210
17
2
港鐵銅鑼灣站 F1 出口, 步行約6分鐘 繼續閱讀
所有分店 (4)
電話號碼
25291223
開飯介紹
由北海道老闆開設的冰店,由多款刨冰選擇,不時更會推出期間限定口味。這裡的刨冰份量大,中間會配有不同的醬料或配料。 繼續閱讀
附加資料
No reservation is needed
營業時間
今日營業
13:00 - 22:00
星期一至日
13:00 - 22:00
付款方式
現金
座位數目
20
其他資料
Wi-Fi
酒精飲品
自帶酒水
外賣服務
加一服務費
以上資料只供參考, 請與餐廳確認詳情
食評 (284)
終於回復高水準喇,香甜0冰感日式刨冰,世一刨冰🍧!・・・・・・・・・・・・・・・・・・・・🍫 榛子朱古力奶茶味 HK$120・味道:三個味都好balance,一入口先食到榛子嘅甜而不膩,然後朱古力嘅可可純香滲出嚟,最後收埋係日式奶茶嘅濃甘茶味,三者難得地夾👍🏻。最欣賞係榛子同朱古力呢啲好霸道嘅食材,好易搶晒fo,但喺呢個冰三者好平衡。・口感:奶蓋夠cream同時幾輕身,果仁碎仲有咬口,餅乾碎好香牛油味,配埋打到0冰粒嘅冰,入口即融,掂!🥭 芒果椰子味 HK$110・味道:唔係呂宋芒嚟㗎喇,但呢款芒果汁都好香甜唔會好假。入面嘅椰子味好香濃,好夠椰奶香,係椰子味冰嘅份量有啲少,最外層嘅芒果冰同最入嘅椰子冰中間有層冇味嘅冰,係有啲唔知點解?但整體都好食嘅。・口感:同皮0冰粒冰底,不過呢款唔太襯餅碎。印象中以前有奶凍餡,呢款襯奶凍餡一定更好食!・・・・・・・・・・・・・・・・・・・・🤰性價比:高~🤰9衝度:9衝~🤰結論:對上次食已經係年頭嘅事,嗰陣仲因為shari shari掉咗落我嘅盲粉級大推甜品神壇而傷心🥲,今次食佢終於上返神壇回復水準,好滾動🥹!・・・・・・・・・・・・・・・・・・・・ 繼續閱讀
(以上食評乃用戶個人意見 , 並不代表OpenRice之觀點。)
又嚟到世一日式刨冰店食冰🍧食極都唔厭,食幾多次都咁滿足開心,真係無誇張🥹平日7點幾嚟食,唔洗等位,爽上加爽~~✴️Strawberry Special✴️其實我覺得Strawberry special應該叫Strawberry yogurt 先啱,因為淋醬帶有士多啤梨乳酪嘅酸味,奶香味較重較厚🥛中間係奶凍,不過奶味反而較淡,質感好軟身,如果稍作凝固多少少🤏🏻🤏🏻口感上會更明顯~整體嚟講,依個口味都係好好食的,不過唔算係Top3🙈🙈 繼續閱讀
(以上食評乃用戶個人意見 , 並不代表OpenRice之觀點。)
等級2 2024-03-28
53 瀏覽
長期排長龍嘅人氣日式刨冰店Shari Shari新出期間限定嘅櫻花抹茶味🌸🍵忍唔住要去試一試佢🤪🍧櫻花抹茶味刨冰 $120🍡白玉(三粒)+$10造型十分之少女心💖頂頂有粒士多啤梨,旁邊圍住士多啤梨味嘅cream🍓粉粉綠綠嘅刨冰就係主角櫻花抹茶,入面仲有黃豆粉增加口感同埋味道😝食落抹茶味比較出,櫻花味稍為有啲失色🥲個人幾鍾意士多啤梨味嘅cream,口感fluffy之餘同刨冰嘅味道好夾🫶🏻 繼續閱讀
(以上食評乃用戶個人意見 , 並不代表OpenRice之觀點。)
銅鑼灣Shari Shari位置唔算好就腳,經過開附近嘅朋友可以行多兩步搏walkin唔使等太耐,不過過咗dinner period要準備等下啦,仲冇得預約,必然硬掘要等吓。刨冰選擇好多,花多眼亂,每款都做得好有心思。食咗咁多年我都係從一而終,宇治金時味唔使考慮咁多,直頭係抹茶愛好者必試。清新解渴,甜得嚟有鼓後勁甘甘哋,十分盞鬼。食到半路竟然仲有紅豆涵藏喺中間,白玉有𡁻頭煙韌,成個體驗滿分。揀揸車去嘅朋友有福,泊車異常方便,但要留意舖頭座位唔多,rush hour企到你腳都軟,有幾張櫈仔叫做畀你坐下,但坐唔坐到就睇你好唔好彩。溫馨提示齊人入座。總括,Shari Shari價錢合理,刨冰出色,環境勉強接受,有時間多值得排隊試吓。 繼續閱讀
(以上食評乃用戶個人意見 , 並不代表OpenRice之觀點。)
呢間刨冰真係好食到港九都有分店,多依然人氣不減,每日都排長龍,基本上每個月都一定要食,見到佢又出咗新嘅口味,就叫做檸檬芝士冰,一定要試一試一!🍴檸檬芝士味 $110 (7.5/10)沙冰用咗檸檬作底,食落去酸酸甜甜,好有檸檬嘅味道,沙冰都好細滑,芝士就係上層嘅奶蓋,食落去甜奶味比較出,唔係好覺有芝士味,不過加咗熱情果醬,更加Flesh!推薦指數 :7.5/10芝士控表示唔太滿足,不過細甜甜係幾開胃嘅,鍾意酸嘅朋友真係可以一試! 繼續閱讀
(以上食評乃用戶個人意見 , 並不代表OpenRice之觀點。)