 推介 蝶豆花咖啡; 漢堡包薯條，時日甜點。…查看更多

果日係上環行行下街，咁啱俾一間餐廳入面個螢光招牌吸引住，因為個招牌show咗兩隻可愛嘅狗狗，問個老闆娘先知原來係間pet friendly cafe，入面仲有隻好得意嘅柴犬😍🐶，間cafe有兩層，兩層完全唔同風格，下層就比較少女風，上層就比較夜空feel，做打卡最好不過🤩🤩果日我點咗份三文魚扒，份三文魚扒煮到好嫩，完全唔un，啲汁配得好match, 以薯蓉做配菜，薯蓉亦都出奇地好食，而且成個lunch set黎講都算大份，價錢合理。食完之後仲同隻柴柴玩咗一陣先走，隻柴柴好nice，玩得很開心， 啲野真係出奇地唔錯，但啲野食真係等得少少耐，可能因為嗰日多客，不過我會再黎，可能早少少去😂…查看更多

無意中係蘇杭街見到這間餐廳，被門內的白色吊椅吸引入內，見環境清幽雅緻，還有一隻可愛小狗正在午睡。一坐下職員便送上清水及餐牌，並提示因在試業階段，會有八折及歡迎提供意見，扺讚。見餐牌上有我至愛嘅虎蝦意粉，當然不會錯過啦。果然没有令我失望，意粉煙靭彈牙，虎蝦鲜甜爽口，正!最後餐飲點了mocha咖啡，為這餐劃上完美句號。下次要帶埋LuLu🦮嚟…查看更多

好耐冇去上環搵食, 因為已經不是上環人好耐了.  但小朋友實在太喜歡毛孩, 知道有間新Dog-friendly Cafe在蘇杭街開左,一於重遊舊地, 果然冇令人失望.....一般呢種餐廳志不在食, 但出奇地這裡的出品真係好有驚喜... 先來一個荔枝玫瑰蛋糕+ Earl Grey Rose Tea...香又fresh!  之後的Mushroom Risotto 同南瓜湯真係好幼滑, 食得出本身食材新鮮, 不用調味都好好味. Rib-eye Steak 及 Grilled tiger prawn spaghetti, 個 sauce 有香草味.  好特別.. Carbonara 上面是一集日本溫泉蛋, creamy得來蛋味十足 ! 當然, 最開心見到的一定係店長Porsche 波子--- 11個月大的黑色柴犬, 非常好客活潑, 顏值又高, 小朋友同佢玩到唔想返屋企..  上層有個大地方以星河主題佈置, 好夢幻好吸晴 ! ! 原來重有個PET MENU, 可以同朋友帶埋自己D 毛孩 chill下, 正!    總結 : 新餐廳 有概念!  有冇毛孩都要試下.  打卡位同食物同樣出色!   …查看更多

今天约朋友到上環午飯，行到一間餐廳，見到餐廳內面設計覺得好特別，有個很大的搖籃座位給客人打卡，我就同朋友入去食個午餐，朋友就叫左份全日早餐，我就order左我最喜歡既班尼蛋，蛋切開後流心蛋黄及脆脆飽一起放入口裡，外脆內軟，好味呀！朋友個全日早餐，個薯餅非常之香口，磨菇淋上忌簾芝士汁，好味道啊！另外我地叫左兩杯果茶都非常之清新！打卡時發現店內有隻柴犬，老板餐廳話柴犬是店長，真係好攪笑，寵物餐廳是要狗狗招來生意的，打卡時我地都同柴犬店長影左幅相，真係好有趣。餐廳環境設計優美，食物出品都好好味，整體上可以encore啦！…查看更多