218
19
3
開飯介紹
由北海道老闆開設的冰店,由多款刨冰選擇,不時更會推出期間限定口味。這裡的刨冰份量大,中間會配有不同的醬料或配料。
繼續閱讀
附加資料
No reservation is needed
營業時間
今日營業
13:00 - 22:30
星期一至日
13:00 - 22:30
*Last order 22:00
以上資料只供參考, 請與餐廳確認詳情
相關文章
一到夏天一定要黎食呢間嘅冰!每次黎都大排長龍,就知道呢一間嘢幾好食😋每次嚟都必點伯爵奶茶味,香得來唔會太膩,個冰都好大個真係要幾個人一齊食先食得晒。佢間唔時仲會出啲新品,咁今次我哋三個人食唔到2個,下次一定會嚟試吓新味!
繼續閱讀
好耐之前嚟過一次叫咗個士多啤梨味刨冰會加煉奶超級好食今晚只叫了一個刨冰已經足夠兩個人食《Earl Grey 奶茶味刨冰》夏天必備啲冰超級綿一如既往嘅好食味道有淡淡的茶味同刨冰都好夾好有層次入邊有花生碎同麻糬值得推薦編好淡口味的人唔會好似士多啤梨嗰個咁膩
繼續閱讀
好耐冇嚟銅鑼灣的Shari Shari。我今次坐喺長枱最右邊貼牆位置,背後已經係另一枱食客,感覺少許壓迫(當時係平日下午3點滿座),但都理解店舖不大,冇太放上心。比錢嗰陣(Shari Shari係先比錢),因為位男店員放低張單喺枱面已經好吃力,我轉身伸手將錢連積分卡遞比佢,然後等等下突然枱面有野飛過嚟,望真一眼係自己張積分卡。佢一野丟咗張卡過嚟。.雖然我明白你地店舖細,但真係要做到向客人丟野嗎?就算係一般人,丟野比人真係一d尊重同禮貌都冇,更何況你做生意?如果你地店員自己根本唔夠位行去每一張枱,就唔好放到d枱櫈咁密,你地根本冇地方擺咁多張。丟野過嚟呢一下真係令我好嬲好失望,真係一秒冇哂食慾,一陣我叫嗰份刨冰係咪都會丟過嚟?丟積分卡嗰位哥仔,我希望你注意一下自己嘅態度,由頭到尾我淨係感受到你嘅不耐煩,我係嚟食野定受你氣?借此都表揚一下帶位姐姐笑住接客感覺友善希望可以keep住。.如果唔介意服務質素參齊同座位窄少少同等位要街外污煙漳氣咁等的話,可以一試。食物無罪,真心激推茶系刨冰。.第一間食的Shari Shari就係銅鑼灣呢間。由未搬嚟而加呢間舖之前就已經不時去食,見住而加好多人都嚟食又不斷開分店真係好開心。但今次真係太失望,以後冇乜特別都唔會再嚟銅鑼灣Shari Shari。.最後送上今次叫嘅焙茶抹茶刨冰($140),唔係丟過嚟實在太好了。外面是焙茶,頂係抹茶cream,內裏係抹茶同餅碎(配料原本仲有白玉但我走咗)。茶味真係好濃但唔苦澀,不過整體抹茶味比較重,食落第一秒焙茶,然後就是抹茶。呢款食一次夠。加上今次嘅待遇,覺得唔值。.p.s. 希望可以將焙茶黃豆粉轉做常駐menu(每間舖都係)🙏
繼續閱讀
舖頭都幾多位,雖然窄,但設計得幾好,舖頭細細,物盡其用,而且店員醒目、安排快速:排隊時已經要落好單,入座即刻畀錢,要多兩隻羹即刻有,服務唔錯。黄豆粉嶡餅 49hkd味道同口感都唔錯,可以畀3.5/5分。柚子芝士蛋糕 45hkd 2.5/5原本怕會太酸,好在柚子味只係輕輕帶過,芝士蛋糕質感還可以,可惜魚膠粉落太多,食到最尾都係膠。到咗最重要嘅刨冰,日式豆腐黄豆粉味(配抹茶泡沫) 1/5 120hkd抹茶泡沫幾好味,甜而不膩,又唔苦,可惜刨冰味道極淡,中間直頭冇味,入面有啲餅碎同冇味嘅白玉,食到最底最重豆腐味。黑白天使味 1/5 100hkd除咗面頭嗰啲似美式奶昔嘅cream之外,奶味都好淡,主要係靠中間上半層嘅oreo餅碎吊味⋯⋯總數315hkd,每款都得一人份量,貴過其他冰店又冇佢地咁好味,而且內裏嘅餡料極少,大熱天時咁多人排隊以為好好味,點知中伏,唔會再黎,去食雪糕好過!
繼續閱讀
日本綿綿冰甜品佢每日都唔同嘅特選口味因為我之前就試咗佢嘅士多啤梨味口味啦咁我都覺得係味道係清新所以今日試吓另一種唔同嘅味道今日試咗佢嘅焙茶味 茶味濃郁,中間有一啲威化餅碎增加口感日本嘅冰入口即溶夏天食完消暑過癮
繼續閱讀
您可能會有興趣的...